ИҶЛОСИЯИ ШАШУМИ ДАЪВАТИ ШАШУМИ МАҶЛИСИ ВАКИЛОНИ ХАЛҚИ ВМКБ ДОИР ГАРДИД.

Раиси Маҷлиси вакилони халқи Вилояти Мухтори Куҳистони Бадахшон, раиси вилоят Ёдгор Файзов бо баррасии муҳимтарин масъалаҳои соҳаҳои иқтисодиву иҷтимоии вилоят ба кори Иҷлосияи шашуми даъвати шашуми Маҷлиси вакилони халқи Вилояти Мухтори Кўҳистони Бадахшон оғоз бахшид. Дар кори иҷлосия намояндагони Маҷлиси вакилони халқи вилоят, муовинони раиси вилоят, раисони шаҳру ноҳияҳо, роҳбарони сохторҳои қудратӣ ва ҳифзи ҳуқуқ, сардорони идораву муассисаҳо, намояндагони васоити ахбори омма, ки вакил нестанд, ширкат варзиданд. Дар иҷлосия оиди тасдиқ намудани ваколати вакилони Маҷлиси вакилони халқи вилоят ба ивази вакилони хориҷшуда, аз ҳавзаи интихоботии Қозидењ №54 ноҳияи Ишкошим ва Қизилработ № 64-и ноҳияи Мурғоб мавриди муҳокима қарор гирифта, ваколати вакилони Маҷлиси вакилони халқи ВМКБ аз ҳавзаи интихоботии Қозидеҳ рақами 54-и ноҳияи Ишкошим Қозидавлатзода Зайнулараб Қоимдод ва Қизилработ №64-и ноҳияи Мурғоб Исрорзода Исрор Наврузшо, ки 14-уми марти соли 2021 ба ивази вакилони хориҷшуда интихоб шуданд, тасдиқ гардид.
Вобаста ба иҷрои Фармони Президенти Ҷумҳурии Тоҷикистон «Дар бораи самаранок ва оқилона истифода бурдани заминҳои корами оби» раиси Кумитаи идораи замини вилоят Диловар Насуллобеков маълумоти муфассал манзур намуд. Ба таъкиди ин манбаъ истифодаии оқилона ва самараноки ҳар як ваҷаб замини корам аз дастурот муҳими Пешвои миллат, муҳтарам Эмомалӣ Раҳмон ба ҳисоб рафта, дар ин замина тибқи таҳлилҳои идораи замини вилоят ба ҳолати имрўза зиёда аз 6 миллион гектар замин дар қаламрави вилоят ба ҳисоб гирифта шудаст, ки аз ин миқдор танҳо беш аз 10 ҳазор гектар замини корами оби буда, 1441 гектар аз хисоби заминҳои ноҳияи Қубодиёни вилояти Хатлон ба шаҳри Хоруғ вобаст гардиданд. Мувофиқи маълумоти расмӣ дар давоми 30 соли охир дар масоҳати 2 ҳазор 310 гектар замини корам кам гардидааст. Ин миқдори замин асосан зери сохтмон қарор гирифта, санҷиши нимсолаи аввали соли 2021 муайян намуд.
Дар бораи ҳисоботи раиси Комиссияи доимии Маҷлиси вакилони халқи ВМКБ оид ба энергетика, саноат, сохтмон ва комуникатсия- ҳисоботи вакил аз ҳавзаи интихоботии Дарморахт №26 -и ноҳияи Шуғнон Арифа Давлатмамадова Дар бораи иҷрои вазифаҳои хизматӣ ва вакили шунида шуд. Қайд гардид, ки комиссияи мазкур дар давоми якуним сол 7 маротиба ҷаласаи комиссия баргузор намуда, дар он оиди дастовардҳои соҳаи энергетика саноат, сохтмон ва комуникатсия-ро мавриди муҳокима қарор дод. Қайд гардид, ки энергетика имрӯз аз ҳадафҳои муҳими страетгии давлат ва Ҳукумати Ҷумҳурии Тоҷикистон ба ҳисоб рафта, ширкати барқии “Помир-энерҷӣ” аз нахустин корхонаҳои муваффақи саноатии вилоят ба ҳисоб меравад, ки дар таъмини аҳоли бо неруи барқ саҳми арзишман дорад.
Муовини раиси вилоят Назира Амирбекзода ҳамзамон раиси комиссияи мақомоти иҷроияи ҳокимияти давлатии ВМКБ «Оид ба номгузорӣ, дигар кардани номи корхонаҳои давлатӣ, фурудгоҳҳо, ташкилоту муассисаҳо, таълимгоҳҳо, инчунин обектҳои физикию чуғрофӣ ва масъалаҳои сохти марзиву маъмурӣ», Дар бораи тасдиқи қарорҳои раисони шаҳру ноҳияҳо вобаста ба номгузории муассиаҳо ва тағийр додани номи махаллаҳои аҳолинишин ва номҳои ғайримеъёрии ҷуғрофиро барраси намуд.
Дар кори иҷлосия ҳамчунин раиси вилоят масъалаҳои ҷориро аз қабили омодагиҳои комил ба ҷашни 30-юмин солгарди истиқлолияти давлатӣ ва риояи қоидаҳои санитарию беҳдошти вобаста ба пешгири аз бемории сироятии Ковид 19 мавриди баррасӣ карор гирифтанд. Баъди баррасӣ ва муҳкомаи рузномаи асосӣ Иҷлосияи шашуми даъвати шашуми Маҷлиси вакилони халқрхи Вилояти Мухтори Кўҳистони Бадахшон анҷом ёфт.

