Месяц: Март 2021

Солҳои охир бо дастгирии давлату Ҳукумати мамлакат дар ҳудуди вилоят биноҳои нави муассисаҳои таълимӣ бунёд ва шароити таҳсил дар онҳо бамаротиб беҳтар гардид. Дар посух ба ин ғамхориҳо устодону шогирдон сифати таълиму тарбияро ба сатҳи нав бароварда, хонандагон бо аз худ намудани барномаи таълимӣ соҳиби дониши мукаммал мегарданд. Иштироки фаъоли толибилмони вилоят дар озмуну мусобиқаҳои фаннии дохил ва берун аз кишвар аз ин шаҳодат медиҳад.Дар таърихи 28-29 марти соли равон дар пойтахти давлат-шаҳри Душанбе даври ҷумҳуриявии олимпиада аз фанҳои табиӣ-риёзӣ байни хонандагони синфи 11 доир ва ҷамъбаст гардид. Дар он толибилмони муассисаҳои таълимии вилоят иштирок ва бо нишон додани дониши баланд, махсусан, аз фанҳои биология ва физика сазовори ҷойҳои намоён гаштанд.Хонандагони синфи 11 муасссисаҳои таҳсилоти миёнаи умумии рақами 12 ноҳияи Шуғнон ва рақами 32 ноҳияи Ишкошим Аниси Тоҳир ва Сафоева Наврузбегим бо нишон додани маҳорати хуби азхудкунии асосҳои фанни биология сазовори ҷойҳои якум ва медалҳои тилло гаштанд.Толибилмони синфҳои 11 муассисаҳои таҳсилоти миёнаи умумии рақами 56 ноҳияи Шуғнон Нафасбекова Саида, рақами 21 ноҳияи Ишкошим Паҳлавонбеков Шогунбек ва рақами 3 ноҳияи Ванҷ Ширинҷонов Умар бо гирифтани имтиёзҳои зарурӣ аз фанни физика бо касби ҷои сеюм медалҳои биринҷиро ба даст оварданд.Ин комёбии хеле бузурги аҳли маорифи вилоят гувоҳӣ аз он медиҳад, ки маорифчиёни вилоят дар ҳамкории зич бо волидайн кӯшиш намуда истодаанд, ки дастуру ҳидоятҳои Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмонро бобати рушду инкишофи соҳа сармашқи кори худ намуда, саҳми сазовори худро дар ин ҷода гузоранд.Маврид ба зикр аст, ки олимпиада аз фанҳои сикли гуманитарӣ идома дошта, умед ба он дорем, ки шогирдони макотиби вилоят дар ин самт низ бо дастовардҳои худ сокинони вилоятро хурсанд хоҳанд намуд.

Таҷлили ҷашнии Наврўзи оламафруз дар қатори дигар шаҳру навоии Ҷумҳурии Тоҷикистон дар маркази маъмурии Вилояти Мухтори Куҳистони Бадахшон – шаҳри Хоруғ бо шукуҳу шаҳомати хоса доир гардид. Бошандагони Боми Ҷаҳон ҷашни Наврӯзи фархундафолро дар фазои сулҳу оромӣ, суботи комили сиёсӣ ва бо самимияти хосаву нишоту хушҳолии беандоза дар Боғи фарҳанги фароғатии шаҳри Хоруғ истиқбол намуданд.