Месяц: Июнь 2021

Дар доираи амалӣ намудани стратегия ва барномаҳои соҳаи сайёҳӣ, бо мақсади боз ҳам тақвият бахшидани фаъолият дар ин самт, дар мақомоти иҷроияи ҳокимияти давлатии ВМКБ, дар қатори дигар чорабиниҳо, мунтазам вохӯрии Раиси вилоят Ёдгор Файзов бо роҳбарони ширкатҳои сайёҳӣ ва масъулини соҳа доир мегардад.Ин дафъа дар вохӯрӣ масъалаҳои тавсеа ва таҳкими фаъолияти соҳаи сайёҳӣ, пурра ба роҳ мондани кори муассисаҳо соҳаи хизмарасонӣ ва ғайра, пас аз ба эътидол омадани вазъияти эпидемиологӣ, яъне пешгирии паҳншавии бемории сироятии “COVID-19”, мавриди баррасӣ қарор гирифтанд. Раиси вилоят иброз дошт, ки новобаста аз вазъияти дар натиҷаи бемории зикргардида бавуқӯъомада, Ҳукумати Тоҷикистон, дар асоси дастуру супоришҳои Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон кӯшиш менамояд, ки бо истифода аз тамоми имкониятҳо, корро дар ин самт мутобиқи талабот ба роҳ монда, ҳарчӣ бештар сайёҳонро ба кишвар ҷалб намуда, сайёҳии дохилиро низ ривоҷу равнақ бахшад. Дар ин замина, мақомоти иҷроияи ҳокимияти давлатии вилоят бо Ҳукумати мамлакат ва вазорату кумитаҳои дахлдор дар робитаи доимӣ қарор дошта, баҳри мусоидати ҳамаҷониба ба ҷалби ҳарчи бештари сайёҳон ба вилоят чораҳои мушаххас меандешад. Ширкатҳои сайёҳӣ ҳамеша аз дастгирии мақомоти маҳаллӣ бархурдоранд. Роҳбари Ассосиатсияи саёҳӣ-экологии фарҳангии “Помир” Асадшо Зоолшоев ва аъзоёни дигари Ассосиатсия ба Ҳукумати кишвар ва мақомоти маҳаллӣ барои ҳамкории судманд изҳори сипос намуда, ҳамзамон вобаста ба равшанӣ андохтан ба масъалаҳои зайл, аз қабили тартиби гирифтани раводид(аз он ҷумла, шакли электронӣ) дар давраи пешгирӣ ва профилактикаи бемории “COVID-19”, аз ташхису муоина гузаштани сайёҳон, аз тариқи Тоҷикистон ба дигар давлатҳои ҳамсоя гузаштани сайёҳон, ба ваксинатсияи зидди ““COVID-19” фаро гирифтани кормандони ширкатҳои сайёҳӣ ва соҳаи хизматрасонӣ, аз андоз ва боҷи гумрукӣ озод намудани таҷҳизоте, ки ширкатҳои сайёҳӣ ворид месозанд ва дигар паҳлӯҳои мубрами соҳа ба роҳбарияти вилоят муроҷиат намуданд. Дар равшанӣ андохтан ба ин ва дигар масоил сардорони раёсату шӯъбаҳои дахлдор баромад намуда, қайд сохтанд, ки ба ҷуз қатъиян риоя намудани талаботи эпидемиологӣ-санитарӣ, ки дар фурудгоҳу истгоҳ ва посгоҳҳои сарҳадӣ ҳангоми вуруд ба Тоҷикистон амалӣ мешаванд, дар дигар маврид сайёҳон мутобиқи тартиб вориди кишвар мегарданд. Вобаста ба баланд бардоштани сатҳи хизматрасонӣ дар ҷойҳои маишӣ, бо соҳибони меҳмонхонаву ошхона, сартарошхонаҳо, соҳибони нақлиёт ва ғайра пайваста корҳои фаҳмондадиҳӣ ба роҳ монда шуда, талабот пурзӯр мегардад. Ҳамчунин, зикр гардид, ки дар шаҳри Хоруғ аз ҷониби филиалҳои бонкҳои амалкунанда низомҳои интиқол ва пардохти байналмилалӣ дар ояндаи наздик ба фаъолият оғоз хоҳанд намуд, ки мушкилоти сайёҳон дар ин ҷода ҳаллу фасл хоҳад шуд. Дар робита ба дастгирии ширкатҳои сайёҳӣ, инчунин, гуфта шуд, ки дар ҳамкорӣ бо шарикони рушд имконияти дастрас намудани грантҳо вуҷуд дорад ва масъулинро зарур аст, лоиҳаҳои ҷавобгӯ ба талаботро пешниҳод намоянд.