Таҷлили Ваҳдати миллӣ дар Маркази Исмоилияи Хоруғ

Дар Маркази Исмоилияи шаҳри Хоруғ бо иштироки муовини Раиси Маҷлиси миллии Маҷлиси Олии Ҷумҳурии Тоҷикистон, Раиси Вилояти Мухтори Кӯҳистони Бадахшон Ёдгор Файзов чорабинии идона бахшида ба 24-умин солгарди Рӯзи Ваҳдати миллӣ доир гашт. Дар он роҳбарони шабакааҳои Бунёди Оғохон дар вилоят, собиқадорони меҳнат, ходимони дин ва гурӯҳи калони ризокорони ҷавон иштирок намуданд.Чорабиниро раиси шӯрои минтақавии мазҳабӣ дар вилоят Хуҷамёр Хумориков бо сухани табрикотӣ ифтитоҳ намуда, қайд сохт, ки дар низоми шабакаҳои Бунёди Оғохон, дар радифи дигар мақомоту муассисаҳои давлатию ғайридавлатӣ, таҷлили бошукӯҳ аз ҷашнҳои муқаддаси давлатию миллӣ ба ҳукми анъана даромадааст. Аз он ҷумла, таҷлил аз рӯзи бузурги Ваҳдати миллӣ, ки дар заминаи хиради азалии миллати тоҷик ва махсусан, заҳмату ҷонфидоиҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон ба даст омада, дар таърихи навини тоҷикон мақоми бузургро дорост, боиси сарфарозию шаҳомати хоса мебошад. Сипас, дар ин ҷамъомади бошукӯҳ Раиси вилоят Ёдгор Файзов суханронӣ намуда, бо табрикоту таманниёти ҳозирин, дар такя ба баҳогузории Пешвои муаззами миллат, Роҳбари давлат Ҷаноби Олӣ Эмомалӣ Раҳмон афзуд, ки агар Истиқлолият озодии комили давлату миллати тоҷикро муҳайё сохта бошад, имзои Созишномаи Истиқрори сулҳ ва ризоияти миллӣ субботу ваҳдати ҷомеаи Тоҷикистонро таъмин намуд. Аз ин рӯ, арҷгузорӣ ба ин ду воқеаи бузурги таърихӣ, махсусан, дар ин марҳилаи ҳассос, аз як ҷиҳат агар мояи ифтихор ва фараҳмандӣ бошад, аз ҷониби дигар фурсати муносиб барои ба хотир овардани раванди таърихии ташаккулу такомули давлатдории навини тоҷикон, бо мақсади гирифтани сабақ мебошад, зеро сабақи таърих беҳтарин устодест, ки моро аз содир ва такрор намудани иштибоҳ монеъ мегардад.Ба андешаи роҳбари вилоят, яке аз сабабҳои сар задани ҷанги таҳмилии шаҳрвандӣ, ин дар замони собиқ Иттиҳоди Шӯравӣ паст будани ҳуввияти миллии аксарияти ҷомеа ва ба таври сунъӣ ба минтақаҳо ҷудо намудани ҷамъият буд. Таваҷҷӯҳ бештар ба таърихи дигар халқҳо дода шуда, мардум аз таърихи бою ғании миллат огоҳии кам доштанд. Ваҳдати миллӣ қавӣ набуд ва ҳангоми пош хӯрдани давлати шӯравӣ Тоҷикистон сарвари дурандешу ҷасур надошт. Ҷанги таҳмилӣ хисороти зиёд овард, аммо зиёни моддию маънавиро бо гузашти вақт метавон бартараф сохт, лекин ҷони зиёда аз яксаду панҷоҳ ҳазор шаҳрвандро, ки аксар ҷавон буданд, наметавон ҷуброн намуд. Дар ҷараёни суханронӣ аз фоҷеаи он солҳо мисолҳои мушаххас оварда шуда, ноумедии мардум аз баргаштани субботу амният ба ҷомеа зикр шуд. Аммо, ба бахти баланди мардуми ҷафокашида ва бесаробону бесарпаноҳмондаи тоҷик, таърих бо амри зарурият шахсияти воқеан сазовори пешвоӣ ва дурандешу дорои иродаи қавиро дар симои мӯҳтарам Эмомалӣ Раҳмон барои Тоҷикистон роҳбар интихоб намуд, қайд намуд Раиси вилоят. Дар он вазъияти фоҷеабор, бо дарки рисолати бузурги таърихию инсонии хеш, Роҳбари ҷавону хирадманд фаъолияти худро аз баҳамовардани миллат, новобаста аз маҳаллу қавму эътиқод ва раванди истиқрори сулҳ оғоз намуданд. Савганде, ки рӯзи нахустини ба даст гирифтани зимоми давлатдорӣ дар назди таъриху миллат хӯрданд, бо заҳмату диловарӣ ва пиёда намудани сиёсати оқилонаю одилона дар амал собит намуданд.Асосгузори сулҳу ваҳдати миллӣ, Президенти Ҷумҳурии Тоҷикистон мӯҳтарам Эмомалӣ Раҳмон аз ҳамаи воситаҳо ҷиҳати таъмини амну суботи ҷомеа ва пешгирии роҳи аз байн нарафтани давлату парокандагии миллат истифода бурданд. Дар ин росто, дар радифи дигар иқдомҳои муассир, аз даъвати пешвои исмоилиёни ҷаҳон Волоҳазрат Шоҳкарим ал Ҳусайнӣ ба Тоҷикистон ва муҳайё сохтани мулоқоти он шахс бо пайравони хеш ёдоварӣ шуда, қайд гардид, ки ин иқдом, дар қиболи дигар омилҳо, вазъияти муташанниҷи вилоятро то андозае ба эътидол овард. Дар ҳидоятҳои мулоқотҳои нахустин Имоми Замон ба пайравони худашон, махсусан, онҳое, ки силоҳ дар даст доштанд, таъкид намуданд, ки ислом дини салоҳу сахо аст ва аз тариқи яроқ ҳал намудани мушкилот хоси исломи нобу асл нест. Роҳбари маънавӣ ба ҷамоати худ бо таъмини ғизо, маводи таълим, баланд бардоштани сатҳи зиндагӣ аз тариқи мусоидати модию молиявӣ кӯмак хоҳад намуд, то субот дар кишвар барқарор гардад,-ҳамон давра таъкид намуда буданд Волоҳазарат. Дар ҳамаи мулоқотҳо эшон маҳз барои истиқрори сулҳу субот ва амни ҷомеа дуо мекарданд. Гузашта аз ин, ҳидояти роҳбари мазҳабӣ ба ҷамоат бобати эътирофу эҳтирому итоат аз қонунгузории Ҷумҳурии Тоҷикистон дастури ҳаётии ҷамоати исмоилии мамлакат гардид. Волоҳазрат пайравони худашонро ҳамеша роҳнамоӣ ба он менамоянд, ки дар ҷаҳони гуногунандешӣ таҳаммулгароӣ ва эҳтироми эътиқоду урфу одоти дигарон омили ҳамзистии осоишта ва пешравии ҷамъият аст. Ашхосе, ки хилофи қонун амал мекунанд ва ваҳдату ягонагии ҷамъиятро зери хатар меандозанд, ҳуввияти пасти миллӣ дошта, таҳти андешаҳои ғайримиллию мазҳабӣ қарор доранд. Муносибат ва робитаи ҳасанаи Пешвои муаззами миллат, Президенти Тоҷикистон Ҷаноби Олӣ Эмомалӣ Раҳмон ва роҳбари рӯҳонии ҷамоаи исмоилӣ Волоҳазрат Шоҳкарим ал Ҳусайнӣ, инчунин, Ҳукумати кишвар бо шабакаҳои Оғохон дар Тоҷикистон дар ҷодаи ҳалли мушкилоти иқтисодию иҷтимоӣ, махсусан, дар ВМКБ самараи хуб ба бор оварданд. Дар поёни суханронӣ Ёдгор Файзов ба роҳбарони шабакаҳои Бунёди Оғохон ва ходимони мазҳабӣ муроҷиат намуда, таъкид бар он доштанд, ки имрӯз, ки вазъият бо сабабҳои гуногун дар ҷаҳон ва минтақа хеле ташвишовар аст, онҳо бояд аз ҳарвақта дида бештару беҳтар фаъолияти худро ба роҳ монда, бо такя ба ақлу хиради азалии миллӣ ҷиҳати рушду инкишофи Ватани азизамон, бавижа, таъмину таҳкими сулҳу суботи кишвар ва ваҳдату ягонагии ҷомеа тамоми саъю кӯшиш ва донишу таҷрибаи худро ба кор баранд. Ҳамчунин, дар чорабинӣ ҷавонони эҷодкор дар васфи сулҳу ваҳдат, Ватан ва Пешвои миллат шеърҳо қироат намуда, аҳли ҳунар бо шеъру тарона ва рақсу мусиқии марғуб ба чорабинӣ ҳусни дигар бахшиданд.


