ИДИ КАСБӢ ТАҶЛИЛ ГАРДИД.

Шўъбаи Хадамоти давлатии оташнишонии Вилояти Мухтори Кўҳистони Бадахшон 93-юмин солгарди таъсисёбии Хадамоти оташнишониро таҷлил намуд. Раиси Вилояти Мухтори Куҳистони Бадахшон муҳтарам Ёдгор Файзов аз саҳни ҳавлии Шуъбаи Хадамоти давлатии оташнишонии вилоят дидан намуда, техника ва таҷҳизоти сухторнишониро мавриди бозбини қарор дода, барои дар ҳолати омодабош қарор гирифтани ҳайати шахсии хизмати дохила бо масъулин мулоқот намуд. Бо садо додани Суруди милли ба чорабинии расмӣ бахшида ба Рўзи касбии кормандони Хадамоти оташнишони ҳусни оғоз бахшида шуд. Раиси ВМКБ Ёдгор Файзов қайд дошт, ки маҳз дар замони соҳибистиқлолии кишвар бо ҳидоят ва раҳнамоиҳои Пешвои миллат, муҳтарам Эмомалӣ Раҳмон пойгоҳи модию техникии ин ниҳод тақвият ёфта, кормандони он ба омузишҳои соҳавӣ ҷалб карда мешаванд. Бар зами ин хизматҳои шоистаи кормандони Хадамоти отшнишониро қобили таҳсину офарин хонда, қайд дошт, ки дар лаҳзаҳои душвортарини сар задани ходисаҳои сухтор хизматчиёни Хадамоти оташнишони ҷони худро ба каф гирифта, барои ҳимояи молу ҷони инсонҳо талош менамоянд. Ҳамчунин роҳбари вилоят кормандони Шуъбаи Хадамоти оташнишони ва зерсохторҳои онро аз номи мақомоти иҷроияи ҳокимияти давлатии вилоят табрику таҳният гуфта, барои иҷрои рисолати хизматиашон бурбориҳо ва шуҷоатро таманно намуд. Ҳамчунин муовини сардори Раёсати Вазорати корҳои дохилии Ҷумҳурии Тоҷикистон дар вилоят полковники милитсия Толеъзода Аъзам, муовини аввали раиси шаҳри Хоруғ Ҳабиб Ватаншоев низ таманиётҳоро унвонии кормандони Хадамоти оташнишони қироат намуданд. Дар фарҷом дар фазои тантанавӣ ифтихорномаву сипоснома ва рутбаҳои як зина боло ба кормандони Хадамот ва зерсохторҳои он аз номи Раиси вилоят, раиси шаҳри Хоруғ, Шуъбаи Хадамоти оташнишони ва Сараёсати Хадамоти давлатии оташнишонии Ҷумҳурии Тоҷикистон тақдим гардиданд.


COVID – 19 БА ДАРОМАДИ ШИРКАТҲОИ САЙЁҲӢ ЗАРБАИ САХТ ВОРИД НАМУД.

Бо мақсади рушди соҳаи ҷаҳонгарди дар Тоҷикистон бо ташабусси Директори Дипартаменти маориф санъат ва фаъолияти иҷтимоии Фонди ҷамъияти кушодаи “Бунёди мадад” дар Тоҷикистон Назархудо Дастамбуев ҳамоиши илмӣ –назариявӣ бо ҷалби мутахассисиони соҳаҳои таъриху фарҳанг ва бостоншиносӣ баргузор гардид. Дар ин ҳамоиш раиси Вилояти Мухтори Куҳистони Бадахшон муҳтарам Ёдгор Файзов ширкат варзида, бо назардошти табиати дилкашу тамошобоб ва ҷойҳои зиёди таърихиву қуллаҳои осмонбўс рушди соҳаи чаҳонгардиро асоси пешрафти вилоят маънидод намуд. Раиси вилоят қайд дошт, ки маҳз бо сиёсати пешгирифтаи дарҳои бози Пешвои миллат, муҳтарам Эмомалӣ Раҳмон солҳои 2019-2021 солҳои рушди деҳот, сайёҳи ва ҳунарҳои мардумӣ эълон гардида, дар ин замина инфрасохтори соҳаи сайёҳӣ рушду нумуъ ёфта, барои ҷалби ҷаҳонгардон ба ҷойҳои таърихиву тамошобоби кишвар заминаи боэътимод гузошта шуд. Қайд гардид, ки муттаасифона паҳншавии вируси тоҷдор дар якунимсоли охир боис шуд, ки теъдоди сайёҳон ба ВМКБ бамаротиб коҳиш ёфта, ба даромади ширкатҳои сайёҳӣ зарбаи сахт ворид намуд. Раиси ВМКБ Ёдгор Файзов дар ҷараёни баррасии масъалаи мазкур махсусан таъкид намуд, ки дар замони ҷаҳонишавӣ ҳифзи фарҳангу ҳунар ва ёдгориҳои таърихи ниҳоят муҳим мебошад. Мусиқии суннати, рақсу суруд, урфу одатҳои мардумӣ, таҷлили ҷашнҳои миллӣ, хонаи урфии Бадахшонӣ ва дигар меросҳои таърихи метавонанд ба ҷалби ҳарчи бештари сайёҳон мусоидат дошта бошад. Ҳукумати Ҷумҳурии Тоҷикистон бо мақсади азнавсозӣ ва барқарор намудани харобаҳои қалъа маблағҳои заруриро ихтисос дода, ахиран бо дастгирии Ҳукумати мамлакат тавассути Бонки ҷаҳони маблағи 4,5 миллион доллар барои барқарор намудани қалъаи Ямчун таъсис дода шуда, қарор аст, ки бо ин маблағи ҷудогардида, як қисми ин иншооти таърихи азнавсозӣ хоҳад шуд. Дар ҳамоиш ҳамчунин роҳҳои ҳали рушди минбаъдаи соҳаи сайёҳи муайян гардида, масъалаҳои вобаста ба рушди мероси фарҳангиву таърихи аз ҷониби мутахассисон ва олимон табодули назар сурат гирифт.и ещё 5

