ҶАВОНОН ОЯАНДАИ МИЛЛАТАНД.

Дар остонаи таҷлили ҷашни бошукӯҳи миллӣ 30-умин солгарди Истиқлолияти давлатии Ҷумҳурии Тоҷикистон Раиси Вилояти Мухтори Кӯҳистони Бадахшон Ёдгор Файзов ва муовини аввали раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон муҳтарам Назарзода Ризо дар маросими ҷоизасупории ба хатмкунандагони муассисаҳои таълимии ҳудуди Вилояти Мухтори Кӯҳистони Бадахшон ба ғолибони олимпидаҳои ҷумҳуриявӣ ва омузгорони онҳо ширкат варзида ба шогирдони баномусу заҳматкаш ва омузгорони онҳо ҷоизаҳо, медалҳо ва тӯҳфаҳои хотиравиро тақдим намуданд. Ҳамзамон дар чорабини ба 26 нафар хонандагони беҳтарини муассисаҳои таълимии шаҳру ноҳияҳои Вилояти Мухтори Кӯҳистони Бадахшон стипендияи навбатии Президенти Ҷумҳурии Тоҷикистон супорида шуд. Бо дастуру ҳидоятҳои маорифпарваронаи Пешвои миллат Президенти Ҷумҳурии Тоҷикистон мӯҳтарам Эмомалӣ Раҳмон барои хонандагони муассисаҳои таълимии худуди вилоят имокниятҳои васеъ барои донишандузӣ ва аз худ намудани касбу ҳунар фароҳам оварда шудааст. Ин аст, ки дар намоишгоҳ намудаҳои беҳтарини ҳунарҳои мардумӣ, ки бо дастони ҳунарофари насли ҷавон эҷод шудааст ба марази тамошо гузошта шуд. Раиси ВМКБ Ёдгор Файзов аҳли маорифи ВМКБ ба шогирдони баномусу заҳматкаш ва омузгорони онҳо барои ба даст ваордани ғолибият дар олимпиадаи сатҳи ҷумҳуриявӣ ва ҳамзамон рушди бемайлони соҳаи маориф арзи сипос намуда қайд намуд ,ки Роҳбарияти олии мамлакат ба омузиш ва соҳибкасб намудани ҷавонон таваҷҷуҳи махсус дода рӯ овардан ба маорифро аз ҳар як шахс тақозо менамояд. Маҳз робитаи мустақими омузгор, волидон ва муассисаи таълимист, ки аҳли маорифи вилоят дар якҷоягии ин се ниҳод ба комёбиҳои назаррас ноил гардиданд. Дохил шудани 6 нафар хатмкунандаи муассисаҳои таълимии ҳудуди вилоят ба донишгоҳҳои сатҳи байналмиллаи гувоҳи равшани фаъолияти пурсамари омузгорон ва волидони онҳо маънидод гардид. Раиси ВМКБ ин дастоварди аҳли маорифи ВМКБ-ро туҳфаи арзанда барои ҷашни мубораки миллӣ 30-умин солгарди Истиқлолияти давлатии Ҷумҳурии Тоҷикистон унвон намуд


Суханронии муовини Раиси Маҷлиси миллии Маҷлиси Олии Ҷумҳурии Тоҷикистон, Раиси Вилояти Мухтори Кӯҳистони Бадахшон Ёдгор Файзов дар назди хизматчиёни ҳарбӣ ва захираҳои сафарбарии Гарнизони Хоруғ, 22 июли соли 2021, шаҳри Хоруғ

