Тасдиқи рамзи «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019-2021

Президенти Ҷумҳурии Тоҷикистон, Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон рамзи «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019-2021-ро бо мақсади муаррифии ҳамаҷонибаи иқдоми мазкур тасдиқ намуданд.

Рамзи мазкур аз ҷониби Иттифоқи рассомон ва устодони Донишкадаи давлатии санъати тасвирӣ ва дизайни Тоҷикистон таҳия ва пешниҳод гардидааст.

Гирдогирди рамзро се хати доирашакли сурх, сафед ва сабз фаро гирифтааст, ки таҷассумгари Парчами давлатӣ маҳсуб меёбанд. Инчунин, ду хати иловагии доирашакли кабудранг ва ҳафт ситора низ рамзҳои миллиро ифода мекунанд. Дар гирди рамз бо забонҳои тоҷикиву англисӣ «Солҳои рушди деҳот, сайёҳӣ ва ҳунарҳои мардумӣ 2019-2021» навишта шудааст.

Дар маркази доира ҷузъиёти асосии рамз – кӯҳҳои сарбафалаккашидаи Тоҷикистон, офтоби оламоро, манзараҳои зебои ҳаёти деҳот, роҳу нақбҳо ва сайёҳ чун нишонаи рушди сайёҳӣ, рубоб, кӯза ва анору ангур ҳамчун рамзи кишоварзӣ ҷой дода шудааст, ки таҷассумкунандаи макони меваҳои шаҳдбор будани диёри зебоманзари Тоҷикистон ба ҳисоб мераванд.

Ҳамзамон, мусаввараҳо бо нақшу нигорҳои миллӣ оро дода шудааст, ки идомаи ҳунарҳои мардумӣ мебошанд.

Дар маҷмӯъ, рамзи мазкур чор ҳадафи стратегии Ҷумҳурии Тоҷикистон – расидан ба истиқлолияти энергетикӣ, таъмини амнияти озуқаворӣ, раҳоӣ аз бунбасти коммуникатсионӣ ва саноатикунонии босуръати мамлакатро бо тасвир кардани дарғот, нақб, роҳ ва меваҷот ифода мекунад.

Вазорату идораҳо, ташкилоту муассисаҳо, мақомоти иҷроияи ҳокимияти давлатии вилоятҳо ва шаҳру ноҳияҳо, воситаҳои ахбори омма метавонанд аз рамзи «Солҳои рушди деҳот, сайёҳӣ ва ҳунарҳои мардумӣ» васеъ истифода баранд.

Номаи табрикотӣ

Боиси ифтихор ва сарфарозист, ки ду нафар шаҳрвандони Ҷумҳурии Тоҷикистон Нафиса Имронова ва Тоҳир Иброҳимов ба ҳайси тарроҳи беҳтарин, ки суннати ниёгони миллати тоҷикро аз қабили сӯзани ва зардӯзи дар арсаи байналмилалӣ дар шаҳри Парижи давлати Фаронса муариффӣ намуданд ва соҳиби ҷоҳизаи ЮНЕСКО гардиданд.
Аз номи мақомоти иҷроияи ҳокимияти давлатии Вилояти Мухтори Кӯҳистони Бадахшон ба Шумо дар эҳё намудани фарҳангу тамаддуни аҷдодии миллати тоҷик комёбиҳои беназирро таманно намуда ба зинаҳои баландтар муваффақ гардидан пирӯзиҳои нав ба навро хоҳонам.

Бо эҳтиром раиси ВМКБ Ёдгор Файзов

Табрикномаи муовини Раиси Маҷлиси миллии Маҷлиси Олии Ҷумҳурии Тоҷикистон, раиси Вилояти Мухтори Кўҳистони Бадахшон Ёдгор Файзов ба ифтихори иди касбии кормандони раёсати минтақавии гумрук дар ВМКБ

Мўҳтарам кормандони мақомоти минтақавии гумрук!
Собиқадорони гиромиқадри соҳа!

