“Иттиҳоди Аврупо ва ЮНИСЕФ беморхонаҳои қаламрави Ҷумҳурии Тоҷикистон бо дастгоҳи нафасдиҳии суннӣ ки барои табобат намудани бемороне, ки аз касалии сироятии короновирус ё худ КОВИД-19 азият мекашанд таъмин мекунанд
Хоруғ, Тоҷикистон, 1 июни соли 2020 –
Намояндагии ЮНИСЕФ бо маблағгузории Иттиҳоди Аврупо чор адад дастгоҳи нафасдиҳии суннӣ барои табобат намудани бемории пандемияи КОВИД-19 дар мамлакат ба мақомоти иҷроияи ҳокимияти давлатии Вилояти Мухтори Кӯҳистони Бадахшон (ВМКБ) тақдим намуданд.
Ин таҷҳизотҳо аз ҷониби намояндагони маҳаллӣ дар Хоруғ қабул гардида дар Маркази онкологии беморхонаи шаҳри Хоруғ ва беморхонаҳои ноҳияи Мурғоб, Ванҷ ва Ишкошим насб карда мешаванд. Ғайр аз он, барои кормандони дахлдори тиббӣ дар ин марказҳо омӯзишҳо барои самаранок истифода бурдани ин таҷҳизот гузаронида мешавад. Агентии Оғо Хон оид ба макони зист дар ин самт дастгирии худро пешниҳод мекунад.
Раиси ВМКБ, муҳтарам Ёдгор Файзов барои ин дастгирии муҳим изҳори миннатдорӣ намуда қайд кард, ки ин таҷҳизотҳо ҷузъи муҳими муборизаи мо бо коронавирус дар минтақа мебошанд ва мо хеле хурсандем, ки ин кӯмакро дарёфт кардем. Ин таҷҳизот имконият медиҳад, ки ҳатто вақте ки пандемия идома меёбад ҳаёти худро нигоҳ дорем. Аз ин рӯ, ман ба ҳамаи оилаҳо ва шахсони алоҳида, ки аз ин хайрия бевосита баҳраманд мешаванд, ҳамроҳ мешавам, то миннатдории худро ба Иттиҳоди Аврупо, ЮНИСЕФ, Ҳилоли Аҳмар ва ҳамаи шарикони мо дар ҷомеаи рушд изҳор намоям.
Бояд қайд кард, ки ин дастгирӣ аз тарафи шарикони рушд саривақтӣ буда 20 адад дастгоҳи нафасдиҳии суннӣ дар 17 маркази тиббии тамоми шаҳру ноҳияҳои Ҷумҳурии Тоҷикистон насб карда мешаванд. Ин як далели мустақими Иттиҳоди Аврупо ва дигар муассисаҳои донорӣ дар ҳифзи ҳаёт ва таъмини дастгирии зарурӣ барои назорати пандемия дар кишвар мебошад.