Мӯҳтарам генералҳо, афсарон, прапоршикҳо, сержантҳо, сарбозони қаторӣ ва кулли аъзоёни захираҳои сафарбарӣ!Ватани маҳбуби мо- Тоҷикистон соли ҷорӣ 30-юмин солгарди Истиқлолияти давлатии худро таҷлил менамояд. Бояд тазаккур дод, ки ин неъмати Худодод ҳарчанд бар асари аз байн рафтани собиқ Иттиҳоди Шӯравӣ ба миллати мо расида бошад ҳам, аммо ҳифзи он аз рӯзҳои нахустин барои тоҷикистониён хеле гарон афтод. Аз рӯзҳои аввали соҳибистиқлолӣ қувваҳои муғризи дохилӣ, бо таҳрику пуштибонии хоҷагони хориҷӣ, манфиатҳои шахсию гурӯҳии худро аз манфиатҳои миллию давлатӣ боло гузошта, ҷомеаро ба ҷанги таҳмилии шаҳрвандӣ кашонданд. Аз ин вазъият гурӯҳҳои ҷинояткори фаромиллӣ ва ифротӣ истифода бурда, ба қочоқи маводи мухаддир, силоҳ ва одамрабоию кирдорҳои дигари номатлуб даст заданд. Ҳастии давлату ягонагии миллати тоҷик таҳти суол қарор гирифт.Хушбахтона, дар заминаи хиради аҷдодӣ, ки таърихи миллат чандин бор шоҳид гаштааст, фарзонафарзандон парчами номуси миллатро барафрошта, бо баргузор намудани Иҷлосияи таърихии 16-уми Шӯрои Олии Ҷумҳурии Тоҷикистон ва интихоби Роҳбарияти олии кишвар бо Сарварии Пешвои муаззами миллат Ҷаноби Олӣ Эмомали Раҳмон садди роҳи адами давлату парокандагии миллати тоҷик гаштанд. Дар радифи ташкил ва эҳёи дигар рукнҳои давлатдорӣ таъсису таҳкими Қувваҳои Мусаллаҳ ва ниҳодҳои ҳифзи ҳуқуқ яке аз ҳадафҳои ҳукумати конститутсионӣ ба шумор мерафт. Бояд хотирнишон сохт, ки яке аз омилҳои сар задани ҷанги шаҳовандӣ ва беқонуниятӣ маҳз мавҷуд набудани ниҳодҳои қудратӣ дар кишвари соҳибистиқлол буд, зеро Тоҷикистон ҷамчун меросбари собиқ Иттиҳоди Шӯравӣ ягон лавозимоти ҳарбиро аз ин давлати абарқудрат ба мерос нагирифт. Инчунин, ёдовар бояд шуд, ки дар он давра андешаҳое низ садо медоданд, ки ба Тоҷикистон қувваҳои мусаллаҳ лозим нестанд, дар сурати зарурат шарикони стратегӣ ба кӯмак хоҳанд омад. Аммо бо ташаббус ва саҳми боризи сиёсатмадори оқилу дурандеш, роҳбари ҷавони давлат Ҷаноби Олӣ Эмомалӣ Раҳмон аллакай дар соли 1993 ҷузъу томҳои нахустини Қувваҳои Мусаллаҳи Тоҷикистон таъсис ёфта, барои барқарор намудани сохти конститутсионӣ дар кишвар ва истиқрори сулҳу ваҳдати миллӣ нақши муассир гузоштанд.Президенти мамлакат мӯҳтарам Эмомалӣ Раҳмон дар яке аз суханрониҳояшон ҳадафи таъсиси ин ниҳоди муҳими давлатиро чунин арзёбӣ намуданд: “Қувваҳои Мусаллаҳи Ҷумҳурии Тоҷикистон зодаи даврони истиқлолияти давлатӣ ва яке аз дастовардҳои муҳими он ба ҳисоб рафта, аз рӯзҳои аввали таъсисёбӣ дар назди онҳо вазифаҳои муқаддасу пуршараф – ҳимояи соҳибихтиёрӣ, таъмини сулҳу субот, ҳифзи амнияти давлат ва ҷомеа гузошта шуданд.”Маврид ба зикр аст, ки яке аз омилҳои субботи имрӯзаи иҷтимоӣ маҳз диловарию садоқати хизматчиёни ҳарбӣ буд, ки ҳазорҳо нафари онҳо бо қиммати ҷон онро барои мо муҳайё сохтанд. Мардуми шарифи Тоҷикистон ҳеҷ вақт ҷоннисориҳои фарзандони далеру шуҷоъи хешро фаромӯш нахоҳад кард. Мо имрӯз шукрона аз он мекунем, ки Ватани маҳбуби мо тинҷу ором буда, мардуми шарифи Тоҷикистон таҳти роҳбарии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар фазои ваҳдати комили миллӣ, ҳамдигарфаҳмӣ ва суботи иҷтимоӣ ба корҳои созандагию бунёдкорӣ машғул мебошад. Дар сартосари кишвар омодагиҳои ҳаматарафа ба таҷлили бошукӯҳ аз ҷашни муқаддаси миллӣ 30-солагии Итиқлоли давлатӣ дар ҷараён буда, ҳазорҳо иншооти нав бунёд гашта истодаанд. Мардум ба дарки он расидааст, ки маҳз Истиқлолият ва Ваҳдати миллӣ имконият доданд, ки Тоҷикистон дар марҳилаи кӯтоҳи таърихӣ тавонист ба чунин дастовардҳои беназир ноил гардад.Аз ин рӯ, бо камоли эҳтиром ва ифтихори бузург аз давлату давлатдории тоҷикон ҳамаи шуморо ба муносибати фарорасии 30-юмин солгарди иди бузурги миллӣ- Истиқлолияти давлатии Ҷумҳурии Тоҷикистон самимона табрику муборакбод менамоям!Ҳозирини гиромӣ!Дар радифи ифтихормандӣ аз Истиқлолияту ваҳдат ва озодию суботи кишвар ин раванд ҳамчунин масъулияти бузургро бар дӯши ҳар як шаҳрванди баору номус бобати ҳифзи дастовардҳои Истиқлолият ва умуман, марзу буми Ватан, таъриху арзишҳои нодири миллӣ вогузор менамояд. Махсусан, дар марҳилаи ҳозира, ки вазъи сиёсию иқтисодии ҷаҳону минтақа хеле печида гардида, муносибатҳои абарқудратҳо барои тақсимоти нави ҷаҳонӣ шиддат меёбад, ҳифзи сарҳади давлатӣ ва таъмини амнияти шаҳрвандон масъулияту муносибати навро тақозо менамояд. Ба назардошти ин ва дигар ҷанбаҳои амниятӣ Ҳукумати Тоҷикистон дар солҳои соҳибистиқлолӣ барои ташаккулу такомули иқтидори мудофиавии давлат ва Қувваҳои Мусаллаҳи он аз тамоми имкониятҳо истифода бурд. Масалан, барои омода намудани ҳайати кадрӣ академияю донишкадаҳо ва литсейю гимназияҳои соҳавӣ кушода гардида, ҷузъу томҳои ҳарбӣ бо ҳазорҳо офисерони ҳирфаӣ таъмин гардиданд. Дар ҳайати Қувваҳои Мусаллаҳ ҷузъу томҳои гуногун таъсис ёфта, бо таҷҳизоти наву замонавӣ муҷаҳҳаз гардиданд.