Раиси Иттифоқи журналистони Тоҷикистон ҳамзамон Директори Академияи Васоити ахбори оммаи Ҷумҳурии Тоҷикистон Зинатулло Исмоилзода ва муовини раиси Вилояти Мухтори Кухистони Бадахшон Назира Амирбекзода бо аъзоёни Иттифоқи журналистони ВМКБ, рӯзноманигорони телевизиони Бадахшон, Рӯзномаи “Бадахшон”, донишҷӯёни ихтисоси рӯзноманигории Донишгоҳи давлатии Хоруғ вохӯри баргузор намуданд.
Зинатулло Исмоилзода оиди фазои иттилоотии вилоят сухан намуда қайд карданд, ки мо дар замони пешрафти технологияи муосир қарор дорем, ки ин аз мо мутахассисони соҳа меҳнати дучандро тақозо менамояд. Вобаста ба ин мо бояд дар ҳамаи самтҳои соҳаи рӯзноманигори фаъол бошем. Аъзоёни Иттифоқи журналистони вилоят имрӯз мутобиқи талаботҳои байналмиллалӣ кушиш намоянд омӯхтани забонҳои англисӣ ва руси ва навиштани мақолаҳо бо забонҳои хориҷи низ омода бошанд. Донишҷӯёни факултаи рӯзноманигории Донишгоҳи давлатии Хоруғ, ки дар оянда мутахассисони соҳа хоҳанд шуд бояд дар вохӯри бо собиқадорон ва аъзоёни Иттифоқи журналистони вилоят ҷалб карда шаванд, ки барои онҳо як дарси амали хоҳад буд.
Муовини раиси вилоят Назира Амирбекзода миннатдории самимиро аз номи раиси Вилояти Мухтори Кухистони Бадахшон мӯҳтарам Ёдгор Файзов ба раиси Иттифоқи журналистони Тоҷикистон муҳтарам Зинатулло Исмоилзода барои суханҳои пурмӯҳтаво ва сӯҳбати ошкоро оиди фазои иттилоотии вилоят баён намуда барои пеш бурдани соҳаи рӯзноманигори ба раиси Иттифоқи журналистони Тоҷикистон комёбиҳоро орзу намуданд.
