СОҲАИ САЙЁҲӢ, ИМКОНИЯТҲО ВА ДАСТОВАРДҲО

Дар ҳамкорӣ бо мақомоти иҷроияи ҳокимияти давлатии Вилояти Мухтори Кӯҳистони Бадахшон дар шаҳри Хоруғ дар заминаи “Солҳои рушди деҳот, сайёҳӣ ва ҳунарҳои мардумӣ” бо мақсади омодагӣ ба мавсими сайёҳӣ бо ҷалби субъектҳои фаъолияти сайёҳӣ ҳамоиш доир гардид.
Дар кори ҳамоиш масъалаҳои таҳти назорати қатъӣ қарор додани ҳолати санитарию гигиении марказҳои хизматрасонӣ, бо мақсади пешгирӣ аз ҳар гуна бемориҳои сирояткунанда, ҷойҳои тамошои сайёҳӣ, рушди инфрасохтори деҳот, таҳия ва пешниҳоди лоиҳаҳои сармоягузорӣ барои минтақаҳои бартариятдошта аз нигоҳи рушди иқтисодӣ ва намудҳои сайёҳӣ, фароҳам овардани шароит барои рақобатнокӣ дар самти хизматрасонӣ баррасӣ гардиданд.

БА МАСЪУЛИНИ РАДИОИ ОЗОДӢ

Мақомоти иҷроияи ҳокимияти давлатии Вилояти Мухтори Кухистони Бадахшон гузориши Радиои озодиро мавриди таҳлил қарор дода маълум менамояд, ки ахборот оиди дар шаҳри Хоруғ ташкили гардидани эътирози ҷавонон дар масъалаи футбол комилан маълумоти нодуруст аст. Аксеро, ки Радиои озодӣ инъикос намудааст ин акси соли 2016 мебошад.
Дар шаҳри Хоруғ ягон эътироз аз тарафи ҷавонон ба қайд гирифта нашудааст. Варзишгоҳи марказии шаҳри Хоруғ албатта маҳкам аст чунки варзишгоҳ айни замон аз таъмири капиталӣ гузашта истодааст.
Бинобар ин хоҳиш карда мешавад, ки чунин ахборотҳо бо масъулин соҳаи варзиши вилоят ва Мақомоти иҷроияи ҳокимияти давлатии шаҳри Хоруғ дақиқ карда мешуд ва баъдан инъикос мегардид.