СОКИНОН БОЯД БА САЛОМАТИИ ХЕШ ДИҚҚАТИ ҶИДДӢ ДИҲАНД.

Раиси Вилояти Мухтори Куҳистони Бадахшон муҳтарам Ёдгор Файзов дар пайи баргузории Ситоди вилоятӣ оид ба пешгирӣ аз бемории сироятии вируси тоҷдор, муътадил нигоҳ доштани вазъи эпидемологӣ ва ба табобат фаро гирифтани сироятёфтагон баромад намуд. Роҳбари вилоят бо мусоидати Вазорати тандурустӣ ва ҳифзи иҷтимоии аҳолии Ҷумҳурии Тоҷикистон 50 ҳазор вояи ваксини «Модернаи» истеҳсоли Иёлоти Муттаҳидаи Амрико дастраси вилоят гардонда шуда, тасмим аст, ки дар навбати аввал табибону гирифторони бемориҳои ҳамрадиф, шахсони калонсол, инчунин кормандони соҳаи савдо ва дигар хизматрасониҳое, ки бештар бо мардум сару кор доранд, бо ин воя таъмин хоҳан шуд. Ба таъкиди роҳбари вилоят руйхати қишри осебпазири вилоят, ки синашон аз 18 боло мебошад, муайян шудааст, ки барои пурра воякунони намудани аҳоли беш аз 300 ҳазор воя зарур мебошад. Аз ин пеш тавассути Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ваксинаи зидди сирояти Ковид-19 таҳти унвони Астрозеника ихтирои пажўишгоҳи Оксфорди Британияи Кабир ва истеҳсоли пажуишгоҳи зардобҳои Хиндустон ҳудуди беш аз 5 хазор воя дастраси вилоят гардида, дар марҳилаи аввал ашхоси аз 60 сола боло ва кормандони соҳаи тиб бо ин ваксина фаро гирифта шуданд. Чиҳати саривакт таъмин намудани муассисаҳои табобатию профилактики бо оксиген ба хусус дар беморхонаҳои маркази вилоят ва ноҳияҳо, сардорони Раёсати тандурсти ва Хадамоти Оғохон оид ба тандурустӣ дар вилоят муваззаф гардиданд, ки ҷиҳати саривакт таъмин намудани оксигенти табии чораҷуи намоянд. Ба ин максад микдори муайяни маблағ аз ҳисоби мақомоти иҷроияи ҳокимияти давлатии вилоят низ ихтисос дода шудаст. Вобаста ба таъмин намудани муассисахои тиббӣ барои табобати бемории Ковид 19 махсус гардонидашуда бо оксигени табби чойҳо барои насби коргоҳи тавлиди оксигени табии дар ноҳияҳои Дарвозу Рушон ва беморхонаи вилояти омода гардида, насби ин тачҳизот дар ин наздики аз тарафи мутахассисион дар назар дошта шудааст. Бо ба кор андохта шудани ин коргоҳ мушкилоти таъмини муассисаҳои табобативу профилактики бо оксигени табби аз миён бардошта хоҳад шуд. Пурзур намудани корҳои тарғиботиву ташвиқоти бо мақсади коҳиш додани асари бемории Ковид 19 дар байни аҳоли риояи қоидаҳои беҳдошти дар бозоору хатсайрҳои мусофиркашони, тарабхонаву туйхона, истифодаи ниқобҳои муҳофизатӣ ва риояи фосилаи иҷтимоӣ, кам намудани теъдоди ахоли дар чорабиниҳои фарҳангиву оммавӣ аз вазифаҳои муҳими пешгири аз ин бемори ҳисобида шуданд.