Ёдгор Файзов зимни баррасии масъалаҳо бо қаноатмандӣ қайд намуд, ки маҳз бо дастуру ҳидоятҳои Роҳбари давлат мӯҳтарам Эмомалӣ Раҳмон, ки дар чандин суханрониҳояшон бобати муҳайё сохтани тамоми шароити буду боши сайёҳон, муносибату муоширати баланди инсонию фарҳангӣ бо онҳо, эҳтиром ва кӯмаки ҳамаҷониба расондан зимни ягон мушкилот иброз доштанд, на танҳо масъулин, балки кулли ҷомеаро водор месозад, ки ба соҳа таваҷҷӯҳи ҷиддӣ диҳанд. Зеро, аз як ҷиҳат агар соҳаи сайёҳӣ манбаъи даромад бошад, аз ҷониби дигар он муаррифгари тамаддуну фарҳанги миллати тоҷик ба шумор меравад. Аз ин лиҳоз, ҳамаи заминаҳои ҳуқуқии рушди сайёҳӣ гузошта шуда, ниҳоди ваколатдор таъсис ёфта, барои ширкатҳои сайёҳӣ ва муассисаҳои хизматрасонию маишӣ имтиёзҳо пешниҳод гардидаанд. Дар соҳаи авиатсия аз ҷониби шикатҳои ватанӣ чархболҳои махсус барои сайёҳон дастрас гардиданд. Бо зикри ин ва дигар дастовардҳои соҳа роҳбарияти вилоят аз масъулин хоҳиш намуд, ки масъулини соҳаро зарур аст, ки бо истифода аз имкониятҳои мавҷуда, корро мутобиқи талаботи замон ба роҳ монда, баҳри ташвиқу тарғиби Ватани биҳиштосо ва муаррифии табиати нотакрори диёр маҳорату малакаи худро нишон диҳанд. Ҳамзамон ба сайёҳии дохилӣ, ки махсусан, дар фасли баҳору тирамоҳ вусъат меёбад, низ диққати бештарро бояд равона намуд. Мақомоти иҷроияи ҳокимияти давлатии вилоят бо назардошти аҳамияти калони соҳа, дар ҳамдастӣ бо Ассосиатсия ва ширкату муассисаҳои дахлдори соҳа, ҷиҳати боз ҳам баланд бардоштани сатҳи хизматрасонӣ ба сайёҳони хориҷию дохилӣ, бо кӯмаку дастгирии Ҳукумати кишвар чораҳои судмандро амалӣ менамояд.

Хуш бодо, бахти накӯи наврасону ҷавонони тоҷик Дар бинои театри вилоятӣ ба номи М.Назарови шаҳри Хоруғ даври ниҳоии Фестивал-озмуни байни мактабҳои санъат ва мусиқии вилоят баргузор гардид. Дар чорабинӣ муовини Раиси Вилояти Мухтори Кӯҳистони Бадахшон Назира Амирбекзода, сардорони раёсату идораҳои дахлдори вилоятӣ ва Сарпарасти Ҷонрол-консулгарии Ҷумҳурии исломии Афғонистон дар шаҳри Хоруғ Нақибуллоҳи Деҳқонзода иштирок намуданд. Чорабинии мазкур дар доираи омодагӣ ба ҷашни муқаддаси миллӣ 30-солагии Истиқлолияти давлатии Ватани маҳбубамон ва чаҳорчӯбаи маъракаҳои эълон намудани солҳои 2019-2021 “Солҳои рушди деҳот, сайёҳӣ ва ҳунарҳои мардумӣ” бо мақсади ташаккул ва инкишофи маҳорату малакаи эҷодии насли наврас, дарёфти чеҳраҳои нави эҷодкор ва баланд бардоштани дарки зебоипарастӣ ва ҳиссиёти ватандӯстии насли наврасу ҷавон дар ҳамаи шаҳру навоҳии вилоят доир гардида, шогирдони баргузида бо намунаҳои беҳтарини эҷодии худ дар ба шаҳри Хоруғ даъват шуданд.Дар назди бинои театр масъулини мақомоти вилоятӣ ва меҳмононро бо шодию сурур дастаи ҳунарии доирадастон, мутрибон ва овозхонони навраси ноҳияҳои Мурғобу Шуғнон, ки либосҳои шинами суннатии ду миллати дӯст- тоҷику қирғиз ба бар доштанд, бо суруд дар васфи Тоҷикистону Истиқлолият пешвоз гирифтанд. Дар пештоқи театр бошад, эҷодкорони наврасу ҷавони ҳамаи шаҳру навоҳии кишвар дастранҷи худро ба намоиш гузошта буданд. Махсусан, сувараҳои тасвирнамудаи рассомон, ки дар мавӯъҳои гуногун эҷод шудаанд, таваҷҷӯҳи иштирокдоронро ба худ ҷалб намуданд. Ҳамчунин, дар ин ҷо намунаҳои ҷуробҳои гуногун, либосу сарпӯшҳои дӯхтаву бофта, борҷомаҳо, лӯхтакҳо, гулдӯзӣ, мӯҳраҳо, тунукакорӣ, дуредгарӣ ва дигар таҷҳизоту маводҳои бо дасти устоҳои оянда офаридашуда манзури тамошобинон гардиданд. Намоишгоҳ шаҳодат аз он медиҳад, ки имрӯз дар ин ҷода бо дастуру ҳидоятҳои ғамхоронаи Асосгузори сулҳу ваҳдати миллӣ-Пешвои миллат мӯҳтарам Эмомалӣ Раҳмон комёбиҳои калон ба даст омада, насли нави эҷодкор ва ҳунарманд ба воя мерасад.