ТАҶЛИЛИ БОШУКӮҲ АЗ РӮЗИ ВАҲДАТИ МИЛЛӢ

Дар толори бинои Театри вилоятӣ чорабинии бошукӯҳ бахшида ба Рӯзи Ваҳдати миллӣ бо иштироки муовини Раиси Маҷлиси миллии Маҷлиси Олии Ҷумҳурии Тоҷикистон, Раиси Вилояти Мухтори Кӯҳистони Бадахшон Ёдгор Файзов баргузор гардид. Дар чорабинӣ ҳамчунин намояндаи доимии Фонди Оғохон дар Тоҷикистон Қозидавлат Қоимдодов, собиқ намояндаи ваколатдори Ҷумҳурии Тоҷикистон дар Созмони Милали Муттаҳид Мамадаминов Мамадамин, муовинони раиси вилоят, роҳбарони идораву муассисаҳо, ташкилотҳо, собиқадорони меҳнат ва дигар меҳмонони олиқадр ширкат доштанд.Чорабинӣ бо садо додани Суруди миллӣ оғоз ёфта, сипас Раиси шаҳри Хоруғ Мирзонабот Алишер ҳозиринро бо Рӯзи Ваҳдати миллӣ шодбош гуфта, қайд намуд, ки маҳз тавассути ба имзо расидани Созишномаи Истиқрори сулҳ ва ризояти миллӣ, ки бо заҳмату азхудгузаштанҳои Асосгузори сулҳу ваҳдати миллӣ, Президенти Ҷумҳурии Тоҷикистон мӯҳтарам Эмомалӣ Раҳмон ва дастгириҳои мардуми сарбаланди кишвар ба даст омад, Тоҷикистон имконият пайдо намуд, ки ба шоҳроҳи устувори рушд ворид гардад.Ҳамчунин, дар чорабинӣ номаи табрикотии котиби Шурои амнияти Ҷумҳурии Тоҷикистон мӯҳтарам Маҳмудзода Насрулло, ки ҳамзамон масъули Ҳукумати мамлакат бобати омодагӣ ба таҷлили 30-солагии Истиқлолияти давлатии Тоҷикистон дар вилоят мебошад, қироат гардид. Дар он, аз ҷумла, саҳми мардуми Бадахшон дар таъмини сулҳу амният дар ҷумҳурӣ ва рушду инкишофи Ватан назаррас арзёбӣ гардидааст. Дар суханронии худ Раиси вилоят Ёдгор Файзов, пеш аз ҳама, иштирокдорони чорабинӣ ва дар симои онҳо кулли ҳамватанонро ба ин рӯзи муборак табрику таҳният гуфта, афзуд, ки Ваҳдати миллӣ бо талошҳои хастанопазири Пешвои муаззами миллат, Президенти Ҷумҳурии Тоҷикистон мӯҳтарам Эмомалӣ Раҳмон, ки дар Иҷлосияи таърихии 16-уми Шӯрои Олии мамлакат сазовори боварии вакилони мардумӣ ва умуман ҷомеаи Тоҷикистон гардид, ба даст омад. Ин санаи моҳиятан ба Истиқлолияти давлатӣ баробар на танҳо миллатро аз парокандагӣ ва давлатро аз нестӣ эмин намуд, балки сулҳу оромӣ, суботу амниятро ба ҷомеъа оварда, роҳи рушду нумӯъи минбаъдаи Ватани маҳбубамонро ҳамвор намуд. Тавассути истиқрори сулҳ Истиқлолияти давлатии Тоҷикистон, ки имсол 30-юмин солгарди онро бо шукӯҳу шаҳомат ва фараҳмандӣ таҷлил менамоем, аз доми фано раҳо ёфта, ҷойи силоҳро салоҳ ва кинаву адоватро таҳаммулу адолат гирифт. Тоҷикон таҳти роҳбарии Пешвои адолатпарвар ва хайрхоҳ дар такя ба хиради азалии худ тавонистанд ба ҷаҳониён бори дигар нишон диҳанд, ки новобаста аз фишору таҳмил ва ниятҳои бадбинони озодии мутлақи миллату давлат ҷангро мағлуб, сулҳро ғолиб, фанои давлатро бақо, миллати парокандаро ба ҳам оранд.Ёдгор Файзов аз он солҳои мудҳиш ёдовар шуда, дар қатори дигар сабабу омилҳо, сатҳи пасти ҳуввияти миллӣ ва маҳалгароиву минтақабозиро омилҳои дигари сар задани муноқиша дар кишвар номид. Вагарна, озодандешиҳои солҳои 80-уми асри 20, ки аз ҷониби як қишри воқеан миллатдӯсту ватанпараст дар ҷомеа ташаккул меёфтанд, то ҷое ба баландравии сатҳи ҳуввияти миллӣ мусоидат намуд. Ба забони тоҷикӣ додани мақоми давлатӣ, ба вуҷуд омадани созмону ташкилот ва ҳизбҳо, тавсеаи озодии эътиқод ва дигар равандҳои мусбӣ аз ҳаракати тафаккури созанда дар ҷомеа дарак медоданд. Аммо, мутаассифона, ҷомеаи тоҷик, дар маҷмӯъ, бо сабабу омилҳои мухталиф омодаи таҳаввулоти ҷиддӣ набуд ва душманони дохилию берунӣ аз ин заифиҳои ҷомеа барои роҳандозии аҳдофи муғризонаи худ истифода бурда, миллатро аввал ба сангарҳои бархурди лафзӣ ва баъдан низоъи яроқнок кашиданд. Хисороти зиёди молию ҷонӣ, кинаву адоват, нобоварӣ ва фалаҷ гаштани ҳокимият давлатро дар остони нестӣ ва миллатро ба вартаи парокандагӣ оварданд. Хушбахтона, бо амри таъриху тақдир бахти миллат хандиду воқеан Роҳбари мардумӣ, Пешвои миллат Ҷаноби Олӣ Эмомалӣ Раҳмон зимоми аз дастдодаи давлатро, аз нав, бо иродаи қавӣ, ҷасурона ба даст гирифт. Дар он давраи ҳассоси фоҷеабор маҳз шахсияти дорои хислату характер ва аломатҳои ба сарвари сиёсӣ хос, ки ба мафҳуми дигар онро харизма мегӯянд, қодир буд, ки ба майдони мубориза барои наҷоти давлату миллат барояд. Бо дарки масъулияти баланди наҷотдиҳанда барҳақ Асосгузори сулҳу ваҳдати миллӣ-Пешвои миллат мӯҳтарам Эмомалӣ Раҳмон аз рӯзҳои нахустини роҳбарӣ, мақсади олӣ ва аввалиндараҷаи худро дар истиқрори сулҳ, эҳёи давлат, таъмини суботи ҷомеа ва баргардондани гурезаҳо ба ҷойҳои муқимии зисташон медид. Пайгирона, дар асоси хиради азалӣ, дурандешӣ, нозукбинӣ, таҳаммулпазирона, бо ба инобат гирифтани манфиатҳои ҷонибҳои мухталиф Роҳбари давлат ба мақсади ниҳоӣ- имзои Созишномаи Истиқрори сулҳ ва ризоияти миллӣ дар санаи 27 июни соли 1997 расиданд. Раиси вилоят раванди ба хоки давлат роҳ додани мухолифини мусаллаҳро воқеаи нодири таърихӣ номид, зеро чунин гузашт дар таърихи сиёсии ҷаҳон бесобиқа аст. Аммо барои ба ҳам овардани миллат ва аз вартаи нестӣ раҳо намудани он мӯҳтарам Эмомалӣ Раҳмон аксарияти шартҳои қувваҳои даргирро пазируфт ва таърих дурустии ин тасмими Сарвари мамлакатро исбот намуд. Аз ин рӯ, формулаи Истиқрори сулҳи Пешвои муаззами миллати тоҷикон имрӯз намунаи беҳтарини ҳалли мушкилоти давлатҳои ҷангзада мебошад.Зимнан, аз дастовардҳо ва комёбиҳои аҳли заҳмати вилоят ва дастгирии Давлату Ҳукумат бобати рушду инкишофи вилоят сухан рафта, зикр гардид, ки дар даврони соҳибистиқлолӣ, аз ҳисоби сарчашмаҳои буҷавии маблағгузорӣ зиёда аз 18 миллиард сомонӣ ба иқтисодиёти вилоят равона гардида, 31 лоиҳаи давлатии сармоягузорӣ ба маблағи беш аз се миллиард сомонӣ ба анҷом расида, ҳоло татбиқи 11 лоиҳаи дигар ба маблағи умумии се миллиарду 300 миллион сомонӣ идома дорад. Дар доираи барномаҳои рушди иҷтимоиву иқтисодии вилоят ва шаҳру ноҳияҳои он бошад, танҳо дар панҷ соли охир татбиқи 1345 лоиҳа дар соҳаҳои гуногун ба маблағи умумии беш аз 6,5 миллиард сомонӣ пешбинӣ шуда, 447 лоиҳа ба маблағи зиёда аз 2 миллиард сомонӣ пурра татбиқ гардида, ҳоло дар вилоят 259 лоиҳа ба маблағи 400 миллион сомонӣ амалӣ шуда истодааст.Ёдгор Файзов таҷлил аз ин Рӯзи муқаддасро мояи ифтихор ва сарфарозӣ дониста, таъкид бар он доштанд, ки сабақи таърихӣ моро ҳушдор медиҳад, ки ҳама вақт зираку ҳушёр бошем, зеро вазъи бӯҳронии минтақаву ҷаҳон водор месозад, ки новобаста аз ҳама, мо бояд манфиати миллиро аз ҳама манфиатҳо боло гузошта, баҳри ҳифзи дастовардҳои Истиқлолияту Ваҳдати миллӣ ҳамеша омода бошем. Чун кулли сокинони кишвар барои сазовор истиқбол намудани ҷашни муқаддаси миллӣ 30-солагии Истиқлолияти давлатӣ омодагӣ мебинанд, моро низ зарур аст, ки бобати вусъати корҳои созандагӣ ва бо сари баланду шукӯҳу шаҳомати хоса таҷлил намудани ин санаи муборак аз тамоми имкониятҳо истифода барем.Барномаи консертии омоданамудаи аҳли фарҳангу санъати вилоят, ки саросар аз суруду мусиқӣ дар васфи Истиқлолу Ваҳдати миллӣ, Ватану Пешвои миллат ва муҳаббату дӯстӣ иборат буд, хотири иштирокдорони чорабинии идонаро болида намуданд.


