Иҷлосияи ғайринавбатии бисту сеюми даъвати панҷуми Маҷлиси вакилони халқи Вилояти Мухтори Кухистони Бадахшон баргузор карда шуд. Иҷлосия бо иқдоми нави Бадахшон хондани суруди миллӣ бо овози зинда оғоз карда шуд.

Иҷлосияи ғайринавбатии бисту сеюми даъвати панҷуми Маҷлиси вакилони халқи Вилояти Мухтори Кухистони Бадахшон баргузор карда шуд. Иҷлосия бо иқдоми нави Бадахшон хондани суруди миллӣ бо овози зинда оғоз карда шуд.
Дар кори Иҷлосия 43 нафар 66 фоизи вакилон иштирок намуданд.
Ҳамзамон мутобиқи моддаи 13- и Қонуни конститутсионии Ҷумҳурии Тоҷикистон “Дар бораи мақомоти маҳаллии ҳокимияти давлатии” муовини якум, муовинони раиси вилоят, роҳбари дастгоҳи раиси ВМКБ, кормандони масъули дастгоҳи раиси вилоят, раисони шаҳри Хоруғ ва ноҳияҳои вилоят, роҳбарони идораву муассисаҳои вилоят иштирок намуданд.
Дар бораи ташкил кардани комиссияи интихобот ба Маҷлиси вакилони халқи Вилояти Мухтори Кухистони Бадахшон муовини роҳбари дастгоҳи раиси вилоят Ҳабиб Ватаншоев сухан намуда қайд карданд, ки 1 марти соли 2020 интихоботи Маҷлиси намояндагони Маҷлиси Олии Ҷумҳурии Тоҷикистон, маҷлисҳои маҳаллии вакилони халқи вилоят, шаҳри Хоруғ ва ноҳияҳо, ҷамоатҳои шаҳрак ва деҳот баргузор хоҳад шуд. Ба ин мақсад амалӣ намудани Фармони Президенти Ҷумҳурии Тоҷикистон аз 4 декабри соли соли 2019 ” Дар бораи таъин намудани интихоботи даъвати нави Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ” қарорҳои раисони вилоят ва шаҳру ноҳияҳои вилоят қабул гардида аз 11 то 14 декабри соли 2019 иҷлосияҳои ғайринавбатии маҷлиси вакилони халқи вилоят, шаҳри Хоруғ ва ноҳияҳо гузаронида мешавад. Дар Вилояти Мухтори Кухистони Бадахшон 66 ҳавзаи интихоботии оид ба интихоби Маҷлиси вакилони халқи вилоят муқаррар карда шудааст. Бо пешниҳоди раиси Вилояти Мухтори Кухистони Бадахшон бо дарназардошти таклифҳои ҳизбҳои сиёсӣ, ки дар ҳудуди вилоят фаъолият доранд, комиссияи интихобот ба Маҷлиси вакилони халқи Вилояти Мухтори Кухистони Бадахшон барои тасдиқ пешниҳод карда шуд.
Пешниҳодҳо аз ҷониби вакилони халқи Вилояти Мухтори Кухистони Бадахшон якдилона дастгири карда шуданд.

ҲАМКОРӢ БАХОТИРИ ФАРДОИ НЕК

Имрӯз дар толори мақомоти иҷроияи ҳокимияти давлатии Вилояти Мухтори Кухистони Бадахшон бо иштироки раиси Вилояти Мухтори Кухистони Бадахшон мӯҳтарам Ёдгор Файзов муаррифии лоиҳаи “Мусоидат ба сулҳу субот тавассути сохтмони инфросохтори муҳим дар шаҳри Хоруғи Вилояти Мухтори Кухистони Бадахшон баргузор карда шуд.
Фонди тоҷикистонии Оқохон, Агентии Оқохон оид ба макони зист ва Барномаи Ҷонибдории Инкишофи Иҷтимои Манотиқи Кӯҳистон дар ҳамкори зич бо мақомоти иҷроияи ҳокимияти давлатии ВМКБ барномаи мазкурро дар шаҳри Хоруғ амалӣ карда истодаанд. Лоиҳа аз ҷониби Иттиҳоди Аврупо маблағгузорӣ карда шудааст. Давомнокии лоиҳа 18 моҳ идома меёбад.
Ҳадафи лоиҳа ин бунёд намудани инфросохтори иҷтимоӣ, ки ба эҳтиёҷоти мардум посухгӯ аст. Ин фаъолиятҳо дар нигоҳ доштани сулҳу субот саҳми босазо гузошта, хизматрасониҳо ва инфрасохторҳои ҷамъиятиро беҳтар менамоянд ва имконияти ташкил намудани ҷойҳои кории муваққатӣ барои ҷавононро тавассути корҳои сохтмонӣ фароҳам меоваранд. Дар умум лоиҳа дар беҳтар намудани сифати зиндагии мардуми шаҳри Хоруғ саҳмгузорӣ менамояд.

