Месяц: Апрель 2021

Дар толори мақомоти иҷроияи ҳокимияти давлатии ноҳияи Шуғнон ҷаласаи навбатии Шӯрои Ҳаракати ваҳдати миллӣ ва эҳёи Тоҷикистон дар ноҳияи Шуғнон баргузор гардид. Дар кори Шӯро Раиси Шӯрои Ҳаракати ваҳдати миллӣ ва эҳёи Тоҷикистон дар Вилояти Мухтори Кӯҳистони Бадахшон, Раиси вилоят Ёдгор Файзов иштирок ва баромад намуд. Ҳамчунин, дар ҷаласаи Шӯро муовини Раиси Шӯрои ҳаракати ваҳдати миллӣ ва Эҳёи Тоҷикистон дар вилоят, доктори илмҳои филологӣ Ҳоким Қаландариён, котиби Шӯро, доктори илмҳои филологӣ Абдулназар Абдулназаров, аъзои Шӯрои вилоятӣ, раиси бахши Иттифоқи журналистони Тоҷикистон дар вилоят Нилуфар Асламшоева ширкат доштанд. Раиси вилоят дар баромади худ аз таърих, омил ва сабабу ҳадафҳои таъсиси ин Ҳаракати бонуфуз изҳори андеша намуда, зикр сохт, ки дар нимаи дуюми солҳои 90-уми асри гузашта, ки Ҳукумати қонунии кишвар бо роҳбарии Президенти Ҷумҳурии Тоҷикистон, Пешвои миллат мӯҳтарам Эмомалӣ Раҳмон ҷиҳати хотима гузоштан ба муноқишаи дохилӣ, ба ҳам овардани миллати тоҷик ва таъмини сулҳу субот дар ҷомеа саъю кӯшиши зиёд менамуд, зарурияти созмон додани чунин ҳаракат ба миён омад. Дар он ҳизбу созмонҳо ва ташкилоту гурӯҳҳои ба тақдири давлату миллат бетараф набуда гирди ҳам омада, таҳти роҳнамоии Асосгузори сулҳу ваҳдати миллӣ, Роҳбари давлат мӯҳтарам Эмомалӣ Раҳмон тавонистанд ҷомеаи дар натиҷаи ҷанги таҳмилии шаҳрвандӣ парешони моро ба ҳам оварда, ваҳдати миллиро таъмин ва таҷдиди кулли соҳаҳои фалаҷгаштаи хоҷагии халқро ба роҳ монанд. Бархӯрдҳои ақидатӣ ва дидгоҳҳои гуногун мавҷуд буданд, аммо дар масъалаҳои стратегӣ- ҳимоят аз манфиатҳои давлатию миллӣ, арзишҳои волои умумиинсонӣ, ҳимояи принсипҳои демократӣ ва дунявияту ҳуқуқбунёдии мамлакат аксарияти аъзоёни Ҳаракат назари ягона доштанд. Ин раванд хеле мушкил ва мураккаб буд, аммо сиёсати хирадмандона, бо ба инобат гирифтани вазъи мавҷуда ва ҷоннисориҳои Сарвари Давлати Тоҷикистон Ҷаноби Олӣ Эмомалӣ Раҳмон имконият фароҳам овард, ки мо ба ҳамин рӯзҳои нек расидем.Ҳамчунин, Ёдгор Файзов дар асоси дастуру ҳидоятҳои Президенти Ҷумҳурии Тоҷикистон, ки аз Паём ба Маҷлиси Олии мамлакат бармеоянд, аз аъзои Шӯро даъват ба амал овард, ки фаъолиятро, махсусан, дар самти таблиғотию ташвиқотӣ, бо истифода аз усулҳои нави кор, ба роҳ монда, дар пешбурди сиёсати давлату ҳукумат, ки маҳз ба баланд бардоштани сатҳи некӯаҳволии халқ нигаронда шудааст, саҳми муносиби худро гузоранд. Вобаста ба сазовор пешвоз гирифтани ҷашни муқаддаси миллӣ 30-солагии Истиқлоли давлатӣ Раиси вилоят таваҷҷӯҳи аъзои Шӯроро, ки бештарашон масъули сохторҳои давлатӣ ва муассисаҳо мебошанд, ба тавсеаи корҳо ва иҷрои нақшаҳо ҷалб намуда, изҳори боварӣ намуд, ки дар ҳамдастӣ ва ваҳдат мо ҳадафҳои наҷибонаи худро амалӣ хоҳем сохт.Муовини Раиси Шӯрои ҳаракати ваҳдати миллӣ ва Эҳёи Тоҷикистон дар вилоят, доктори илмҳои филологӣ Ҳоким Қаландариён, котиби Шӯро, доктори илмҳои филологӣ Абдулназаров Абдулназар ва муовини Раиси Шӯрои Ҳаракат дар ноҳияи Шуғнон Саидарабзода Гулғунча ҷиҳати таҳкими фаъолияти шӯроҳо дар маҳал, ҷалби ҳарчи бештари аъзо ба Ҳаракат, аз ҳисоби олимону ашхоси барӯманд зиёд намудани сафи аъзоёни шӯроҳо ва самаранок ба роҳ мондани фаъолияти фаҳмондадиҳӣ, бавижа, дар байни қишри ҷавони ҷомеа, андешаронӣ намуда, таклифҳои судмандро пешниҳод намуданд.Ҷаласа ҳайати нави Шӯроро интихоб ва нақшаи нави фаъолияти онро бо назардошти таклифу пешниҳодҳо қабул намуд. Ҳамчунин, шӯрои собиқадорони Ҳаракати мазкур дар ноҳияи Шуғнон интихоб гардид.и ещё 7161Охват (люди)26ВзаимодействияПродвижение недоступно

55Поделились: 1НравитсяКомментироватьПоделиться