МУЛОҚОТИ СУДМАНД

Субҳи имрӯз Раиси Вилояти Мухтори Куҳистони Бадахшон муҳтарам Ёдгор Файзов Директори иҷроияи Хадамоти Оғохон оид ба маориф дар Тоҷикистон ва Қирғизистон Зулобӣ Мамадфозиловро ба ҳузур пазируфтанд. Ҷонибҳои оиди ҳамкориҳои судманд миёни Ҳукумати Ҷумҳурии Тоҷикистон ва шабакаҳои Оғохон оид ба маориф суҳбат намуданд ва барои корҳои амали намудани нақшаҳои оянда масъалагузори намуданд. Раиси вилояти зимни суҳбат афзуд, ки маҳз дастгири ва сиёсати маорифпарваронаи Асосгузори сулҳу ваҳдати миллӣ, Пешвои миллат – Президенти Ҷумҳурии Тоҷикистон муҳтарам Эмомалӣ Раҳмон буд, ки дар вилоят ташкилотҳои ғайридавлати низ ба тарбияи насли наврас машғул ҳастанд ва хеле натиҷаҳои хуб дода истодаанд.Зулобӣ Мамадфозилов Директори иҷроияи Хадамоти Оғохон оид ба маориф дар Тоҷикистон ва Қирғизистон низ қайд дошт, ки бо дастгирии Ҳукумати Ҷумҳурии Тоҷикистон ва Хадамоти Оғохон оид ба маориф мо дастовардҳои назаррасе ноил гардидем. Дар соли таҳсили 2021 – 22 дар Литсейи Оғохон дар умум 260 нафар довталаб барои дохил шудан ба синфи тайери хуҷҷат супориданд. Аз 260 нафар дар натиҷаи арзебӣ 142 нафар ба гуруҳҳои забони тоҷикӣ, англисӣ ва русӣ дохил шудаанд, ки 55% довталабонро ташкил медиҳад. Ба хотири пурра омухтани ҳар се забон роҳбарияти Хадамоти Оғохон оид ба маориф ният дорад дар оянда фанҳои дақиқро дар ҳамаи гуруҳҳо аз ҷумла дар гуруҳи тоҷики ба забони англиси ба роҳ монад. Фанҳои гуманитари бошанд дар ҳамаи гуруҳҳо ба забони тоҷики гузаронида шуда забон ва адабиёти рус дар ҳамаи гуруҳҳо ба забони руси гузаронида хоҳанд шуд. Раиси вилоят изҳори нигарони кард, ки волидони мехоҳанд фарзандонашон дар Литсей таҳсил намоянд, вале аз сабаби камчинии ҷой онҳо бенасиб ва дилшикаста шуда ба руҳияи кӯдак таъсири манфи мемонад. Хуб мешуд, ки Хадамот синфҳои иловагиро дар шаҳр ба иҷора гирифта шумораи синфҳоро зиёд намояд. Мамадфозилов Зулоби таклифро дастгирӣ намуд, вале қайд кард ки дар чунин ҳолат мо ба муаллимони донандаи забони ангилисӣ ниёз хоҳем дошт. Хадамот ният дорад, ки дар ҳар як ҷамоати деҳот як маркази рушди барвактии кӯдакро таъсис диҳад ва роҳбарияти вилоят инро хуш пазируфт ва омодагии хешро баҳри таъмини синфхона ва қонуни кардани ин марказҳо , иброз намуд Раиси вилоят ба фаъолияти Хадамоти Оғохон оид ба маориф дар вилоят баҳои баланд дода барои ҳамокориҳои минбаъдаи дуҷониба комёбиҳоро орзу намуданд.7 654Охват (люди)1 737Взаимодействия+1,8x вышеПоказатель распространенияПродвижение недоступно

172172Комментарии: 15Поделились: 16НравитсяКомментироватьПоделиться

СОҲАИ БОНКДОРӢ ДАР ВМКБ БЕҲТАР МЕГАРДАД.