СУРАТГУЗОРИШ АЗ РАФТИ САФАРИ КОРИИ РАИСИ ВИЛОЯТИ МУХТОРИ КУҲИСТОНИ БАДАХШОН МУҲТАРАМ ЁДГОР ФАЙЗОВ ДАР НОҲИЯИ ШУҒНОН

СУРАТГУЗОРИШ АЗ РАФТИ САФАРИ КОРИИ РАИСИ ВИЛОЯТИ МУХТОРИ КУҲИСТОНИ БАДАХШОН МУҲТАРАМ ЁДГОР ФАЙЗОВ ДАР НОҲИЯИ ШУҒНОНи ещё 24

АМНИЯТИ ОЗУҚАВОРӢ ВА МАДАНИЯТИ ИСТЕЪМОЛӢ ТАВЪАМАНД.

«Муколамаи сатҳи миллӣ ва минтақавӣ барои Саммити низоми озуқаворӣ». Таҳти чунин унвон дар меҳмонхонаи «Атлант»-и шаҳри Хоруғ семинари машваратӣ баргузор шуд. Семинар бо ибтикори Кумитаи бехатарии озуқавории назди Ҳукумати Ҷумҳурии Тоҷикистон дар ҳамкорӣ бо Созмони Милали Муттаҳид доир карда шуд. Дар кори он муовини раиси вилоят Умедҷон Носирзода, сардорони раёсатҳои кишоварзӣ, рушди иқтисод ва савдо, ҳифзи муҳити зист, кумитаҳои бехатарии озуқаворӣ ва замин, маркази ташхиси бехатарии озуқаворӣ, озмоишгоҳи ташхиси маҳсулоти хӯрока дар вилоят иштирок намуданд.Дар ҷараёни семинар мушовири миллӣ оид ба Саммити низоми озуқаворӣ дар Ҷумҳурии Тоҷикистон Қосим Қурбонов, сардори бахши иттилоот ва робита бо ҷомеаи Кумитаи бехатарии озуқаворӣ Олимҷон Забирзода ва намояндаи Кумита бехатарии озуқаворӣ оид ба сиёсати давлатӣ дар таъмини бехатарии озуқаворӣ Исмоил Андамов оид ба мақсад аз бургузории семинар иттилоъ доданд. Қайд гардид, ки чунин муколамаҳо оид ба вазъи имрӯзаи сохтори таъминот ва бехатарии озуқаворӣ дар ҷумҳурӣ, истеъмол ва дастрасӣ ба озуқаворӣ дар шаҳрҳои Кӯлоб, Бохтар, Хуҷанд гузаронида шуданд. Саммити низоми озуқаворӣ моҳи сентябри соли ҷорӣ дар шаҳри Душанбе ҷамъбаст хоҳад шуд. Таъкид гардид, ки солимии мардум аз таъмини бехатарии озуқаворӣ вобастагӣ дорад. Маҳз ба ин хотир ҳанӯз аз оғози Истиқлолияти давлатӣ ба ин масъала диққати асосӣ дода шуда, аз ҷониби Асосгузори сулҳу ваҳдати миллӣ, Пешвои миллат, Президенти кишвар муҳтарам Эмомалӣ Раҳмон заминаҳо оид ба таъмини бехатарии озуқаворӣ гузошта шуданд. Умедҷон Носирзода, муовини раиси вилоят қайд кард, ки Пешвои миллат муҳтарам Эмомалӣ Раҳмон таъмини амнияти озуқавориро яке аз ҳадафҳои стратегии давлат эълон намуданд. Вилояти Мухтори Кӯҳистони Бадахшон нисбати дигар минтақаҳои ҷумҳурӣ заминҳои ками корам дошта, таъмини аҳолӣ бо маводи ғизоӣ нисбатан мушкил мебошад. Мақсад аз баргузор шудани ин муколама дар якҷоягӣ ҳал намудани ин мушкилиҳо мебошад. Бо назардошти он ки дар минтақаҳои алоҳидаи вилоят-водии Бартанг, қисми болоии ноҳияи Ишкошим ва води Ҷавшангози ноҳияи Роштқалъато кунун норасоии ғизо ба мушоҳида мерасад, мақомоти иҷроияи ҳокимияти давлатии вилоят дар ҳамкорӣ бо шарикони рушд ба мақсади таъмини амнияти озуқавории сокинони ин ҷо чораҷуӣ намуда истодаанд. Дар мавзеи Рошорви водии Бартанг дар 65 гектар замин гандум кишт карда шуда, дар ояндаи наздик ба гардиши кишоварзи даровардани боз 100 гектари заминҳои ин мавзеъ ба нақша гирифта шудааст. Соли пешин, кайд гардид дар ҷараёни семинар, бо сабаби хуруҷи бемории сироятии коронавирус дастрасии аҳолӣ ба маводи озуқаворӣ мушкил гардида буд ва тавассути ҳадафҳои Саммити низоми озуқаворӣ таъмини бехатарии озуқаворӣ барои солҳои минбаъда хеле бамаврид аст. Мо бояд маданияти истеҳсол, истеъмол, фурӯш ва тарзи нигаҳдории ғизоро беҳтар созем.Ғизо дар баробари аз ҷиҳати экологӣ тоза будан боз сифати хуб ҳам бояд дошта бошад.Фарҳанги истеъмоли ғизоро низ риоя кунем. Амнияти озуқаворӣ дар он маврид амалӣ мегардад, ки агар аҳолӣ ба маводи хӯрока дастрасӣ дошта бошад, – қайд кард сардори бахши иттилоот ва робита бо ҷомеаи Кумитаи бехатарии озуқавории назди Ҳукумати Ҷумҳурии Тоҷикистон Олимҷон Забирзода. Иштирокчиёни муколама, мутахассисони соҳаи кишоварзӣ доир ба ҳадафҳо ва барномаҳои таҳияшудаи системаҳои озуқаворӣ дар мамлакат фикру андешаҳои ҷолиб баён намуданд.

