Дар робита ба омодагиҳо ҷиҳатӣ дар сатхи баланди сиёсӣ пешвоз гирифтани ташрифи Асосгузори сулҳу ваҳдати миллӣ Пешвои миллат муҳтарам Эмомалӣ Раҳмон ба Вилояти Мухтори Кухистони Бадахшон ва ифтитоҳи як қатор иншооти ҷашнӣ дар қаламрави вилоят минҷумла шаҳри Хоруғ таҳти роҳбариии раиси ВМКБ Ёдгор Файзов ҷаласаи ситоди вилояти баргузор гардид.
Дар рафти кори ситоди вилоятӣ 14 гурўҳи корӣ аз ҳисоби кормандони идораю муассисаҳои вилоятӣ таъсиси дода шуда, барои фаъолияти пурсамари гуруҳҳои корӣ тавсияҳои судманд дода шуданд.
Дар зарфи 29- соли соҳибистиқлолии Ҷумҳурии Тоҷикитсон дар қатори дигар шаҳру ноҳияҳои мамлакат Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикитсон муҳтарам Эмомалӣ Раҳмон зиёда аз 60 маротиба ба ВМКБ ташриф овардааст, ки ин сафарҳои кории Пешвои миллат муҳтарам Эмомалӣ Раҳмон ба рушду нумуъи тамоми соҳаҳои хоҷагии халқи вилоят равона гардидааст, иброз дошт раиси ВМКБ Ёдгор Файзов зимни ифтитоҳи ҷаласаи кори ситоди вилоятӣ. Ташрифи навбатии Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон мўҳтарам Эмомалӣ Раҳмон ҳамчун чорабинии муҳим дар миқёси ВМКБ арзёби гардида, он ба ҳаёти иқтисодию иҷтимоӣ ва фарҳангии бошандагони ВМКБ равона шудааст. Роҳбарияти вилоят иброз дошт, ки бо такя ба таҷрибаи кории кормандони тамоми сохторхои давлатӣ ва сокинони шаҳри Хоруғ мо бояд ин ташрифи роҳбарияти олии мамлакатро чун ҳарвақта бо расму оинҳои неки сокинони «Боми ҷахон» ва самимияти хоса ва меҳмонавозии хоси тоҷикони кўҳистони Бадахшон истиқбол намоем. Дар ин росто раиси ВМКБ ба саҳми муовинони раиси вилоят ва роҳбарони шуъбаву бахшҳои дастгоҳи раиси вилоят ва дигар идораву муассисаҳо, сохторҳои давлатӣ, роҳбарони ташкилоту корхонаҳо оиди фаъолияти 14 гурўҳи корӣ ҷиҳати омодагиҳо барои ташрифи Асосогузори сулҳу ваҳдати миллӣ – Пешвои миллат, Президенти Ҷумҳурии Тоҷикисон муҳтарам Эмомалӣ Раҳмон ба шаҳру ноҳияҳои ВМКБ баррасӣ намуд. Қайд гардид, ки дар ин давра бояд гурўҳҳои корӣ иборат аз гурўҳи таблиғотиву ташвиқотии доимоамалкунанда вобаста ба фаҳмондадиҳии сиёсати созанада ва бунёдкоронаи Пешвои миллат, Президенти Ҷумҳурии Тоҷикитсон муҳтарам Эмомалӣ Рахмон, оид ба назорат таъмин ва анҷоми рафти корҳои сохтмони дар иншооти ҷашнӣ ва ифтитоҳи биноҳои ҷашнӣ, вобаста ба корҳои ободониву кабудизоркунии маҳаллаҳои шахри Хоруғ ташкили аёният, шиору овезаҳо ва дигар масъалаҳои мубрам фаъолияти худро равона намоянд.Зимни ташрифи навбатии роҳбарияти олии мамлакат ба шаҳру ноҳияҳои ВМКБ иншооти зиёд, ки ба рушди соҳаҳои иқтисодиву иҷтимоии сокинони вилоят равона гардиданд мавриди баҳрабардори қарор дода хоҳанд шуд. Аз ин ру раиси ВМКБ ба ҳар як роҳбари гуруҳи кори ва масъулини сохторҳои марбута супориш дод, ки барои дар сатҳи баланд пешвоз ва гусел намудани Асосогузори сулҳу ваҳдати милли Пешвои миллат Президенти Ҷумҳурии Тоҷикитсон масъулияти баландро аз худ нишон диҳанд. Дар фарҷоми ҷаласаи кори ситоди вилояти муовинони раиси ВМКБ ҷиҳати фаъолияти гуруҳҳои кори таклифу пешниҳодҳои судманд ба миён гузошта шуданд.