Дар шаҳри Хоруғ ҷаласаи Шӯрои ҳамоҳангсозӣ оид ба пешгирии сӯистеъмоли маводи нашъаовари вилоят баргузор гурдид. Раиси Вилояти Мухтори Кӯҳистони Бадахшон Ёдгор Файзов, ки ҳамзамон раиси Шӯрои мазкур мебошад, ҷаласаро ифтитоҳ намуда, иштирокчиёнро бо рӯзномаи он шинос намуда, бобати вазъи имрӯзаи мубориза бо гардиш ва фурӯши ғайриқонунии маводи мухаддир, моддаҳои психотропӣ ва прекурсорҳои онҳо, пешгирии нашъамандӣ ва дигар паҳлӯҳои масъала андешаронӣ кард. Қайд гардид, ки бо дастуру ҳидоятҳои Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон тамоми заминаҳои ҳуқуқии мубориза бо муомилоти ғайриқонунии маводи нашъадор ва дигар воситаҳо дар мамлакат гузошта шуда, аз соли 2004 ин ҷониб Шӯрои мазкур фаъолият дорад. Фаъолияти мақомоти иҷроияи ҳокимияти давлатӣ, сохторҳои низомию ҳифзи ҳуқуқ, ташкилоту муассиса ва ҷомеаи шаҳвандӣ дар ин самт бамаротиб таҳким ёфта, заминаҳои моддию техникии ниҳодҳои марбута мустаҳкам гардиданд. Махсусан, пас аз мулоқоти Президенти Ҷумҳурии Тоҷикистон, Ҷаноби Олӣ Эмомалӣ Раҳмон бо фаъолони вилоят, дар моҳи августи соли 2018, кор дар ин самт сатҳу сифати навро касб намуд. Бо пурзӯр намудани чорабиниҳои оперативӣ-ҷустуҷӯӣ, фаҳмондадиҳӣ, тарғиботиву ташвиқотӣ, фарҳангию маърифатӣ аз қонуншиканиҳои зиёд дар ин самт пешгирӣ карда шуд. Новобаста аз ин, то ҳанӯз мушкилоти муайян вуҷуд дошта, бо сабабу омилҳои гуногун, чанде аз сокинони вилоят даст ба муомилот ва истифодаи маводи нашъадор мезананд. Сардори Раёсати Агентии назорати маводи нашъадори назди Президенти Ҷумҳурии Тоҷикистон дар вилоят полковник Мирумадзода Қамар Қирон дар гузориши худ аз фаъолияти Шӯро дар давоми соли 2020 ва семоҳаи аввали соли ҷорӣ сухан ронда, зикр намуд, ки дар ин муддат корҳои муайян анҷом дода шуданд. Аз он ҷумла, дар баробари фаъолияти нақшавӣ аз ҷониби аъзоёни Шӯро ҷиҳати амалӣ намудани стратегияҳои давлатӣ ва барномаҳои соҳавӣ оиди мубориза бо ин ҳодисаи номатлуби иҷтимоӣ, дар ҳамкорӣ бо ҷомеаи шаҳрвандӣ, пеш аз ҳама, чорабиниҳои зиёди тарғиботию ташвиқотӣ, махсусан, дар байни қишри ҷавони ҷомеа, ба роҳ монда шуданд. Бо истифода аз васоити ахбори омма ва паҳн намудани варақаҳои фаҳмондадиҳӣ ҷанбаҳои ҳуқуқии мубориза бо гардиши ғайриқонунии маводҳои нашъадор, зарари онҳо ба саломатии ҳар як фард, оила, ҷамъият ва генофонди миллӣ бо далелҳои асоснок ба самъи сокинон расонда шуданд.Ба воситаи амалӣ намудани корҳои оперативӣ бошад, дар соли 2020 аз ҷониби раёсатҳои Вазорати корҳои дохилӣ, Кумитаи давлатии амнияти миллӣ, Агентии назорати маводи нашъадор ва Хадамоти гумруки вилоят, дар маҷмӯъ, дар ин самт 52 ҷинояти нашъаҷалобӣ ошкор ва аз муомилоти ғайриқонунӣ зиёда аз 99 кг воситаҳои нашъадор ва наздики 42 грамм маводи синтетикии амфитамин мусодира карда шуд. Берун аз ҳудуди вилоят бошад, 15 нафар бо ҷурми даст доштан дар дар муомилоти ғайриқонунии маводи мухаддир ба ҷавобгарӣ кашида шуданд. Дар семоҳаи аввали соли ҷорӣ аз ҷониби мақомоти ҳифзи ҳуқуқ ва сохторҳои низомӣ 8 адад ҳодисаи марбут ба гардиши ғайриқонунии маводи нашъадор ошкор гардида, аз муомилот зиёда аз 57 кг воситаҳои нашъадор бароварда шуданд.Ҳамчунин, қайд гардид, ки аз теъдоди умумии мубталоёни нашъамандӣ, 21 нафар то синни 35-сола буда, хушбахтона, дар натиҷаи тадбирҳои андешидашуда, ҷавонони то синни 24-сола аз ин вабо эмин гаштанд. Наздик ба 45 фоизи гирифторони бемории ВНМО маҳз нашъамандони тазриқӣ мебошанд.Тазаккур дода шуд, ки бо Фармони Президенти Ҷумҳурии Тоҷикистон соли равон “Стратегияи миллӣ оид ба назорати маводи нашъаовар дар Ҷумҳурии Тоҷикистон барои солҳои 2021-2030” тасдиқ гардид, ки мутобиқи он мубориза бар зидди ин падидаи номатлуб пурзӯр гардида, аз тариқи сафарбар намудани тамоми имкониятҳои мавҷуда, сатҳи ҷинояткорӣ дар ин ҷода паст ва корҳои пешгирикунандю фаҳмондадиҳӣ тавсеаю таҳким меёбанд.Дар баромади худ сардори Раёсати Кумитаи давлатии амнияти миллӣ дар вилоят полковник Меликзода Маҳмад Эмом таъкид бар он намуд, ки Ҷумҳурии Тоҷикистон бо Ҷумҳурии исломии Афғонистон, ки манбаъаи асосии истеҳсол ва панҳкунандаи маводи нашъадор дар минтақа мебошад, сарҳади тӯлонӣ дорад. Солҳои охир, дар асоси дастуру ҳидоятҳои Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон Ҳукумати Тоҷикистон дар мавзеъҳои осебпазири сарҳадӣ зиёда аз 50 дидбонгоҳ бунёд намуд. Бо вуҷуди корҳои анҷомддодашуда бобати мустаҳкам намудани сарҳад то ҳанӯз гурӯҳҳо ва ашхоси ҷинояпеша, бо ҳар роҳу восита, маводи нашъадорро ба Тоҷикистон ворид мекунанд. Аз ин рӯ, дар радифи ниҳодҳои қудратию низомӣ, дигар раёсату муассиса ва умуман ҷомеаи шаҳрвандӣ бояд дастҷамъона зидди ин падидаи номатлуб бароянд. Фаъолияти Шӯрои ҳамоҳангсозӣ оид ба пешгирии сӯистеъмоли маводи нашъаовари