МУРОҶИАТНОМАИ СОКИНОНИ НОҲИЯИ РУШОН БА ХОИНИ МИЛЛАТ, ҶИНОЯТКОР МУҲИДДИНИ КАБИРИ

​ ​ Мо, мардуми ноҳияи Рӯшон ҳамарӯза​ дастгириҳои Ҳукумати кишварро бараъло эҳсос менамеом. Тӯли солҳои соҳибистиқлолӣ ободонию ободкорӣ дар ноҳияи мо ва умуман дар Вилояти Мухтори Кухистони Бадахшон ба таври назаррас ба роҳ монда шуда, дар ноҳия тамоми шароитҳо барои зисти аҳолӣ маҳайё карда шудааст.
Мардуми Бадахшон, хусусан мо аҳолии ноҳияи Рӯшон сиёсати пешгирифтаи Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмонро ҳаматарафа ҷонибдорӣ намуда, қувваи ҷисмонию зеҳнии худро баҳри амалӣ сохтани дурнамо ва нақшаҳои Ҳукумати кишвар равона месозем. Мо медонем, ки тамоми дастуру супоришҳо ва корҳое, ки дар ноҳияи мо анҷом дода мешаванд, ба нафъ ва барои беҳбудии мо, нигаронида шудаанд.
Дирўз аз васоити ахбори омма ба мо мардуми Рушон маълум гардид, ки Кабирии ҷинояткори ватанфурўш дар баромади худаш ќайд кардааст, ки миллат бояд дар канори мардуми Рушон бошад. Ҳамчунин қайд кардааст, ки мардуми Рушон аз каромату шарафоти тамоми Тоҷикистон эътироз мекунанд.
Мо медонем, ки Кабири тў бо ин роҳ​ мехоҳи мардуми Рушонро ба кирдорҳои ҷиноятии худат олуда кунӣ. Ду ҷинояткоре, ки кирдорҳои онҳо боиси нигаронии аҳли ҷомеаи Рушон гаштааст онҳоро таърифу тавсиф карда, бо ин амалат онҳоро барои содир кардани ҷиноятҳои мудҳиш равона сохтани истодаи.
Кабири тў дониста бош, ки касе қонунро вайрон намудааст дар назди қонун ҷавобгар​ мешавад.​ Дар ноҳияи Рушон қонуну қоида пойдор буда, Мақомотҳои қудрати вазифаҳои худашонро иҷро мекунанд. Мардуми Рӯшон бошад чӣ кор карданашонро медонанд ва ба дасисаҳои тў ниёз надоранд. Аз як кирдори номатлуби содир шуда дар як кўчаи Рӯшон ту ҳангома насоз.
Мардуми Рушон туро як хиёнаткор ва бозичаи дасти баъзе давлатҳо медонанд.
Мо сокинони ноҳияи Рӯшон ба хубӣ медонем, ки ҳадаф аз даъвату суханрониҳои ту Кабирии хоин чист!. Мо хуб огоҳем, ки чаро ту меҳоӣ мо ба гирдиҳамоӣ ҷамъ омада, нооромиро дар ноҳия замина гузорем. Чун туву ҳаммаслакони ҷиноятиат дар тамоми фаъолият ва зинадгии худ коре ҷуз ихтилофандозию вайронкорӣ ва норомӣ надоред.
Ба ту Кабирии нотавонбин ва ҷиноятпеша мо сокинони ноҳияи Рӯшон муроҷиат карда мегӯем, ки барномаи хоиниатро дар ҷойи дигар ба кор бар.
Мо мардуми ноҳияи Рӯшон ба ту Кабирии хиёнатпеша хитоб мекунем, ки дар ҳама вазъу ҳолат ба Роҳбарияти олии кишвару Вилояти Бадахшон Мухтори Кухистони Бадахшон такя мекунем ва бовар дорем, ки моро​ ҳама вақт дастгирӣ ва нигоҳубин мекунанд.
То имрӯз дар ноҳия ҳар дастоварду пешравие шудааст, маҳз бо ибтикори Президенти кишвар Пешвои миллат​ муҳтарам Эмомалӣ Раҳмон ва сиёсати хирадмандонаи эшон рӯи кор омадааст. Ин ҳама дастовардҳоро маҳз бо дастгирии Ҳукумати Ҷумҳурии Тоҷикистон​ ба сокинон замина гузошт.​ Вале, ту Кабирии хоин гуфта метавонӣ, ки тӯли зиндагиат ҷуз хиёнат дар корномаат чӣ дорӣ? Бовар дорем, лолу безабон мемонӣ.
Ба ту Кабирии хоин ҳаминро боз ҳам таъкид карда мегӯем, ки беҳуда ҳарзасароӣ накун ва умед надошта бош, ки мо сокинони ноҳияи Рӯшон ба суханони пурдассисаи ту бовар мекунем!!!

