Раёсати маорифи Вилояти Мухтори Кўҳистони Бадахшон зимни нишасти матбуотӣ аз фаъолияти як солаи корӣ дар ҳузури хабарнигорони Васоити ахбори омма ахборот доданд. Сардори Раёсати маорифи вилоят Одинашо Мардов аз хусуси рушди соҳаи маорифи ВМКБ дар замони соҳибистиқлолии сухан намуда оиди бунёду азнавсозии муассисаҳои таълимӣ ва имокнияту шароити тадрис дар онҳо табодули назар намуд. Қайд гардид, ки дар соли 2020 бо дасгирии Ҳукумати Ҷумҳурии Тоҷикистон ва шарикони рушд дар вилоят як қатор муассисаҳо ба истифода дода шуданд. Айни замон дар вилоят 313 адад муассисаҳои таълими фаъолияти назарас дошта аз ин теъдод 51 адад муассисаи таълимӣ дар ҳолати садамавӣ қарор доранд. Дар хусуси таъмини муассисаҳои таълими бо мутахасисони соҳибтаҷриба низ ҳоло мушкилотҳо ҷой доранд иброз намуд Сардори Раёсати маорифи ВМКБ. Кайд гардид, ки ба ҳамаи ин нигоҳ накарда дар соли 2019-2020 зиёда аз 2 ҳазор нафар толибилмони муассисаҳои таълимии қаламрави вилоят ба донишгоҳҳои дохилу хориҷи кишвар дохил шуданд. Ин аст, ки ВМКБ аз ҷиҳати дохилшавии толибилмон ба мактабҳои олии кишвар дар Ҷумҳурии Тоҷикистон дар ҷойи якум қарор дорад. Дар робита ба иштироки хонандагон дар озмунҳо ва олимпиадаҳои фанни он нуқтаро баён дошт, ки 9 нафар хонандагони муасисахои таълимии вилоят дар озмуни «Фуруѓи субҳи донои китоб аст» иштирок намуда, сазовори ҷойи намоён ва диплому Ифтихорномаи Ҳукумтаи Ҷумҳурии Тоҷикистон гардиданд. Ба замми ин 211 нафар дар олипиадаи фанни сазовори ҷойи якум гардида, рохат ба даври ҷумхуриявӣ гирифтанд. Яке аз самтҳои асосии баланд бардоштани сифати таҳсилот дар муассисаҳои таълими ин таъминот бо китоби дарсӣ мебошад. Ҳоло зиёда аз 91 фоиз хонандагон дар вилоят бо китобҳои дарсӣ таъмин мебошанд.