Танҳо барои таъмини ҳимояи сарҳади давлатӣ дар радифи раёсату отрядҳо 158 дидбонгоҳи сарҳадӣ ва наздики 190 иншооту биноҳои ёрирасон бунёд карда шуданд. Аз он ҷумла, дар Вилояти Мухтори Кӯҳистони Бадахшон, ки сарҳади тӯлонӣ, махсусан, бо Ҷумҳурии исломии Афғонистон дорад, иқтидори Қушунҳои сарҳадӣ бамаротиб таҳким ёфта, кор дар ин самт идома дорад. Барои таъминоти ҳаёти маишии ҳарбиён госпиталу биноҳои дигар сохта шуда, садҳо оилаи хизматчиёни ҳарбӣ бо хонаи истиқоматӣ таъмин гардиданд.Тамрину машқҳои тактикӣ мунтазам баргузор гардида, таҷрибаи ҷангии Қувваҳои Мусаллаҳ ба сатҳи зарурӣ расонда мешавад. Илова бар ин, дар замони соҳибистиқлолӣ, машқҳои гуногуни муштарак бо шарикони стратегиямон дар ҳудуди Тоҷикистон, аз он ҷумла, дар шароити баландкӯҳи Вилояти Мухтори Кӯҳистони Бадахшон баргузор гардиданд.Дар ин замина бояд зикр намоям, ки робитаи ҷомеа бо Қувваҳои Мусаллаҳ мунтазам таҳкиму тасеа ёфта, дар арафаи ҷашнҳои давлатию миллӣ фаъолони ҷомеа ва аҳли фарҳанг ба дидорбинии хизмачиёни ҳарбӣ рафта, чорабиниҳои зиёди маърифатию фарҳангӣ дар қисмҳои ҳарбӣ доир мегарданд. Вусъати корҳои фаҳмондадиҳӣ дар ҷомеа, махсусан, дар байни қишри ҷавон, натиҷаҳои самаранокро ба бор оварданд. Бо хоҳиши худ ба сафи Қувваҳои Мусаллаҳ пайвастани даъватшавандагон ва теъдоди зиёди довталабон ҷиҳати дохилшавӣ ба донишкадаҳои ҳарбию низомӣ аз он гувоҳӣ медиҳанд, ки сатҳи ҳуввияти миллӣ ва ватандӯстии ҷавонон дар ҷараёни болоравӣ қарор дорад. Хотирнишон менамоем, ки Асосгузори сулҳу ваҳдати миллӣ, Президенти Ҷумҳурии Тоҷикистон мӯҳтарам Эмомалӣ Раҳмон борҳо таъкид намуданд, ки таҳкими иқтидори мудофиавии мамлакат нисбати ягон давлат нигаронда нашуда, балки танҳо ва танҳо баҳри дифоъ аз марзу буми кишвар ва дастоварду арзишҳои таърихию миллии Тоҷикистон мебошад. Зимнан мехостам барои марзбонони шуҷоъ ва кулли онҳое, ки бобати нишон додани ҳусни ҳамҷаворӣ ва инсондӯстӣ ҳангоми қабули гурезаҳои иҷборӣ аз давлати ҳамсоя, бо ҷойи зисти муваққатӣ ва либосу ғизо таъмин намудан ва баргардондани онҳо ба ҷойи зисти доимӣ, изҳори сипос намоям. Бори дигар таъкид менамоям, ки Тоҷикистон ва махсусан, Роҳбари давлат, Пешвои миллат мӯҳтарам Эмомалӣ Раҳмон бори дигар ба ҷаҳониён собит намуданд, ки ба аҳди худ дар нисбати риояи муносибатҳои байналмиллӣ содиқ буда, ҳамчунин, дар чунин вазъият дар асоси арзишҳои волои инсонӣ фаъолият менамоянд.Мӯҳтарам генералҳо, афсарон, прапоршикҳо, сержантҳо, сарбозони қаторӣ ва кулли аъзоёни захираҳои сафарбарӣ!Маврид ба зикр аст, ки новобаста аз вазъи баамаломада ва оқибатҳои пешгӯинашавандаи он моро зарур аст, ки зиракии сиёсиро аз даст надода, ҳамеша дар ҳолати омодабош қарор дошта бошем. Ҳарчанд таҷҳизот ва аслиҳаи ҳарбӣ имрӯз ба таври бесобиқа рушд карда бошад ҳам, аммо онҳо ҷои иродаи қавӣ, садоқати ватандорӣ ва ҷасорату далерии ҷонфидоёнро, ки бар мабнои меҳанпарастию миллатдӯстӣ қоим мебошанд, гирифта наметавонанд. Достонсарои шаҳири тоҷик Абулқосим Фирдавсӣ, ки ҳамосаи паҳлавонию ватандӯстдориро сароидааст, ёздаҳ аср пеш фармуда буд: Пароканда лашкар наёяд ба кор, Дусад марди ҷангӣ беҳ аз сад ҳазор.Таърихи миллати тоҷик маҳз тавассути ҷонсупориҳои чунин фарзандони худ борҳо исбот намуд, ки фарзандони сарсупурдаи он ҳамеша омодаанд, ки дар рӯзҳои мудҳиш аз як гиребон сар бароварда, аз меҳану модару зану фарзанд, умуман, аз номусу шарафи хеш ҳимоя намоянд. Дар радифи мардон гурдофаридҳои миллат низ борҳо исбот намудаанд, ки нерӯи иродаи онҳо аз мардон камӣ надорад. Боварии комил дорем, ки дар ин марҳилаи таърихӣ Қувваҳои Мусаллаҳи Тоҷикистон ва умуман ватандӯстони диловар ҳамагӣ барои дифоъ аз дастовардҳои таърихию фарҳангӣ ва арзишҳои волои инсонию миллӣ ҳамаҷониба омода буда, ҳеҷ гоҳ намемонанд, ки пойи аҷнабӣ ба хоки муқаддаси Ватан расад. Ҳамаи мо имрӯз барои ҳимоя аз комёбиҳои замони Истиқлолият омодаем ва бошад, ки бо бунёду сохтмони иншоот ва инфрасохтори замонавӣ барои ҳаёти сазовор шароити мувофиқ муҳайё созем. Ниёгони мо бо заҳмату кашфиёт ва эҷоди худ тавонистанд тамаддуну фарҳанги нодирро ба вуҷуд оварда, барои ҷаҳониён онро пешкаш намоянд. Дар ҳамин замина насли имрӯза низ кӯшиш намуда истодааст, ки бо истифода аз комёбиҳои илму техникаи созанда кашфиёти навро анҷом дода, дар пешбурди тамаддуни ҳозиразамон саҳми муносиб гузорад. Илова бар ин, дар ин радиф муқобили нерӯҳои хурофотпарасти дорои шуури маҳдуди ифротӣ баромада, асолати воқеии инсониро ҳифз намояд. Нақши Қувваҳои Мусаллаҳи аз ҳама лиҳоз омода дар ин ҷода хеле муҳим ва муассир аст. Эътиқоду эътимоди мардум ва роҳбарияти олии кишвар ба шумо сарбозони шуҷоъ хеле қавӣ буда, боварии комил дорем, ки бо матонату касбияти баланд шумо имрӯз қодир ҳастед, ки Ватани маҳбубамонро аз ҳама гуна қувваҳои аҷнабӣ дифоъ намоед! Бо ин таманниёти нек бори дигар ҳамаи шуморо ба муносибати фарорасии 30-солагии Истиқлолияти давлатии Ҷумҳурии Тоҷикистон мубракбод намуда, бароятон саломатӣ, рӯзгори обод ва дар амалӣ намудани фаъолияти касбиятон бурдбориҳо орзумандам!