вилоят дар ҳамаи ҷабҳаҳо ниёз ба беҳбудӣ дошта, он ба як маркази воқеии ҳамоҳангсозӣ зидди муомилоти ғайриқонунӣ ва истифодаи маводи нашъаовар бояд табдил ёбад. Сохторҳои кор бо ҷавонон ва варзиш, дин, маориф, оила ва занон дар ин самт шеваю усули фаъолияти худро мутобиқи талабот ба роҳ монда, арбобони дин ва рӯҳониёни шинохта, вобаста ба ҷанбаи ахлоқии масъала, дар байни мардум корҳои фаҳмондадиҳиро тавсеа бахшанд. Раёсату шӯъбаҳои шуғли аҳолӣ ва меҳнат тавассути омӯзиши вазъи бозори меҳнат ва ба кор ҷалб сохтани сокинон фаъолияти густурдаро ба роҳ монанд, зеро имкониятҳои зиёди ба шуғл фаро гирифтани аҳолӣ, аз он ҷумла, дар соҳаи кишоварзӣ ва сохтмон хеле зиёданд. Ҷиҳати сари вақт дастрас намудани маълумоти асосноки таҳлилӣ оиди вазъи воқеӣ дар самти мазкур, котиботи Шӯроро зарур аст, корро самаранок ба роҳ монад.Ҳамчунин, дар муҳокимаи масъала, муовини якуми сардори Раёсати корҳои дохилии вилоят Муборакшозода Ғайратшо, роҳбари ташкилоти ҷамъиятии “Волонтёр” Азизмамадов Марам, директори маркази ташаккули ҳаёти солим Худоёрова Шарифа, сардори Раёсати тандурустии вилоят Музаффаров Фарид, муовини сардори раёсати кор бо ҷавонон ва варзиши вилоят Асадбеков Юсуф, муовини раиси шаҳри Хоруғ Муробекзода Илчай ва дигар аъзои Шӯро фикру андешаҳои худро баён намуданд.Бо назардошти баромадҳо ва таклифу пешниҳодҳо ба нақшаи фаъолияти Шӯро тағйиру иловаҳо дохил гардид.Дар фарҷоми ҷаласаи Шӯрои ҳамоҳангсозӣ оид ба пешгирии сӯистеъмоли маводи нашъаовари вилоят Раиси Шӯро, роҳбари вилоят Ёдгор Файзов бори дигар таваҷҷӯӯҳи аъзоёни онро ба муҳимияти масъала ҷалб намуда, зикр сохт, ки танҳо дар дастҷамъӣ ва истифода аз усулу абзори нави корӣ, дар заминаи сиёсати Давлату Ҳукумати кишвар ва ҳамкорӣ бо ҷомеаи шаҳрвандӣ мо метавонем дар масири мубориза бо муомилоти ғайриқонунӣ ва истифодаи маводҳои нашъаовар муваффақ гардем. Махсусан, фаъолиятро дар деҳоти наздисарҳадӣ васеъ ба роҳ монда, дар шуури ҷамъиятӣ бояд ҳисси қабулнопазирӣ нисбати ин падидаи номатлуб ташаккул ва мустаҳкам гардад. Аз фаъолияти Шӯрои мазкур натиҷаи самараи кори ҳамаи сохторҳои дахлдор ва умуман ҷомеа дар ин самт вобастагии зиёд дорад.Дар асоси муҳокимарониҳо ва таклифу пешниҳодҳо супоришҳои дахлдор таҳия шуда, масъулин муваззаф гардиданд, ки ҷиҳати иҷрои онҳо тадбирҳои мушаххас андешанд.

Зиёда аз як сол мешавад, ки аксарияти кулли мамолики ҷаҳонро вабои нав COVID-19 ба доми таҳлука кашида, новобаста аз чораҳои андешидашаванда, шиддати мубталошавӣ ва марг аз ин беморӣ рӯ ба пастӣ наоварда истодааст. Давлату Ҳукумати мамлакат ва ҷомеаи Тоҷикистон, таҳти сарварии Пешвои миллат, Президенти Ҷумҳурии Тоҷикистон тавонистанд бо амалӣ намудани чораҳои саривақтии пешгирию табобатӣ, бо таъҷилан фароҳам овардани фазои мусоид барои муассисаҳои тиббию профилактикӣ ва кормандони соҳа, пеши роҳи паҳншавии касалӣ ва мубталошавии шаҳвандонро ба ин вирус гиранд.Дар Вилояти Мухтори Кӯҳистони Бадахшон низ фаъолият дар ин самт бо дастуру ҳидоятҳои бевоситаи Роҳбари давлат, Ҷаноби Олӣ мӯҳтарам Эмомалӣ Раҳмон ва мусоидати ҳукумати кишвар муташаккилона роҳандозӣ гардид. Дар ин ҷода ҳамкорӣ ва дастгириҳои шарикони рушд ва ташкилоту созмонҳои ғайридавлатию байналмилалӣ назаррас мебошад.Аз он ҷумла, дар радифи дигар муассисаю ташкилоти ҳамкор Ҷамъияти Ҳилоли Аҳмари Тоҷикистон низ дар ҷараёни пешгирӣ ва табобти ин беморӣ тавассути дастрас намудани таҷҳизоти тиббӣ, доруворӣ, ғизо ва дигар намуди маводи зарурӣ саҳми назаррас гузошт. Ба иттилои котиби иҷроияи ҷамъияти мазкур дар вилоят Мамадаминова Тоҷиниссо аз тарафи ҶҲАТ дар шарикӣ бо созмони Иттиҳоди Аврупо ва ЮНИСЕФ барои муассисаҳои тиббию профилактикии кулли шаҳру навоҳии ВМКБ чор дастгоҳи нафасдиҳии сунъӣ, ҳазорҳо адад либос ва ниқоби муҳофизатӣ, се саду панҷоҳ бастаи гигиенӣ, конюлаи оксигендиҳӣ барои кӯдакон, ларингоскопҳо ва навъҳои зиёди доруворӣ дастрас гардиданд. Ин ҳамкорӣ айни замон идома дорад.Раиси вилоят Ёдгор Файзов борҳо дар машварату вохӯриҳо аз дастгирии шарикони рушд ва созмонҳои ғайридавлатию байналмилалӣ ҷиҳати кӯмаку мусоидат дар марҳилаи мубориза бо COVID-19 изҳори сипос намуда, таъкид кард, ки маҳз сиёсати оқилонаи Президенти мамлакат, Пешвои миллат мӯҳтарам Эмомалӣ Раҳмон, мусоидати ҳукумати кишвар, ҳамкории самараноки мақомоту ташкилотҳои номбурда ва ҷомеаи шаҳвандӣ даст дод, ки мо ин марҳилаи мушкилро дастҷамъона паси сар намоем.640Охват (люди)39ВзаимодействияПродвижение недоступно