Дар нишасти матбуотӣ бо кормандони бонкҳои дар ҳудуди вилоят амалкунанда қайд гардид, ки новобаста аз хуруҷи бемории сироятии Ковид-19 фаъолияти воҳидҳои қарздиҳӣ дар шаш моҳи соли равон назаррас арзёбӣ гардида, нишондодҳои пасандозҳову қарзҳои бонкӣ нисбат ба соли гузашта тамоюли зиёдшави дорад. Зимни ҳисобот муовини мудири шуъбаи минтақавии Бонки миллӣ дар шаҳри Хоруғ Зафар Бахшиев қайд намуд, ки дар давраи ҳисоботӣ дар ҳудуди вилоят 66 адад воҳидҳои сохтории ташкилоти қарзӣ фаъолият намуда, дороиҳои умумии ташкилотҳои қарзӣ 248,3 миллион сомониро ташкил намуда нисбат ба ҳамин давраи соли гузашта 22.9 фоиз зиёд мебошад. Фаъолият бо фоида бошад нисбат ба соли сипаришуда беш аз 15 фоиз зиёд тасдиқ гардидааст. Гуфта шуд, ки фаъолияти низоми бонкӣ дар вилоят рў ба пешрафт ниҳода дар нимсолаи якуми соли равон новобаста аз паҳншавии бемории коронавирус бақияи қарзҳо нисбат ба ҳамин давраи соли 2020 зиёд гардид. Иҷрокунандаи вазифаи мудири Филиали 66-уми Бонки давлатии амонатгузории «Амонатбонк» дар ВМКБ Ҳувайдо Хуҷамриев қайд намуд, ки «Амонатбонк» бо пешниҳоди қарзҳои имтиёзнок ва хизматрасониҳои муосир дар нимсолаи якум ба натиҷаҳои назаррас ноил гардид. Дар ин давра ба як ҳазору 412 нафар мизоҷ маблағи беш аз 25 миллион сомонӣ қарзҳо пешниҳод гардида аз ин миён беш аз 5 миллион сомонӣ ба соҳаи кишоварзӣ равона гардидааст. Зиёд намудани постерминалҳо ва банкоматҳо, роҳандозӣ намудани амонатмобайл дар телефонҳои мобилии муштариён, қабули смс-паёмак ҳангоми пардохт ва ё гирифтани маблағ ва пешниҳод намудани қарзҳои кўтоҳмуддату дарозмуддат бо фоизи пасти аз 18 то 24 фоиза аз хизматрасониҳои муосир ва осон барои муштариёни ин бонк маҳсуб меёбанд.Дар фарҷом аз ҷониби намояндагони васоити ахбори омма дар бораи хизматрасониҳои нави бонкӣ, имтиёзҳои қарзӣ ва фаъолияти мунтазами онҳо дар давраи пандемияи Ковид-19 саволҳо пешниҳод гардида, масъулин ҷавобҳои мушаххас манзур намуданд.2 612Охват (люди)137Взаимодействия-1,7x нижеПоказатель распространенияПродвижение недоступно

1414Комментарии: 2Поделились: 3НравитсяКомментироватьПоделиться

ҶАВОНОН ОЯАНДАИ МИЛЛАТАНД.

Дар остонаи таҷлили ҷашни бошукӯҳи миллӣ 30-умин солгарди Истиқлолияти давлатии Ҷумҳурии Тоҷикистон Раиси Вилояти Мухтори Кӯҳистони Бадахшон Ёдгор Файзов ва муовини аввали раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон муҳтарам Назарзода Ризо дар маросими ҷоизасупории ба хатмкунандагони муассисаҳои таълимии ҳудуди Вилояти Мухтори Кӯҳистони Бадахшон ба ғолибони олимпидаҳои ҷумҳуриявӣ ва омузгорони онҳо ширкат варзида ба шогирдони баномусу заҳматкаш ва омузгорони онҳо ҷоизаҳо, медалҳо ва тӯҳфаҳои хотиравиро тақдим намуданд. Ҳамзамон дар чорабини ба 26 нафар хонандагони беҳтарини муассисаҳои таълимии шаҳру ноҳияҳои Вилояти Мухтори Кӯҳистони Бадахшон стипендияи навбатии Президенти Ҷумҳурии Тоҷикистон супорида шуд. Бо дастуру ҳидоятҳои маорифпарваронаи Пешвои миллат Президенти Ҷумҳурии Тоҷикистон мӯҳтарам Эмомалӣ Раҳмон барои хонандагони муассисаҳои таълимии худуди вилоят имокниятҳои васеъ барои донишандузӣ ва аз худ намудани касбу ҳунар фароҳам оварда шудааст. Ин аст, ки дар намоишгоҳ намудаҳои беҳтарини ҳунарҳои мардумӣ, ки бо дастони ҳунарофари насли ҷавон эҷод шудааст ба марази тамошо гузошта шуд. Раиси ВМКБ Ёдгор Файзов аҳли маорифи ВМКБ ба шогирдони баномусу заҳматкаш ва омузгорони онҳо барои ба даст ваордани ғолибият дар олимпиадаи сатҳи ҷумҳуриявӣ ва ҳамзамон рушди бемайлони соҳаи маориф арзи сипос намуда қайд намуд ,ки Роҳбарияти олии мамлакат ба омузиш ва соҳибкасб намудани ҷавонон таваҷҷуҳи махсус дода рӯ овардан ба маорифро аз ҳар як шахс тақозо менамояд. Маҳз робитаи мустақими омузгор, волидон ва муассисаи таълимист, ки аҳли маорифи вилоят дар якҷоягии ин се ниҳод ба комёбиҳои назаррас ноил гардиданд. Дохил шудани 6 нафар хатмкунандаи муассисаҳои таълимии ҳудуди вилоят ба донишгоҳҳои сатҳи байналмиллаи гувоҳи равшани фаъолияти пурсамари омузгорон ва волидони онҳо маънидод гардид. Раиси ВМКБ ин дастоварди аҳли маорифи ВМКБ-ро туҳфаи арзанда барои ҷашни мубораки миллӣ 30-умин солгарди Истиқлолияти давлатии Ҷумҳурии Тоҷикистон унвон намуд


