Аъзоёни “Ассотсиатсияи шикорчиёни ВМКБ” Зафар Бекмуродов, Шавкат Лаълбеков ва Қарақул Соҳибқулов, ки бо супориши бевоситаи раиси шаҳри Душанбе мӯҳтарам Рустами Эмомалӣ як қатор корҳоро баҳри беҳбудии сифати зиндагии мардум анҷом доданд. Ин шахсони саховатманди ба 100 нафар оилаҳои камбизоати ноҳияи Мурғоб аз қабили сӯзишворӣ ва хӯрока кӯмаки моддӣ расонданд, ва 40 нафар хонандагони муассисаҳои таълимии ноҳияи Мурғобро барои истироҳат ба дараи Ромит ва тамошои зебогӣ ва пешравиҳои маркази Ҷумҳурии Тоҷикистон ба шаҳри Душанбе интиқол доданд. Баҳри таъмини оби нӯшокӣ дар шаҳри Хоруғ ду адад дастгоҳи обкашӣ ва сохтмони толори варзишӣ дар деҳоти Кӯҳна Қурғони ноҳияи Мурғоб маблағгузори карданд.
Ин шахсиятҳои сахватпеша баҳри дар амал татбиқ намудани сиёсати созандаи Асосгузори сулҳу ваҳдати миллӣ Пешвои миллат муҳтарам Эмомалӣ Раҳмон дар оянда низ ният доранд, ки дар ободонии вилоят саҳми худро гузоранд.
Аз ин ҷиҳат Мақомоти иҷроияи ҳокимияти давлатии Вилояти Мухтори Кухистони Бадахшон миннатдории самими худро сараввал ба раиси шаҳри Душанбе мӯҳтарам Рустами Эмомалӣ ва ин шахсиятҳое, ки дар ободонии диёри худ бетараф нестанд баён менамояд