Шогирдони макотиби санъати вилоят бо дастагули консертии худ, ки саршор аз меҳру муҳаббат ва садоқат ба Тоҷикистони азизу диёри маҳбуб, Пешвои миллат ва халқу табиати зебо буд, хотири иштирокдорон, ки бештарашон ҳамсолони онҳо буданд, шод намуданд. Маврид ба зикр аст, ки аз байни иштироккунандагони барномаи фарҳангӣ наврас бо исми Деҳқонзода – шаҳрванди ҳамсоякишвари дӯсту ҳамфарҳанг- Ҷумҳурии исломии Афғонистон аз эҷоди хеш шеър дар васфи сулҳу суботи Тоҷикистон, бахти накӯи наврасони тоҷик ва илмандӯзӣ қироат намуд, ки аз ҷониби аҳли толор бо кафкӯбӣ хуш пазируфта шуд.Дар поёни чорабинӣ муовини Раиси вилоят Н.Амирбекзода ба сухан баромада, аввалан наврасон ва волидайни онҳоро бори дигар ба ифтихори Рӯзи байналмилалии ҳифзи кӯдак табрику муборакбод намуда, зикр сохт, ки баргузории чунин чорабиниҳо барои тарбияи насли наврасу ҷавон дар рӯҳияи ватанпарастию миллатдӯстӣ ва эҳтиром гузоштан ба фарҳангу арзишҳои миллию умуми башарӣ мусоидат менамоянд. Давлату Ҳукумати кишвар бо роҳбарии Президенти Ҷумҳурии Тоҷикистон Ҷаноби Олӣ Эмомалӣ Раҳмон дар замони соҳибистиқлолӣ таваҷҷӯҳи ҷиддиро ба таълиму тарбияи насли наврас равон сохта, баҳри фароҳам овардани шароити мусоид барои дар рӯҳияи замон ба воя расидани он тамоми имкониятҳоро муҳайё месозанд. Бо ҷалби таваҷҷӯҳи масъулини соҳа ба баргузории озмунҳои сатҳи ҷумҳуриявӣ, муовини раиси вилоят, тазаккур дод, ки итминони мо комил аст, ки шогирдон бо омодагии пухта дар ин чорабиниҳо иштирок намуда, номи диёрро баланд хоҳанд бардошт. Аз ҷониби мақомоти иҷроияи ҳокимияти давлатии вилоят ва Ҷонрол-консулгарии Ҷумҳурии исломии Афғонистон дар шаҳри Хоруғ ба беҳтарин иштироккунандагони фестивали мазкур ва омӯзгорони онҳо ифтихорномаҳо ва тӯҳфаҳои хотиравӣ тақдим гардиданд.и ещё 4143Охват (люди)13ВзаимодействияПродвижение недоступно

66Поделились: 1НравитсяКомментироватьПоделиться

Дар шаҳри Хоруғ бо иштироки Раиси Вилояти Мухтори Кӯҳистони Бадахшон Ёдгор Файзов маросими қадрдонии омӯзгорону шогирдони фаъоли муассисаҳои таҳсилоти миёнаи шаҳру навоҳии вилоят, ки дар раванди татбиқи ҳадафҳои рушди соҳаи маориф дар самти таълими иловагии кӯдакон ва наврасон фаъолона иштирок менамоянд, доир гардид. Бояд зикр намуд, ки ин чорабинӣ бо мусоидати Раёсати маорифи вилоят ва ташаббуси яке аз ташкилотҳои ҷамъиятӣ- “Ҷуръат”, ки роҳбарии онро Саъдӣ Хушвахтов ба ӯҳда дорад, баргузор гашт.Дар ифтитоҳи ин маросим Раиси вилоят оиди дастовардҳои соҳаи маорифи вилоят дар солҳои охир сухан гуфта, таъкид намуд, ки маҳз тавассути дастгирии ҳаматарафаи Ҳукумату Давлати Тоҷикистон низоми таълиму тарбия таҳким ёфта, бунёди муассисаҳои нави таълимии ба талаботи замон мутобиқ шароит фароҳам овард, ки сатҳу сифати тадрису тарбият бамаротиб боло бурда шавад. Омили дигари ин пешравиҳо мустаҳкам гардидани робитаи мутақобилан судманди байни оила, мактаб ва ҷамъият мебошад. Заҳмати шабонарӯзии омӯзгорон ва дарки амиқи моҳияти донишандӯзӣ аз ҷониби хонандагон барои ба натиҷаҳои назаррас ноил гардидани соҳа дар вилоят такони ҷиддӣ бахшиданд. Зимнан қайд гардид, ки Пешвои миллат, Президенти Тоҷикистон мӯҳтарам Эмомалӣ Раҳмон аз худ намудани донишҳои гуногун ва тавсеаи ҷаҳонбинии илмиро омили асосии рушду инкишофи давлату ҷамъият шумурда, пайваста дар сӯҳбату мулоқот ва суханрониҳояшон таъкид менамоянд, ки ҳукумати кишвар барои қонеъ намудани талаботи соҳаи мазкур ҳамаи чораҳоро меандешад. Эълон гардидани бистсолаи омӯзиши фанҳои дақиқ ва табиӣ, дар сатҳи баланд ташкилу баргузор намудани озмунҳои китобхонӣ ва доир гаштани олимпиадаҳои фаннӣ имрӯз барои толибилмон шароити мусоид фароҳам меоранд, то тавассути ин зинаҳо ба қуллаҳои баландтари илму маърифат расанд. Раиси вилоят аз он изҳори хурсандӣ намуданд, ки зодагони Тоҷикистон, ки дар байнашон бадахшониён кам нестанд, имрӯз дар сатҳи байналмилалӣ, дар созмону муассисаҳои бонуфуз кору фаъолият намуда, давлату миллати тоҷикро ба таври сазовор муаррифӣ менамоянд. Хиради азалии миллат эҳё гардида, ҷойгоҳи илму фарҳанги тоҷик дар арсаи ҷаҳонӣ рӯз ба рӯз мустаҳкам гардида истодааст.