МАҶЛИСИ КУМИТАИ ИҶРОИЯИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ВМКБ

Дар шаҳри Хоруғи Вилояти Мухтори Кӯҳистони Бадахшон бо иштироки муовини Раиси Ҳизби Халқии Демократии Тоҷикистон Хайринисо Юсуфӣ, узви Раёсати Кумитаи Иҷроияи Марказӣ ва вилоятии ҲХДТ, раиси Вилояти Мухтори Кӯҳистони Бадахшон Ёдгор Файзов, ҳамзамон раисони ташкилотҳои ибтидоии ҳизб ва фаъолони вилоят Маҷлиси Кумитаи иҷроияи Ҳизби Халқии Демократии Тоҷикистон дар Вилояти Мухтори Кӯҳистони Бадахшон баргузор гардид. Дар Маҷлиси Кумита масъалаҳои муҳим аз он ҷумла ворид намудани тағйиру иловаҳо ба ҳайати Раёсати Кумитаи иҷроияи Ҳизби Халқии Демократии Тоҷикистон дар Вилояти Мухтори Кӯҳистони Бадахшон, озод намудани раиси кумитаи иҷроияи ҳизб дар Вилояти Мухтори Кӯҳистони Бадахшон бинобар сабаби ба кори дигар гузаштан ва интихоби раиси Кумитаи иҷроияи Ҳизби Халқии Демократии Тоҷикистон дар Вилояти Мухтори Кӯҳистони Бадахшон баррасӣ гардиданд.
Дар маҷлиси кумитаи иҷроия барои интихоб шудан ба вазифаи раиси Кумитаи иҷроияи Ҳизби Халқии Демократии Тоҷикистон дар ВМКБ номзадии Фелалиев Рустам Саидшоевич пешниҳод гардида, аз ҷониби аъзоёни ҳизб дастгирӣ гардид. Инчунин Қозибеков Ҷонибек, ки солаҳои зиёд вазифаи Раиси Кумитаи Иҷроияи ҳизб дар Вилояти Мухтори Кӯҳистони Бадахшонро бар зимма доштанд ва тӯли фаъолияти босамари худ дар сохтори вилоятии ҳизб барои таҳкими корҳои ташкилӣ, таблиғотӣ ва молиявии ҳизбӣ як қатор ташаббусҳоро пешниҳод ва амалӣ намудаанд, бо Сипосномаи Кумитаи Иҷроияи Марказии Ҳизби Халқии Демократии Тоҷикистон қадрдонӣ карда шуд.

ТОЛИБИЛМОНИ ВМКБ СОҲИБИ СТИПЕНДИЯИ ПРЕЗИДЕНТӢ ШУДАНД


Имрӯз,18 июн дар толори калони мақомоти иҷроияи ҳокимияти давлатии ВМКБ маросими супоридани идрори Президентӣ ба толибилмони муассисаҳои таълимии вилоят бо иштироки Ëдгор Файзов, Раиси Вилояти Мухтори Кӯҳистони Бадахшон ва Ризо Назарзода, муовини якуми раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон баргузор гардид. Дар баробари дигар ноҳияҳои вилоят чор нафар толибилмони муассисаҳои таълимии шаҳри Хоруғ Одинамамадова Шарифамо – хонандаи Литсейи Оғохон, Абдураҳмонов Убод – хонандаи синфи 11 – и муассисаи таълимии рақами 11, Кабирова Мафтуна – хонандаи синфи 11 – и муассисаи таълимии рақами 9 ва Тавакалова Давлатбегим – хонандаи синфи 9 – и муассисаи таълимии рақами 5 – и шаҳри Хоруғ ба гирифтани ин идрор мушарраф гардиданд. Дар баромади худ Файзов Ëдгор ва Назарзода Ризо муқаррар намудани идрори Президентиро барои хонандагони болаëқат яке аз иқдомҳои наҷиби Пешвои муаззами миллат муҳтарам Эмомалӣ Раҳмон барои насли наврас баëн намуда, толибилмонро ба худшиносию худогоҳӣ ва дӯст доштани Ватан талқин намуданд. Дар навбати худ толибилмон ва волидони онҳо низ баҳри зоҳир намудани чунин ғамхорӣ ба Роҳбарияти Олии давлат арзи миннатдорӣ баëн доштанд. Баъди анҷоми маросим Кишвар Шамирӣ – раиси шаҳри Хоруғ гирандагони идрори Президентиро аз шаҳри Хоруғ ба ҳузур пазируфта, баҳри интихоби касбу ихтисоси мутобиқ ба бозори меҳнат ва дар оянда хизмати софдилона намудан ба халқу Ватан ба онҳо дастуру маслиҳатҳо доданд.