Ҳайати меҳмонон бо роҳбарии Раиси ВМКБ Ёдгор Файзов, Котиби Шурои амнияти Ҷумҳурии Тоҷикистон Маҳмудзода Насрулло, раиси шаҳри Хоруғ Мирзонабот Алишер Худобердӣ ва ҳайати меҳмонон аз намоишгоҳи ҳунармандони соҳибфарханги Боми ҷаҳон дидан намуда, ба маҳорати баланди хунарофари, омода намудани таомҳои хоси Наврӯзи ва дастранҷи гирдовардашдаи хоҷагиҳои деҳқононии шаҳру навоӣ вилоят баҳои сазовор гузоштанд. Баъди тамошои намошгоҳи Наврӯзи раиси шаҳри Хоруғ Мирзонабот Алишер Худобердӣ кулли сокинони шарафманди маркази маъмурии ВМКБ шаҳри Хоруғро ба муносибати таҷлили Наврӯзи хуҷастапай самимона шодбош намуд. . Раиси ВМКБ муҳтарам Ёдгор Файзов бо самимияти хоса кулли мардуми сарафрозу ватандусти ВМКБ-ро бо таҷлили арзанда аз ҷашни Наврузи хуҷаста муборакбод намуда иброз дошт, ки халқи шарафманду фархангдусти тоҷик хусусан бошандагони Боми ҷаҳон имсол Наврӯзи хушиқболро дар рўҳияи баланди бунёдкориву созандагнӣ, ифтихор аз давлату давлатдорӣ ва омодагии ҳамаҷониба ба таҷлили ҷашни мубораку муқаддас 30- солагии Истиқлолияти давлатии Ҷумҳурии Тоҷикистон қайд менамоянд. Раиси ВМКБ Ёдгор Файзов бо ёдовари аз суханони Пешвои миллат Президенти Чумуҳрии Тоҷикистон муҳтарам Эмомалӣ Раҳмон иброз дошт, баҳори имсоларо баҳори Истиқлол ва Наврўзи имсоларо Наврўзи Истиқлол ном бурд.Гуфта шуд, ки ҷашни Наврӯз дар ҳақиқат аз зумраи муҳимтарин ва муқаддастарин оинҳои миллӣ мо буда тамоми шукуҳу азамат ва таъриху тамаддуни куҳани мо дар он таҷассум меёбад. Дар ин росто гуфта шуд, ки Наврӯз васлгари дирӯзу имрӯз буда ҳимоягари суннатҳои волои ниëгони фарҳангдустӣ мо донита мешавад. Ба намояндаги аз номи Ҳукумати Ҷумуҳрии Тоҷикистон, Котиби Шурои амнияти Ҷумҳурии Тоҷикистон Маҳмудзода Насрулло тамоми сокинони сарафрози ВМКБ-ро бо фарорасии яке аз ҷашнҳои муқаддастарини миллати тоҷик Наврӯзи ҷаҳонӣ табрику таҳният намуда он нуктаро таъкид дошт, ки дар таърихи фарҳангӣ мардуми ориёи хеҷ як анъана ва расму ойине ҳамчун ҷашни фархундаи Наврӯз азизу арҷманд нест. Зеро Наврӯз пайвандгари насли имрӯз бо расму ойин, арзишҳои зебоишиносӣ, меҳру садоқат ва анъанаҳои ниёгон ба ҳисоб меравад. Котиби Шурои амнияти Ҷумҳурии Тоҷикистон Маҳмудзода Насрулло роҷеъ ба таърихи пайдоишу баргузории ин чашни куханбунёд, рамзхои неки Наврузи ва эхё шудани он дар даврони сохибистиклолии мамлакат сухан намуд. Имсол ба расман ҷаҳонишавии ҷашни Наврўз расо 11 сол сипари гардид, ва мо тоҷикон имрўз ифтихор аз он дорем, ки ин ҷашни миллии мо фарохтар аз марзҳо рафта аввалан дар минтақаи мо ва сипас дар ҷаҳон мавқеъ ва манзалати худро пайдо намуд.Базми Наврӯзии бошандагони ВМКБ бо ҳунарнамоии аҳли санъату фарҳангии вилоят таҳти унвони «Тоҷикистон ватани Наврӯз аст» басо ҷолибу диданӣ гардид. Ҳунармандони вилоят дар ин рўз беҳтарин суруду таронаҳои наврўзии худро пешниҳоди сокинону меҳмонон гардониданд, ки таранумкунандаи Наврўзи ҷаҳонӣ ва баҳори нозанин буд.