САФАРИ КОРИИ РАИСИ ВИЛОЯТИ МУХТОРИ КУҲИСТОНИ БАДАХШОН БА НОҲИЯИ ШУҒНОН

Субҳи имруз Раиси Вилояти Мухтори Кӯҳистони Бадахшон мӯҳтарам Ёдгор Файзов дар доираи сафари корӣ дар ноҳияи Шуғнон дар деҳаи Пашори ҷамоати деҳоти Поршинев хати оби нӯшокиро мавриди истифода қарор доданд. Оби нӯшокӣ дар ин мавзеъ тариқи кандани чоҳи амудӣ аз чуқурии 39 метр ба воситаи насосҳои махсуси обкашӣ бароварда шуд, дарозии хати обугзар 15449 метр буда, аз он зиёда аз 90 хоҷагии деҳаи Пашор истифода хоҳанд бурд. Дар қитъаи обтаъминкунӣ барои таъмини саривақтии оби ошомиданӣ ба аҳолӣ насоси пурқуввату баландсифати обкашӣ ва дигар таҷҳизоти зарурӣ дастрас гардида, насб карда шуданд, ки тариқи он об ба ҳавзи захиравӣ тақсим мегардад. Хотиррасон менамоем, ки сокинони деҳаи Пашори ҷамоати деҳоти Поришнев аз сабаби набудани оби тозаи ошомиданӣ солиёни зиёд танқисӣ мекашиданд. Дар партави дастгирӣ ва ташаббусҳои наҷибу созандаи Пешвои миллат муҳтарам Эмомалӣ Раҳмон ҷиҳати таъмини аҳолии деҳот бо оби тозаи ошомиданӣ ва пешгирӣ аз паҳншавии ҳар гуна бемориҳои сироятӣ мушкилоти мавҷудаи сокинони деҳаи Пашор бартараф карда шуда, акнун сокинон аз оби аз ҷиҳати экологӣ тоза истифода мебаранд. Корҳои сохтмонӣ дар иншооти мазкур моҳи апрели соли гузашта оғоз гардиданд ва барои сари вақту дар муҳлати муайяншуда анҷом ёфтани он 30 нафар мутахассис ва коргарони маҳаллӣ ҷалб карда шуданд. Арзиши лоиҳавии иншоот зиёда аз 1,3 млн сомониро ташкил дода, аз ин маблағи 281,7 ҳазор сомонӣ саҳмӣ сокинони деҳа ва маблағи 1,07 млн сомонӣ саҳми Раёсати Шветсария оид ба рушд ва ҳамкорӣ дар Тоҷикистон ташкил дода, амаликунандаи лоиҳа Барномаи ҷонибдории инкишофи иҷтимоии манотиқи Кӯҳистони Фонди Оғохон мебошад.


Табрикоти муовини Раиси Маҷлиси миллии Маҷлиси Олии Ҷумҳурии Тоҷикистон, Раиси Вилояти Мухтори Кӯҳистони Бадахшон Ёдгор Файзов ба муносибати 24-солагии Рӯзи Ваҳдати миллӣ