ҲАМКОРИ БА ХОТИРИ БЕҲДОШТИ САЛОМАТИИ АҲОЛӢ

Раиси Вилояти Мухтори Кухистони Бадахшон мӯҳтарам Ёдгор Файзов Директори сариҷроияи Хадамоти Оғохон оид ба тандурустӣ дар Ҷумҳурии Тоҷикистон Муҳаббат Баҳромов ва намояндаи Хадамоти Оғохон оид ба тандурустӣ дар ВМКБ Умед Назришоевро ба ҳузур пазируфт.
Зимни суҳбат раиси вилоят барои намояндагони ҳифзулсиҳати Хадамоти Оғохон баҳри кӯмакҳои башардӯстона изҳори сипос намуда, қайд дошт, ки дар давраи хуруҷи ин бемори дастрасӣ ба маводи доруворӣ ҳамчун масъалаи асосӣ ба ҳисоб рафта саҳми Хадамоти Оғохон оид ба тандурустӣ дар ин самт хеле дастрас арзёби мегардад. Бо дастгирии Асосгузори сулҳу ваҳдати миллӣ Пешвои миллат муҳтарам Эмомалӣ Раҳмон дар ин давраи душвор ба Вилояти Мухтори Кухистони Бадахшон кӯмакҳои пайвастаи тибби равона шуда буд. Дар баробари ин аз ҷониби шарикони рушд низ дастгирии пайваста ба назар расиданд.
Директори сариҷроияи Хадамоти Оғохон оид ба тандурустӣ дар Ҷумҳурии Тоҷикистон Муҳаббат Баҳромов қайд намуд, ки дар ин вазъияти номӯътадил аз рӯи чор самт фаъолият намуда фаъолиятҳои муштарак бо ҷомеа ва гузаронидани корҳои профилактикӣ дар байни омма яке аз самтҳои муҳим арзёби карда мешавад, ки тавонистанд саривақт ба мардум оид ба қоидаҳои санитарию гигиенӣ маълумот пурзӯр намоянд. Дар самти дастрасӣ ба маводи доруворӣ ва либосҳои махсуси тиббӣ барои духтурони вилоят аз ҷониби Хадамоти Оғохон оид ба тандурустӣ кӯмак ба роҳ монда шуд.
Раиси вилоят таъкид намуд, ки масъалаи таъмири бинои беморхонаи вилоятӣ ва дастрас намудани асбоби махсус барои ташхиси бемории covid 19 ва оксиген генератор яке аз масъалаҳои асосӣ ба ҳисоб меравад.
Намояндагони Хадамоти Оғохон оид ба тандурустӣ таъкид намуданд, ки дар ин самт бо Ҳукумати мамлакат ҳамкорӣ пайваст дошта, метавонанд дар ин ҷода кӯмаки башардӯстонаи худро пешниҳод намоянд.
Инчунин баҳри таъмини пурра бо беморхона дар назар аст, ки дар маркази вилоят шаҳри Хоруғ беморхонаи сайёри хаймавӣ бо шароити хуб ба роҳ монда шавад. Раиси вилоят изҳор дошт, ки бемории короновирус касалии сироятӣ мебошад, кӯшиш намоем ҳарчи зудтар дар ҳудуди вилоят бунёди беморхонаи сироятиро ба роҳ монем. Ҳамчунин иброз карда шуд, ки баҳри ташхиси ин бемори мутахассисони соҳибтаҷриба зарур дониста шуда бо дастгирии Хадамоти Оғохон оид ба тандурустӣ метавон духтурони касбиро омода намуд. Намояндагони Хадамоти Оғохон оид ба тандурустӣ аз ҳамкории дуҷонибаи Ҳукумати Ҷумҳурии Тоҷикистон ва шарикони рушд изҳори сипос намуда, қайд доштанд, ки дар самти мубориза бо covid 19 дар ҳамкорӣ бо Мақомоти иҷроияи ҳокимияти давлатии Вилояти Мухтори Кухистони Бадахшон нақшаҳои пешниҳодгардидаро амалӣ хоҳанд намуд.