Ҳамчунин, дар ҷараёни суханронӣ Ёдгор Файзов аз комёбиҳои толибилмони вилоят дар озмунҳои соли гузаштаи сатҳи ҷумҳуриявӣ бо қаноатмандӣ ёдовар шуда, дастовардҳои беназири имсолаи муҳассилини вилоятро дар олимпиадаҳои фаннии ҷумҳуриявӣ, ки соҳиби 81 медал гардиданд, ифтихори кулли мардуми диёр номид. Дар ин замина, роҳбари вилоят ба ҳамаи морифчиёни вилоят изҳори сипос ва ба роҳбарияти ташкилоти ҷамъиятии “Ҷуръат” ҷиҳати дастгирӣ дар самти омӯзиши иловагии фанҳои дақиқ ва забонҳои русию англисӣ миннатдорӣ баён намуд.Сардори Раёсати маорифи вилоят Одинашоҳ Мардов аз ҳамкории судманд бо шарикони рушд, аз он ҷумла ташкилоти зикршуда сухан ронда, тазаккур дод, ки таҳкими заминаҳои моддию таҷҳизотӣ ва таълимии муассисаҳо, баланд гаштани сатҳи масъулияти волидайн, омӯзгорон ва хонандагон имконият дод, ки норасоиҳои мавҷуда бартараф ва сифати омӯзиш беҳтар шавад. Натиҷаи муаваффақонаи озмуну олимпидаҳо ва сатҳи баланди дохилшавӣ ба донишгоҳҳои олии кишвару мамолики хориҷӣ маҳз дар ин замина ба даст омаданд.Роҳбари ташкилоти ҷамъиятии “Ҷуръат” Саъдӣ Хушвахтов зимни баромади худ ба мақомоти иҷроияи ҳокимияти давлатии вилоят ва шаҳру навоҳии он барои ҳамкорӣ миннатдорӣ ва аз он изҳори қаноатмандӣ намуд, ки тавассути ин ҳамкорӣ ташкилот тавонист, бо мусоидати шарикони дигари рушд, зиёда аз 80 нафарро бо ҷойи кори доимӣ таъмин намуда, дар 273 курси омӯзишии он дар саросари вилоят 3117 хонанда ба таълими иловагӣ фаро гирифта шаванд.Дар фарҷоми чорабинӣ ба як қатор омӯзгорони фаъол ва шогирдони онҳо, ки дар озмуну олимпиадаҳо ҷойҳои намоёнро ишғол намудаанд, ифтихорномаю сипосномаҳо ва мукофотҳои молиявӣ тақдим гардиданд.Маврид ба зикр аст, ки худи ҳамин рӯз бо ибтикори Раёсати маорифи вилоят ва мусоидати ташкилоти мазкур дар шаҳри Хоруғ даври вилоятии озмуни забони англисӣ таҳти унвони “Spelling Bee”, дар чаҳорчӯбаи омодагӣ ба таҷлили ҷашни Ваҳдати миллӣ, доир гардид.

Раиси Вилояти Мухтори Куҳистони Бадахшон барои ҳамкории судманди тарафайн дар ташкил ва баргузории курсҳои аз навтайёркунӣ, такмил ихтисос ва таҷрибаомузии хизматчиёнӣ давлатӣ, бахшида ба ҷашни умумимиллӣ 30 солагии Истиқлолияти давлатии Ҷумҳурии Тоҷикистон бо “Ифтихорнома” – и Академияи идоракунии давлатии назди Президенти Ҷумҳурии Тоҷикистон сарфароз гардонида шуд.

Субҳи имруз дар маркази маъмурии Вилояти Мухтори Куҳистони Бадахшон шаҳри Хоруғ вохури судманд бо сокинони шаҳри Хоруғ ва фаъолони вилоят баргузор карда шуд. Дар вохурӣ Раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам, Ректори Академияи идоракунии давлати назди Президенти Ҷумҳурии Тоҷикистон Ғафурзода Абдухалил Давлаталӣ, Раиси Вилояти Мухтори Куҳистони Бадахшон Ёдгор Файзов ва Раиси шаҳри Хоруғ Мирзонабот Алишер Худобердӣ иштирок ва суханорӣ намуданд. Раиси вилоят меҳмононро ба аҳли толор муаррифӣ намуда қайд доштанд, ки ташрифи чунин гуруҳи кори сатҳи баланд ба вилоят дар остонаи ҷашни ваҳдати миллӣ баёнгарии хизматҳои мардуми куҳистон баҳри устувор нигоҳ доштани арзишҳои ваҳдати миллӣ мебошад. Раиси вилоят аз таърихи давлатдори навини миллати тоҷик ёдовар шуда рузҳои сахту сангин барои мардуми тоҷик буда бо ин