ИФТИТОҲИ МАЙДОНЧАИ ВАРЗИШИ БАХШИДА БА РӮЗИ ПРЕЗИДЕНТИ ҶУМҲУРИИ ТОҶИКИСТОН ДАР МАҲАЛЛАИ ТЕМИ ШАҲРИ ХОРУҒИ ВИЛОЯТИ МУХТОРИ КӮҲИСТОНИ БАДАХШОН
Бо ташаббус ва дастгирии Президенти Федератсияи Футболи Тоҷикистон муҳтарам Рустами Эмомалӣ дар маҳаллаи Теми шаҳри Хоруғ майдончаи варзишӣ барои бозии ФУТБОЛ сохта ва ба истифода дода шуд.
Дар маросими кушодашавии майдончаи варзишӣ Раиси Вилояти Мухтори Кӯҳистони Бадахшон муҳтарам Ёдгор Файзов ва Ноиби Президенти Федератсияи Футболи Тоҷикистон муҳтарам Алишер Урунов иштирок ва суханронӣ намуданд.
Дар ҷараёни кушодашавии майдончаи варзишӣ меҳмонони олиқадр суханронӣ намуда аҳли ҳозиринро бо ба истифода додани он муборакбодӣ намуда таъкид бар он доштанд, ки ин ҳама ободкориҳову созандагиҳо бо дастгириву ғамхориҳои ҳамаҷонибаи Асосгузори сулҳу ваҳдати миллӣ-Пешвои миллат Президенти Ҷумҳурии Тоҷикистон муҳтарам Эмомалӣ Раҳмон нисбат ба қишри ояндасози миллат мебошад.
Дар шаҳри Хоруғи Вилояти Мухтори Кӯҳистони Бадахшон аз тарафи Президенти Федератсияи Футболи Тоҷикистон муҳтарам Рустами Эмомалӣ 5 майдончаи варзишӣ бо тарҳи нави замонавӣ сохта ба истифода дода мешаванд, майдони варзишии мазкур 3-юмин майдончаи варзишӣ буда, ду майдончаи дигари варзишӣ барои Футболи хурд то баҳори соли 2020 сохта мавриди истифода қарор дода мешаванд.
Дар охир ҷавонону варзишгарони шаҳри Хоруғ миннатдории самимии худро ба Президенти Федератсияи Футболи Тоҷикистон, муҳтарам Рустами Эмомалӣ барои дастгириҳои пайвастаашон изҳор сипос намуданд.