ДИҚҚАТ ДИҚҚАТ ДИҚҚАТ ХАРОҶОТ АЗ СУРАТҲИСОБИ МАХСУСИ МАҚОМОТИ ИҶРОИЯИ ҲОКИМИЯТИ ДАВЛАТИИ ВМКБ

Ба ҳолати 15. 06. 2020 аз суратҳисоби махсуси Мақомоти иҷроияи ҳокимияти давлатии Вилояти Мухтори Кухистони Бадахшон, ки барои пешгирии бемории сироятии короновирус ё худ covid 19 дар вилоят таъсис дода шудааст маблағи 94 ҳазору 689 сомонӣ хароҷот карда шудааст.

1. Беморхонаи ноҳияи Мурғоб – 30 ҳазор сомонӣ
2. Шуъбаи Ёрии таъҷилии шаҳри Хоруғ барои сӯзишворӣ ва дигар эҳтиёҷотҳои зарур – 42 ҳазору 129 сомонӣ
3. Беморхонаи Навободи ноҳияи Шуғнон – 10 ҳазор сомонӣ
4. Шуъбаи Ёрии таъҷилӣ ҷамоати Поршиневи ноҳияи Шуғнон – 10 ҳазор сомонӣ
5. Шуъбаи Хадамоти давлатии оташнишонии ВМКБ харидори намудани сузишвори ба хотири безараргардонии кучаҳои шаҳри Хоруғ – 2 ҳазору 560 сомонӣ
Дар маҷмӯъ аз суратҳисоби махсуси мақомоти иҷроияи ҳокимияти давлатии Вилояти Мухтори Кухистони Бадахшон барои бартараф намудани камбудиҳо дар соҳаи тандурустии вилоят 94 ҳазору 689 сомонӣ сарф гардидааст.
Маблағи боқимонда дар суратҳисоби мазкур 304 ҳазору 814 сомониро ташкил медиҳад.
Мақомоти иҷроияи ҳокимияти давлатии Вилояти Мухтори Кухистони Бадахшон барои шахсони саховатпеша, соҳибкорон идораву муассисаҳо ва ташкилотҳо, ки ба суратҳисоби мазкур маблағро ба хотири пешгирии бемории сироятии короновирус дар вилоят гузаронданд изҳори сипосро баён менамояд.

БА ДИҚҚАТИ СОКИНОНИ ВМКБ

Мақомоти иҷроияи ҳокимияти давлатии Вилояти Мухтори Кухистони Бадахшон ба иттилои сокинони Вилояти Мухтори Кухистони Бадахшон мерасонад, ки дар суратҳисоби махсуси мақомот, ки ба хотири пешгирии бемории сироятии короновирус ё худ covid 19 дар вилоят таъсис дода шудааст аз тарафи шахсони саховатпеша ба ҳолати 15. 06. 2020 399 ҳазору 503 сомонӣ ворид гардидааст.