1111Поделились: 3НравитсяКомментироватьПоделиться

20 апрели соли 2021 вохӯрии Раиси Вилояти Мухтори Кӯҳистони Бадахшон Ёдгор Файзов бо роҳбари намояндагии Агентии Олмон оид ба ҳамкории байналмилалӣ дар Ҷумҳурии Тоҷикистон хонум Сабине Олтҳоф ва ҳамроҳони ӯ баргузор гардид.Маврид ба зикр аст, ки дар чаҳорчӯбаи сиёсати “дарҳои кушода”-и Тоҷикистон, ҳамкорӣ бо ташкилоту созмонҳои байналмилалӣ ҷиҳати рушду инкишофи соҳаҳои мухталифи хоҷагии халқи кишвар таҳкиму тавсеа ёфта, аз он ҷумла, дар ҳудуди ВМКБ, дар ҳамдастӣ бо шарикони рушд, иншооти гуногун бунёду таҷдид гардида, барои соҳибкорон ва дигар мутахассисони соҳаҳои мухталиф семинар ва курсҳои омӯзишӣ ташкил карда мешавандДар ҷараёни вохӯрӣ Раиси вилоят аз ҳамкории судманди мақомоти иҷроияи маҳаллии ҳокимияти давлатии вилоят бо ин ташкилоти бонуфуз изҳори қаноатмандӣ ва барои амалӣ сохтани лоиҳаҳои самаранок сипосгузорӣ намуд.Қайд гардид, ки аз ҷониби Агентии макур лоиҳаҳо дар самти хоҷагии қишлоқ, ҳифзулсиҳат, маориф, соиҳибкорӣ, пешгирӣ ва бартараф намудани оқибати офатҳои табиӣ самаранок амалӣ гардида, айни замон ҳамкорӣ идома дорад.Аз ҷониби роҳбарияти вилоят вобаста ба равнақи баъзе соҳаҳо, аз он ҷумла, коркарди меваю сабзавот, маҳсулоти чорводорӣ, рушди асалпарварӣ, таъсиси коргоҳу корхонаҳои коркарди гиёҳҳои шифобахш, ки дар заминаи онҳо метавон соҳибкориро инкишоф дода, теъдоди зиёди шаҳрвандонро бо кор таъмин намуд, таклифҳо пешниҳод гардиданд. Зимнан, барои меҳмонон, намунаҳои гиёҳу малҳамҳо, шарбатҳои мевагӣ ва меваҳои хушки коркардашуда, дар бастаҳо ва зарфҳои аз ҷониби соҳибкорони маҳаллӣ истеҳсолшуда, муаррифӣ гардид. Роҳбари Агентӣ ва ҳамроҳони ӯ ба ин ва дигар масъалаҳо диққат дода, зикр намуданд, ки зарфияти Тоҷикистон, аз он ҷумла Бадахшон, дар ин самт қобили таваҷҷӯҳ аст. Дар ҳамдастӣ метавон ин неъматҳои кишварро мутобиқ ба талаботҳои стандартӣ коркард намуда, ба бозорҳои ҷаҳон баровард.Тарафайн ҳамчунин вобаста ба омода намудани мутахассисон дар ҷодаи ташкили хизматрасонии сайёҳӣ, истифодабарӣ аз технологияҳои муосир, муаррифии дастовардҳо ва боигариҳои Тоҷикистон андешаронӣ намуда, изҳори омодагӣ барои рушди минбаъдаи муносибатҳои судманд намуданд.

Дар маркази шаҳри Хоруғ, хиёбони Шириншо Шоҳтемур ширкати алоқаи мобилӣ ва интернетии «Мегафон» истифодаи ройгони Wi-Fi-ро барои алоқамандон ва меҳмонони маркази вилоят роҳандозӣ намуд. Дар маросими ба истифода супурдани он раиси Вилояти Мухтори Кўҳистони Бадахшон Ёдгор Файзов ва раиси шаҳри Хоруғ Алишер Мирзонаботов ширкат варзида, миннатдории мақомоти иҷроияи ҳокимияти давлатии вилояту шаҳрро ба роҳбарияти Мегафон баён намуданд. Барои истифодаи алоқаи интернети Wi-Fi-и ширкати «Мегафон» дар маркази шаҳр ба таври ғайриоддӣ се ҷои нишасти сохта шудаанд. Раҳим Садоншоев – намояндаи ин ширкат қайд намуд, ки ин иқдом бо супориши раиси шаҳри Хоруғ Алишер Мирзонаботов дар муддати як моҳ роҳандозӣ гардид. Бо истифода аз шароити муҳайёгардида ба ҳар як муштарӣ ва дўстдори шабакаҳои интернетӣ дар ҳаҷми 10 дақиқа Wi-Fi-и ройгон пешниҳод карда мешавад. Дар ин макон алоқаи интернетии Wi-Fi ба муддати 24 соат фаъол хоҳад буд. Ба иловаи 10 дақикаи истифодаи ройгон аз алоқаи интернетӣ муштариён бо иловатан пардохт намудани 3 сомонӣ муддати 1 соат имкони истифода аз интирнети босуръат доранд. Иқдоми мазкур ба ифтихори 30-юмин солгарди Истиқлолияти давлатии Ҷумҳурии Тоҷикистон ва 20-умин солгарди таъсисёбии ширкати Мегефон роҳандози гардид.

Дар шаҳри Хоруғ маҷлиси Кумитаи иҷроияи Ҳизби Халқии Демократии Тоҷикистон дар Вилояти Мухтори Кӯҳистони Бадахшон доир гардид. Дар кори маҷлис узви Раёсати КИМ ҲХДТ, раиси вилоят Ёдгор Файзов иштирок ва баромад намуд.
Ба баррасии маҷлиси Кумитаи иҷроияи ҳизбии вилоят масъалаи кадрӣ ва ҳисоботи раиси КИ ҲХДТ дар вилоят оиди фаъолияти семоҳаи аввали соли ҷорӣ ва вазифаҳо барои семоҳаи дуюм пешниҳод гардиданд.