Суханронии муовини Раиси Маҷлиси миллии Маҷлиси Олии Ҷумҳурии Тоҷикистон, Раиси Вилояти Мухтори Кӯҳистони Бадахшон Ёдгор Файзов дар назди хизматчиёни ҳарбӣ ва захираҳои сафарбарии Гарнизони Хоруғ, 22 июли соли 2021, шаҳри Хоруғ

Мӯҳтарам генералҳо, афсарон, прапоршикҳо, сержантҳо, сарбозони қаторӣ ва кулли аъзоёни захираҳои сафарбарӣ!Ватани маҳбуби мо- Тоҷикистон соли ҷорӣ 30-юмин солгарди Истиқлолияти давлатии худро таҷлил менамояд. Бояд тазаккур дод, ки ин неъмати Худодод ҳарчанд бар асари аз байн рафтани собиқ Иттиҳоди Шӯравӣ ба миллати мо расида бошад ҳам, аммо ҳифзи он аз рӯзҳои нахустин барои тоҷикистониён хеле гарон афтод. Аз рӯзҳои аввали соҳибистиқлолӣ қувваҳои муғризи дохилӣ, бо таҳрику пуштибонии хоҷагони хориҷӣ, манфиатҳои шахсию гурӯҳии худро аз манфиатҳои миллию давлатӣ боло гузошта, ҷомеаро ба ҷанги таҳмилии шаҳрвандӣ кашонданд. Аз ин вазъият гурӯҳҳои ҷинояткори фаромиллӣ ва ифротӣ истифода бурда, ба қочоқи маводи мухаддир, силоҳ ва одамрабоию кирдорҳои дигари номатлуб даст заданд. Ҳастии давлату ягонагии миллати тоҷик таҳти суол қарор гирифт.Хушбахтона, дар заминаи хиради аҷдодӣ, ки таърихи миллат чандин бор шоҳид гаштааст, фарзонафарзандон парчами номуси миллатро барафрошта, бо баргузор намудани Иҷлосияи таърихии 16-уми Шӯрои Олии Ҷумҳурии Тоҷикистон ва интихоби Роҳбарияти олии кишвар бо Сарварии Пешвои муаззами миллат Ҷаноби Олӣ Эмомали Раҳмон садди роҳи адами давлату парокандагии миллати тоҷик гаштанд. Дар радифи ташкил ва эҳёи дигар рукнҳои давлатдорӣ таъсису таҳкими Қувваҳои Мусаллаҳ ва ниҳодҳои ҳифзи ҳуқуқ яке аз ҳадафҳои ҳукумати конститутсионӣ ба шумор мерафт. Бояд хотирнишон сохт, ки яке аз омилҳои сар задани ҷанги шаҳовандӣ ва беқонуниятӣ маҳз мавҷуд набудани ниҳодҳои қудратӣ дар кишвари соҳибистиқлол буд, зеро Тоҷикистон ҷамчун меросбари собиқ Иттиҳоди Шӯравӣ ягон лавозимоти ҳарбиро аз ин давлати абарқудрат ба мерос нагирифт. Инчунин, ёдовар бояд шуд, ки дар он давра андешаҳое низ садо медоданд, ки ба Тоҷикистон қувваҳои мусаллаҳ лозим нестанд, дар сурати зарурат шарикони стратегӣ ба кӯмак хоҳанд омад. Аммо бо ташаббус ва саҳми боризи сиёсатмадори оқилу дурандеш, роҳбари ҷавони давлат Ҷаноби Олӣ Эмомалӣ Раҳмон аллакай дар соли 1993 ҷузъу томҳои нахустини Қувваҳои Мусаллаҳи Тоҷикистон таъсис ёфта, барои барқарор намудани сохти конститутсионӣ дар кишвар ва истиқрори сулҳу ваҳдати миллӣ нақши муассир гузоштанд.Президенти мамлакат мӯҳтарам Эмомалӣ Раҳмон дар яке аз суханрониҳояшон ҳадафи таъсиси ин ниҳоди муҳими давлатиро чунин арзёбӣ намуданд: “Қувваҳои Мусаллаҳи Ҷумҳурии Тоҷикистон зодаи даврони истиқлолияти давлатӣ ва яке аз дастовардҳои муҳими он ба ҳисоб рафта, аз рӯзҳои аввали таъсисёбӣ дар назди онҳо вазифаҳои муқаддасу пуршараф – ҳимояи соҳибихтиёрӣ, таъмини сулҳу субот, ҳифзи амнияти давлат ва ҷомеа гузошта шуданд.”Маврид ба зикр аст, ки яке аз омилҳои субботи имрӯзаи иҷтимоӣ маҳз диловарию садоқати хизматчиёни ҳарбӣ буд, ки ҳазорҳо нафари онҳо бо қиммати ҷон онро барои мо муҳайё сохтанд. Мардуми шарифи Тоҷикистон ҳеҷ вақт ҷоннисориҳои фарзандони далеру шуҷоъи хешро фаромӯш нахоҳад кард. Мо имрӯз шукрона аз он мекунем, ки Ватани маҳбуби мо тинҷу ором буда, мардуми шарифи Тоҷикистон таҳти роҳбарии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар фазои ваҳдати комили миллӣ, ҳамдигарфаҳмӣ ва суботи иҷтимоӣ ба корҳои созандагию бунёдкорӣ машғул мебошад. Дар сартосари кишвар омодагиҳои ҳаматарафа ба таҷлили бошукӯҳ аз ҷашни муқаддаси миллӣ 30-солагии Итиқлоли давлатӣ дар ҷараён буда, ҳазорҳо иншооти нав бунёд гашта истодаанд. Мардум ба дарки он расидааст, ки маҳз Истиқлолият ва Ваҳдати миллӣ имконият доданд, ки Тоҷикистон дар марҳилаи кӯтоҳи таърихӣ тавонист ба чунин дастовардҳои беназир ноил гардад.