САРҶАМЪӢ НИШОНИ ПОЙДОРИИ ДАВЛАТ АСТ.

Шоми имрӯз дар бинои мақомоти иҷроияи ҳокимияти давлатии Вилояти Мухтори Кухистони Бадахшон зиёда аз садхо нафар сокинони Вилояти Мухтори Кухистони Бадахшон ҷамъ омада изҳор доштанд, мо огоҳи пайдо намудем, ки пагох дар шаҳри Хоруғ гузашти низоми барпо хоҳад шуд ва мо низ омодаем дар гузашти низомӣ иштирок намоем ва тамоми қувва ва нерӯи худро барои амният, сулҳу субот ва ваҳдати миллӣ равона созем. Сокинон аз омодагии худ баҳри ҳифзи марзу буми кишвар иброз намуда хоҳиши дар қатори сарбозон саф оростан, баҳри таьмини истиқлолият ва ваҳдати милли ва оромиву осудагии халқи диёр омодабошии хешро иброз доштанд. Агар лозим бошад баҳри ҳар як пораи хоки Ватан ҷон фидо мекунем. Раиси Вилояти Мухтори Кухистони Бадахшон Ёдгор Файзов аз суханони Пешвои миллат муҳтарам Эмомалӣ Раҳмон ёдовари намуда қайд кард, ки Тоҷикистон нияти ҷанг ё ғасби хоки ягон давлатро надорад ва сиёсати сулҳҷуена ва ҳамзистии осударо пеш хоҳад бурд, вале Қувваҳои мусаллаҳи он , сокинони ватандуст ва бахусус ҷавонони ғаюр омода ҳастанд, ки барои ин хоки муқаддас ва давлати худ ҷони худро дареғ намедоранд.