Мақомоти гумрук яке аз сохторҳои калидии давлат маҳсуб гардида, дар пешрафти иқтисодиву иҷтимоии кишвар, таъмини сифатноки воридоти молу таҷҳизот, ғанӣ гардонидани буҷети мамлакат, пешгирӣ аз молу маводи сифаташ паст нақши муҳим мебозад. Имсол ба таъсис ва фаъолияти ин ниҳод 28 – сол пур мешавад ва ин санаи муборак буда, як давраи кору пайкори ин сохторро ҷамъбаст менамояд.
Ин марҳала собит намуд, ки сохтори гумрук аз рўзи таъсис ёфтанаш чун яке аз сохторҳои муҳимтарини давлатдорӣ шинохта шуда, дар иҷрои вазифаҳои хизматӣ мутобиқи қонунгузории амалкунандаи ҷумҳурӣ амал намуда, дар ин росто ба бисёр комёбиҳо даст ёфтааст.
Раёсати минтақавии гумрук дар вилояти мо дар радифи дигар сохторҳои давлатӣ дар доираи ваколату салоҳияташон корҳои зиёде ба анҷом расонида, дар самти афзун намудани буҷети давлат, ҷилавгирӣ аз амволи бесифат ва мубориза бо қочоқи маводи мухаддир, пешгирии қонуншиканиҳо, ҳифзи амнияти иқтисодии кишвар, густариши равобити иқтисодиву иҷтимоӣ бо мамолики бурунмарзӣ, таҷдиду такмили муносибатҳои бозоргонӣ, ҳифзи манфиати истеъмолкунандагон дастовардҳои арзанда дорад.
Талошҳои ҳамешагии Шумо – кормандони гумрук баҳри таъмини волоияти қонун дар қатори дигар сохторҳо, адои вазифаҳои хизматӣ дар доираи салоҳияту ваколат ва қонуният мўҷиби таҳсину офарин аст.
Тамоми кормандону собиқадорони раёсати минтақавии гумруки вилоятро бо даррасидани иди касбӣ бо камоли эҳтиром табрик мегўям, ба Шумо тани сиҳату табъи болида, зиндагии осудаю рўзгори хуш таманно менамоям!

