НАТИҶАҲОИ ФОРУМИ БАЙНАЛМИЛАЛИИ ПОМИРИНВЕСТ

Муовини раиси Маҷлиси милли Маҷлиси Олӣ Ҷумҳурии Тоҷикистон раиси Вилояти Мухтори Кухистони Бадахшон мӯҳтарам Ёдгор Файзов ва Фонд барои зиндагии беҳтар дар Тоҷикистон шартномаи тарафайн оиди таъсиси корхонаи истеҳсоли духти либосҳои мактабӣ дар шаҳри Хоруғ имзо намуданд. Тибқи шартномаи тарафайн корхона дар се марҳила сохта ба истифода дода мешаванд. 
– марҳилаи якум 10 ҳазор дона истеҳсоли либоси мактабӣ дар як сол 
– марҳилаи дуюм 20 ҳазор дона истеҳсоли либоси мактабӣ дар як сол 
– марҳилаи сеюм 30 ҳазор дона истеҳсоли либоси мактабӣ дар як сол 
Раиси Вилояти Мухтори Кухистони Бадахшон мухтарам Ёдгор Файзов баъд аз имзонамудани шартнома диққати сармоягузоронро бо он ҷалб намуд, ки пеш аз ҳама бояд сатҳи зиндагии мардуми вилоят ба инобат гирифта шавад ва либосҳои мактабӣ низ бо нархи дастрас барои мардуми вилоят ба фурӯш бароварда шаванд

Семинар– машварат

         Санаи 24 уми апрел дар толори Маркази исмоилияи шаҳри Хоруғ аз рўйи мавзўйи «Тайёрӣ ва рафти кишту кори баҳорӣ дар ноҳияҳои вилоят» машварат – семинари якҷояи мақомоти иҷроияи ҳокимияти давлатии вилоят ва БҶИИМК сурат гирифт. Онро менеҷери минтақавии БҶИИМК Хумориков Х. ифтитоҳ намуд. Дар кори машварат раиси вилоят Ёдгор Файзов ширкат дошт. Пасон намояндаҳои гурўҳҳои корӣ, ки аз ноҳияҳои Шуғнону Роштқалъа боздид карда буданд, натиҷаи фаъолияташонро баррасӣ карданд. Дар мавзўи «Таъмини тухмӣ ва нуриҳо аз тарафи БҶИИМК» Баҳронов А. – корманди ин ниҳод назари хешро баён дошт. Ҳамчунин ахбори сардори раёсати кишоварзии вилоят Мамадасанов А. роҷеъ ба рафти кишту кори баҳорӣ дар вилоят шунида шуд. Дар атрофи масъалаҳои мавриди муҳокима намояндаҳои ҳар ноҳия мулоҳизаронӣ намуданд. Ҳангоми ҷамъбасти кори машварат раиси вилоят Ёдгор Файзов қайд кард, ки кишту кори баҳорӣ дар сартосари вилоят суст ҷараён дорад. Маълумоте, ки масъулини соҳаи кишоварзӣ манзур мекунанд, аксаран нодуруст буда, изофа нависӣ ҷой дорад. Санчиши гурўҳи корӣ бо роҳбарии муовини якуми раиси вилоят собит намуд, ки рақамҳои дар маълумот омада ба воқеият рост намеоянд. Равшан шуд, ки кишту кори баҳорӣ дар ноҳияи Дарвоз хеле қафо мондааст. Ин ҳол дар дигар минтақаҳои вилоят низ мушоҳида мешавад. Маҳсулоти кишоварзӣ, мева, ки ба даст меояд, ҳатто 50% талаботи аҳолии вилоятро қонеъ карда наметавонад. Бе истеҳсолоти худӣ, зиёд кардани содирот ва костани воридот рушди вилоят ғайриимкон аст, – таъкид дошт раиси вилоят.

Муҳаррири сомона Улфатшоев Ҷ

Мулоқоти судманд

Ҳанўз моҳи ноябри соли гузашта раиси вилоят Ёдгор Файзов бо роҳбарияти ташкилоти Олмон оид ба амалисозии Барномаи «Рушди иқтисоди маҳалли дар минтақаҳои интихобшудаи баландкўҳи Тоикистон» мулоқоте анҷом дода буд. Дар пайи густариши ҳамкориҳо бо роҳбарияти ин ташкилот 10.04.2019 муовини раиси вилоят Имматшозода А, сардори раёсати рушди иқтисод ва савдои вилоят Шоҳзодаев Л вохўрии навбати доир намуданд. Зикр гардид, ки марҳилаи якуми фаъолияти ин Барнома анҷом пазируфт ва марҳилаи дуюми фаъолияти он барои солҳои 2019 – 2021 акнун оғоз мешавад. Ба ин хотир, барои ҳаллу фасли корҳои дар пешистода мубодилаи афкор сурат гирифт ва тартиби амалисозии лоиҳаҳо муайян гардид. Муовини раиси вилоят Имматшозода А. ба шарикони рушд ҷиҳати тавсеаи ҳамкориҳо арзи сипос намуд.

Сипоснома ба раиси шахри Душанбе

Ба Раиси шахри Душанбе

 Рустами Эмомали

СИПОСНОМА

        Мўхтарам Раис!

         Мардуми шарифи Вилояти Мухтори Кўхистони Бадахшон – ин гўшаи Точикистони махбуб аз сиёсати созандаю офаранда ва хирадмандонаю гуногунчабхаи Асосгузори сулху Вахдати милли – Пешвои миллат, Чаноби Оли Эмомали Рахмон басе шоду мамнун ва нихоят каноатманд буда, ба Рохбари гамхор ваПешвои миллат  сипоси самимии худро арза медоранд ва аз икдомоти начибонаи Сарвари точикони чахон дар ростои созандагию бунёдкорихо, рохандозии сиёсати беруна, равобит ва хамкорихои судманд бо кишвархои чахон, густаришу тавсеаи фаъолиятхо бо созмонхои байналмилали хамеша пуштибони менамоянд.

Дар ин росто – ободию шукуфоии Ватани азизамон хизмати Шумо  низ басе зиёд аст. Бо саъю талоши Шумо пойтахти кишвар – шахри Душанбе хеле зебою обод гардидааст. Хамчунин Шумо тамоми минтакахои Точикистонро хамачониба дастгири карда истодаед. Икдоми навбатии Шумо – дастрас намудани 2 адад техникаи рохсози барои шахри Хоругаз саховати олихимматонаи Шумо шаходат медихад ва талоши пайгиронаи Шуморо дар чодаи ободию созандагихо  бахри Ватан собит месозад. Бо ин техника хочагии манзилию коммунали имкон пайдо менамояд, ки роххои шахрро зимистон аз барф тозакунад ва тобистон кўчаву гулгаштхои шахрро шодоб ва ба симои шахр хусну таровати тозае ато намояд.

Мо аз ин кўмаки Шумо хеле мамнунем ва лутфан миннатдории

самимии моро ќабул фармоед.

               Бо эхтироми комил Раиси Вилояти

Мухтори Кўхистони Бадахшон                      Ёдгор Файзов