Ҳамдиёрони азиз!​ ​ ​​ Хушбахтона имсол низ мардуми шарифи Тоҷикистон аз он ҷумла сокинони сарбаланди ВМКБ ҷашнгирии Наврӯзи байналмилалиро​ дар руҳияи баланди бунёдкорию созандагӣ ифтихор аз давлату давлатдори ва омодагии ҳамаҷониба ба таҷлили ҷашни муқаддасу таърихи 30 солагии истиқлолияти давлатии Тоҷикистони азиз қайд менамоянд.Дар таърихи 18-уми феврали соли 2010 дар ҷаласаи 64-уми Ассамблеяи генералии Созмони Милали Муттаҳид​ ​ қатъномаи “Рӯзи ҷаҳонии Наврӯз” ба тасвиб расид. Он бо пешниҳоди Асосгузори сулҳу ваҳдати милли – Пешвои миллат муҳтарам Эмомалӣ Раҳмон мавриди барраси қарор гирифта шуда ин таклифи Пешвои миллати тоҷикон аз тарафи ҳамаи сарони давлатҳо як дилона дастгирӣ гардид.​ Дар қатънома гуфта мешавад, ки ҳамасола дар тамоми ҷаҳон 21-уми март ҳамчун Рӯзи байналмилалии Наврӯз таҷлил гардад. Мувофиқи қарори СММ ҳамасола ҷашни Наврӯзро дар тамоми давлатҳои дар ҳайати СММ буда ҷашн мегиранд. Наврӯз аз бузургтарин ҷашнҳои мардумони ориёнитабор, аз ҷумла тоҷикон ба шумор меравад, ки ба фарҳанги қавму миллатҳои дигари Осиёи Марказӣ низ бо ҳамин ном гузаштааст. Ҷашни Наврӯз нишебу фарозҳои таърих, ҳаводиси сиёсию иҷтимоӣ ва маънавиҳои зиёдеро паси cap карда, то ба имрӯз омада расидааст. Аз ҳама зиёд ва хубтару бештар Наврӯзи хуҷастаро дар Ҷумҳурии Тоҷикистони худамон ҷашн мегиранд ва тамоми расму русуми дар гузашта мардуми ориёӣ доштаро мо дар ҷашни Наврӯз қайд менамоем ва тамоми он бозиҳое, ки дар ин фасл ҳаст, ҷавонон бо меҳру муҳаббати хос қайд мекунанд.Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар баромади худ вобаста ҷаҳони шудани Наврӯзи оламафрӯз қайд доштанд, ки “Шояд дар олам мисли Наврӯз кам ҷашне вуҷуд дошта бошад, ки русуми дилчасп​ ва суннатҳои зиндагисозӣ онро миллату халқҳои дигари олам чун дастоварди беназири фархангӣ пазируфта, бо ҳамин номи зебои тоҷикӣ таҷлил намоянд”.Мутобиқ ба сарчашмаҳои таърихӣ​ Наврӯз таърихи зиёда аз шашҳазорсола дошта, бузургтарин ва машҳуртарин ҷашни миллии тоҷикон буда, онро дар арафаи омад – омади фасли баҳор, бедории табиату шукуфоии дашту даман истиқбол менамудаанд. Наврӯз дар гирдбоду талотуми таърих ҳастиву мавҷудияташро нигоҳ дошта, бо тамоми рамзу анъана, расму ойинҳояш ба имрӯзиён расидааст. Ин ҷашн ҷашни мардумӣ буда, як рукни ҷудонопазири фарҳангу арзишҳои миллии мо дониста мешавад ва ҷаҳонбинию одамшиносии халқи моро инъикос мекунад.Мо бо шукрона аз амнияту оромӣ дар кишвар, аз осудагию некаҳволии мардуми тоҷик беш аз 30 сол боз Наврӯзи​ муборакқадамро таҷлил намуда, сараввал тамоми саъю кӯшиш ва тавону донишамонро барои тақвияти сулҳу субот дар мамлакат, таҳкими ваҳдати миллӣ равона месозем, чунки ҳеҷ гуна ҷашн бе фазои ором ягон шукӯҳу ҷалоле надорад. Барои ҳамин мо ифтихор мекунем, ки миллати тоҷик ба ин неъмати хеле бебаҳо – тинҷию осудаҳолиро арҷ мегузорад ва бо шодиву нишот ба истиқболи он ҳамаҷониба омодагӣ гирифта, Наврӯзи ҷаҳониро бо тамоми ойину суннатҳои деринаш таҷлил менамоянд.