ВАЗЪИ ШОҲРОҲИ БАЙНАЛМИЛЛАЛӢ, ҶУМҲУРИЯВӢ ВА МАҲАЛЛӢ ДАР ҲУДУДИ НОҲИЯИ ШУҒНОН

Ноҳияи Шуғнон яке аз калонтарин ноҳияҳои вилоят ба ҳисоб меравад. Айни замон дарозии роҳҳои автомобилгарди ноҳия ба масофаи 370,7 км ташкил дода, Муассиасиҳои нигоҳдории роҳои автомобилгарди ноҳияро ба ҳуда доранд, ки аз он 101,85 км роҳҳои аҳамияти маҳаллӣ, 4,6 км роҳҳои аҳамияти ҷумҳуриявӣ ва 264,2 км роҳҳои аҳамияти байналмиллалӣ мебошад.
Муассиасиҳои нигоҳдории роҳои автомобилгарди ноҳия 50 адад купрук ба масофаи 878,8 метри тулонӣ ва 807 адад қубур бо дарозии 10963 нигоҳдорӣ мекунанд.
Дар барномаи сармоягузории таҷдиди пулҳо ва роҳҳои автомобилгарди ВМКБ, ки бо Қарори Ҳукумати Ҷумҳурии Тоҷикистон аз 1-уми апрели соли 2011, №165 “Дар бораи Барномаи мақсадноки давлатии рушди комплекси нақлиёти Ҷумҳурии Тоҷикистон то соли 2025” тасдиқ карда шудааст, барои солҳои 2020-2025 сохтмони 4,36 км роҳҳои маҳаллии минтақаи 609 км РБ-04 деҳаи Поршинев ба маблағи 533,1 ҳазор доллари ИМА дохил карда шудааст.
Муассисаи давлатии нигоҳдории роҳҳои автомобилгарди минтаќаи Ғунди ноњияи Шуғнон моҳи январи соли 2011 ташкил шуда, дар тавозуни худ 233,5 км роҳ дорад, ки аз он 189 км роҳҳои аҳамияти байналмиллалӣ ва 44,5 км роҳҳои маҳаллӣ ташкил дода, 27 адад купрук ва 520 адад қубурҳои гуногуни обгузар мавҷуд буда, мавриди истифода қарор доранд.
Дар соли 2019 МДНРА-и мин Ғунди н. Шуғнон 129 км роҳҳоро аз таъмири ҷорӣ ва 3,1 км роҳ аз таъмири миёна бо усули шағалпушкуни, 10 адад купрук ба масофаи 182 метри тулони ва 8 адад қубур ба масофаи 77 метри тулони таъмир карада шудаанд.
Таҷдид роҳи автомобилгарди Варшез-Бадшор ки бо дарозии 20 км аз тарафи Агентии Ҷопон оиди ба ҳамкории байналмилалии (JICA) ба маблағи 63,5 ҳазор сомонӣ таҷдид гардид.
Таъмири купруки мошингарди деҳаи Барсем аз ҳисоби маблағгузории Вазорати нақлиёти Ҷумҳурии Тоҷикистон ба маблағи 145,0 ҳазор сомони корҳои сохтмони иҷро гардид. Сохтмони купруки пиёдагарди роҳи автомобилгарди деҳоти Ванқалъа аз ҳисоби маблағгузории Барномаи ҷонибдории инкишофи иљтимоии манотиќи кўњистони Хазинаи Оғохон иҷро гардид. Сохтмони купруки пиёдагарди деҳаи Сижди деҳоти Навобод аз ҳисоби маблағгузории Барномаи љонибдории инкишофи иљтимоии манотиќи кўњистони Хазинаи Оѓохон иҷро гардид. Таъмири роҳи 609 км деҳаи Поршенев (4,6 км) аз ҳисоби маблағгузории Вазорати нақлиёти Ҷумҳурии Тоҷикистон дар соли 2016 ба маблағи 105,0 ҳазор сомонї даромадгоҳ ба шаҳраки Ваҳдат иҷро гардид. Таъмири роҳи Ширинҷонов–Хоруғ, Хоруғ-Шаҳбозов бо усули шағалпушкунии роњ ва таъмири чуқуриҳои роҳ бо мумқир аз ҳисоби маблағҳои таъмир ва нигоҳдории роҳҳо аз таъмир бароварда шудаанд. Сохтмони роҳи деҳаҳои Бидурд-Сипинз-Рож аз ҳисоби маблағгузории Барномаи Ҷонибдории Инкишофи Иҷтимоии Манотиқи Кўҳистони Хазинаи Оғохон ба маблағи 500,0 ҳазор сомонӣ иҷро гардид.
Таъмири купрукҳои Боғеви ҷамоати деҳоти Сучон, Ривак-Турбати ҷамоти деҳоти Навобод, Деҳмиёнаи ҷамоти деҳоти Вер, ҷамоати деҳоти Ванқалъа, Барчиди ҷамоти деҳоти Поршинев, ки бо гузаштани мошинҳои калонҳаҷм дар ҳолати ногувор қарор доранд дар доираи имкониятҳои мавҷудбуда таъмир карда шуданд.
Аз соли 2019 ба Муассисаи давлатии нигоҳдории роҳҳои автомобилгарди ноҳияи Шуғнон 7 адад техникаҳои нав аз он ҷумла ба Муассисаи давлатии нигоҳдории роҳҳои автомобилгарди минтақаи Ғунд 2 адад техникаҳои нав ворид гардидааст.
Созишнома байни Ҳукумати Ҷумҳурии Тоҷикистон ва Ҷумҳурии мардуми Чин аз 29-уми декабри соли 2011 оиди фаъолияти шабонарузии ҳамасолаи гузаргоҳи Кулма-Қарасу, ки таъминот ва нигоҳдории роҳҳои автомобилгард ба муассисаи давлатии нигоҳдории роҳҳои автомобилгарди минтақаи Ғунд ва муассисаи давлатии нигоҳдории роҳҳои автомобилгарди ноҳияи Шуғнон гузошта шудааст, масофаи роҳи аҳамияти байналмиллалидоштаи мазкур масофаи 200 км –ро ташкил дода, ин асосан дар самти Хоруғ-Мурғоб-Қулма аз болои ағбаи Куйтезак, Курук ва Харгушӣ дар баландии зиёда аз 4200 м аз сатҳи баҳр мегузарад.
Фасли зимистон дар ин минтақаи роҳ бармаҳал аз моҳи ноябр сар шуда то моҳи май яъне 7 моҳ давом мекунад, боришоти аз ҳама зиёд ва нуқтаи тармафароӣ зиёд дар ин роҳ ба миён меояд.
Ҷуйборҳои қад-қади роҳи деҳаҳои Риваки ҷамоати деҳоти Навобод, Барчид-Римеви ҷамоати деҳоти Поршенев, М.Ширинҷонов ва Нишуспи ҷамоати деҳоти Ғ .Шаҳбозов таъмир шуда бошанд ҳам, лекин аз сабаби хунукназарии сокинони деҳаҳои мазкур роҳҳои автомобилгард ҳамеша зери об мемонанд.
Раисони ҷамоатҳои ноҳияи Шуғнон барои дар ҳолати хуби техникӣ нигоҳ доштани роҳҳои автомобилгарди ноҳия дар якҷоягӣ бо Муассисаҳои нигоҳдории роҳҳои ноҳия, бо сокинони деҳаҳо оиди сар надодани об ба болои роҳ ва бо маъёри зарурӣ обшорӣ кардани заминҳояшон корҳои амалӣ меандешанд.