Бо пешниҳод ва розигии Кумитаи Иҷроияи Марказии Ҳизби Халқии Демократии Тоҷикистон Раҷабова Зунайда Абунасровна муовини раиси КИ ҲХДТ дар вилоят якдилона аз ҷониби аъзоёни Кумитаи иҷроияи ҳизбии вилоятӣ интихоб гардид. Маврид ба зикр аст, ки ин интихоб дар чаҳорчӯбаи сиёсати пешгирифтаи Асосгузори сулҳу ваҳдати миллӣ, Президенти Ҷумҳурии Тоҷикистон, Раиси Ҳизби Халқии Демократии Тоҷикистон мӯҳтарам Эмомалӣ Раҳмон, ки баланд бардоштани мақоми зан дар ҷомеа ва ба корҳои сиёсию роҳбарикунанда ҷалб намудани бонувони фаъол яке аз рукнҳои меҳварии он мебошад, ба амал омад.
Раҷабова Зунайда кадри ҷавон ва болаёқат буда, зинаҳои гуногунро дар мақомоти давлатӣ- аз мутахассиси дастгоҳи раиси ноҳияи Рӯшон то мутахассиси пешбари Кумитаи рушди маҳалли назди Президенти Тоҷикистон тай намудааст. То интихоб гаштан ба ин вазифаи пурмасъулият дар шуъбаи рушди иҷтимоӣ ва робита бо ҷомеаи дастгоҳи раиси вилоят ба симмати сармутахассис кор мекард. Мавсуф хатмкардаи Донишкадаи идоракунии давлатии назди Президенти Ҷумҳурии Тоҷикистон мебошад. Дар баробари адои ӯҳдадориҳои мансабӣ, дар корҳои ҳизбию ҷамъиятӣ фаъолона ширкат варзида, байни ҳамкорон соҳиби обрӯи ҳамида аст.
Дар ҳисоботи раиси КИ ҲХДТ дар вилоят Фелалиев Рустам зикр гардид, ки айни замон дар 379 ташкилоти ибтидоии ҳизбӣ дар шаҳру навоҳии вилоят 14782 нафар аъзои ҳизб ба ҳам омадаанд. Дар соли ҷорӣ бошад зиёда аз 150 шаҳрванд ба сафи ҳизб дохил шуданд. Кулли ҳизбиёни вилоят дастуру ҳидоятҳои Роҳбари муаззами ҳизб, Пешвои миллат, мӯҳтарам Эмомалӣ Раҳмонро, ки аз суханронияшон дар анҷуману маҷлисҳои КИМ ҲХДТ бармеоянд, сармашқи кори худ намуда, баҳри ободии Тоҷикистон заҳмат кашида истодаанд. Кумитаҳои иҷроия ва ташкилотҳои ибтидоии он дар шаҳру ноҳияҳои вилоят дар ҳамкорӣ бо мақомоти маҳаллӣ ва идораву муассисаҳои давлатӣ дар ташкил ва баргузор намудани ҳамаи чорабиниҳои сиёсию фарҳангӣ саҳмгузор буда, дар доираи имконият ба қишрҳои ниёзманд дасти кӯмак дароз менамоянд. Инчунин, бо ибтикори ташкилотҳои ҳизбӣ озмунҳои зеҳнию маърифатӣ дар байни толибилмону донишҷӯён мунтазам ташкил гардида, мусобиқаҳои варзишӣ баргузор мешаванд. Чунончи, озмуни иншои беҳтарин дар мавзӯи “Тоҷикистон яктост, Модар яктост” дар байни толибилмон баргузор гардида, ғолибон бо мукофоти пулӣ ва тӯҳфаҳо қадрдонӣ шуданд. Бо ибтикори КИ ҲХДТ-и вилоят дар шаҳри Хоруғ мусобиқаи баскетбол байни ҷавондухтарони донишҷӯ ташкил гардида, ин иқдом минбаъд низ идома меёбад.
Барои баланд бардоштани савияи кордонӣ ва таҳкими донишҳои сиёсии аъзоён ва масъулини ҳизбӣ семинару курсҳои омӯзишӣ, бо ҷалби устодон ва сиёсатшиносон аз пойтахти мамлакат доир карада мешаванд, ки дар беҳтару хубтар ба роҳ мондани фаъолияти коргузорию ташвиқотӣ ва фаҳмондадиҳӣ мусоидат менамоянд.
Ташкилоти ҷамъиятии “Созандагони Ватан” низ дар пайравӣ ба сиёсати созандаву бунёдкоронаи Пешвои муаззами миллат, Раиси Ҳизби Халқии Демократии Тоҷикистон мӯҳтарам Эмомалӣ Раҳмон бо ташаббусҳо ва иқдомҳо дар байни ҷавонони вилоят баромад менамояд. Сафи аъзоёни ин ташкилот сол ба сол афзуда, саҳми он дар пешбурди сиёсати давлатию ҳизбии ҷавонон дар шаҳру навоҳии вилоят назаррас мебошад.
Дар радифи ин, аз ҷониби Фелалиев Р. таваҷҷӯҳи ҳизбиён ба баъзе мушкилот ва норасоиҳои фаъолияти ҳизбӣ, аз қабили дуруст ва аниқ ба роҳ намондани раванди бақайдгирӣ ва ҳаракати аъзоёни ҳизб, масъалаҳои таҳияи ҳуҷҷатҳо ва дигар масоил ҷалб гардида, масъулин муваззаф гардиданд, ки дар муддати кӯтоҳтарин норасоиҳоро бартараф намоянд. Ҳамчунин, нақшаи фаъолият ва вазифаҳо дар моҳҳои оянда пешниҳоду гузошта шуда, зикр гардид, ки соли 2021 ҳамчун соли таърихӣ дар пеши аъзои ҳизб ӯҳдадорию масъулияти дучандро вогузоро менамояд. Зеро, бо дастовардҳои бузурги меҳнатӣ ва фаъолияти самаранок пешвоз гирифтану таҷлили санаи муқаддасу муҳим, яъне 30-солагии Истиқлолияти давлатии Ҷумҳурии Тоҷикистон моро водор месозад, ки бо истифода аз тамоми имкониятҳо нерӯи бузурги ҳизбии худро сафарбар намоем.