рузҳои замони соҳибистиқлолии мамлакат муқоиса намуданд. Гуфта шуд, ки боварии ягон кас набуд, ки миллати тоҷик баъд аз чунин ҷанги таҳмилӣ боз метавонад соҳиби давлату миллат гардад. Раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам зимни суханронӣ аз рузҳои ба имзо расидани созишномаи истиқрори сулҳи ва ризояти миллӣ ёдовар шуда изҳор доштанд, ки ин дастоварди бузурги давлату миллат ва шахсан Асосгузори сулҳу ваҳдатӣ миллӣ Пешвои миллат Президенти Ҷумҳурии Тоҷикистон муҳтарам Эмомалӣ Раҳмон мебошад. Дар он рузҳои хеле душвор ва хатарнок барои миллати тоҷик ягон сиёсатмадор ҷурҳат намекард, ки лаҷоми давлатдориро ба даст гирад ва миллатро аз нестшавӣ ва халқро аз парокандагӣ наҷот диҳад. Хушбахтона бо амри тақдир шахсияте бо номи Эмомалӣ Раҳмон ҷасурона тақдири миллати тоҷикро ба даст гирифта давлатро аз фаношавӣ миллатро аз нестшавӣ ва халқро аз парокандагӣ наҷот доданд. Ректори Академияи идоракунии давлатии назди Президенти Ҷумҳурии Тоҷикистон Ғафурзода Абдухалил оиди терроризму экстримизм ва таъсири он ба давлаторӣ сухан карда қайд доштанд, ки дар даврони ҷанги шаҳрвандӣ болои давлати тоҷикон фишорҳои зиёди сиёсӣ амалӣ гардиданд. Яке аз онҳо табдил додани давлати демократи ва ҳуқуқбунёди тоҷикон ба давлати исломӣ буд. Афроди олҳида дар дохили ҷомеа пайдо гардиданд ва мардумро тавассути ғояҳои дини ба шикаст додани низоми давлатдорӣ даъват намуданд. Хушбахтона бо мақсадҳои ғаразнокӣ хеш ноил нагардиданд ва Тоҷикистон имруз таҳти сиёсати бунёдкоронаи Пешвои миллат дар арсаи ҷаҳони ҳамчун давлати демократӣ ҳукукбунёд ва дунявӣ муаррифӣ гардидааст.Дар фарҷом Раиси Вилояти Мухтори Куҳистони Бадахшон барои ҳамкории судманди тарафайн дар ташкил ва баргузории курсҳои аз навтайёркунӣ, такмил ихтисос ва таҷрибаомузии хизматчиёнӣ давлатӣ, бахшида ба ҷашни умумимиллӣ 30 солагии Истиқлолияти давлатии Ҷумҳурии Тоҷикистон бо “Ифтихорнома” и Академияи идоракунии давлатии назди Президенти Ҷумҳурии Тоҷикистон сарфароз гардонида шуд.

Субҳи имрӯз муовини Раиси Маҷлиси миллии Маҷлиси Олии Ҷумҳурии Тоҷикистон, Раиси Вилояти Мухтори Куҳистони Бадахшон Ёдгор Файзов Раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукррамро ба ҳузур пазируфт. Раиси вилоят меҳмони олиқадрро ба вилоят хайра мақдам гуфта, барои анҷоми сафари бобарор ба Вилояти Мухтори Куҳистони Бадахшон мувафаққият таманно намуд. Раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукррам барои қабули самимӣ ба раиси вилоят изҳори сипос намуда. изҳор дошт, ки аз вохурӣ бо мардум, ки дар ноҳияҳои Дарвоз, Ванҷ ва Рушон анҷом дода шуд хеле хушҳол гардидам. Рӯҳияи мардум бо шарофати баланд гардидани сатҳи некӯаҳволӣ куллан тағйир ёфта, шукргузорӣ аз сулҳу субот ва ваҳдати ҷомеа менамоянд. Ҷараёни омодагӣ ба таҷлили ҷашни бузург 30-солагии Истиқлолияти давлатии мамлакат бомаром идома дорад. Инчунин, ҷонибҳо зимни суҳбат аз дастовардҳои даврони соҳибистиқлолии мамлакат дар вилоят сухан намуданд ва зикр доштанд, ки бо шарофати Истиқлолияти давлатии Ҷумҳурии Тоҷикистон ва сиёсати дурандешонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин раванд босуръат идома дошта, ин гӯшаи ватан ба яке аз минтақаҳои пешрафта табдил хоҳад ёфт..Дар фарҷоми мулоқот Раиси Вилояти Мухтори Куҳистони Бадахшон Ёдгор Файзов меҳмонро ба муносибати рӯзи мавлудашон аз номи мақомоти иҷроияи ҳокимияти давлатии вилоят табрику муборак намуда, барои фатҳи қуллаҳои баланд дар ҷодаи хизматӣ ва эҷодӣ комёбиро таманно намуд.