Ҳамдиёрони арҷманд!Дар ин лаҳзаҳои фараҳбахш ҳамаи шуморо ба муносибати 24-умин солгарди Рӯзи Ваҳдати миллӣ самимона табрику муборакбод намуда, бароятон саломатӣ ва рӯзгори ободу осударо таманно менамоям!Бо ба даст овардани Истиқлолияти давлатӣ Тоҷикистони азизи мо бо мушкилоти сиёсӣ мувоҷеҳ гардида, дар он ҷанги таҳмилии шаҳрвандӣ ба вуқӯъ пайваст. Дар натиҷа сохторҳои давлатӣ фалаҷ, иқтисоди кишвар касод гардида, ҳазорон ҳамватанони мо ҷони худро аз даст дода, беш аз яку ним миллион шаҳрванд гуреза ва ба хоҷагии халқ зиёда аз даҳ миллиард доллари амрикоӣ хисороти моддию молиявӣ расид. Хушбахтона, ба бахти миллат дар заминаи хиради волои азалӣ фарзонафарзандони ватан бо баргузор намудани Иҷлосияи таърихию тақдирсози 16-уми Маҷлиси Олии Ҷумҳурии Тоҷикистон, ки ягона рукни давлатдории дорои салоҳияти қонунӣ дар он давра буд, пеши роҳи фаношавии давлат ва парокандагии миллатро гирифтанд. Бо интихоби Роҳбари нави давлат Тоҷикистону тоҷикон дар симои мӯҳтарам Эмомалӣ Раҳмон наҷотдиҳандаи худро ёфтанд. Бо қавли ҷавонмардона ва амали фидокоронаи худ Ҷаноби Олӣ Эмомалӣ Раҳмон исбот намуданд, ки ин интихоб зарурияти таърихӣ буд ва бешубҳа мақоми Асосгузори сулҳу ваҳдати миллӣ- Пешвои миллат баҳои баланди мардуми Тоҷикистон ба ҷоннисорию заҳматҳои хастанопазири ин шахсияти бузурги арсаи сиёсати ҷаҳонӣ арзёбӣ мегардад.Роҳи расидан ба сулҳу ваҳдати миллӣ ҳамвор набуд. Баъди бисту як вохӯриву музокирот, ки қариб чор сол гузаронида шуданд, оқибат даври ниҳоӣ дар Москва доир гардида, 27-уми июни соли 1997 ба санади тақдирсоз ва ҳаётбахши сулҳ имзо гузошта шуд. Арзиши ин санадро Роҳбари давлат чунин баҳогузорӣ намуда, зикр менамоянд: “Созишномаи умумӣ аз лиҳози аҳамияти фавқулоддаи худ бо Эъломияи истиқлолияти Ҷумхурии Тоҷикистон дар як радиф меистад. Агар Эъломия ба Тоҷикистон ба таври расмӣ истиқлол ва соҳибихтиёрӣ ато карда бошад, пас Созишнома сулҳу суботро дар сарзамини мо таъмин сохт”. Зимнан бояд зикр намуд, ки дар таърихи башарият чунин мусолиҳа кам андар кам бо мувофиқаи тарафайн ба вуқӯъ омада, ҳукумати конститутсионӣ ҳокимиятро бо мухолифин тақсим карда бошад. Аммо Ҳукумати Тоҷикистон бо сарварии Президенти кишвар мӯҳтарам Эмомалӣ Раҳмон аз ҳамаи манфиатҳо манфиати миллат ва суботу амнияти ҷамъиятро боло гузошта, пешниҳоди тарафи дигарро пазируфтанд. Таҷрибаи сулҳи тоҷикон мавриди омӯзиши ниҳодҳои бонуфузи байналмилӣ қарор гирифта, ҷанбаҳои он дар амалияи сиёсати ҷаҳонӣ истифода шуда истодаанд.Дар радифи дигар минтақаҳои Тоҷикистони маҳбуб, пас аз Истиқрори сулҳу ваҳдат марҳилаи ҷадиди инкишофи Вилояти Мухтори Кӯҳистони Бадахшон оғоз ёфт, ҳарчанд дар солҳои пеш ҳам, новобаста аз мушкилоти мавҷуда, Ҳукумати кишвар барои тараққиёти хоҷагии халқи вилоят мусоидат менамуд. Ба таври фишурда метавон қайд намуд, ки барои таъмини рушди иқтисодиву иҷтимоии шаҳру ноҳияҳои вилоят аз ҳисоби ҳамаи сарчашмаҳои маблағгузорӣ зиёда аз 18 миллиард сомонӣ равона гардида, зиёда аз 30 лоиҳаи давлатии сармоягузорӣ ба маблағи беш аз се миллиард сомонӣ ба анҷом расида, ҳоло татбиқи зиёда аз даҳ лоиҳаи дигар ба маблағи умумии сею ним миллиард сомонӣ идома дорад. Дар чаҳорчӯбаи расидан ба ҳадафи стратегии аз бунбасти коммуникатсионӣ баромадан, роҳи байналмилалии Душанбе-Хоруғ- Кулма ва панҷ пул аз болои дарё Панҷ бунёд гардида, айни замон, сохтмону таҷдиди роҳу кӯпрукҳо дар мавзеи Шкев-Қалъаихумб ба маблағи 31,3 млн. доллари амрикоӣ идома дошта, дар дигар ноҳияҳо бунёди 18 кӯпрук ба маблағи умумии 20 млн. доллари амрикоӣ оғоз ёфт. Асосноккунии