​​ ​ ​ Наврӯз ҷашнест, ки маҳаки инсонгароӣ дошта, мардумро ба накӯкорӣ, ҳамдигарфаҳмӣ, кӯмак ба ниёзмандон, ободонӣ, хайру сахо, ҳурмату эҳтиром, покиву тозагӣ, сарсабзию шукуфоии табиат даъват менамояд ва баҳри ҳар иқдоми нек замина мегузорад. Дар​ Бадахшон Наврӯзи Бостонӣ дорои баъзе хусуиятҳои ҷолиби худ аст, ки аз гуногунрангии фарҳанги миллати тоҷик​ дарак медиҳад. Дар аксари навоҳии Бадахшон дар рӯзи нахусти ид баъди анҷоми покори ва тоза кардани хонаҳои аҷдодию гирду атроф,​ пухтани таомҳои наврӯзӣ сар мекунад. Дар рӯзи дуввум аҳли хонавода бо таомҳои наврӯзи ба хонаҳои ҳамдигар, махсусан назди бузургсолон ва ашхоси муътабари маҳалла рафта, бо салому пайғоми наврӯзӣ эҳтироми онҳоро ба ҷо меоранд.Асосгузори сулҳу ваҳдати миллӣ – Пешвои миллат ҷавҳари инсонпарастии ин ҷашни ниёгонро хосатан таъкид намудаанд: «Ҷавҳари таърихиву фарҳангии ин ҷашн саодату пирӯзии аҳли башар буда, инсонҳоро ба ҳамдигарфаҳмиву ҳамзистии осоишта,​ накӯкориву созандагӣ, дӯст доштану эҳтиёт кардани табиат ва неъматҳои он ҳидоят менамояд.Ин масъала, хусусан, дар замони мо, ки инсоният бар асари равандҳои ҷаҳонишавӣ ва гармшавии иқлим бо мушкилоти бесобиқа рӯ ба рӯ омадааст, аҳаммияти фавқулода муҳим дорад.Маҳз ҳамин омил боис гардид, ки Созмони Милали Муттаҳид ҷашни Наврӯзро ба сифати ҷашни ҷаҳонӣ эътироф кард ва таҷлили онро дар манотиқи мухталифи сайёра тавсия намуд.​ ​ ​ ​ ​ ​ Дар айёми наврӯзӣ гирди ҳам омадан, ба дидори якдигар расидан ва бо ширкати хурду бузург, сарфи назар аз синну сол ва миллату мазҳаб, баргузор намудани ойинҳои наврӯзӣ асли милливу мардумии онро ташкил медиҳад».Тавре Пешвои миллат​ зикр кардаанд, ҷашни Наврӯз ҷанбаи диниву мазҳабӣ надорад ва инсондӯстиву дӯст доштани табиат меҳвари аслии онро ташкил медиҳад. Ба ин маънӣ, Навруз хеле пештар аз ойини оташпарастӣ пайдо шудааст, аз ин рӯ,​ он ҷашни сирф мардумиву миллӣ буда, бо ин ва дигар мазҳабу боварҳо робитае надорад. Дар Навруз рӯзу шаб баробар шуда, иқлим муътадил мегардад ва замина барои корҳои баҳорӣ муҳайё мегардад.Ҳамаи Шумо – ҳамдиёрони азизу арҷмандро бо ҷашни муборак Наврӯзи ҷаҳонӣ табрик мегӯям, ба Шумо ва хонадони Шумо покию сафо, хайру сахо, сидқу вафои наврӯзиро таманно менамоям.2 225Охват (люди)374ВзаимодействияПродвижение недоступно

9999Комментарии: 2Поделились: 13НравитсяКомментироватьПоделиться