САҲМИ НОҲИЯҲОИ ВМКБ ДАР НИГОҲДОРИИ ШОҲРОҲИ БАЙНАЛМИЛЛАЛӢ

Ноҳияи Рўшон
Дар ноҳияи Рўшон 460,5 км роҳи автомобилгарди истифодаи умум мавҷуд аст. Аз он роҳи аҳамияти байналмилалӣ 93,5 км, аҳамияти ҷумҳуриявӣ 150 км ва дохилӣ 217 км ташкил медиҳад. Аз миқдори умумӣ 157% ё ки 292 км ба ҳудуди водии Бартанг рост меояд.
Ба тавозуни МДНРА-и Рушон 168,5 км мавҷуд буда аз онҳо роҳи байналмиллаи 93,5км , роҳи ҷумҳурияви 32 км ва роҳи маҳалли 43 км дар тавозуни МДНРА-и мин.Бартанги н. Рушон 292 км мавҷуд буда аз онҳо 118 км роҳи ҷумҳурияви ва 174 км роҳи маҳаллиро ташкил медиҳад.
Роҳҳои автомобилии маҳаллии истифодаи умум 211,5 км –ро ташкил дода, ба он роҳҳои маҳаллии Пастхуф-Хуф 8 км, Пастбаҷув-Баҷув 12 км, Хиљез-Равмед 23 км, Бидурд -Бардара 9 км, Нисур-Барҷадев 14 км ва Савноб-Мускул 151 км дохил мешаванд.
Муассисаҳои давлатии нигоҳдории роҳҳои автомобилгарди ноҳия оиди омодагии воситаҳои техникӣ ва дар ҳолати хуби техникӣ нигоҳ доштани роҳҳои ҳудуди ноҳия тадбирҳоро андешида истодааст.
Дар МДНРА-и ноҳияи Рушон дар соли 2019 5,7 км роҳ бо усули шағалпушкуни, 2 адад купрук ба масофаи 16 мери тулони ва 1 адад қубур ба масофаи 6 метри тулони аз таъмир бароварда шудаанд. МДНРА-и минтақаи Бартанг 4,1 км таъмири миёнаи роҳҳоро бо усули шағалпушки ва ваъсекуни ба иҷро расонид . Дар ќисмати роҳи байналмилалӣ бо истифодаи 24,6 тонна мум ва тайёр намудани 501 тонна маҳлул аз он, ба миқдори 2247 м2 чуқуриҳои роҳ ва 442 м2 таъмири яклухти роҳ аз 504 , 507, 509, 512-518 км аз таъмир бароварда шуд.. .
Таъмирталаб будани қисмати 93,5 км роҳи байналмилалӣ дар мавзеи Шипад-Пастбаҷув ва роҳи водии Бартанг яке аз мушкилиҳои асосии соҳа ҳисоб мешавад.
Аз 37 адад механизм ва таҳҷизоти роҳсозӣ 32 адади онҳо дар ҳолати хуби техникӣ қарор дошта дар қисматҳои хавфгузари роҳҳо ҷобаҷо карда шуда, 5 адад механизмҳои роҳсозӣ корношоям мебошанд.
Дар асоси Барномаи рушди иҷтимоию иқтисодии ноҳияи Рушон барои солҳои 2016-2020 сохтмони роҳи автомобилгарди Рамадон – Равшарви деҳаи Деҳи Ҷамоати деҳоти М.Абдулвасиев ба масофаи 6 км аз тарафи Вазорати нақлиёти Ҷумҳурии Тоҷикистоназ аввали сохтмон ба маблағи 789,4 ҳазор сомонӣва дар соли 2019 489,5 ҳазор сомонб ба ин мақсад аз худ карда шуда, азнавсозии роҳи автомобилгарди маркази ноҳияи Рушон ба масофаи 5,5 км ба маблағи 5 млн 975 ҳазор сомонӣ иҷро гардид. Инчунин, дар таъмири роҳи самти водии Бартанг 384 ҳазор сомонӣ аз худ карда шуда, таъмири асосии роҳ дар 118-121 км мавзеъи Хатфат ба маблағи 63,9 ҳазор сомонӣ ба иҷро расонида шуд.

САҲМИ НОҲИЯҲОИ ВМКБ ДАР НИГОҲДОРИИ ШОҲРОҲИ БАЙНАЛМИЛЛАЛӢ

Ноҳияи Ванҷ
Муассисиаи давлатии нигоҳдории роҳҳои автомобилгарди ноҳияи Ванҷ 254,1 км таъмин ва нигоҳдорӣ намуда, аз он ҷумла 40 км роҳҳои аҳамияти байналмиллалӣ, 61,3 км роҳи аҳамияти ҷумҳуриявӣ ва 152,8 км роҳи дорои аҳамияти маҳалӣ мебошад.
Дар соли 2019 тахту ҳамворкунии роҳ истифода аз автогрейдер дар масофаи 120 км , таъмири миёнаи роҳ бо усули асфалтпушкуни ба масофаи 0,15 км ва бо усули шағалпушкуни ба масофаи 3,1 км , таъмири 5 адад купрук ба масофаи 131 метри тулони, 21 адад қубур ба масофаи 94 метри тулони аз таъмир бароварда шудаанд.
Дар соли 2019 сохтмони купруки харобгашта дар 7 км–и мавзеъи Мотравни ҷамоати Язгулом бо маблағи 222,0 ҳазор сомонӣ оғоз гардида соли 2020 ба анҷом расонида мешавад.
Инчунин, барои сохтмони пулҳои мошингузар бо дастгирии Ҳукумати Ҷумҳурии Тоҷикистон дар ҷамоати деҳоти Язгулом аз болои дарёи Язгулом ва болои дарёчаи Андарбак бо маблағи харҷномавии 8500,0 ҳазор сомонӣ, дар ҷамоати деҳоти Техарв болои дарёчаи Сед бо маблағи харҷномавии 8500,0 ҳазор сомонӣ, болои дарёчаи Техарв бо маблаӣ харҷномавии 7500,0 ҳазор сомонӣ, болои дарёи Ванҷоб бо маблағи харҷномавии 9000,0 ҳазор сомонӣ, болои дарёчаи Чихох бо маблағи харҷномавии 2300,0 ҳазор сомонӣ аз тарафи Муассисаи давлатии Маркази татбиқи лоиҳаи «Мустаҳкам намудани инфросохтори муҳим ҷиҳати устуворӣ бар зидди офатҳои табиӣ» бо маблағгузории Ҳукумати Ҷумҳурии Тоҷикистон ва Бонки ҷаҳонӣ таҷҳизоти коркарди қуму шағал васл гардида истода, сохтмони купрукҳо дар моҳи марти соли равон ба нақша гирифта шудааст.

МАШВАРАТИ НАЗОРАТИИ НАЗДИ РАИСИ ВМКБ

Дар толори мақомоти иҷроияи ҳокимияти давлатии Вилояти Мухтори Кухистони Бадахшон машварати назоратии назди раиси Вилояти Мухтори Кухистони Бадахшон баргузор гардид. Дар машварат муовини якуми раиси вилоят, муовинон, кормандони масъули дастгоҳи раиси вилоят, раиси шаҳри Хоруғ, роҳбарони идораву муассисаҳои вилоят иштирок намуданд.
Дар машварат ду масъалаи муҳим дар бораи ҳимояи ҳуқуқи истеъмолкунандагон ва системаи ягонаи бақайдгирии давлатии молу мулки ғайриманқул мавриди таҳлил қарор дода шуданд. Муовини сардори Раёсати стандартизатсия, метрология, сертификатсия ва нозироти савдои вилоят Гулмамадов Г баромад намуда қайд карданд, ки аз тарафи раёсат барои ҳимоя намудани ҳуқуқи истеъмолкунандагон корҳои фаҳмондадиҳӣ дар бозори марказии шаҳри Хоруғ, мағозаҳо ва марказҳои савдо гузаронида шуд ва маҳсулотҳои пастсифат ва муҳлати истеъмолашон гузаштаги аз фурӯш бардошта шуданд. Раиси вилоят афзуд, ки Раёсати стандартизатсия, метрология, сертификатсия ва нозироти савдои вилоятро зарур аст, ки барои ҳифз намудани ҳуқуқи истеъмолкунандагон корҳои фаҳмондадиҳӣ дар байни соҳибкорон пурзӯр намояд ва дар бартараф намудани маҳсулотҳои пастсифат ва муҳлати истеъмолашон гузаштаги кормандони ҳифзи ҳуқуқи вилоят вазифадор гардиданд, нисбати чунин соҳибкорон чораҳои зарури андешанд.