Аъзои Раёсати КИМ ҲХДТ, муовини Раиси Маҷлиси миллии Маҷлиси Олии Ҷумҳурии Тоҷикистон, Раиси ВМКБ Ёдгор Файзов дар суханронии худ вобаста ба муҳимияти фаъолияти ҳизб қайд намуд, ки имрӯз Ҳизби Халқии Демократии Тоҷикистон, ҳамчун нерӯи муқтадири сиёсию ҷамъиятӣ, дар паҳлӯи Ҳукумати Тоҷикистон баҳри рушду инкишофи Ватани маҳбуб фаъолияти худро ба роҳ мондааст. Раиси вилоят диққати ҳозиринро ба таърихи таъсисёбии ҳизби мазкур ва дурандешии Асосгузори ваҳдати миллӣ, Президенти Ҷумҳурии Тоҷикистон, Ҷаноби Олӣ Эмомалӣ Раҳмон ҷалб сохта, афзуд, ки ин иқдом дар асоси ба назар гирифтани назарияи ташаккули давлат ва таҷрибаи пешқадами мамолики дорои низоми демократӣ амалӣ гардид ва имрӯз мо самараи мусбии онро баръало дида истодаем. Ҳизби Халқии Демократии Тоҷикистон дар таърихи мавҷудияти худ тавонист, таҳти сарварии Раиси муаззами ҳизб мӯҳтарам Эмомалӣ Раҳмон бо барномаю ташаббус ва иқдомҳои наҷибонаи худ на танҳо дар низоми сиёсии кишвар, балки берун аз он низ мақоми хосаи худро пайдо намояд. Яке аз вазифаҳои калидии ҳизб ин ташвиқу тарғиби дастовардҳои Давлату Ҳукумати Тоҷикистон буда, тавсеаи корҳои фаҳмондадиҳӣ дар ҷомеа ва ҷалби ҳарчи бештари аъзо имконият медиҳад, ки барномаи ҳизбӣ, ки маҳз ба муҳайё сохтани ҳаёти шоиста барои ҳар як сокини тоҷикистонӣ нигаронда шудааст, амалӣ гардад. Ҳизб ба сифати минбари идеологӣ хизмат мекунад. Ва имрӯз ин минбар бояд барои таҳкиму тарғиби дастовардҳои замони соҳибистиқлолӣ, сулҳу суботи ҷомеа, ваҳдату ягонагии миллӣ ва ғояҳои давлати ҳуқуқбунёду демократӣ ва дунявӣ самаранок истифода бурда шавад.
Барномаи пешазинтихоботии Президенти мамлакат, Пешвои миллат, Ҷаноби Олӣ Эмомалӣ Раҳмон ва Паёми ироагардидаи Роҳбари Давлат ба Маҷлиси Олии Ҷумҳурии Тоҷикистон он ҳуҷҷатҳои асосӣ ва таҳкурсии фаъолияти ташкилотҳои ҳизбиянд, ки ҷиҳати иҷрои онҳо ҳар як аъзои ҳизб масъул мебошад. Дар марҳилаи ҳозира, ки вазъи сиёсию иқтисодии ҷаҳон печ дар печ аст ва таъсири он ба кишвари мо ногузир мебошад, фаъолияи ҳизбиён, махсусан, дар самти пешбурди корҳои идеологӣ дар байни ҷомеа, бояд густурдатар гардад. Барои анҷоми ин корҳо мо шароиту имконияти пурра дорем. Бо мақсади ҷавоби асоснок додан ба хабарҳои иғвоангез, пешгирӣ намудан аз хурофотпарастӣ ва дар рӯҳияи ватанпарастию миллатдӯстӣ тарбия намудани насли ҷавон кулли зарфиятҳои моддию зеҳнии ҳизбӣ бояд сафарбар гарданд. Бо мақсади бо натиҷаҳои баланди меҳнатӣ сазовор истиқбол намудани ҷашни умумимиллиямон 30-солагии Истиқлолияти давлатӣ моро зарур аст, ки бо масъулияти дучанд меҳнат намуда, барои ободии диёру ватан саҳми худро гузорем.
Дар маҷлис ҳамчунин собиқадори ҳизб Орумбекова Гудаста, аъзои ташкилоти “Созандагони Ватан” Улуғбеков Ямин ва раиси КИ ҲХДТ дар ноҳияи Ванҷ Субадоров Атобек баромад намуда, изҳор доштанд, ки имрӯз аз ҳар вақта дида, аъзоёни ҳизб масъулиятро бобати иҷрои вазифаҳо дучанд ҳис намуда, кӯшиш менамоянд, ки сазовор будани узвияти худро дар ин ҳизби бонуфуз бо рафтору муносибати ҳасанаи худ исбот намоянд.
Маврид ба зикр аст, ки сафи аъзоёни ҳизб дар вилоят аз ҳисоби ҷавонону занон ҳамасола меафзояд. Дар маҷлис ба як қатор ҷавонони фаъол, ки хоҳиши бо ин ҳизб пайваст намудани тақдир карданд, шаҳоданномаҳои ҳизбӣ тақдми гардиданд.
Барои қадрдонӣ аз фаъолият ва зоҳир намудани ташаббус ба собиқадорони ҳизб Орумбекова Гулдаста ва Қозибеков Ҷонибек тӯҳфаҳои хотиравӣ ва ба Собиров Ғуломнабӣ, Қозидавлатзода Зайнулараб, Худоёрбекзода Хосият ва Мародасейнова Маърифат сипосномаҳои Кумитаи иҷроияи ҲХДТ дар вилоят тақдим гардиданд.
Бо дида баромадани дигар масъалаҳои ҷорӣ маҷлиси Кумитаи иҷроияи ҲХДТ дар вилоят кори худро анҷом дод.