Дар чорабинии мазкур Раиси Вилояти Мухтори Куҳистони Бадахшон муҳтарам Ëдгор Файзов иштирок ва суханронӣ намуданд. Раиси вилоят ба маъсулини чорабинӣ барои дар сатҳи баланд баргузор намудани ҳамоиши Наврузӣ изҳори сипос намуда баëн доштанд, ки Наврӯз ҷашнест, ки маҳаки инсонгароӣ дошта, мардумро ба накӯкорӣ, ҳамдигарфаҳмӣ, кӯмак ба ниёзмандон, ободонӣ, хайру сахо, ҳурмату эҳтиром, покиву тозагӣ, сарсабзию шукуфоии табиат даъват менамояд ва баҳри ҳар иқдоми нек замина мегузорад. Асосгузори сулҳу ваҳдати миллӣ – Пешвои миллат ҷавҳари инсонпарастии ин ҷашни ниёгонро хосатан таъкид намудаанд: «Ҷавҳари таърихиву фарҳангии ин ҷашн саодату пирӯзии аҳли башар буда, инсонҳоро ба ҳамдигарфаҳмиву ҳамзистии осоишта, накӯкориву созандагӣ, дӯст доштану эҳтиёт кардани табиат ва неъматҳои он ҳидоят менамояд.Ин масъала, хусусан, дар замони мо, ки инсоният бар асари равандҳои ҷаҳонишавӣ ва гармшавии иқлим бо мушкилоти бесобиқа рӯ ба рӯ омадааст, аҳаммияти фавқулода муҳим дорад. Дар фарҷоми чорабинӣ барномаи фарҳангӣ бо иштироки беҳтарин ҳунармандон пешкаши иштирокдорон гардид.

Субҳи имруз дар театри вилоятӣ ба номи Меҳрубон Назаров чорабинии тантанавӣ бахшида ба муносибати Рӯзи модарон бо иштироки Раиси Вилояти Мухтори Куҳистони Бадахшон муҳтарам Ëдгор Файзов баргузор карда шуд. Дар чорабинӣ муовинони Раиси вилоят, роҳбари дастгоҳ, роҳбарони идораву муассисаҳои вилоят ва дигар кормандони мақомоти иҷроияи ҳокимияти давлатии вилоят, ташкилотҳои ғайридавлатӣ, соҳибкорон аз ҳисоби занон ва бонувон иштирок намуданд. Дар оғози чорабинӣ Раиси вилоят муҳтарам Ëдгор Файзов зимни суханронии худ ҳамаи занон ва модарони вилоятро ба муносибати Рузи модарон табрик ва муборакбод намуда кайд доштанд, ки дар фасли баҳор, айёми бедории табиат ва шукуфоиву сарсабзии дашту даман расидани Рӯзи Модар худ аз сиришти поку нияти холис ва муҳаббати офарандаи ӯ дарак медиҳад. Нерӯи тавонманд ва таконбахши ҷомеа Модар ҳисоб меёбад. Асосгузори сулҳу ваҳдати миллӣ, Пешвои миллат Эмомалӣ Раҳмон саодати рӯзгору ободии диёрро дар Модар мебинанд: «Зан офарандаи нотакрори табиат, асоси саодатмандиву шукуфоӣ ва хулоса, нерӯи пешбарандаи ҷомеа аст. Саодату сарфарозии мардум аз тинати поку ҳидояти неки модарон ва заҳмати шоистаи занони сарбаланду нозанини мост. Танҳо зани покгавҳар, нексиришт, ватанпарвар, хушахлоқ ва бомаърифат қодир аст бунёдгари ҷомеаи босаодат бошад.Бонувони мо собит намудаанд, ки ин рисолати пуршарафро бо сари баланд ба иҷро расонида метавонанд.Офарандаи бахти аҳли башар, файзбахши меҳру вафо – Зан-Модар аст. Ин ҳама бузургиву беназирии Модар аст, ки маҳз дар айёми дӯстиву муҳаббат, фасли нозанини баҳор ва лаҳзаи гуворои он “Рӯзи Модар” таҷлил карда мешавад». Инчунин дар чорабинӣ як қатор занону бонувон барои саҳми арзанда гузоштан дар пешрафти соҳаи иқтисодию иҷтимоии вилоят бо мукофоти пулӣ ва ифтихорномаи Раиси ВМКБ қадридонӣ гардиданд.Дар фарҷоми чорабинӣ барномаи фарҳангӣ бо иштироки беҳтарин ҳунармандони вилоят пешкаши иштрокдорон гардид.Бахши таҳлилӣ – иттилоотии дастгоҳи Раиси ВМКБи ещё 272 270Охват (люди)438ВзаимодействияПродвижение недоступно

