День: 11.09.2020

Дар доираи сафари корӣ раиси Вилояти Мухтори Куҳистони Бадахшон муҳтарам Ёдгор Файзов ба ноҳияи Ишкошим дар Ҷамоати деҳоти ба номи Аскар Замиров дар деҳаҳои Гармчашма ва Деҳлох хатҳои оби нӯшокиро ки аз тарафи Барномаи Ҷонибдории Инкишофи Манотиқи Куҳистони Фонди Оғохон ва саҳми сокинони деҳа сохта шуд мавриди истифода қарор гирифт. Дар ин сафари корӣ раиси Вилояти Мухтори Куҳистони Бадахшон дар деҳаи Деҳлох аз муассисаи таҳсилотии № 34 низ дидан намуд. Ҳамчунин раиси вилоят дар суханронии худ ба сокинони ин ду деҳа ҷиҳати саҳми арзанда доштан дар корҳои ободониву созандагӣ миннатдорӣ баён намуд.

Зимни сафари кории раиси Вилояти Мухтори Куҳистони Бадахшон муҳтарам Файзов Ёдгор Доёрович ба ноҳияи Ишкошим ҷиҳати ба истифода додани иншоотҳои ҷашни дар маркази ноҳияи Ишкошим ҳаммоми замонавӣ ҳамчун иншооти ҷашнӣ, ки аз тарафи соҳибкор Ҷалолов Адаб бо маблағи 200 ҳазор сомонӣ сохта шудааст мавриди истифода қарор дода шуд.

Субҳи 11 уми сентябри соли равон сафари кории раиси Вилояти Мухтори Куҳистони Бадахшон муҳтарам Файзов Ёдгор Доёрович ба ноҳияи Ишкошим ҷиҳати ба истифода додани иншоотҳои ҷашнӣ оғоз гардид. Дар маркази ноҳияи Ишкошим хонаҳои истиқоматии соҳавӣ барои хизматичиёни давлатӣ, соҳаи тандурустӣ, маориф ва мақомотҳои ҳифзи ҳуқуқ аз ҷониби раиси вилоят мавриди истифода қарор дода шуд. Қобили қайд аст, ки раиси Вилояти Мухтори Куҳистони Бадахшон, муҳтарам Файзов Ёдгор Доёрович калиди хонаҳоро ба 24 нафар кормандони мақомоти иҷроияи ҳокимияти давлатӣ, мақомоти ҳифзи ҳуқуқ, кормандони соҳаи тандурустӣ супорид.Хизматиёни давлатӣ,кормандони соҳаи маориф, тандурустӣ ва мақомтҳои ҳифзи ҳуқуқ барои чунин дастгириву ғамхориҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Рахмон сипосу миннатдорӣ баён намуданд.