Аз ин рӯ, бо камоли эҳтиром ва ифтихори бузург аз давлату давлатдории тоҷикон ҳамаи шуморо ба муносибати фарорасии 30-юмин солгарди иди бузурги миллӣ- Истиқлолияти давлатии Ҷумҳурии Тоҷикистон самимона табрику муборакбод менамоям!Ҳозирини гиромӣ!Дар радифи ифтихормандӣ аз Истиқлолияту ваҳдат ва озодию суботи кишвар ин раванд ҳамчунин масъулияти бузургро бар дӯши ҳар як шаҳрванди баору номус бобати ҳифзи дастовардҳои Истиқлолият ва умуман, марзу буми Ватан, таъриху арзишҳои нодири миллӣ вогузор менамояд. Махсусан, дар марҳилаи ҳозира, ки вазъи сиёсию иқтисодии ҷаҳону минтақа хеле печида гардида, муносибатҳои абарқудратҳо барои тақсимоти нави ҷаҳонӣ шиддат меёбад, ҳифзи сарҳади давлатӣ ва таъмини амнияти шаҳрвандон масъулияту муносибати навро тақозо менамояд. Ба назардошти ин ва дигар ҷанбаҳои амниятӣ Ҳукумати Тоҷикистон дар солҳои соҳибистиқлолӣ барои ташаккулу такомули иқтидори мудофиавии давлат ва Қувваҳои Мусаллаҳи он аз тамоми имкониятҳо истифода бурд. Масалан, барои омода намудани ҳайати кадрӣ академияю донишкадаҳо ва литсейю гимназияҳои соҳавӣ кушода гардида, ҷузъу томҳои ҳарбӣ бо ҳазорҳо офисерони ҳирфаӣ таъмин гардиданд. Дар ҳайати Қувваҳои Мусаллаҳ ҷузъу томҳои гуногун таъсис ёфта, бо таҷҳизоти наву замонавӣ муҷаҳҳаз гардиданд.Танҳо барои таъмини ҳимояи сарҳади давлатӣ дар радифи раёсату отрядҳо 158 дидбонгоҳи сарҳадӣ ва наздики 190 иншооту биноҳои ёрирасон бунёд карда шуданд. Аз он ҷумла, дар Вилояти Мухтори Кӯҳистони Бадахшон, ки сарҳади тӯлонӣ, махсусан, бо Ҷумҳурии исломии Афғонистон дорад, иқтидори Қушунҳои сарҳадӣ бамаротиб таҳким ёфта, кор дар ин самт идома дорад. Барои таъминоти ҳаёти маишии ҳарбиён госпиталу биноҳои дигар сохта шуда, садҳо оилаи хизматчиёни ҳарбӣ бо хонаи истиқоматӣ таъмин гардиданд.Тамрину машқҳои тактикӣ мунтазам баргузор гардида, таҷрибаи ҷангии Қувваҳои Мусаллаҳ ба сатҳи зарурӣ расонда мешавад. Илова бар ин, дар замони соҳибистиқлолӣ, машқҳои гуногуни муштарак бо шарикони стратегиямон дар ҳудуди Тоҷикистон, аз он ҷумла, дар шароити баландкӯҳи Вилояти Мухтори Кӯҳистони Бадахшон баргузор гардиданд.Дар ин замина бояд зикр намоям, ки робитаи ҷомеа бо Қувваҳои Мусаллаҳ мунтазам таҳкиму тасеа ёфта, дар арафаи ҷашнҳои давлатию миллӣ фаъолони ҷомеа ва аҳли фарҳанг ба дидорбинии хизмачиёни ҳарбӣ рафта, чорабиниҳои зиёди маърифатию фарҳангӣ дар қисмҳои ҳарбӣ доир мегарданд. Вусъати корҳои фаҳмондадиҳӣ дар ҷомеа, махсусан, дар байни қишри ҷавон, натиҷаҳои самаранокро ба бор оварданд. Бо хоҳиши худ ба сафи Қувваҳои Мусаллаҳ пайвастани даъватшавандагон ва теъдоди зиёди довталабон ҷиҳати дохилшавӣ ба донишкадаҳои ҳарбию низомӣ аз он гувоҳӣ медиҳанд, ки сатҳи ҳуввияти миллӣ ва ватандӯстии ҷавонон дар ҷараёни болоравӣ қарор дорад. Хотирнишон менамоем, ки Асосгузори сулҳу ваҳдати миллӣ, Президенти Ҷумҳурии Тоҷикистон мӯҳтарам Эмомалӣ Раҳмон борҳо таъкид намуданд, ки таҳкими иқтидори мудофиавии мамлакат