Бонувони азиз!Аз замони пайдоиши одам то ҳол дар таърихи башар шахсияте набудааст, ки аз Модар азизтару мушфиқтар бошад, аз ин рӯ, дар тамоми рӯйи олам барои инсон Модар беҳтарин, меҳрубонтарин ва азизтарин мавҷуд аст. Дар Модар саховати Офтобу тамкини замин, таровати баҳору матонати куҳ нуҳуфтааст. Бунёди саодатмандиву шукуфоии ҳар диёр ба Зан – Модар рабт дошта, хушии рӯзгору умедбахши зиндагӣ, сутуни хонадону раҳнамои фарзандон, ҳодии бахти сафеду шамъи фурӯзони ҳаёт маҳз Модар мебошад. Кушояндаи ҳар муаммову гиреҳи зиндагӣ дасти дуои Модар аст, зеро дуои Модар ба даргоҳи Худованди мутаол иҷобат мешавад. Сарафрозиву нерӯи созандагии инсон аз меҳру муҳаббати бекаронаи Модар оғоз мегирад. Муҳаббати Модар ба ҳаддест, ки ҳатто вазнинтарин гуноҳро ба ҷуз Худои якто танҳо / метавонад бубахшад, чунки Худованд чунин бахшандагиро фақат дар дили Модар ҷо додааст. Тинати поку меҳри беолоиши Модар ба рӯзгори мо нуру сафо ато менамояд, хилқати офарандаи Модар ҳар хонадонро ободӣ меорад, меҳри беинтиҳои ӯ дар дили фарзандон тухми муҳаббату некӣ мекорад. Дар фасли баҳор, айёми бедории табиат ва шукуфоиву сарсабзии дашту даман расидани Рӯзи Модар худ аз сиришти поку нияти холис ва муҳаббати офарандаи ӯ дарак медиҳад. Нерӯи тавонманд ва таконбахши ҷомеа Модар ҳисоб меёбад. Асосгузори сулҳу ваҳдати миллӣ, Пешвои миллат Эмомалӣ Раҳмон саодати рӯзгору ободии диёрро дар Модар мебинанд: «Зан офарандаи нотакрори табиат, асоси саодатмандиву шукуфоӣ ва хулоса, нерӯи пешбарандаи ҷомеа аст. Саодату сарфарозии мардум аз тинати поку ҳидояти неки модарон ва заҳмати шоистаи занони сарбаланду нозанини мост. Танҳо зани покгавҳар, нексиришт, ватанпарвар, хушахлоқ ва бомаърифат қодир аст бунёдгари ҷомеаи босаодат бошад.Бонувони мо собит намудаанд, ки ин рисолати пуршарафро бо сари баланд ба иҷро расонида метавонанд.Офарандаи бахти аҳли башар, файзбахши меҳру вафо – Зан-Модар аст. Ин ҳама бузургиву беназирии Модар аст, ки маҳз дар айёми дӯстиву муҳаббат, фасли нозанини баҳор ва лаҳзаи гуворои он “Рӯзи Модар” таҷлил карда мешавад». Фарде, ки тарбияи модарро дидаасту аз меырубонии ӯ бархурдор будааст, умре хушбахтии худро аз меҳри модар меҳисобад, умре дар ҳар кор дуои неки ӯро мегирад ва ҳастии худро бе ӯ наметавонад тасаввур бикунад ва тамоми ҳаёташ модарро қадрдонӣ хоҳад намуд. Фарзанди нек ҳеҷ гоҳ, дар ҳеҷ ҷо, дар ягон макон меҳру муҳаббат, ранҷу зазмати модарро фаромуш намекунад. Модар омузгорест, ки фарзанд дарси нахустини адабу ахлоқро аз ӯ меомузад, ба ин маъни аввалин мураббиву тарбиятгари инсон модар мебошад. Ба ин хотир аст, ки тамоми родмардону мардони майдон, бузургони илму адаб, суханварони мумтоз Модарро ҳамду сано гуфтаанд. Нависандаи машҳури фаронсавӣ Оноре де Балзак дар васфи Модар чунин мегуяд: «Модар нафарест, ки зиндагӣ меофарад ва дар набарди ҷовидонии ҳаёту марг зиндагиро зинда медорад. Модар калимаест муқаддас ва мафҳумест чун ин дунё беоғозу беанҷом.