Афзалият ба таъмини амнияту суботи ҷомеа дода мешавадИмрӯз Раиси Вилояти Мухтори Кӯҳистони Бадахшон Ёдгор Файзов бо намояндагони дафтари Созмони амният ва ҳамкорӣ дар Аврупо таҳти сарварии роҳбари барномаҳои дафтари мазкур Валериу Кивер мулоқоти судманд доир намуд. Раиси вилоят меҳмононро ба Бадахшонзамин хайра мақдам гуфта, вобаста ба ҳамкориҳои мақомоти иҷроияи ҳокимияти давлатии ВМКБ ва ин созмони мазкур изҳори қаноатмандӣ намуд. Маврид ба зикр аст, ки дафтари САҲА дар Тоҷикистон ва аз он ҷумла дар ВМКБ, дар радифи дигар ҳамкориҳо, бобати дастгирии раванди демократикунонии ҷомеа, баланд бардоштани савияи ҳуқуқии ҷомеа, дастгирии ташкилотҳои ҷамъиятӣ дар ҷодаи таъмини амнияти экологӣ ва истифодаи оқилонаи сарватҳои табиӣ ва дигар паҳлӯҳои фаъолияти иҷтимоӣ саҳмгузор мебошад. Зимнан, қайд гардид, ки дар давраи паҳншавии бемории сироятии кароновирус COVID 19 аз ҷониби ин созмон ба муассисаҳои табобатию профилактикии вилоят 50 ҳазор ниқоби тиббӣ, 30 ҳазор дастпӯшаки тиббӣ ва 5 ҳазор маводи антисептикӣ ба таври ройгон дастрас гардиданд. Ёдгор Файзов зимни баррасии вазъи минтақа ва масоили сарҳадӣ аз таъмини амният ва субот дар сарҳад бо Ҷумҳурии исломии Афғонистон, дар пайи хориҷ шудани қувваҳои ҳарбии Созмони аҳдномаи Атлантикаи Шимолӣ аз хоки ин кишвар, ёдовар шуд. Бо такя ба суханрониҳои Пешвои миллат, Президенти Ҷумҳурии Тоҷикистон Эмомалӣ Раҳмон вобаста ба баргардондани сулҳ ба Афғонистон раиси вилоят афзуд, ки тинҷию амонии давлати ҳамсоя ба суботи кулли минтақа таъсиргузор буда, сокинони ҳамсоякишвар ба дастгирӣ ва мусоидати ҳамаҷониба ниёз доранд. Дар ҷараёни сафари кории Президенти мамлакат Ҷаноби Олӣ ба ВМКБ дар соли 2020 гурӯҳе аз сокинони минтақаи ҳаммарз бо Тоҷикистон дар ноҳияи Дарвоз, аз он сӯи дарёи Панҷ, ба Роҳбари давлати мо ҷиҳати ҳалли ин ва дигар мушкилоти рӯзмарраашон муроҷиат намуда буданд. Тоҷикистон тайи чанд соли охир бо сохтмони кӯпрукҳою бозорҳои наздисарҳадӣ ва инкишофи равобити гуногун дар паст намудани шиддати иҷтимоӣ дар ин кишвар мусоидат карда, мӯҳтарам Эмомалӣ Раҳмон аз минбарҳои баланд таваҷҷӯҳи ҷомеаи ҷаҳониро ба ҳалли қазияи Афғонистон ва ҳарчӣ тезтар баргаштани сулҳу оромӣ ба он ҷалб менамояд. Роҳбари дафтари тоҷикистонии ин созмон Валерий Кивер маълум намуд, ки айни замон ин созмон дар ҳамкорӣ бо Ҳукумати Тоҷикистон бобати масъалаҳои гуногун фаъолият намуда истодааст. Афзалияти бештар ба таъмини амнияту суботи минтақа дода шуда, созмон барои кормандони ниҳодҳои қудратӣ, сарҳадӣ ва низомии кишвар курсҳои омӯзишӣ ташкил намуда, аз лиҳози таҷҳизот ва техникаи зарурӣ низ кӯмак расонда истодааст. Бо мусоидати САҲА дар Тоҷикистон Академияи омӯзишии Вазорати мудофиа ва Қӯшунҳои сарҳадии КДАМ таъсис ёфта, барои ин ниҳодҳо бобати пешбурди дигар паҳлӯҳои фаъолият низ мусоидат карда мешавад. Инчунин, дар ояндаи наздик вобаста ба ташкили Маркази омӯзишӣ барои Кумитаи ҳолатҳои фавқулодда ва мудофиаи гражданӣ корҳо оғоз хоҳанд ёфт. Бояд зикр намуд, ки ҳамаи ин корҳо, бахусус барои Вилояти Мухтори Кӯҳистони Бадахшон, ки сарҳади тӯлонӣ бо Ҷумҳурии исломии Афғонистон дошта, аз лиҳози ба вуқӯъ омадани офатҳои табиӣ яке аз минтақаҳои осебпазир аст, дорои аҳамияти хоса мебошанд. Намояндагони дафтари САҲА дар Тоҷикистон зимни сафари корӣ ба вилоят барои ҳайати афсарон ва сарҳадбонон дар шаҳри Хоруғ семинар-тренинг гузаронда, бо ташкилотҳои ҳамкори ғайридавлатӣ сӯҳбатҳо доир менамоянд. Зимнан бояд зикр намуд, ки созмони мазкур дар вилоят бо ташкилотҳои гуногун, ки дар самти ҳифзи ҳуқуқи инсон, баланд бардоштани мақоми зан дар ҷомеа, барҳам задани табъизи гендерӣ ва зуроварӣ дар оила, масъалаҳои экологӣ ва ғайра фаъолият доранд, ҳамкорӣ менамояд. Яке аз сармоягузорони асосии форуми иқтисодии “Помир-инвест”, ки ҳамасола бо мақсади ҷалби сармоя ба хоҷагии халқи вилоят, бо ширкати намояндагони Ҳукумати Тоҷикистон, сармоягузорон ва соҳибкорони дохилию хориҷӣ мегузарад, мебошад. Ҷонибҳо дар фарҷоми вохӯрӣ аз ҳамкории судманд изҳори умедворӣ намуда, таъкид бар он карданд, ки таъмини амнияту суботи ҷомеа ва ҳаёти осудаи сокинон ҳамеша бояд дар мадди аввали фаъолият қарор дошта бошад.

Мӯҳтарам кормандони Раёсат!