ШИНОСОӢ БО ҲОЛАТИ САНИТАРИИ БОЗОРИ МАРКАЗӢ ВА БОЗДИД АЗ ИНШООТИ ҶАШНӢ

Имрӯз,15 июн Раиси Вилояти Мухтори Кӯҳистони Бадахшон Ëдгор Файзов, муовини якуми раиси вилоят Алишер Мирзонаботов, раиси шаҳри Хоруғ Кишвар Шамирӣ ва сардори Раëсати Вазорати корҳои дохилӣ дар вилоят Мирзомуродзода Рустам аз рафти савдо дар бозори марказӣ боздид ба амал оварданд.
Зимни боздид ҳайати гурӯҳи корӣ таҳти роҳбарии раиси вилоят Ёдгор Файзов ҳолати санитарии бозорро аз назар гузаронида, баҳри беҳтар ба роҳ мондани савдо ва ба тартиби муайян даровардани он сохторҳои дахлдорро муваззаф гардонданд. Ҳамзамон, дастур дода шуд, ки дар бозори мазкур бояд гӯшаи деҳқон ташкил карда шуда, дар ояндаи наздик савдогароне, ки ба фурӯши либосу пояфзол ва дигар молу маҳсулоти ғайрихӯрока машғуланд, ба бозори 20 – солагии Истиқлолият кӯчонда шаванд. Ҳамчунин, гурӯҳи корӣ бо рафти сохтмони бонки амонатгузории “Амонатбонк” шинос гардиданд.

Суҳбати видеоконфронсӣ бо Ноиби Президенти Бонки Ҷаҳонӣ хонум Анна Бйерде

10 июн Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Ноиби Президенти Бонки Ҷаҳонӣ оид ба кишварҳои Аврупо ва Осиёи Марказӣ хонум Анна Бйерде, ки дар қароргоҳи Бонки Ҷаҳонӣ дар шаҳри Вашингтони ИМА ҳузур доштанд, суҳбати видеоконфронсӣ анҷом доданд.

Дар ҷараёни суҳбат ҷонибҳо ҳолати кунунӣ ва дурнамои муносибатҳои ҳамкорӣ, вазъи ҷомеаи ҷаҳонӣ, тадбирҳои табобат ва пешгирии бемории сироятии коронавирус COVID-19-ро дар Тоҷикистон баррасӣ карданд.

Президенти мамлакат муҳтарам Эмомалӣ Раҳмон аз сатҳи ҳамкории Тоҷикистон бо ин ташкилоти бонуфузи молиявӣ изҳори қаноатмандӣ намуданд.

Таъкид гардид, ки Бонки ҷаҳонӣ аз рӯзҳои аввали бақайдгирии сироятёбии ин беморӣ дар Тоҷикистон, барои пешгирӣ аз паҳншавии ин беморӣ дар кишвари мо кӯмакҳои молиявӣ ҷудо кард.

Ҷонибҳо оид ба паҳншавии бемории сироятии коронавирус – COVID-19, ки аксари кулли кишварҳои оламро фаро гирифтааст, андешаронӣ карда, роҳҳои коҳиш додани таъсири манфии ин беморӣ ба вазъи иҷтимоию иқтисодии Тоҷикистонро муҳокима намуданд.

Зимни суҳбат таъкид шуд, ки дар Тоҷикистон аз рӯзҳои аввали ба қайдгирии ин беморӣ чораҳои фаврию судманд амалӣ карда шуда, Ҳукумати Ҷумҳурии Тоҷикистон Ситоди ҷумҳуриявӣ оид ба пешгирӣ аз паҳншавии бемории нави сироятии COVID-19-ро таъсис дода, беморхонаҳо барои ин бемории сироятиро бо садҳо кати хоб ва муҷаҳҳаз бо тамоми таҷҳизоти муосири тиббӣ ва маводи доруворӣ ташкил намуд.

Ҷараёни табобати беморон, беҳдошти вазъи беморхонаҳо, баланд бардоштани сатҳи хизматрасонии тиббӣ ба мубталоёни ин беморӣ ва таъмини беморхонаҳо бо маводи доруворӣ ва дигар таҷҳизоти зарурии тиббӣ таҳти назорати бевоситаи Президенти Ҷумҳурии Тоҷикистон қарор дорад.

Дар ҷараёни суҳбати видеоконфронсӣ ҳамчунин дигар ҷанбаҳои муҳими ҳамкории барои ҳар ду ҷониб судманд баррасӣ карда шуданд.