таҷдиди шоҳроҳ аз маркази ноҳияи Дарвоз то киллометри 17-уми дохили ноҳияи Рӯшон ба итмом расида, ҷиҳати бунёди он бо мусоидати шарикони рушд зиёда аз 200 миллион доллари амрикоӣ ихтисос дода мешавад. Ҷиҳати таъмин намудани вилоят бо нерӯи барқи шабонарӯзӣ дар ин давра зиёда аз 380 киллометр хатҳои интиқоли барқи баландшиддати 10, 35 ва 110 – киловолта ва 29 зеристгоҳи барқӣ бунёду таҷдид гардиданд. Имрӯзҳо сохтмони нерӯгоҳи барқи обии “Себзор” идома дошта, бо мақсади инкишофи соҳаи саноат, дар ҳудуди вилоят теъдоди корхонаву коргоҳҳои коркарди сангу металл, пӯсту пашм, сабзавоту мева ва маҳсулоти ширӣ рӯ ба афзоиш доранд. Бобати таъмини амнияти озуқавории вилоят, заминҳои нав ба гардиши кишоварзӣ дароварда шуда, гармхона ва корхонаҳои парвариши парранда, ҳавзҳои моҳипарварӣ ташкил ва теъдоди оилаҳои занбӯри асал бамаротиб зиёд мегардад.Инфрасохтори соҳаи иҷтимоӣ таҳкиму таҷдид гардида, наздик ба 200 бинои нав ва иловагии муассисаҳои таҳсилотӣ сохта ба истифода дода шуданд ва донишгоҳу муассисаҳои таълимии давлатию хусусӣ таъсис ёфтанд.Бо бунёди муассисаҳои нави табобатию профилактикӣ таҳкурсии соҳаи тандурустӣ мустаҳкам гардида, сохтмони иншооти самти фарҳанг ва толору варзишгоҳҳо дар самти беҳбудии саломатии мардум ва рушди варзиш равнақи калон бахшид.Бо қаноатмандӣ бояд зикр намуд, ки дар заминаи ин дастовардҳо сатҳи ҳуввияти миллию ҳисси ватандӯстии ҷомеа, махсусан, ҷавонони саодатёри диёр бамаротиб баланд гардида, фарҳанги риояи қонун таҳким ва сатҳи қонунвайронкуӣ рӯ ба коҳиш дорад. Ҳамаи ин ва дигар комёбиҳои беназир маҳз тавассути Истиқлолияти давлатӣ ва Ваҳдати комили миллӣ ба даст омаданд. Бадахшониён дар радифи дигар ҳамватанони худ таъмини амнияту ҳифзи Истиқлолият, Ваҳдат, марзу бум, таърих, забон, арзишҳои волои миллӣ ва эҳтироми қонунро барояшон муқаддас дониста, бо дарки аҳамияти бузурги ин ду падидаи нодири таърихӣ кӯшиш менамоянд, бо меҳнати ҳалол ва дастгирии сиёсати оқилонаю дурандешонаи Пешвои миллат-Президенти Ҷумҳурии Тоҷикистон мӯҳтарам Эмомалӣ Раҳмон баҳри рушду инкишофи Ватани азиз ва таҳкими ҳифзу дастовардҳои он саҳми сазовори худро гузоранд.Бо арзи ин ниятҳои нек, бори дигар ҳамаи ҳамватанонро бо Рӯзи Ваҳдати миллӣ шодбош гуфта, барои ҳамагон осмони софу беғубор, суботи комил, тани сиҳат ва комёбиҳои навро орзу менамоям!Бигузор Истиқлолияту Ваҳдати мо ҷовидонӣ бошад!Ид муборак, ҳамватанони азиз!

ТАЪИНОТИ КАДРӢ ДАР СОҲАИ БОНКДОРӢ

Бо фармони сардори Раёсати Бонки давлатии амонатгузории Ҷумҳурии Тоҷикистон “Амонатбонк” муввақатан иҷрокунандаи вазифаи мудири филиали минтақавии Бонки давлатии амонатгузории Ҷумҳурии Тоҷикистон “Амонатбонк” дар Вилояти Мухтори Куҳистони Бадахшон Хуҷамриев Ҳувайдо Хуҷамриевич таъин гардиданд.Раиси Вилояти Мухтори Куҳистони Бадахшон муҳтарам Ёдгор Файзов роҳбари навтаъиншударо ба ҳузур пазируфта барои содиқона хизмат намудан ба халқу давлат тавсияҳои судманд доданд. Раиси вилоят ба фаъолияти ин бонк дар вилоят баҳои баланд дода ба собиқ роҳбари ин бонк Зайнаб Мамадназарзода барои хизматҳои шоиста дар соҳаи бонкдорӣ изҳори сипос ва миннатдориро баён намуданд оиди фаъолияти минбаъда бурдбориҳоро таманно намуданд.Бонки давлатии амонатгузории Ҷумҳурии Тоҷикистон “Амонатбонк” яке аз бонкҳои фаъоли Ҷумҳурии Тоҷикистон ба ҳисоб рафта солҳои охир ба хотири фаъолияти шафоф бовари зиёди сокинонро ба худ ҷалб намудааст ва ягона бонк дар вилоят аст, ки дар тамоми гушаю канори вилоят нуқтаҳои хизматрасонӣ дорад, ки сокинон аз онҳо самаранок истифода бурда истодаанд