Дар машварат бо кормандони ҳифзуссиҳати вилоят, ки бо иштироки Раиси Вилояти Мухтори Кӯҳистони Бадахшон Ёдгор Файзов ва муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихони Ҷамшед баргузор гардид, масъалаҳои иҷрои бандҳои нақша-чорабиниҳои алоқаманд ба соҳаи тандурустӣ, ки дар ҷараёни сафари кории Пешвои миллат ба шаҳру ноҳияҳои вилоят дар соли 2018 таҳия гардиданд, вазъи иҷтимоии маъюбон ва натиҷаи аз аттестатсия гузаронидани кормандони соҳаи тиб мавриди баррасӣ қарор гирифтанд. Дар оѓози ҷаласа Раиси вилоят Ёдгор Файзов зикр кард, ки соли 2020 дар ҳаёти мардуми тоҷик, бахусус кормандони тиб бо хуруҷ ва паҳншавии бемории Ковид-19 мушкил омад, аммо сиёсати дурусти роҳбарияти олии кишвар, муттаҳидии мардум ва дастгирии Вазорати тандурустӣ ва ҳифзи иҷтимоии аҳолӣ, ҳамватанони бурунмарзию соҳибкорон ва шарикони рушд имкон фароҳам сохт, ки ин сол бо камтарин талафот паси сар гардид. Раиси вилоят корнамоии кормандони ҳифзуссиҳати вилоятро қаҳрамонӣ унвон намуда, қайд кард, ки новобаста аз вазъияти баамаломада дар ин давраи ҳассос ягон табиб тарки вазифа накард, балки ба қиммати ҷони худ шабу рӯз дар хизмати мардум қарор дошт ва ин мояи ифтихор ва сарфарозист. Муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихони Ҷамшед бо таҳлили вазъи эпидемиологии имрӯзаи ҷаҳон гуфт, ки аз миёни 219 давлати аъзои СММ Тоҷикистон ягона кишварест, дар ин ҷо аз моҳи январи соли 2021 ягон ҳолати сироятёбӣ ба бемории коронавирус ба қайд гирифта нашудааст. Ҳоло давлатҳои муқтадири Амрикову Аврупо дар марҳилаи сеюми паҳншавии Ковид қарор доранд ва ин раванд дар кишварҳои ҳаммарзи мо низ идома дошта, ба ҳисоби миёна дар як шабонарӯз дар ҷаҳон зиёда аз 10 ҳазор нафар фавт мекунанд. Гуфта шуд, ки аз 98 банди нақша-чорабиниҳои Дастгоҳи иҷроияи Президенти Ҷумҳурии Тоҷикистон, ки вобаста ба ҷараёни сафари кории Пешвои миллат ба шаҳру ноҳияҳои вилоят дар соли 2018 тасдиқ гардиданд, 12 банд ба соҳаи тандурустӣ марбут буда, соли равон марҳилаи охирини иҷроиши онҳо мебошад. Дар доираи амалигардонии бандҳои мазкур давоми ду сол дар самти ҷамъоварӣ ва коркарди гиёҳҳои шифобахш, рушди саноати дорусозӣ, таҳияи лоиаҳои сармоягузорӣ ҷиҳати бунёд ва азнавсозии муассисаҳои ҳифзуссиҳат, таъмини онҳо бо маводи доруворӣ ва таҷҳизоти муосири тиббӣ як қатор корҳо анҷом дода шуданд. Зимнан, дар ноҳияи Роштқалъа бунёди сехи хурди коркарди гиёҳҳои шифобахш дар марҳилаи анҷомёбӣ қарор дошта, ин иқдом дар дигар навоҳии вилоят, ки дорои захираи бойи гиёҳҳои шифобахшанд, идома бахшида мешавад. Соли гузашта ба муассиаҳои тандурустии вилоят як қатор таҷҳизоти муосири тиббии гаронарзиш ворид гардиданд, ки дар таърихи соҳа бесобиқа мебошад. Давоми се соли охир 38 муассисаи соҳаи тандурустӣ таъмир ва азнавсозӣ гардида, дар доираи лоиҳаҳои инвеститсионӣ нақлиёти ёрии таъҷилӣ барои муассисаҳои тандурустӣ дастрас гардиданд. Ба гуфтаи муовини вазир, ҳоло дар самти сохтмони иншооти соҳаи тандурустӣ, таъмини кадрҳои баландихтисоси соҳа ва афзоиши нишондиҳандаҳои касалиҳои сироятӣ камбудиҳои зиёде ҷой доранд. Бархе аз бунгоҳҳои саломатӣ дар ҳолати садамавӣ қарор дошта, иддаи дигар бо бинои худӣ таъмин нагардидаанд. Феълан дар 27 маркази саломатии деҳот мутахассис намерасад. Гуфта шуд, ки гарчанде солҳои охир нашъмандӣ рӯ ба коҳиш дорад, вале нишондиҳандаи бемориҳои ВНМО ва сил дар таносуб ба дигар шаҳру ноҳияҳои ҷумҳурӣ афзудааст. Ҳамчунин муовини вазири тандурустии кишвар Шодихони Ҷамшед вобаста ба такмили ихтисоси кормандони соҳаи тиб, таъмини мутахассисон барои муассисаҳои табобатию профилактикии вилоят аз ҳисоби хатмкардагони Донишгоҳи тиббии Тоҷикистон, бахусус донишҷӯёне, ки тариқи квотаи президентӣ таҳсил менамоянд, ворид намудани навоварӣ дар соҳа, бақайдгирии дақиқи шахсони дорои имконияташон маҳдуд ва оилаҳои камбизоат, ҳамоҳангсозии фаъолияти сохтори тандурустӣ бо дигар ниҳодҳои марбутаи иҷтимоӣ, бартарафсозии камбудиҳои соҳа ибрози назар кард.Дар фарҷоми ҷаласа раиси вилоят Ёдгор Файзов ва муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихони Ҷамшед ба кормандони соҳаи тандурустии вилоят барои нишон додани маҳорати баланди касбӣ дар давраи паҳншавии бемории COVID-19 арзи миннатдорӣ намуданд.