Ба Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Ҷаноби Олӣ Эмомалӣ Раҳмон

Мақомоти иҷроияи ҳокимияти давлатии Вилояти Мухтори Кӯҳистони Бадахшон аз даргузашти хоҳари мушфиқи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон сахт андӯҳгин буда, ба Ҷаноби Олӣ ва аҳли хонаводаву пайвандони наздик тасаллияти самимӣ ва ҳамдардии амиқ баён намуда, аз даргоҳи Худованди Мутаъол барои ҳамагон сабри ҷамил хоҳонем. Ба даргоҳи Парвардигори Зулҷалол дуо мекунем, ки марҳумаро шоистаи раҳмат намояд ва ҷояшонро ҷаннат гардонад. Рӯҳашон шоду манзили охираташон обод бошад.Инно лиллоҳи ва инно илайҳи роҷеъун.Ёдгор Файзов

ТАБОБАТ ВА ТАШХИСИ БЕМОРОИИ КОВИД – 19 РОЙГОН МЕБОШАД.

Дар ҷавоб ба саволи рӯзноманигорон оид ба гузаронидани ваксинасия дар байни аҳолӣ сардори Раёсати тандурустии вилоят Фарид Музаффаров посух дод, ки айни замон дар вилоят марҳилаи аввали ваксинасия ба охир расид. Ваксинасия бо фармоиши Вазорати тандурустӣ ва ҳифзи иҷтимоии аҳолии Ҷумҳурии Тоҷикистон марҳила ба марҳила анҷом дода мешавад. Ба вилоят 5750 воя дохил гардида, дар мадди аввал кормандони муассисаҳои тиббии шаҳри Хоруғ, 72 фоизи кормандони тибби ноҳияҳои вилоят ва нисфи сокинони аз 60 сола болои шаҳри Хоруғ ба ваксинатсия фаро гирифта шуданд. Бо дастрас гардидани ваксинаи навбатӣ ин кор идома дода мешавад. Фарид Музаффаров дар рафти нишасти матбуотӣ иброз дошт, ки баҳри пешгирии бемории Ковид-19 дар шашмоҳи соли равон аз тарафи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, маќомоти маҳаллии ҳокимияти давлатии вилоят ва шарикони рушд 695 ҳазору 278 ҳазор сомонӣ ҷудо гардид. Айни замон муассисаҳои табобатии вилоят бо доруворӣ, либосҳои муҳофизатӣ, дастгоҳи нафасдиҳии сунъӣ ва таҷҳизоти лозимӣ пурра таъминанд.

АЗ НИШАСТИ МАТБУОТӢ Мурғоб.

«Якҷилва» ба фаъолият оғоз кардСаволи аввалине, ки аз ҷониби хабарнигорон ба муовини аввали раиси ноҳияи Мурғоб Исрорзода Исрор Наврӯзшоҳ пешниҳод гардид, таъсири роҳбандӣ аз ҷониби Қирғизистон ба вазъи бозори истеъмолӣ, таъмини аҳолӣ бо озуқа, сӯзишворӣ, молҳои ниёзи аввал ва хизматрасонӣ алоқаманд буд ва мувофиқи посухи ӯ таъсири роҳбандӣ аз ҷониби кишвари ҳамсоя аслан эҳсос намешавад. Ҳукумати мамлакат бо ҳидояти Роҳбари давлат, Пешвои миллат муҳтарам Эмомалӣ Раҳмон барои таъмини аҳолии ноҳия бо озуқа, сӯзишворӣ, молҳои ниёзи аввал, инчунин таъмини фаъолияти тамоми соҳаҳои хоҷагӣ тадбирҳои мушаххас роҳандозӣ намудааст. Дар бозору марказҳои савдо, дӯконҳо орд, равған, шакар, биринҷ, меваю сабзавот ва дигар намудҳои озуқаворӣ ва дар нуқтаҳои фурӯши сӯзишворӣ ҳамаи намудҳои сӯзишворӣ аз ҷониби Агентии захираҳои моддии назди Ҳукумати Ҷумҳурии Тоҷикистон таъмин карда шуда, нархи онҳо аз нархи дигар ноҳияҳои вилоят фарқ надорад. Зимистони имсола дар Мурғоб ниҳоят сарду тӯлонӣ буд, аммо омодагии саривақтӣ ба ин фасли сол имконият дод, ки мушкилоти ҷиддие дар таъмини аҳолӣ бо маводи хӯрокворӣ, сӯзишворӣ ва фаъолияти муассисаҳои роҳсозӣ ва иҷтимоӣ эҷод нагардад. Рушди Мурғоб, ба ноҳияи худмаблағгузор табдил додани он ба ташкил ва пешрафти саноати кӯҳӣ алоқаманд аст. Фақат фаъолияти яксолаи корхонаи маъданкоркунии «Якҷилва» имкон дод, ки ба буҷаи худии ноҳия як миллион сомонӣ ворид шуда, бо ин маблағ як қатор масъалаҳои иқтисодию иҷтимоӣ, аз ҷумла ташкили ҷойҳои нави корӣ ҳалли худро ёбанд. Аз 200 нафар коргароне, ки дар ин корхона кор карданд, теъдоди бештарашон сокинони маҳаллӣ буданд. Корхона бар иллати иқлими сард соле 200 рӯз кор мекунад. Соли гузашта бар асари хуруҷи бемории коронавирус умуман фаъолият накард. Хушбахтона, аз охири моҳи май он ба фаъолият оғоз кард ва ба буҷаи ноҳия аз ҳисоби фаъолияти чандрӯза алаккай 40 ҳазор сомонӣ ворид гашт. Имрӯз яке аз вазифаҳои афзалиятноки мақомоти иҷроияи ҳокимияти давлатии ноҳия таъмини аҳолӣ бо ҷои кор мебошад,- гуфт Исрорзода Исрор Наврӯзшоҳ. Таъмини аҳолӣ бо ҷои кор маҳз ба ташкили чунин корхонаҳо, рушди соҳибкории хурду миёна дар самти бунёди корхонаҳои хурди маҳсулоти чорво, ҳунарҳои мардумӣ, инфрасохтори сайёҳӣ алоқаманд аст.2 753Охват (люди)357Взаимодействия-1,5x нижеПоказатель распространенияПродвижение недоступно