Ҳамзамон модар рисолати модар дар пос доштани фарҳангу адабиёт, забону ҳуввияти миллӣ ифода меёбад, яъне тарбиявии маънавии ҳар фарзанд низ бар дӯши модар аст. Ободии ҳар хонадон ба хиради созандаву нерӯи тавонои офарандагии зан – модар бастагӣ дорад. Аз ин ҷост, ки ҳар хонаводаи ободу осуда тимсоли ободиву субот дар ҳар давлату ҷомеа дониста мешавад. Барои мо ҷойи ифтихору сарбаландист, ки модарони тоҷик барои Ватан фарзандони хушманду бохирад, хушхулқу поксиришт, донишманду закӣ ва ватандору баору номус тарбия намуда ба камол мерасонанд. Ҳамин тавр, нащши зан – модар дар ободии кишвар, вусъати кори созандагиҳо дар ватан бисёр бузургу арзанда мебошад. Маҳз ба ин хотир, Ҳукумати Ҷумҳурии Тоҷикистон ба ҷашни Рӯзи Модар мақоми давлатӣ дод, ки ин аз мақому манзалати хос бархурдор будани занону модаронро дар мамлакати мо собит месозад. Дар ин самт рӯйи кор омадани Фармони Президенти Ҷумуҳурии Тоҷикистон «Дар бораи тадбирҳои баланд бардоштани мақоми зан дар ҷомеа», Қонун «Дар бораи кафолатҳои давлатии баробарҳуқуқии мардону занон ва имкониятҳои баробари амалигардонии онҳо», Барномаи «Самтҳои асосии сиёсати давлатӣ оид ба таъмини ҳуқуқу имкониятҳои баробари мардон ва занон дар Ҷумҳурии Тоҷикистон барои солњои 2001 – 2010» ва «Стратегияи миллии фаъолгардонии нақши занон дар Ҷумҳурии Тоҷикистон барои солҳои 2011- 2020» аз шумули муҳимтарин асноди меъёрӣ – ҳуқуқие хисоб меёбанд, ки мавқеи занро аз дидгохи конун тахким бахшидаанд. Имрӯз занону духтарон на танҳо дар идоракунии давлат, балки дар рушди соҳибкорӣ низ саҳмгузоранд. Сарвари давлат, Ҷаноби Олӣ муҳтарам Эмомалӣ Раҳмон дар Паём ба Маҷлиси Олии Ҷумҳурии Тоҷикистон солҳои 2019 – 2021 – ро «Солҳои рушди деҳот, сайёхи ва ҳунарҳои мардумӣ» эълон карда буданд ва дар ин росто низ занону модарон пешсафанд, зеро эҳёи бисёр ҳунарҳои мардумии азёдрафта маҳз ба ҳунару кордонии онҳо вобаста аст. Бешубҳа, бонувони тоҷик дар рушду такмили ҳунарҳои мардумӣ нақши ҳалкунанда хоҳанд бозид. Дар ин лаҳзаҳои нишотангез ҳамаи модарони меҳрубон, бонувони гиромищадр ва духтарони арҷмандро бо фарорасии Рӯзи Модар ва омад – омади баҳори гулбез бо самимияти хос табрику таҳният мегӯям, ба ҳамаи онҳо сиҳатманд=, табъи шукуфо, хонаводаи ободу рӯзгори бегазанд таманно мекунам! Ид муборак, модарони азиз!10 450Охват (люди)1 853ВзаимодействияПродвижение недоступно

213Вы и ещё 212Комментарии: 34Поделились: 41НравитсяКомментироватьПоделиться