нисбати ягон давлат нигаронда нашуда, балки танҳо ва танҳо баҳри дифоъ аз марзу буми кишвар ва дастоварду арзишҳои таърихию миллии Тоҷикистон мебошад. Зимнан мехостам барои марзбонони шуҷоъ ва кулли онҳое, ки бобати нишон додани ҳусни ҳамҷаворӣ ва инсондӯстӣ ҳангоми қабули гурезаҳои иҷборӣ аз давлати ҳамсоя, бо ҷойи зисти муваққатӣ ва либосу ғизо таъмин намудан ва баргардондани онҳо ба ҷойи зисти доимӣ, изҳори сипос намоям. Бори дигар таъкид менамоям, ки Тоҷикистон ва махсусан, Роҳбари давлат, Пешвои миллат мӯҳтарам Эмомалӣ Раҳмон бори дигар ба ҷаҳониён собит намуданд, ки ба аҳди худ дар нисбати риояи муносибатҳои байналмиллӣ содиқ буда, ҳамчунин, дар чунин вазъият дар асоси арзишҳои волои инсонӣ фаъолият менамоянд.Мӯҳтарам генералҳо, афсарон, прапоршикҳо, сержантҳо, сарбозони қаторӣ ва кулли аъзоёни захираҳои сафарбарӣ!Маврид ба зикр аст, ки новобаста аз вазъи баамаломада ва оқибатҳои пешгӯинашавандаи он моро зарур аст, ки зиракии сиёсиро аз даст надода, ҳамеша дар ҳолати омодабош қарор дошта бошем. Ҳарчанд таҷҳизот ва аслиҳаи ҳарбӣ имрӯз ба таври бесобиқа рушд карда бошад ҳам, аммо онҳо ҷои иродаи қавӣ, садоқати ватандорӣ ва ҷасорату далерии ҷонфидоёнро, ки бар мабнои меҳанпарастию миллатдӯстӣ қоим мебошанд, гирифта наметавонанд. Достонсарои шаҳири тоҷик Абулқосим Фирдавсӣ, ки ҳамосаи паҳлавонию ватандӯстдориро сароидааст, ёздаҳ аср пеш фармуда буд: Пароканда лашкар наёяд ба кор, Дусад марди ҷангӣ беҳ аз сад ҳазор.Таърихи миллати тоҷик маҳз тавассути ҷонсупориҳои чунин фарзандони худ борҳо исбот намуд, ки фарзандони сарсупурдаи он ҳамеша омодаанд, ки дар рӯзҳои мудҳиш аз як гиребон сар бароварда, аз меҳану модару зану фарзанд, умуман, аз номусу шарафи хеш ҳимоя намоянд. Дар радифи мардон гурдофаридҳои миллат низ борҳо исбот намудаанд, ки нерӯи иродаи онҳо аз мардон камӣ надорад. Боварии комил дорем, ки дар ин марҳилаи таърихӣ Қувваҳои Мусаллаҳи Тоҷикистон ва умуман ватандӯстони диловар ҳамагӣ барои дифоъ аз дастовардҳои таърихию фарҳангӣ ва арзишҳои волои инсонию миллӣ ҳамаҷониба омода буда, ҳеҷ гоҳ намемонанд, ки пойи аҷнабӣ ба хоки муқаддаси Ватан расад. Ҳамаи мо имрӯз барои ҳимоя аз комёбиҳои замони Истиқлолият омодаем ва бошад, ки бо бунёду сохтмони иншоот ва инфрасохтори замонавӣ барои ҳаёти сазовор шароити мувофиқ муҳайё созем. Ниёгони мо бо заҳмату кашфиёт ва эҷоди худ тавонистанд тамаддуну фарҳанги нодирро ба вуҷуд оварда, барои ҷаҳониён онро пешкаш намоянд. Дар ҳамин замина насли имрӯза низ кӯшиш намуда истодааст, ки бо истифода аз комёбиҳои илму техникаи созанда кашфиёти навро анҷом дода, дар пешбурди тамаддуни ҳозиразамон саҳми муносиб гузорад. Илова бар ин, дар ин радиф муқобили нерӯҳои хурофотпарасти дорои шуури маҳдуди ифротӣ баромада, асолати воқеии инсониро ҳифз намояд. Нақши Қувваҳои Мусаллаҳи аз ҳама лиҳоз омода дар ин ҷода хеле муҳим ва муассир аст. Эътиқоду эътимоди мардум ва роҳбарияти олии кишвар ба шумо сарбозони шуҷоъ хеле қавӣ буда, боварии комил дорем, ки бо матонату касбияти баланд шумо имрӯз қодир ҳастед, ки Ватани маҳбубамонро аз ҳама гуна қувваҳои аҷнабӣ дифоъ намоед! Бо ин таманниёти нек бори дигар ҳамаи шуморо ба муносибати фарорасии 30-солагии Истиқлолияти давлатии Ҷумҳурии Тоҷикистон мубракбод намуда, бароятон саломатӣ, рӯзгори обод ва дар амалӣ намудани фаъолияти касбиятон бурдбориҳо орзумандам!