Раиси вилояти Мухтори Кӯҳистони Бадахшон Ёдгор Файзов муовини Вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшедро, ки бо сафари корӣ дар вилоят қарор дорад, ба ҳузур пазируфт. Дар рафти мулоқот муовини вазир оид ба мақсад аз сафари корӣ, аз ҷумла омодагӣ ва амалигардонии Конвенсия оид ба ҳуқуқҳои маъюбон ва шиносоӣ бо вазъи соҳа дар вилоят иттилоъ дод.Қайд намуд, ки таваҷҷуҳи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба маъюбон зиёд буда, қабули Конвенсияи ҳуқуқи кӯдак дар соли 2018 ва дигар чорабиниҳо дар ин самт далели ин гуфтаҳо мебошанд. Таъкид рафт, ки тартиби руйихати дурусти гуруҳи маъюбон ва таъмин намудани онҳо бо аробачаҳо, асбобҳои ортопедӣ ва дигар ловозимот вазифаи аввалиндараҷа ба ҳисоб рафта, бунёди филиали маркази тавонбахшӣ дар ноҳияи Роштқалъа яке аз масъалаҳои дигари мулоқот унвон карда шуд. Дар ҷараёни мулоқот ҳамчунин роҳбарони ташкилотҳои ҷамъиятӣ бобати Конвенсияи ҳуқуқи кӯдак ва муҳайёгардонии шароити лозимӣ ба маъюбон фикру пешниҳод манзур намуданд. Раиси вилоят Ёдгор Файзов аз дастгирии Сарвари давлат нисбати беҳдошти вазъи иқтисодиву иҷтимоии табақаҳои осебпазири вилоят изҳори сипос намуда, қайд намуд, ки дар вилоят ба ин табақаи осебпазири ҷомеа аҳамияти махсус равона гардидааст. Онҳо аз ҷониби мақомоти ҳокимияти давлатӣ ва ташкилотҳои ҷамъиятиву шахсони саховатпеша ба таври доими аз ҷиҳати моддиву маънавӣ дастгирӣ меёбанд. Беш аз ин, дар ҳудуди вилоят ташкилотҳое ҳастанд, ки бевосита бо гуруҳи маъюбон сарукор дошта, онҳо таҳти таваҷҷуҳи доимии Ҳукумати мамлакат қарор доранд. Нақша–чорабиниҳо вобаста ба масъалаи мазкур тартиб дода шуда, амалӣ гардида истодаанд. Дар доираи ин сафар ба мақсади омодагии Ҷумҳурии Тоҷикистон барои тасдиқ ва амалинамоии Конвенсия дар бораи ҳукуқҳои маъюбон дар шаҳри Хоруѓ ҳамоиш-машварат доир гардид. Дар рафти он муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед, намояндагони ташкилотҳои ҷамъиятии ҷумҳуриву вилоят ва сохторҳои марбута оид ба дастгирии табақаҳои ниёзманд, шахсони дорои имконияти ҷисмониашон маҳдуд табодули назар намуданд Шодихон Ҷамшед зикр намуд, ки дар ҳудуди ҷумҳурӣ зиёда аз 150 ҳазор маъюб ба қайд гирифта шуда, аз ин теъдод зиёда аз 6 500 нафар дар ВМКБ иқомат доранд . Зикр карда шуд, ки мақсад аз баргузории чунин вохӯриву ҳамоиш ин воқиф гардидан аз мушкилот ва вазъи маъюбон, ҳимояи ҳуқуқи онҳо, беҳбудӣ бахшидани ҳамкориҳои сохтору бахшҳои соҳаи тандурустӣ дар самти мазкур ба ҳисоб меравад. Дар бобати пешбурди нақша–чорабиниҳо ва амалигардонии Конвенсия дар бораи ҳуқуқҳои маъюбон аз ҷониби муовини раиси вилоят Иматшозода Анвар Иматшо маълумот манзур гардид. Дар ҷараёни ҳамоиш роҳбари Иттиҳодияи миллии маъюбон дар ҷумҳурӣ Асадулло Зикрихудоев намоиши ҷолиби видеоӣ пешкаши иштирокдорон гардонид. Гуфта шуд, ки Иттиҳодияи миллии маъюбони Тоҷикистон дар 36 шаҳру ноҳияҳо намояндагии худро дошта, наздики 50000 шахсияти маъюбиятдоштаро дар бар мегирад. Доираи асосии фаъолияти онҳоро иштироки бевоситаи маъюбон дар муайян намудани сиёсати иҷтимоӣ, таҳияи санадҳои меъёрӣ-ҳуқукӣ оид ба ҳифзи иҷтимоии маъюбон дар бар мегиранд. Дар рафти ҳамоиш аз ҷониби дигар намояндагони ташкилотҳо фикру мулоҳизаҳо баён гардиданд. Муовини вазири тандурустӣ Шодихон Ҷамшед бо ҳамроҳи раиси вилоят Ёдгор Файзов ҷихати шиносоӣ бо рафту сифати таъмири шуъбаҳо ва марказҳои ташхисии беморхонаи вилоятӣ, ки батозагӣ аз таъмири асосӣ бароварда шуданд, дидан намуданд. Лозим ба ёдоварист, ки шуъбаи ҷарроҳии беморхонаи вилоятӣ бо маблаѓгузории Вазорати тандурустӣ ва ҳифзи иҷтимоии аҳолии чумхурӣ аз таъмири асосӣ бароварда шуда, ба ин мақсад аллакай 756 ҳазор сомонӣ сарф карда шудааст. Давоми се моҳи соли ҷорӣ дар шуъба 650 нафар кӯдакон бо истифода аз шароити мусоид ва таҷхизоти муосир ҷарроҳӣ гардиданд. Барои шуъбаи эҳё ва беҳискунии касалхонаи вилоятӣ бошад, аз ҷониби Вазорати тандурустӣ ва ҳифзи иҷтимоии аҳолии ҷумхурӣ лавозимоти нави ташхисӣ дастрас шуда, ба наздикӣ мавриди истифодабарӣ қарор хоҳанд гирифт. Барои таъмири ин шуъба 298 ҳазор сомонӣ пешбинӣ шуда, 46 ҳазор сомониро барои ин кор Мақомоти иҷроияи ҳокимияти давлатии вилоят ҷудо намуд. Гурӯҳи корӣ ҳамчунин аз хаймаҳои тобистона, ки барои пешгирии бемори Ковид-19 дар ҳудуди касалхона гузошта ва ҷиҳозонида шуданд дидан намуда, утокҳое, ки барои гузоштани таҷҳизоти истеҳсоли оксигени тиббӣ ва компютери томографию магнитии резонансӣ, асбобоҳои нафасдиҳии сунъӣ, ки ба беморхонаи вилояти муқаррар шуданд, аз назар гузаронданд. Барои рафъи мушкилот дар анҷоми ин корҳо таклифу пешниҳодҳои мушаххас баён гардиданд. Ҳамзамон қайд гардид, ки дар ҳудуди касалхона филлиали Муассисаи давлатии «Маркази ҷумҳуриявии илмии хун», таъсис дода шуда, итминон меравад, ки рӯзҳои наздик мавриди баҳрабардорӣ қарор мегирад. Дар марказ 5 намуди ташхиси хун гузаронида шуда, муоинаи донор, ҷой гирифтани хун, коркарди хун бояд пурра амалӣ карда шаванд. Муовини вазири тандурустӣ ва ҳифзи иҷтимоии аҳолии ҷумҳурӣ Шодихон Ҷамшед ҳамчунин дар ҷараёни аттестатсияи тахассусии кормандони соҳаи тибби шаҳру навоҳии вилоят иштирок намуда, бо маҳорат ва малакаи кормандон дар самти корҳо ва фаъолияти тиббии онҳо шинос гардид. Иброз дошт, ки новобаста аз синну сол кормандони тандурустӣ ҳар 5 сол бояд аз аттестатсия гузашта, маҳорату малакаи касбиашонро сайқал диҳанд.

Вилояти Мухтори Кӯҳистони Бадахшон нақшаи даъвати баҳории ҷавонписарон ба хизмати ҳарбӣ дар сафи Қувваҳои Мусаллаҳи Ҷумҳурии Тоҷикистонро дар як рӯз 100 фоиз иҷро намуд