Раиси Вилояти Мухтори Кухистони Бадахшон мӯҳтарам Ёдгор Файзов як қатор соҳибкорони фаъоли вилоят, ки дар шаҳри Хоруғ фаъолият доранд ба ҳузур пазируфт.

Раиси Вилояти Мухтори Кухистони Бадахшон мӯҳтарам Ёдгор Файзов як қатор соҳибкорони фаъоли вилоят, ки дар шаҳри Хоруғ фаъолият доранд ба ҳузур пазируфт. Дар мулоқот инчунин муовини якуми раиси вилоят, раиси шаҳри Хоруғ, сардори рушди иқтисод ва савдои вилоят, масъулини сармоягузорӣ ва идораи амволи давлатии Ҷумҳурии Тоҷикистон дар вилоят иштирок намуданд. Мавзӯи асосии мулоқот ин омодагӣ ба ҷашни 30 солагии истиқлолияти давлатии Ҷумҳурии Тоҷикистон мебошад. Раиси вилоят аз соҳибкорони фаъол даъват ба амал овард, ки дар ободони ва сохтмони иншоотҳои ҳозиразамон саҳмгузор бошанд. Сохтмонҳо бояд аз сеошёна боло ва ба талаботҳои байналмиллалӣ ҷавобгӯ бошанд. Мақомоти иҷроияи ҳокимияти давлатии Вилояти Мухтори Кухистони Бадахшон дар навбати худ соҳибкоронро дастгири ва ҳавасманд менамояд. Дар анҷоми мулоқот соҳибкорон ҷиҳати пешрафт намудани соҳа дар вилоят пешниҳодҳоро баррасӣ намуданд.

ФАРМОНИ ПРЕЗИДЕНТИ ҶУМҲУРИИ ТОҶИКИСТОН Дар бораи раиси ноҳияи Шуғнони Вилояти Мухтори Кӯҳистони Бадахшон таъин намудани Ҷумъазода Ҷ.Ш.

ФАРМОНИ
ПРЕЗИДЕНТИ ҶУМҲУРИИ ТОҶИКИСТОН
Дар бораи раиси ноҳияи
Шуғнони Вилояти Мухтори Кӯҳистони Бадахшон
таъин намудани Ҷумъазода Ҷ.Ш.

Мутобиқи моддаи 69 Конститутсияи Ҷумҳурии Тоҷикистон фармон медиҳам:
Ҷумъазода Ҷумъа Шофақир раиси ноҳияи Шуғнони Вилояти Мухтори Кӯҳистони Бадахшон таъин карда шавад.
Президенти
Ҷумҳурии Тоҷикистон Эмомалӣ Раҳмон

ш. Душанбе
13 январи соли 2020
№1396

Дар конфронси минтакавии Ҳизби Халқи Демократии Тоҷикистон , ки субҳи рузи 13 январ дар шаҳри Хоруғи ВМКБ баргузор гардид, номзадии Гиёзода Азиз Кодир-раиси нохияи Шуғнон аз ҳавзаи интихоботии Хоруғ 41 ба вакилии Маҷлиси намояндагон Маҷлиси Олии Ҷумхурии Тоҷикистон пешбари карда шуд.

Дар конфронси минтакавии Ҳизби Халқи Демократии Тоҷикистон , ки субҳи рузи 13 январ дар шаҳри Хоруғи Вилояти Мухтори Кухистони Бадахшон баргузор гардид, номзадии Гиёзода Азиз Кодир-раиси нохияи Шуғнон аз ҳавзаи интихоботии Хоруғ 41 ба вакилии Маҷлиси намояндагон Маҷлиси Олии Ҷумхурии Тоҷикистон пешбари карда шуд.