Имруз бо ташаббуси мақомоти иҷроияи ҳокимияти давлатии Вилояти Мухтори Кухистони Бадахшон ва Раёсати кор бо ҷавонон ва варзиши вилоят ҳамоиш бахшида ба Рӯзи Президенти Ҷумҳурии Тоҷикистон баргузор карда шуд. Дар ҳамоиш донишҷӯён кормандони идораву муассисаҳои вилояти ва шаҳри Хоруғ, варзишгарон, намояндагони тамоми қишрҳои ҷомеа, ки зиёда аз панҷ ҳазор нафарро ташкил медоданд иштирок намуданд.
Дар чорабинӣ муовини раиси вилоят Назира Амирбекзода баромад намуда аз номи раиси Вилояти Мухтори Кухистони Бадахшон мӯҳтарам Ёдгор Файзов тамоми мардуми вилоятро бахшида ба Рӯзи Президенти Ҷумҳурии Тоҷикистон табрику муборакбод намуданд.
Инчунин Сураҷ Чоршанбиев сардори Раёсати кор бо ҷавонон ва варзиши вилоят муроҷиатномаи ҷавонони Бадахшонро қироат намуданд.
Дар анҷоми чорабинӣ барномаи консертӣ аз тарафи бахши фарҳанги шаҳри Хоруғ пешкаши иштирокдорони ҳамоиш гардид.