Собиқадорони гиромиқадри соҳа! Сараввал ҳамаи Шуморо ба муносибати Иди касбиятон табрику муборакбод намуда, бароятон тани сиҳат, хонаи обод ва дар анҷом додани ӯҳдадориҳои касбиятон бурдбориҳои ҳамешагӣ таманно менамоям!Вазъи мураккаби ҷаҳону минтақа, махсусан, дар самти тавсеаи амалҳои номатлуб, аз он ҷумла, гардиши ғайриқонунии маводи нашъадор, ки заминаи пайдоиши ҷиноятҳои гуногуни дигар аст, роҳбарияти олии мамлакатро водор намуд, ки дар ҳамкорӣ бо раёсати марбутаи Созмони Миллали Муттаҳид қарор оиди таъсиси ниҳоди махсус ҷиҳати мубориза бо гардиши ғайриқонунии маводи нашъадорро қабул намояд . Имсол расо бисту ду сол мешавад, ки Агентии назорати маводи нашъадори назди Президенти Ҷумҳурии Тоҷикистон дар сафи пеши мубориза бо ин раванди номатлуб қарор дошта, кормандони Раёсати Агентӣ дар вилоят низ дар ҷабҳаи пешгирӣ ва аз муомилоти ғайоиқонунӣ баровардани ин маводи марговар саҳми муносиби худро гузошта истодаанд. Баҳои сазовори Асосгузори сулху Ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон ба фаъолияти пусамари кормандони Агентии назорати маводи нашъадор, ки гуфта буданд «Мардуми Тоҷикистон аз заҳмату хизмати шабонарўзии Шумо – кормандони Агентии назорати маводи нашъадори назди Президенти Ҷумҳурии Тоҷикистон сипосгузор аст ва Ҳукумат низ ин ҷасорату фидокории Шуморо дар роҳи мубориза бо гардиши ғайриқонунии маводи нашъаовар, коҳиши сатҳи нашъамандӣ, пешгирии афзоиши он ва ҳифзи манфиатҳои Ватану миллат ҳамеша қадрдонӣ мекунад» аз он шаҳодат медиҳад, ки нақши шумо дар ин ҷода бориз ва шоёни таҳсин аст. Мо итминони комил дорем, ки кормандони Раёсат минбаъд низ дар ҳамдастӣ бо ҷамъият баҳри пешгирии гардиши ғайриқонунии маводи нашъадор, коҳиши сатҳи нашъамандӣ ва солимии аҳли ҷомеа тамоми донишу таҷриба ва малакаи касбии хешро сафарбар намуда, ҷиҳати боз ҳам баланд бардоштани мақоми Тоҷикистони азиз ҳамчун кишвари орӣ аз ин маводи марговар, саъю талош хоҳанд варзид.Бо ин таманниёти нек бори дигар кормандон ва собиқадорони Раёсати Агентии назорати маводи нашъадори назди Президенти Ҷумҳурии Тоҷикистон дар вилоятро самимона бо иди касбӣ табрику таҳният гуфта, ба якояки шумо саломативу нерўи тавоно, зиндагии пурбаракату рўзгори осуда ва дар иҷрои вазифаи душвор, вале пурифтихоратон комёбиҳо орзу менамоям!201Охват (люди)27ВзаимодействияПродвижение недоступно

1414Поделились: 1НравитсяКомментироватьПоделиться

Фарзандони азиз !

Ҳамасола 1-июн ҳамчун Рӯзи байналмилалии ҳифзи ҳуқуқи кӯдакон дар сар то сари ҷаҳон ҷашн гирифта мешавад. Соли 1989 Созмони Милали Муттаҳид ҳуҷҷати аз ҳама муҳими байналмилалӣ оид ба ҳифзи ҳуқуқҳои кӯдак- Конвенсия дар бораи ҳуқуқҳои кӯдакро қабул намуд. Санаи 2 сентябри соли 1990 ҳукми амал пайдо кардани Конвенсияи мазкур нуқтаи кулминатсионии ҳамаи он кӯшишҳое гардид, ки ҷомеаи ҷаҳонӣ тӯли қариб 70- сол барои таъмини эътирофи зарурии ниёзҳои махсус ва нозукиҳои махсуси кӯдакон ба ҷо меоварад. Ҷумҳурии Тоҷикистон дар тӯли 30-сол баҳри ҳимояи ҳуқуқи кӯдак дар инкишофи ҷисмонию равонии кӯдак дастовардҳои зиёди назаррас дорад. Бояд қайд намуд, ки Ҷумҳурии Тоҷикистон пеш аз ҳама, чун дигар давлатҳои дунё, Конвенсия дар бораи ҳуқуқҳои кӯдакро соли 1993 ба тасвиб расонд ва ӯҳдадориҳоро барои амалӣ намудани принсипҳои дар Конвенсия қайдшуда ба зимма гирифт. Давлати Тоҷикистон чун давлати ҳуқуқбунёди демократӣ ӯҳдадории ҳақиқии худро барои насли наврас ҳамчун ояндаи дурахшони кишвар нишон дод. Тибқи талаботи Конвенсияи ҳуқуқи кӯдак ҳар як шахси то 18- сола кӯдак ба ҳисоб меравад ва соли 2008 бо Қарори Ҳукумати Ҷумҳурии Тоҷикистон баҳри ҳифзи ҳуқуқу имкониятҳои кӯдакон дар инкишофи равонию ҷисмонии онњо Комиссияи ҳуқуқи кӯдак таъсис дода шуд. Мувофиќи Низомномаи Комиссия оид ба ҳуқуқи кӯдак тамоми ҷабҳаҳои инкишофи кӯдак ба