Парчами мо – мояи ифтихори мо
Рўзи 23 – ноябр соати 10.00 дар толори калони мақомоти иҷроияи ҳокимияти давлатии вилоят ҷаласаи тантанави бахшида ба Рўзи Парчами давлатию милли баргузор гардид. Дар ҷаласа муовини Раиси Маҷлиси миллии Маҷлиси Олии Ҷумҳурии Тоҷикистон, раиси ВМКБ Ёдгор Файзов суханрони намуд. Мавсуф зикр намуд, ки Парчам дар радифи Нишону Суруди милли аз муқаддасоти милли дониста мешавад, аз ин рў, арҷ гузоштан ба муқаддасоти милли вазифаи маънавии ҳар як шаҳрванд аст. Парчами давлатии мо 24 – ноябри соли 1992 зимни баргузории Иҷлосияи 16 – уми таърихи қабул гардид ва дар мустақар гардидани сулҳу субот, тинҷию ороми дар кишвари мо нақши муҳим бозид. Раиси вилоят аз таърихи Парчами тоҷикон ёдовар шуда, таъкид намуд, ки он ҳанўз аз замонҳои қадим барои миллати мо чун мояи ифтихору сарбаланди маҳсуб мегардид ва дар набарду муборизаҳо зидди душман фарзандони далери Ватанро рўҳбаланд месохт. Роҳбари вилоят тамоми мардуми вилоятро бо ин рўзи муборак таҳният гуфта, барояшон рўзгори ободу табъи хушро таманно кард. Пас аз суханронии раиси вилоят барномаи фарҳанги ба иштирокдорони ҷаласаи тантанави пешкаш гардид, ки басо рангину пурмўҳтаво буд.