САРҶАМЪӢ НИШОНИ ПОЙДОРИИ ДАВЛАТ АСТ.

Шоми имрӯз дар бинои мақомоти иҷроияи ҳокимияти давлатии Вилояти Мухтори Кухистони Бадахшон зиёда аз садхо нафар сокинони Вилояти Мухтори Кухистони Бадахшон ҷамъ омада изҳор доштанд, мо огоҳи пайдо намудем, ки пагох дар шаҳри Хоруғ гузашти низоми барпо хоҳад шуд ва мо низ омодаем дар гузашти низомӣ иштирок намоем ва тамоми қувва ва нерӯи худро барои амният, сулҳу субот ва ваҳдати миллӣ равона созем. Сокинон аз омодагии худ баҳри ҳифзи марзу буми кишвар иброз намуда хоҳиши дар қатори сарбозон саф оростан, баҳри таьмини истиқлолият ва ваҳдати милли ва оромиву осудагии халқи диёр омодабошии хешро иброз доштанд. Агар лозим бошад баҳри ҳар як пораи хоки Ватан ҷон фидо мекунем. Раиси Вилояти Мухтори Кухистони Бадахшон Ёдгор Файзов аз суханони Пешвои миллат муҳтарам Эмомалӣ Раҳмон ёдовари намуда қайд кард, ки Тоҷикистон нияти ҷанг ё ғасби хоки ягон давлатро надорад ва сиёсати сулҳҷуена ва ҳамзистии осударо пеш хоҳад бурд, вале Қувваҳои мусаллаҳи он , сокинони ватандуст ва бахусус ҷавонони ғаюр омода ҳастанд, ки барои ин хоки муқаддас ва давлати худ ҷони худро дареғ намедоранд.

Ба Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Ҷаноби Олӣ Эмомалӣ Раҳмон

Мақомоти иҷроияи ҳокимияти давлатии Вилояти Мухтори Кӯҳистони Бадахшон аз даргузашти хоҳари мушфиқи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон сахт андӯҳгин буда, ба Ҷаноби Олӣ ва аҳли хонаводаву пайвандони наздик тасаллияти самимӣ ва ҳамдардии амиқ баён намуда, аз даргоҳи Худованди Мутаъол барои ҳамагон сабри ҷамил хоҳонем. Ба даргоҳи Парвардигори Зулҷалол дуо мекунем, ки марҳумаро шоистаи раҳмат намояд ва ҷояшонро ҷаннат гардонад. Рӯҳашон шоду манзили охираташон обод бошад.Инно лиллоҳи ва инно илайҳи роҷеъун.Ёдгор Файзов

ТАБОБАТ ВА ТАШХИСИ БЕМОРОИИ КОВИД – 19 РОЙГОН МЕБОШАД.

Дар ҷавоб ба саволи рӯзноманигорон оид ба гузаронидани ваксинасия дар байни аҳолӣ сардори Раёсати тандурустии вилоят Фарид Музаффаров посух дод, ки айни замон дар вилоят марҳилаи аввали ваксинасия ба охир расид. Ваксинасия бо фармоиши Вазорати тандурустӣ ва ҳифзи иҷтимоии аҳолии Ҷумҳурии Тоҷикистон марҳила ба марҳила анҷом дода мешавад. Ба вилоят 5750 воя дохил гардида, дар мадди аввал кормандони муассисаҳои тиббии шаҳри Хоруғ, 72 фоизи кормандони тибби ноҳияҳои вилоят ва нисфи сокинони аз 60 сола болои шаҳри Хоруғ ба ваксинатсия фаро гирифта шуданд. Бо дастрас гардидани ваксинаи навбатӣ ин кор идома дода мешавад. Фарид Музаффаров дар рафти нишасти матбуотӣ иброз дошт, ки баҳри пешгирии бемории Ковид-19 дар шашмоҳи соли равон аз тарафи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, маќомоти маҳаллии ҳокимияти давлатии вилоят ва шарикони рушд 695 ҳазору 278 ҳазор сомонӣ ҷудо гардид. Айни замон муассисаҳои табобатии вилоят бо доруворӣ, либосҳои муҳофизатӣ, дастгоҳи нафасдиҳии сунъӣ ва таҷҳизоти лозимӣ пурра таъминанд.