ҲАМКОРӢ БА ХОТИРИ ФАРДОИ ДУРАХШОНИ КӮДАКОН

Дар доираи ҳамкориҳои мутақобилан судманди Ҳукумати Ҷумҳурии Тоҷикистон бо шарикони рушд мулоқоти муовини раиси Вилояти Мухтори Кӯҳистони Бадахшон Назира Амирбекзода бо роҳбарияти намояндагии Юнисеф дар Тоҷикистон доир гардид. Муовини раиси ВМКБ роҳбари намояндагии Хазинаи Кӯдакони Созмони Милали Мутаҳид дар Тоҷикистон Осама Маккави Хогалиро бо ҳайҳати расмӣ ба ВМКБ хушомадед гуфта, минатдории раиси ВМКБ Ёдгор Файзовро ҷиҳати ба роҳ мондани ҳамкориҳои мутақобилан судманди мақомоти иҷроияи ҳокимияти давлатии ВМКБ бо ин ташкилоти бонуфузи ҷаҳонӣ баён кард. Қайд гардид, ки маҳз бо сиёсати созандаги давлату Ҳукумати Ҷумҳурии Тоҷикистон хусусан Пешвои миллат муҳтарам Эмомалӣ Раҳмон дар ВМКБ имрӯз ҳамокрии ташкилотҳои кумакрасон бо мақомоти иҷроияи ҳокимияти давлатии вилоят дар сатҳи баланд ба роҳ монда шудааст. Гуфта шуд, ки ҳамкорӣ бо ин ташкилоти мададрасон дар самти рушди маориф, тандурустӣ ва ҷавонон дар ҳудуди вилоят боиси қаноатмандӣ мебошад. Муовини раиси ВМКБ бо ёдоварӣ аз кӯмаки Хазинаи Кӯдакони Созмони Милали Мутаҳид дар давоми чанд соли охир бобати бунёди муассисаҳои табобатӣ дар вилоят барои беҳбудии саломатии модару кӯдак ва сохтмони шуъбаҳои таваллуд дар ноҳияҳои Дарвоз, Рӯшон, Мурғоб ва шаҳри Хоруғ изҳори қаноатмандӣ намуда, аз дастгирии ин ташкилот дар давраи хуруҷи бемории сироятии коронавируси нави “Ковид-19» ба муассисаҳои тандурустӣ табодули назар намуд. Иттилоъ дода шуд, ки дар ин давра ба ВМКБ 5 ҳазор либоси гуногуни муҳофизатӣ барои кормандони соҳаи тиб, 700 ҳазор пӯшинаи ҷаррроҳӣ, 12 ҳазор ниқоби муҳофизатӣ кӯмак карад шуд. Дар мавриди рушди соҳаи маориф бо дастгирии ин ташкилоти ҷаҳонӣ дар ин муддат аз ҷониби филиали Донишкадаи такмили ихтисос ва бозомӯзии кормандони соҳаи маориф дар вилоят омӯзгорону хонандагони муассисаҳои таълимӣ аз курсҳои бозомузӣ гузаштаанд, ки ин раванд яке аз омилҳои асосии баланд гардидани сатху сифати таълиму тарбия дар муассисаҳои таълимии ҳудуди ВМКБ маънидод шуд.


АРҶГУЗОРИ БА ФАРҲАНГИ ҚАДИМАИ МИЛЛӢ

Дар чорчӯбаи омодагихо ба Ҷашни 30 солагии Истиқлолияти давлатии Тоҷикистон ва баргузории чорабинии бушукӯҳи фархангӣ таҳти унвони «Гулдухтарони тоҷик», ки моҳи июли соли ҷорӣ дар Хоруғшаҳр баргузор мегардад, муовини Раиси Маҷлиси миллӣ Маҷлиси Олии Ҷумҳурии Тоҷикистон, Раиси ВМКБ мӯҳтарам Ёдгор Файзов дар шаҳри Душанбе, бо ҳайати гурӯҳи ташаббускори «Равшандилон» дар Хона-музеи асбобҳои нодири миллӣ ба номи Устод Гурминҷ Завқибеков вохӯрии судманд гузаронид. Раиси ВМКБ Ёдгор Файзов дар рафти тамрини санъаткорон иштирок намуда, хушҳолии худро аз эҳёву пойдоргардонии санъату мусиқии куҳани Бадахшонзамини Тоҷикистон иброз намуд. Ба қавли мӯҳтарам Ёдгор Файзов; «Арҷ гузоштан ба таъриху фарҳанги аъанавӣ пойдевори бузургеро мемонад, баҳри пешравии миллати точик, баҳри худшиносиву худогоҳии наслхо. Эҳё намудани фарҳанги куҳан, раванди рушд кардани дигар соҳаҳои давлатдории тоҷиконро асос мегузорад. Устод Гурминҷ Завқибеков, худ дар қайди ҳаёт нестанд, вале, аз ҳар як тору банди ин асбобҳо садо ва розҳои ногуфтаи ин Шахсияти таърихии фархангӣ меояд, яъне, садое, ки онро бояд мутрибони ҷавон баланд кунанду розе, ки онро овозхонҳои соҳибмаҳорат бисароянд. Ин аст, ҳуввияти миллӣ ва ватанпарастии инсони комил, ки аз санъату мусиқӣ манша мегирад». Раиси вилоят аз диданҳову шуниданҳояш ба аҳли ҷамъомадагон барои талошҳояшон изҳори сипос намуда, акси ёдовариеро барои Хона-музеи Гурминч Завкибеков бо аҳли гурӯҳи ташаббускори «Равшандилон» хотира гузоштанд.5 511Охват (люди)707ВзаимодействияПродвижение недоступно

121121Комментарии: 5Поделились: 17НравитсяКомментироватьПоделиться