2929Комментарии: 1Поделились: 3НравитсяКомментироватьПоделиться

АЗ НИШАСТИ МАТБУОТӢн. Ишкошим.

Дар ин давра маҷмӯи маҳсулоти минтақавӣ бештар аз 29,8 миллион сомониро ташкил дода, суръати афзоиши он ба 15 фоиз баробар шуд. Нақшаи даромади худӣ ба буҷаи ноҳия 105,3 таъмин гашт. Сифатнокии иҷроиши буҷет, ба ғайри андоз аз соҳибони нақлиёт иҷро гардид. Сабаби иҷро нашудани андоз аз ин намуд ба он алоқаманд аст, ки қисмати зиёди нақлиёти куҳнашуда, ки аз истифода баромадааст, аз қайди бозрасии давлатии автомобилӣ бароварда нашудааст. Барои аз миён бардоштани ин қазия комиссияи махсус дар назди мақомоти иҷроияи ҳокимияти давлатии ноҳия ташкил шуда, дар давоми ду моҳи оянда ин мушкилот аз миён бардошта мешавад,-иброз дошт Мирзозода Мӯсо Одинамамад.Дар нимсолаи аввали соли равон нисбати ҳамин давраи соли гузашта бонкҳо ба аҳолӣ бештар аз 2,1 миллион сомонӣ қарз доданд. Воридоти маблағ аз хориҷи кишвар назар ба шаш моҳи соли гузашта қариб 13,5 миллион зиёд шуд. Аммо дар ин давра ҳаҷми истеҳсоли маҳсулоти саноат 40 фоиз кам гардид ва сабабаш номураттаб кор кардани нерӯгоҳи барқии Намадгут дар фасли зимистон маънидод гардид. Барои таъминоти амнияти озуқаворӣ дар мавсими имсола майдони кишти картошкаю сабзавот зиёд карда шуд. Барои нигаҳдории маҳсулоти кишоварзӣ бо дастгирии шарикони рушд 9 амбор сохта ба истифода дода шуданд. Ҷиҳати дар давоми сол таъмин намудани аҳолӣ бо кабудӣ ва сабзавоти тару тоза 53 гармхона дар масоҳати 1705 мурабаъ мавриди баҳрабардорӣ қарор доданд.Пурсиши хабарнигорон аз раиси ноҳия асосан ба таъмини инфрасохтори зарурӣ барои рушди сайёҳӣ ва ҳунарҳои мардумӣ, ҳифзи ёдгориҳои таърихию фарҳангӣ, пешгирии бемории Ковид-19 алоқаманд буданд. -Барои равнақи сайёҳӣ дар ноҳия имкониятҳо фароҳам ҳастанд ба ҷуз нарасидани кадрҳо,-гуфт раиси ноҳия. Соли 2019 бештар аз ҳафт ҳазор нафар ҷаҳонгардони хориҷӣ аз ҷойҳои таърихию фарҳангӣ, чашмаҳои гарму шифобахш, манзараҳои тамошобоби ноҳия дидан намуданд. Соли гузашта бо сабаби хуруҷ ва паҳншавии бемории коронавирус ягон сайёҳи хориҷӣ ба ноҳия наомад. Хушбахтона, дар нимсолаи аввали соли равон 127 нафар сайёҳони хориҷӣ аз ноҳия дидан намуданд.2 204Охват (люди)146Взаимодействия-1,8x нижеПоказатель распространенияПродвижение недоступно

1717Комментарии: 1Поделились: 3НравитсяКомментироватьПоделиться

АЗ НИШАСТИ МАТБУОТӢ Ванҷ.

Истеҳсоли маҳсулоти саноатӣ 40 фоиз афзудРаиси ноҳияи Ванҷ Ҷаббори Қосим оид ба рушди иқтисодӣ-иҷтимоӣ дар шаш моҳи аввали сол ба таври фишурда маълумот дода, гуфт, ки нишондиҳандаҳои макроиқтисодии ноҳия дар ин давра қонеъкунанда ҳастанд. Маҷмӯи маҳсулоти дохилӣ аз ҳисоби рушди саноат, кишоварзӣ ва сохтмон нисбати соли гузашта 19 фоиз зиёд шудааст. Ҳаҷми маҳсулоти саноатӣ бошад, 44 фоиз афзоиш ёфт. Ин аз бисёр ҷиҳат ба фаъол гаштани корхонаҳои коркарди мармар, ҶДММ «Хрустал» ва муътадил фаъолият намудани шабакаҳои барқии ноҳия алоқаманд аст. Бо вуҷуди он ки аз лиҳози таъминоти хоҷагии халқ ва аҳолӣ бо нерӯи барқ Ванҷ нисбат ба дигар ноҳияҳо пешрав аст, иқтидори тавлидотии ҳамаи нерӯгоҳҳои барқии ноҳия барои ташкили корхонаҳои саноатӣ ҳанӯз басанда нест. Айни ҳол шабакаҳои барқии ноҳия 2,6 мегават барқ истеҳсол мекунанд, аммо барои он ки дар қаламрави ноҳия корхонаҳои нисбатан пуриқтидори саноати кӯҳӣ сохта, ба коркарди ашёи хом ва истеҳсоли маҳсулоти тайёр шурӯъ намоянд, беш аз 5,6 меговатт қувваи барқ зарур аст. Мо умед дорем, ки бо пайваст гардидани шабакаҳои энергетикии ноҳия ба шабакаи муттамаркази энергетикии ҷумҳурӣ, ки то охири соли равон пешбинӣ гардидааст, ин қазия ҳалли худро пайдо мекунад. Дар соҳаи кишоварзӣ ҳам пешравиҳо кам нестанд. Ванҷ махсусан барои рушди боғдорӣ имкониятҳои зиёд дорад ва имрӯз қисмати зиёди мева аз ноҳия ба дигар минтақаҳои кишвар содир карда мешавад. Соли равон дар қаламрави ноҳия ба ҷои 8 гектари дар нақша пешбинишуда, 15 гектар боғи нав бунёд карда шуд. Нақшабандии кишти зироатҳои кишоварзӣ вобаста ба талаботи бозори истеъмолӣ роҳандозӣ мегардад. Ба хотири он ки талаботи аҳолӣ ба зироатҳои лӯбиёгӣ зиёд аст, майдони кишти ин зироатҳоро нисбати солҳои пешин хеле зиёд намудем.1 168Охват (люди)22Взаимодействия-3,5x нижеПоказатель распространенияПродвижение недоступно

77Поделились: 1НравитсяКомментироватьПоделиться

Санаи 14 уми июли соли равон котиби Шурои амнияти Ҷумҳурии Тоҷикистон муҳтарам Маҳмудзода Насрулло ва раиси Вилояти Мухтори Кӯҳистони Бадахшон муҳтарам Ёдгор Файзов ба ноҳияи Ишкошим сафари корӣ анҷом доданд.

Дар зимн бояд қайд намуд, ки дар доираи сафари корӣ муҳтарам Маҳмудзода Насрулло котиби Шурои амнияти Ҷумҳурии Тоҷикистон ва муҳтарам Ёдгор Файзов раиси Вилояти Мухтори Кӯҳистони Бадахшон бо мақсади иҷрои амалии нусха аз Протоколи маҷлиси Ҳукумати Ҷумҳурии Тоҷикистон аз 25 июни соли 2020, № 7, банди 43 ҷиҳати иҷрои саривақтии супориши Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маҷлиси ғайринавбатии фаврии Ҳукумати мамлакат дар таърихи 16 апрели соли 2020 оид ба афзоиш донаи кишти картошка ва ғалладонагиҳо аз заминҳои кишоварзии ҳудуди ноҳия алалхусус кишти картошка дидан намуда аз рафти корҳои анҷомдодашуда дар самти мазкур аз наздик шинос гардиданд.Инчунин дар идомаи сафари корӣ котиби Шурои амнияти Ҷумҳурии Тоҷикистон муҳтарам Маҳмудзода Насрулло ва раиси Вилояти Мухтори Кӯҳистони Бадахшон муҳтарам Ёдгор Файзов бо мақсади сазовор таҷлил намудани ҷашни 30 солагии Истиқлолияти давлатии Ҷумҳурии Тоҷикистон аз рафти корҳои сохтмонӣ дар иншоотҳои ҷашнии ҳудуди ноҳия бахусус аз вусъати корҳои сохтмонии беморхонаи минтақавии деҳаи Вранг, майдончаи варзишӣ, сохтмони мағоза ва меҳмонхонаи Муъминов Ҷумъабой, нуқтаи хизматрасонии Файзуллобеков Фарид (маркази савдо, ҳаммом, кошонаи ҳусн ва сартарошхона) дидан намуданд.Лозим ба зикр аст, ки котиби Шурои амнияти Ҷумҳурии Тоҷикистон муҳтарам Маҳмудзода Насрулло ва раиси Вилояти Мухтори Кӯҳистони Бадахшон муҳтарам Ёдгор Файзов вобаста ба таъминоти маводи озуқа ва молҳои рӯзгордорӣ аз нуқтаҳои савдои соҳибкорон дидан намуда, аз мавҷудият ва дастрасӣ доштани аҳолӣ ба маводҳо хӯрока ва ашёи рӯзгордорӣ изҳори хушнудӣ намуданд.Котиби Шурои амнияти Ҷумҳурии Тоҷикистон муҳтарам Маҳмудзода Насрулло ва раиси Вилояти Мухтори Кӯҳистони Бадахшон муҳтарам Ёдгор Файзов ҷиҳати бо сифат ва муҳлатҳои наздик анҷом додани корҳои сохтмонӣ дар иншоотҳои ҷашнӣ ба маъсулин дастуру супоришҳои иловагӣ доданд.2 875Охват (люди)438ВзаимодействияПродвижение недоступо


