День: 31.01.2020

Янв 31

САДА – ҶАШНИ НИЁГОН

Дар майдони Исмоили Сомонии шаҳри Хоруғ ҷашни Сада бошукўҳ таҷлил карда шуд. Дар ин маросим раиси ВМКБ Ёдгор Файзов, муовинони раиси вилоят, раиси шаҳр Кишвар Шамирӣ, роҳбарони воҳидҳои сохтории вилоят ва шаҳру ноҳияҳо ширкат ҷустанд. Ибтидо роҳбарияти вилояту шаҳр ва шахсони масъул намоишгоҳи ба ифтихори ҷашн ташкилшударо тамошо карданд. Дар намоишгоҳ анвои таоми марбут ба ҷашни Сада, дигар маҳсулоти кишоварзӣ ба намоиш гузошта шуда буд, намоишгоҳ мақбули тамошобинон ва харидорон гардид. Дар миёнаи майдон гулхани азиме чун як ойини ин ҷашни бостонӣ афрўхта шуд. Чорабиниро раиси шаҳр ифтитоҳ намуда, ба раиси вилоят сухан дод. Роҳбари вилоят аз таърихи пайдоиши ҷашн, вижагиҳои он, моҳияти инсонгароӣ доштани ҷашн сухан ронда, иштирокдоронро бо фарорасии Сада табрику таҳният ва шодбош гуфта, барояшон саломатию рўзгори обод таманно намуд. Барномаи фарҳангие, ки ба истиқболи ҷашн таҳия шуда буд, ба ҳозирини чорабинӣ хеле писанд омад.

Янв 31

КОРОНАВИРУСӢ 2019- n COV ДАР НОҲИЯИ МУРҒОБ БА ҚАЙД ГИРИФТА НАШУДААСТ.

Раёсати тандурустӣ ва ҳифзи иҷтимоӣ аҳолии Вилояти Мухтори Куҳистони Бадахшон ба маълумоти шаҳрвандон ва сокинони Вилояти Мухтори Куҳистони Бадахшон мерасонад, ки овозаҳо оиди ба қайд гирифтани коронавирусӣ 2019-n CoV дар ноҳияи Мурғоб асос надоранд.
Ҳамзамон иттило медиҳад, ки вобаста ба вазъи эпидемикӣ коронавирусӣ 2019-n CoV дар Ҷумҳурии Халқии Чин, бо назардошти робитаи зич бо Ҷумҳурии Халқии Чин тавассути гузаргоҳи Қулма дар нуқтаи назорати санитарии карантини Қулма чорабиниҳои назоратии зидди эпидемикӣ ба роҳ монда шудаанд.
Дар нуқтаи назоратии санитарии карантинии (ННСК)-и “Қулма” айни замон 1-табиби эпидемолог ва 2-ёрдамчии духтури эпидемолог фаъолият доранд. Дар ННСК-и Қулмаи ноҳияи Мурғоб, 1-адад ҳароратсанҷаки дистансионии бадан, 4-адад ҳароратсанҷ, 4- воситаҳои фардии муҳофизатии махсус (индивидуальное средство защити и защитные кастюмы) ва инчунин маводҳои безараргардониву ниқобу дастпӯшак ба таври кофӣ мавҷуд мебошад.
Ба беморхонаи марказии ноҳияи Мурғоб 25-воситаҳои фардии муҳофизатии махсус,1350-дастпӯшак, 70-респератор, 400-ниқоб, 2-хилъат, 12-пробирка барои гирифтани намуна барои ташхис дастрас гардонида шудаанд.
Айни ҳол дар беморхонаи Конақурғон 15 нафар ва дар касалхонаи ноҳиявӣ 4 нафар дар карантин буда таҳти назорати табибон қарор доранд. То ин замон дар ягон нафари онҳо нишонаҳои бемории корона вирус пайдо нагардидааст. Тибқи дастури Вазорати тандурустӣ ва ҳифзи иҷтимоии аҳолӣ Ҷумҳурии Тоҷикистон ҳар нафаре, ки аз Ҷумҳурии халқии Чин вориди Ҷумҳурии Тоҷикистон мешавад 14 руз бояд дар зери назорати табибон қарор гирад.
Вазъият дар зери назорати қатъии Раёсати тандурустӣ ва сохторҳои он қарор дода шудааст ва дар нохия ситоди доимоамалкунанда фаъолият карда истодааст.