Фаъолиятҳои мушаххаси барнома аз қисматҳои зерин иборат аст:

– Беҳтар намудани шароити таълим барои хонандагони мактаб тавассути сохтмони бинои муассисаи таҳсилоти умумии рақами 5 дар кӯчаи Саидмир Абдураҳмонови шаҳри Хоруғ;

– Муҳайё сохтани шароити дастрасӣ ба марказҳои варзишӣ барои кӯдакон ва ҷавонони шаҳри Хоруғ тавассути бунёди шаш адад майдончаи варзишӣ дар Хоруғ;

– Таъмин намудани аҳолии маҳаллаи Бизмич бо оби нӯшокӣ тавассути сохтмони системаи оби нӯшокӣ ва пайваст намудани ҳар як хоҷагии алоҳида ба системаи обтаъминкунӣ аз тариқи ҳисобкунак барои истифодаи самараноки об;

– Коҳиш додани таъсири офатҳои табиӣ тавассути амалӣ намудани лоиҳаи хурди соҳилмустаҳкамкунӣ дар маҳаллаи Шарифободи шаҳри Хоруғ;

– Ҷалб намудани гуруҳҳои ҷавонон ва шарикони лоиҳа ба чорабиниҳои гуногун, аз қабили гузаронидани маҷлисҳои ҳамоҳангсозӣ, омӯзишҳо, чорабиниҳои варзишӣ ва фарҳангӣ воқифгардонӣ оиди беҳдошт, таъмин намудани нигоҳубин ва идоракуни пойдори инфросохторҳои бунёдшуда, ки таъсири лоиҳаи мазкурро беҳтар менамояд.

КӮМАК БА МАЪЮБОН

Ба хотири беҳтар намудани шароити зиндагии маъюбони Вилояти Мухтори Кухистони Бадахшон бо дастгирии раиси Вилояти Мухтори Кухистони Бадахшон мӯҳтарам Ёдгор Файзов ва Агентии ҳифзи иҷтимоии аҳолии Ҷумҳурии Тоҷикистон маъюбони вилоят соҳиби 45 адад аробачаи маъюбии муосир ва 20 адад асобағал гардиданд. Ин қишри ҷомеа ҳамеша таҳти назорати Ҳукумати Ҷумҳурии Тоҷикистон қарор дошта ҳама сола кӯмакҳои моддию маънавӣ ба онҳо расонида мешавад. Аробачаҳои маъюбӣ дастрас гардида тибқи руйхати пешниҳодгардидаи шаҳру ноҳияҳои вилоят тақсим гардиданд.

ИДИ КАСБӢ МУБОРАК!

Дар толори мақомоти молияи Вилояти Мухтори Кухистони Бадахшон иди касбии кормандони молия таҷлил гардид. Муовини раиси вилоят Иматшозода Анвар кормандони молияро аз номи мақомоти иҷроияи ҳокимияти давлатии Вилояти Мухтори Кухистони Бадахшон бо иди касбиашон табрику муборакбод намуда собиқадорони соҳаи молияро барои хизматҳои арзанда бо тӯҳфаҳои хотиравӣ ва ифтихорнома сарфароз гардониданд.

ИДИ КАСБӢ МУБОРАК!

Имрӯз дар толори Раёсати Вазорати корҳои дохилӣ Ҷумҳурии Тоҷикистон дар Вилояти Мухтори Кухистони Бадахшон чорабинии тантанавӣ бахшида ба Рӯзи таъсисёбии Раёсати Воҳидҳои таъиноти махсуси ВКД Ҷумҳурии Тоҷикистон баргузор карда шуд. Дар чорабинӣ муовини якуми Вазири корҳои дохилӣ Ҷумҳурии Тоҷикистон, сардори Ситоди байниидоравӣ ва таъмини амният дар вилоят Аламшозода Абдураҳмон Аламшо, муовини якуми раиси Вилояти Мухтори Кухистони Бадахшон Алишер Мирзонаботов, роҳбарони идораву муассисаҳои вилоят, раисони шаҳру ноҳияҳои вилоят ва ҳайати шахсии Раёсати Воҳидҳои таъиноти махсуси Вазорати корҳои дохилӣ Ҷумҳурии Тоҷикистон иштирок намуданд.
Алишер Мирзонаботов муовини якуми раиси вилоят аз номи раиси Вилояти Мухтори Кухистони Бадахшон мӯҳтарам Ёдгор Файзов ва мақомоти иҷроияи ҳокимияти давлатии ВМКБ ҳайати шахсии ин ниҳодро бо Рӯзи касбиашон табрику муборакбод гуфта қайд намуданд, ки саҳми кормандони Раёсати Воҳидҳои таъиноти махсуси Вазорати корҳои дохилӣ Ҷумҳурии Тоҷикистон дар таъмини волоияти қонун, сулҳу субот ва ободонии Вилояти Мухтори Кухистони Бадахшон назаррас мебошад. Бо шарофоти дастгирии ҳамаҷонибаи Ҳукумати Ҷумҳурии Тоҷикистон бахусус Асосгузори сулҳу ваҳдати миллӣ Пешвои миллат муҳтарам Эмомалӣ Раҳмон заминаи моддию техникии мақомоти Вазорати корҳои дохилии Ҷумҳурии Тоҷикистон сол то сол мустаҳкам гардида, қодир ҳастанд, ки бар зидди ҳама гуна зуҳуроти номатлуби ҷомеа мубориза баранд.
Инчунин дар чорабинии ҳайати шахсии Раёсати Воҳидҳои таъиноти махсуси Вазорати корҳои дохили ба хотири иди касбиашон бо медалҳу ифтихорномаҳо ва тӯҳфаҳои хотиравӣ қадридони карда шуданд.