инобат гирифта шуда, моддањои он барои њифзи њаматарафаи кўдакон равона карда шудаанд. Ҳамчунин соли 2001 дар сохтори Ҳукумати Ҷумҳурии Тоҷикистон Комиссияи махсуси назди Ҳукумати Ҷумҳурии Тоҷикистон оид ба ҳуқуқҳои кӯдак таъсис дода шуд. Он мақомоти доимоамалкунандаи байниидоравии машваратӣ буда, бо мақсади ҳамоҳанг сохтани фаъолияти идораҳои давлатӣ, бо фарогирии мақомоти маҳаллии ҳокимияти давлатӣ баҳри татбиқи қонунгузории Ҷумҳурии Тоҷикистон, ҳамчунин ўҳдадориҳои байналмилалии Тоҷикистон, ки аз Конвенсия оид ба ҳуқуқҳои кӯдак ва дигар санадҳои байналмилалӣ дар соҳаи ҳифзи ҳуқуқҳои кӯдак бармеоянд, таъсис дода шудааст.Умуман, кўдакон ҳамчун ояндаи ҷамъият мавриди ғамхории махсус ва доимии давлат қарор доранд. Дар кишвари мо таъмини беҳтарини манфиатҳои кўдакону наврасон, фароҳам овардани шароити мусоид барои инкишофи маънавию ҷисмонии онҳо, таъмини ҳифзи ҳуқуқу манфиатҳои кўдакон яке аз самтҳои афзалиятноки сиёсати давлат ба шумор меравад. Бинобар ин бо мақсади таъмини ҳамаҷонибаи эҳтиром, риоя, ҳифз ва пешрафти ҳуқуқу озодиҳои кўдак бо ташаббуси Асосгузори сулҳу Ваҳдати миллӣ- Пешвои миллат, Президенти Ҷумҳури Тоҷикистон, муҳтарам Эмомалӣ Раҳмон дар ҷумҳурӣ мақоми Ваколатдор оид ба ҳуқуқи кўдак таъсис дода шуд. Таъсис додани чунин механизми махсусгардонидашудаи ҳифзи ҳуқуқи кўдак қадами минбаъда дар такмили низоми ҳифзи ҳуқуқу озодиҳои кўдак мебошад.Сохтори мазкур бо дарназардошти принсипи таъмини беҳтарини манфиатҳои кўдак ба масъалаҳои риоя ва ҳифзи ҳуқуқҳои кўдак, барқарорсозии ҳуқуқҳои вайроншудаи кўдакон, такмили қонунгузорӣ, баланд бардоштани маърифати ҳуқуқии шаҳрвандон, аз ҷумла оид ба ҳуқуқу озодиҳои кўдакон, мусоидат ба ҳамкории мақомоти давлатӣ, ташкилотҳои ҷамъиятӣ дар самти мазкур, амалӣ гардонидани муқаррарроти Конвенсияи СММ оид ба ҳуқуқҳои кўдак мусоидат мекунад.Дар умум мақсад ва ғояи Конвенсия на танҳо воридсозии меъёрҳои он ба қонунгузории миллӣ, балки аз ҳама муҳимтар, ба мафкураи ҳар як нафар, ҳар як фарди ҷомеа ҷой намудани эътирофу эҳтиром, риоя ва ҳифзи ҳуқуқу озодиҳои кӯдак ва тавассути ин таъмини манфиатҳои беҳтарини кӯдак мебошад.Бояд қайд намоям, ки яке аз беҳтарин дастоварди Ҷумҳурии Тоҷикистон дар пиёда намудани ҳифзи ҳуқуқи кӯдак ин қабул гардидани Қонуни Ҷумҳурии Тоҷикистон “Дар бораи масъулияти падару модар дар тарбияи фарзанд” мебошад, ки иҷро гардидани ҳар як банди он ин худ таъмини манфиатҳои беҳтарини кӯдак мебошад. Имрӯз дар Вилояти Мухтори Кӯҳистони Бадахшон қариби 70171 нафар кӯдакон зиндагӣ мекунанд, аз инҳо 38040 нафар хонанда; 884 – нафар маъюб; ятими кулл 111 нафар кӯдак; ятими яктарафа 2641 нафар ; синни то мактабӣ 24778 нафар (2111 нафар кӯдак ба 26 адад кӯдакистон); 6491 нафар кӯдак ба 297 адад марказҳои рушди барвақтии кӯдакон; 700 нафар кӯдак ба омӯзиши забонҳои хориҷӣ (дар 5 адад маркази хусусӣ) фаро гирифта шудаанд, ки ҳар яки онҳо дар мадди назари мақомоти иҷроияи ҳокимияти давлатии вилоят, минҷумла Раиси Вилояти Мухтори Кӯҳистони Бадахшон қарор доранд. Дар панҷ моҳи соли равон барои рушди таҳсилот, муҳайё намудани тамоми шароитҳо ва беҳдошти сатҳи зиндагии хонандагони болаёқат аз ҷониби роҳбарияти вилоят ва шарикони рушд ба маблағи 51252,9 сомонӣ толорҳои варзишӣ ва майдончаҳои варзишӣ бунёд ва ба истифода дода шуданд. Ин иқдом идома дошта, таҷҳизоти зиёди муосири таълимӣ ба муассисаҳои таълимӣ дастрас карда шуданд.Бо истифода аз фурсати муносиб ба муносибати ин рўзи саид якояки Шуморо табрику таҳният гуфта, бароятон тамоми хушиҳои зиндагӣ, осмони софу беғубор, амалишавии нақшаву ниятҳо ва дар таҳсилатон муваффақиту бурдбориҳо хоҳонам.Ид муборак насли даврони истиқлол!2 950Охват (люди)351ВзаимодействияПродвижение недоступно

8282Комментарии: 2Поделились: 10НравитсяКомментироватьПоделиться