Сайёҳӣ

Шуъбаи рушди сайёҳии мақомоти иҷроияи ҳокимияти давлатии Вмлояти Мухтори Кўