ДИҚҚАТ ДИҚҚАТ ДИҚҚАТ

Ба диққати шаҳрвандони дохиливу хориҷи расонида мешавад, ки мақомоти иҷроияи ҳокимияти давлатии Вилоят​ Мухтори Куҳистони​ Бадахшон бо мақсади​ ​ соддатар кардани интиқоли маблағхои хайриявӣ барои пешгирии касалии COVID-19 дар вилоят бо усули набаромадан аз хона​ тариқи кушодани​ кортҳои кооперативи бо асъори милли​ ва хориҷиро ​ дар ҳамкори бо Аввалин бонки молиявии хурд дар шаҳри Хоруғ роҳандози намудаст. Шахсони саховатпеша метавонанд аз хона набаромада бо иистифода аз рақамҳои дар зер овардашуда маблағро интиқол диҳанд.

ТАБРИКОТИ муовини раиси Маҷлиси миллӣ Маҷлиси Олии Ҷумҳурии Тоҷикистон раиси Вилояти Мухтори Кухистони Бадахшон мӯҳтарам Ёдгор Файзов бахшида ба Рӯзи ҷавонони Тоҷикистон

Ҷавонони азиз!
Қаблан, ҳамаи Шуморо ба Рўзи ҷавонони Тоҷикистон 23-май , самимона табрику муборакбод менамоям.
Маврид ба зикр аст, ки дар ҷомеаи имрӯза кори пешбурди соҳаҳои мухталифи иқтисоди миллӣ мавқеи ҷавонон басо муҳим аст, чунки ин қишри ҷомеа дорои афкори тозаю нав, нерӯи муҳим пешбаранда буда, истифодаи васеи технологияи муосирро дар истеҳсолот метавонанд, ба хубӣ таъмин созанд.
Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон ҷавононро қувваи бузург, нерӯи созанда ва ояндаи миллат арзёбӣ намудаанд.
Дар Паёми навбатии Пешвои миллат муҳтарам Эмомалӣ Раҳмон бамаврид таъкид гардид, ки ҷавонон бояд аз ҳама қишриҳои ҷомеа бештар фаъол бошанд, ташаббусҳои созанда пешниҳод намоянд, рамзҳои давлатӣ, мукаддасоти миллӣ ва дастовардҳои истиқлолиятро ҳифз кунанд, дар ҳаёти сиёсиву иҷтимоии Тоҷикистон бо дасту дили гарм ва нерӯи бунёдкорона ширкат варзанд, амният давлат ва шарафу номуси ватандориро ҳимоя карда, худро аз ҳама хавфу хатарҳои номатлуби чаҳони муосир эмин нигоҳ доранд ва парчамбардори ин сарзамин, марзу бум ва кишвари муқаддасамон бошанд.
Пешвои миллат муҳтарам Эмомалӣ Раҳмон ҷавононро сутуни асосии миллату давлат шуморида, онҳоро дар соҳаи хизмати пайваста дастгирӣ намуда, ба мансабҳои роҳбарони вазорату идораҳо таъин намуда истодаанд, ки ин нишон аз боварӣ ва эътимоди Сарвари давлат ба Шумо ҷавонон аст.
Дар навбати ин ҷавонон низ дарк бояд кунанд, ки ба хотири мустаҳкам намудани андешаи миллӣ ва устувории ғояҳои ватанпарварона самимона ва сидқан дўст доштани меҳани худ, арҷ гузоштан ба арзишҳои неки миллӣ ва барои густариши онҳо ҷаҳду талош намудан лозим аст. Ин қишри созандаи ҷомеа чун идомадиҳандагони ормонҳои дерини аҷдодӣ, парчамбардорони миллат ва пайравони кору пайкори Пешвои миллат, бо тамоми ҳастии хеш эҳсос менамоянд, ки дўст доштани ватан, баланд бардоштани обрую нуфузи он дар арсаи байналмилалӣ, ифтихор кардан аз он ва барои ҳифзу ҳимояи хоки муқаддаси диёри маҳбуб омода будан, арзишҳое мебошанд, ки танҳо ба воситаи он мо метавонем кишвари ободу пешрафта ва пуриқтидор бунёд намоем. Воқеан ҳам талошҳои пайвастаи ҷавонони имрӯзаи мо ҷиҳати иштироки фаъолона дар рушду нумӯи Вилояти Мухтори Кухистони Бадахшон моро бовар мекунонад, ки ҷавонон бо ҳисси баланди худшиносиву худогоҳии миллӣ ва ифтихор аз давлату давлатдории миллӣ дар оянда низ тамоми нерӯи худро барои ҳифзи дастовардҳои истиқлолият, таҳкими давлатдорӣ, ваҳдати миллӣ, сулҳу субот, рушди минбаъдаи иқтисодиву иҷтимоии Ватани азизамон ва устувор гардонидани мавқеи он дар қатори кишварҳои мутарқӣ сафарбар менамоянд ва алабатта фаъолона ва худихтиёрии сафарбар шудани ҷавонони вилоят ба сафи Қувваҳои Мусаллаҳи Ҷумҳурии Тоҷикистон далели ин гуфтаҳо мебошад.
Дастуру ҳидоятҳои Пешвои миллат, муҳтарам Эмомалӣ Раҳмон ба ҷавонон бояд сармашқи асосии кору пайкор ва фаъолияти ҳамарӯзаи онҳо дар давраи чаҳонишавии муносибатҳо гардида, афкору андешаҳои тозаи ҷавонони мо намегузоранд, ки гурӯҳҳои тундраву ифротгаро фазои софу Ватани азизро ғуборолуд созанд. Тадбиқи босамари сиёсати давлатии ҷавонон аз рӯзҳои нахустини соҳибистиқлоли дар меҳвари фаъолияти Ҳукумати Тоҷикистон қарор дорад. Аксарияти аҳолии Тоҷикистонро ҷавонон ташкил медиҳанд, ки онҳо давомдиҳандаи кору фаъолияти насли калонсол, нерӯи созанда ва иқтидори воқеии пешрафти ҷомеа, хулоса, ояндаи миллат ва давлат мебошанд.
Имрузҳо дар тамоми соҳаҳои иктисоди миллии мамлакат, дар сафҳои Қувваҳои Мусаллаҳ ҷавонони бонангу номус содиқона хизмат ва кору фаъолият доранд ва дар рушди кишвар ҳиссаи назаррас мегузоранд.
Дар баробари ин ҷавонони мо дар дохил ва хориҷи мамлакат дар бахшҳои мухталиф тахсил карда, соҳиби касбу ихтисосҳое шуда истодаан, ки барои вилоятамон зарур мебошанд.
Мақомоти иҷроияи ҳокимияти давлатии Вилояти Мухтори Кӯҳистони Бадахшон ташабуссу пешниҳодҳои созандаи ҷавононро ҳамеша дастгирӣ намуда, барои амалӣ гардидани онҳо имконият фароҳам меорад.
Дар ин ҷода ба ҳамаи Шумо ҷавонони азиз комёбиву бурдборӣ ва пирўзиҳои навро орзумандам.
Рӯзи ҷавонони Тоҷикистон муборак!

Пешвои миллат-Ғамхори миллат!

Имруз Асосгузори сулҳу ваҳдати миллӣ -Пешвои миллат муҳтарам Эмомалӣ Раҳмон бо ҳамроҳии раиси шаҳри Душанбе муҳтарам Рустами Эмомалӣ ва Савазири мамлакат муҳтарам Қоҳир Расулзода як зумра биноҳои навро мавриди истифодаи табибон ва беморони мубталои Каронавирус қарор доданд.
Беморхонаҳо аз қабили беморхонаи муваққати воқеъ дар бинои нави коллеҷи тибби шаҳри Душанбе,беморхонаи муваққати воқеъ дар бинои нави хобгоҳи Донишгоҳи милли Тоҷикистон ва беморхонаи муваққати дар заминаи Гимназияи ҳарбии ба номи “Ворисони Куруши Кабир ” Қушунҳои сарҳадии КДАМ.

МУРОҶИАТНОМАИ КУМИТАИ ИҶРОИЯИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ВИЛОЯТИ МУХТОРИ КЎҲИСТОНИ БАДАХШОН БА АЪЗОИ ҲИЗБ, ХАЙРХОҲОНИ ҲИЗБИ ХАЛҚИИ ДЕМОКРАТИИ ТОҶИКИСТОН ВА КУЛЛИ МАРДУМИ ШАРИФИ ВМКБ

Ҳамватанони азиз! Мардуми шарифи маскуни кишвар рўзҳои мушкилро аз сар гузаронида истодааст. Ҳар рўзи шаб, хулоса як нафас мардуми шарифи Тоҷикистон аз мадди назари Ҳукумати Ҷумҳурии Тоҷикистон ва махсусан Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмон канор намондааст.Тамоми чораю талош ба он равона гардидааст, ки шаҳрвандони мамалакат аз ин вируси пайдошуда наҷоту амон ёбанд.
Мусаллам аст, ки наҷоти ҳар кас дар дасти ўст, агар мо қонуну қоидаи санитария дар оила, ҷои кор ва умуман ҳама ҷо риоя кунем, то як андоза аз ин беморӣ наҷот хоҳем ёфт. То ба ин вақт доруву дармон муайян шуд, сафи табобатёфтагон ҳар рўз афзуда истодааст.
Он дурўғу овозаҳои беасос, воҳимаангезе, ки аз ҷониби «дўстони дар нохунак» аз хориҷи кишвар ва шабакаҳои иҷтимоӣ пахшу нашр мешаванд, асоси воќеӣ надоранд. Ба ҳар касу ҳар шахс гўш додан шарт нест, мақоли хубе аст: Гўш куну дам мазан… Инҳо он нафаронанд, ки барояшон амнияти миллату халқ, оромии кишвар арзише надорад. Онҳо танҳо манфиати хоҷагони худро иҷро карда, пули бедарду миёнро ба даст меоранд.
Ҳамватанони азиз, моро як имтиҳони ҷиддии зиндагӣ домангир аст. Дар ин имтиҳон дўсту душман аз ҳам кам фарқ мешаванд. Нозукбину оқилтар ва зираку ҳушёр будани мо ниҳоят зарур. Ба доми мухолифон наафтем, ҳамдигарро дастёру мададгор бошем.
Ин вирус ё баъзан «вабо» ҳам мегўянд, як бемории муқаррарист. Одамон ҳар рўз шифо ёфта истодаанд. Баъзан бемор як ҳаб ва ё як сўзандору нагирифта, шифо меёбад. Бо ҳамин андоза ин бемориро воҳима мекунанд, ки дурўғ аст.
Ба фикрам, инҳо он нафароне ҳастанд, ки пешрафту тараққиёт ва мутаҳиддии халқро дар гирди Ҳукумати Ҷумҳурии Тоҷикистон ва махсусан Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмон намехоҳанд, онҳо ба ҷои як тавсия аз таҷрибаи бою ғании ҷаҳонӣ баррасӣ кунанд, баръакс ақидаҳои нопоки худро аз тариқи шабакаҳои иҷтимоӣ ба самъи мардум мерасонанд.
Каломи раббонӣ таҳлукаандозро бародари шайтони лаъин мегўянд.
Ба ақидаи банда бузургтарин аслиҳа дар ин марҳилаи ассос танҳо ва танҳо имони пок ва эътиқоди қавӣ аст. Таҳлуқаю воҳима ҳар ду моли шайтонанд.
Аз ин хотир, аз моли ҳароми шайтон худро дар канор гирему пайваста дар гирди Ҳукумати Ҷумҳурии Тоҷикистон ва махсусан Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмон чун силсилаи фўлодин қарор гирем. Ин аст, роҳи наҷоти миллат.
Фурсатњои каме мондааст, аз ин варта халосӣ хоҳем ёфт, ҳамватанони азиз.
ҲЯизби Халќқии Демократии Тоҷикистон таҳти роҳбарии Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмон ба халқ буд ва ҳамеша бо халқ мемонад. «Дар халқ будан, зи халқ берун ғалат аст».
Муроҷиатнома дар маҷлиси Кумитаи иҷроияи Ҳизби Халқии Демократии Тоҷикистон дар ВМКБ аз 18.05 2020 қабул гардид.

ДАСТГИРИИ ТАБИБОН ВА БЕМОРОН

Кӯмаки озуқаворӣ, ки аз тарафи Асосгузори сулҳу ваҳдати миллӣ Пешвои миллат муҳтарам Эмомалӣ Раҳмон барои дастгирии табибон ва беморони Вилояти Мухтори Кухистони Бадахшон равона шуда буд имрӯз тавассути кормандони масъули дастгоҳи раиси вилоят ба роҳбарони муассисаҳои тиббии шаҳри Хоруғ супорида шуд. Маводи озуқаворӣ аз қабили карам, сабзӣ, пиёз, бодиринг иборат буда барои нигоҳ доштани сиҳатии беморон ва баланд бардоштани имунитети маризон ба манфиат хоҳад буд. Табибон ва беморон аз кӯмаки ғамхоронаи Роҳбарияти Олии мамлакат бархурдор гардида миннатдории худро ба Пешвои муаззами миллат барои дастгири намудан дар ин рӯзҳои мушкил баён намуданд.

КӮМАКИ НАВБАТИИ ПЕШВОИ МИЛЛАТ МУҲТАРАМ ЭМОМАЛӢ РАҲМОН БА МАРКАЗИ ВИЛОЯТИ МУХТОРИ КУХИСТОНИ БАДАХШОН ШАҲРИ ХОРУҒ РАСИД.

Барои дастгири намудани табибон ва беморони Вилояти Мухтори Кухистони Бадахшон, ки бо касалии бемории сироятии короновирус ё худ covid 19 мубориза бурда истодаанд аз тарафи Асосгузори сулҳу ваҳдати миллӣ Пешвои миллат муҳтарам Эмомалӣ Раҳмон кӯмаки навбати аз қабили доруворӣ, маҳлулхои безараргардонӣ, дастпушак, либосҳои муҳофизати тибби ва маводи хӯрокворӣ вориди шаҳри Хоруғ гардид.
Табибони Вилояти Мухтори Кухистони Бадахшон аз ин кӯмаки ғамхоронаи Пешвои миллат изҳори хурсандӣ намуда ваъда доданд, ки шабу рӯз содиқона барои халқу миллат дар ин рӯзҳои мушкил хизмат хоҳанд кард.

КӮМАКИ ХАЙРИЯВӢ

Бо пайравӣ аз иқдоми неки Асосгузори сулҳу ваҳдати миллӣ Пешвои миллат муҳтарам Эмомалӣ Раҳмон барои пешгири аз паҳншавии бемории сироятии короновирус ё худ covid 19 ва кӯмак барои табибон ва беморон соҳибкори муваффақ Ниятбекова Сайёра Юсуфбековна барои табибони беморхонаи Вилояти Мухтори Кухистони Бадахшон як адад яхдон ва чор адад чойники барқи ( тефал) бо маблағи 1500 сомонӣ кӯмак намуданд.
Ба хотири муроҷиати раиси Вилояти Мухтори Кухистони Бадахшон мӯҳтарам Ёдгор Файзов дар ҷаласаи Ситоди вилояти оиди дастгири намудани табибон дар ин рӯзҳои муҳим соҳибкорон ва шахсони сахватпешаи вилоят ҳамарӯза дасти кӯмаки худро барои табибони вилоят расонида истодаанд.

КӮМАКИ ПЕШВОИ МИЛЛАТ БАРОИ ВМКБ

Субҳи имрӯз корвони мошинҳои боркаши калонҳаҷми тамғаи ” Камаз” вориди шаҳри Хоруғ гардиданд. Ин кӯмаки навбатии Асосгузори сулҳу ваҳдати миллӣ Пешвои миллат муҳтарам Эмомалӣ Раҳмон барои беморон ва табибони Вилояти Мухтори Кухистони Бадахшон, ки дар ин рӯзҳо бо бемории сироятии короновирус ё худ covid 19 мубориза мебаранд дастрас карда шуд. Кӯмак аз қабили доруворӣ, либосҳои фардии худмуҳофизаткунони барои табибон, ниқоб, маҳлулхои безараргардонӣ ва маводи озуқаворӣ буда, дар ин рузҳои мушкил хеле саривақти мебошад.
Раиси Вилояти Мухтори Кухистони Бадахшон мӯҳтарам Ёдгор Файзов ба масъулини Раёсати тандурустӣ ва ҳифзи иҷтимоии аҳолии вилоят супориш доданд, ки аз кӯмаки навбатии Пешвои миллат муҳтарам Эмомалӣ Раҳмон самаранок истифода баранд ва ба ноҳияҳои вилоят низ кӯмаки Роҳбарияти Олии мамлакат расонида шавад то ки ҳамаи табибони навоҳии вилоят аз кӯмаки ғамхоронаи Пешвои миллат бархурдор гарданд.

Қабули эстафета- рамзи Ғалаба дар шаҳри Хоруғ.

Имрӯз 9 -майи соли 2020 дар шаҳри Хоруғ маросими қабули эстафета – рамзи Ғалаба, ки аз кишварҳои собиқ Иттиҳоди Шӯравӣ ба Тоҷикистон ворид гардидааст, баргузор гардид. Дар ин маросим кормандони мақомоти ҳифзи ҳуқуқ ва собиқадорони меҳнат ширкат варзида, муовини раиси вилоят Назира Амирбекзода ва муовини раиси шаҳр Қодирзода Файзулло иштирокдоронро ба муносибатӣ 75 – солагии Иди Зафар табрик намуданд

ҚАБУЛИ БЕМОРОН БА БЕМОРХОНАИ ВИЛОЯТӢ АЗ РУИ ТАРТИБИ МУАЙЯН БА РОҲ МОНДА МЕШАВАД.

ҚАБУЛИ БЕМОРОН БА БЕМОРХОНАИ ВИЛОЯТӢ АЗ РУИ ТАРТИБИ МУАЙЯН БА РОҲ МОНДА МЕШАВАД.
Рохбари ситоди вилоятӣ оид ба пешгирии сокинон аз сироятёбӣ ба бемориҳои сирояти коронавируси – «COVID 19» раиси ВМКБ Ёдгор Файзов дар оғози ҷаласа ба аъзоёни ситод ва бошандагони ВМКБ, ки ҳамарўза ба хотири пешгирии паҳншавии бемори коронавируси нави «covid 19» саҳми муносиби худро гузоштаистоанд ва баҳри сироят наёфтани бошандагони вилоят ба ин вабои аср муборизаи беамон мебаранд, изҳори миннатдори мақомоти иҷроияи ҳокимияти давлатии вилоятро баён дошт. Қайд гардид, ки набаромадан аз хона, истифодаи барзиёд аз маҳлулҳои безарарагардонӣ ва истифодаи ниқоб яке аз роҳҳои асосии пешгирӣ ин бемории сироятӣ арзёбӣ мегардад, ки ҳамарўза иҷрои ин амалҳоро табибон аз мо талаб менамоянд. Раиси Вилояти Мухтори Кўҳистони Бадахшон таваҷҷўҳи аъзоёни ситоди вилоятиро ба мушкилоти пешомада алалхусус бе ташхиси табибони тибби оилавӣ ё шабакаи ёрии таҷҷилӣ бистари кардани маризон дар Беморхонаи вилоят ҷалб намуда иброз дошт, ки сокинони вилоят набояд бо ташвишҳои андак бо касалиҳои сабук дар ҳамин шабу рўз ба беморхона барои бистари шудан набиёянд. Зеро беморхона қоидаву тартиботи қабул намдуани маризонро дорад ва дар сурати дигар сокинон ҳавфи сироят шудан ба дигар намуди бемориҳоро доранд. Гуфта шуд, ки аз рўйи мушоҳидаи табибони ҷаҳон дар 50 фисади мардум бемории сироятии коронавирус бе ягон нишона дида мешавад ва ин маризон дар назари мо сиҳат метобанд, ҳамчунин 35 фоизи дигар ин бемори сабук паси сар мегардад, аммо дар 15 фисади аҳолӣ он ба таври вазнин ҷараён мегирад, ки ин табақаи маризон ҳақиқатан дар мадди назар табибон қарор дошта, ниёз ба табобатро доранд. Аз ин рў ба сардори Раёстаи тандурустии ВМКБ супориш дода шуд, ки ба тартиби қабули сокинони вилоят ба беморхона таваҷҷўҳи ҷиддӣ равона намуда, дар фосилаи кўтоҳ роҳҳои аҳлӣ онро пайдо намояд.