Муовини раиси Маҷлиси милли Маҷлиси Олӣ Ҷумҳурии Тоҷикистон раиси Вилояти Мухтори Кухистони Бадахшон мӯҳтарам Ёдгор Файзов сафири Ҳиндустон дар Ҷумҳурии Тоҷикистон Вираҷ Сингхро ба ҳузур пазируфтанд.
Раиси Вилояти Мухтори Кухистони Бадахшон мӯҳтарам Ёдгор Файзов ҷаноби сафирро ба вилоят хайри мақдам гуфта аз таърих, фарҳанг ва муҳаббату эҳтироми миллати тоҷику ҳинд ҳарф зада дар шахсияти сафир Ҳукумати Ҳиндустон ва мардуми онро барои ҳамкориҳои тарафайн изҳори қаноатмандӣ намуданд.
Сафир низ дар навбати худ аз зебогии табиати Тоҷикистон, мехмоннавозии халқи тоҷик ва корҳои ободонию созандагӣ дар кишвар ибрози андеша намуданд.
Зимни мулоқот ҷонибҳои ба масъалаҳои зерин диққати асоси равона намуданд.
– соҳаи сайёҳӣ дар Вилояти Мухтори Кухистони Бадахшон дорои имконияти бузург мебошад. Ҳиндустон ҳар сол 300 миллион шаҳрвандони худро ба давлатҳои гуногуни ҷаҳон аз ҷумла Ӯзбекистон мефиристонад. Имрӯз муносибати сиёси миёни Тоҷикистону Узбакистон хеле хуб ба роҳ монда шудааст, ки ин барои мо имконият медиҳад, мо метавонем, ба шаҳрвандони Ҳиндустон хатсайри сайёҳӣ тавассути Ӯзбекистон ба Тоҷикистон хусусан ба ВМКБ тавсия диҳем.
– Ҳиндустон истеҳсолкунандаи бузурги дорувори, ки аз гиёҳҳои табии тайёр мешаванд мебошад. Вилояти Мухтори Кухистони Бадахшон низ дорои гиёҳҳои шифобахши табии зиёд мебошад, ки мо метавонем дар ин соҳа ҳамкориро ба роҳ монем.
– Имрӯз донишҷӯёни зиёд аз Ҷумҳурии Тоҷикистон хусусан аз Вилояти Мухтори Кухистони Бадахшон дар Ҳиндустон ба таҳсил машғул ҳастанд. Дар ин масъала мо мехоҳем ҳамкорӣ хубтарро ба роҳ монем.
– Сафорати Ҳиндустон ба беморхонаҳои вилоят мошинҳои ёрии таъҷилӣ дар маркази ноҳияи Мурғоб чоҳҳои оби нӯшокӣ сохта ба истифода доданд ва имрӯз ҳам омода аст, ки чунин барномаҳоро маблағгузори намоянд.
– Ҳиндустон дар истеҳсол ва истифодабарии батареяҳои офтобӣ хеле пешрафт кардааст ва масъалаи бо батареяҳои офтобӣ таъмин намудани деҳаҳои дурдаст аз ҷумла водии Бартанг ва ноҳияи Мурғоб дида мебарояд.
Хабарҳо:
