МАШВАРАТИ НАЗОРАТИИ НАЗДИ РАИСИ ВМКБ
Субҳи имрӯз машварати назорати назди Раиси Вилояти Мухтори Кухистони Бадахшон мӯҳтарам Ёдгор Файзов баргузор гардид. Дар машварат муовини якуми Вазири корҳои дохилӣ Ҷумҳурии Тоҷикистон, ҳамзамон Сардори Раёсати Вазорати корҳои дохилӣ Ҷумҳурии Тоҷикистон дар Вилояти Мухтори Кухистони Бадахшон Аламшозода Абдураҳмон Аламшо, муовини якуми раиси вилоят Алишер Мирзонаботов, муовинони раиси вилоят, роҳбари дастгоҳи раиси вилоят ва дигар роҳбарони идораву муассисаҳои вилоят иштирок намуданд.
Дар машварат чор масъала мавриди баррасӣ қарор дода шуданд.
Аз рӯйи масъалаи якум рафти иҷрои қарори Қарори Ҳукумати Ҷумҳурии Тоҷикистон аз 02 12 2008, рақами 600 ” Дар бораи тартиби хизматрасонии тиббию санитарӣ ба шаҳрвандони Ҷумҳурии Тоҷикистон дар муассисаҳои системаи давлатии тандурустӣ” Музаффаров Фарид сардори Раёсати тандурустӣ ва ҳифзи иҷтимоии аҳолии Ҷумҳурии Тоҷикистон дар вилоят баромад намуданд.
Аз рӯи масъалаи дуюм рафти иҷрои Қарори Ҳукумати Ҷумҳурии Тоҷикистон аз 25 02 2016 рақами 68 ” Оид ба иҷрои Қарори Ҳукумати Ҷумҳурии Тоҷикистон аз 30 12 2015 рақами 772 ” Дар бораи Барномаи давлатии сармоягузорӣ барои солҳои 2016 – 2020 ” сардори раёсати сармоягузорӣ ва идораи амволи давлатии ВМКБ Ҷумъаев Ҷумъа баромад намуданд.
Аз рӯи масъалаи сеюм ” Оид ба ҷараёни иҷрои қарорҳо ва пратаколҳои Ҳукумати Ҷумҳурии Тоҷикистон, дастуру супоришҳои Роҳбари давлат ва қарору супоришҳои раиси ВМКБ Хушмардов Шафтолу мудири бахши назорати дастгоҳи Раиси ВМКБ баромад намуданд.
Аз рӯи масъалаи чорум “Омодагӣ ба таҷлили Рӯзи Президенти Ҷумҳурии Тоҷикистон дар шаҳри Хоруғ ва ноҳияҳои вилоят муовини раиси вилоят Назира Амирбекзода суханронӣ намуданд.
Дар охири машварат ҳамаи масъалаҳои баррасигардида мавриди таҳлил қарор дода шуданд ва аз ҷониби иштирокдорони машварат баҳри беҳбудии ҳамаи соҳаҳо пешниҳодҳои мушаххас пешниҳод гардиданд.