НИШАСТИ МАТБУОТӢ БО РАИСОНИ НОҲИЯИ ИШКОШИМ, МУРҒОБ ВА НОҲИЯИ ВАНҶ

Дар нишасти мабуотӣ раисони ноҳияи Ванҷ, Ишкошим ва Мурғоб иштирок намуда, оиди соҳаҳои иқтисодию иҷтимоии ноҳияҳо ҳисобот манзур намуданд. Раиси ноҳияи Ишкошим Мусо Мирзозода қайд намуд, ки ба хотири 30 солагии Истиқлолияти давлатии Ҷумҳурии Тоҷиистон дар ноҳия сохта ва ба истифода додани 76 адад иншооти таъиноти гуногуни хоҷагии халқ ба нақша гирифта шуда, 31 адад иншоот ба маблағи зиёда аз 23,8 миллон сомонӣ пурра сохта шуда, корҳои сохтмонӣ дар 35 адади дигар идома доранд. Раиси ноҳия афзуд, ки дар ноҳия ба соҳаҳои кишоварзӣ ва чорводорӣ диққати махсус равона гардида, дар ин росто иқдомоти зиёде баҳри рушди ин соҳаҳо дар ноҳия ҷомаи амал пушидаанд. Бо мақсади гузаронидани мавсими кишту кори баҳорӣ дар хоҷагиҳои ҳудуди ноҳия соли ҷорӣ зиёда аз 91.8 тонна картошкаи навъи Бигроза аз давлати Олмон, 11,8 тонна аз давлатҳои дигар оварда шуданд. Раиси ноҳияи Ванҷ Ҷаббор Қосим оиди фаъолияти иқтисодиёти иҷтимоиёти ноҳия ахборот дода, қайд намуд, ки дар ноҳия бештар ба самти саноат диққати махсус равона гардида, шумораи корхонаҳои саноатӣ зиёд шуда истодаанд. Зикр гардид, ки соҳаи кишоварзӣ самти афзалиятноки ноҳия маҳсуб ёфта, кишоварзони ноҳия дар соли 2021 дар майдони 1493 га кишти зироатҳои кишоварзиро гузаронидаанд. Раиси ноҳия бобати иҷрои якқатор банди нақша чорабиниҳо маълумот манзур намуда, гуфта шуд, ки дар ноҳия 83 иншот мавриди истифодабарӣ қарор дода шуда, сохтмони 11 иншооти иловагӣ идома ёфта истодааст. Муовини аввали раиси ноҳияи Мурғоб Исрор Исроров оиди нақша чорабиниҳои самти мухталифи хоҷагии халқ ҳисобот манзур намуда, қайд гардид, ки дар ноҳия бештар ба соҳаи чорводорӣ диққти махсус равона шуда, дар ҳамаи хоҷагиҳои ноҳия сарфи назар аз шакли моликияташон ҳамагӣ 8 512 сентнер гўшт, 1500 сентнер шир ва 300 сентнер пашм истеҳсол шудааст, ки нисбати ҳамин давраи соли 2020 зиёдтар ба назар мерасад. Оиди неругоҳи барқи обии «Тоҷикисон» маълумот манзур гардида, гуфта шуд, ки дар нимсолаи якуми соли 2021 1970 834 квт соат қувваи барқ истеҳсол карда шуда, 1806 017 квт.саот қувваи барқ ба маблағи 723 743 сомонӣ барои фурўш интиқол дода шуд. Рўзноманигорон ба саволҳои хеш оиди вазъи иқтисодиву иҷтимоии ноҳияҳои мазкур фаъолияти корхонаи истеҳсоли дар ноҳияҳои ва дигар саволҳо посух гирифтанд. посух гирифтанд.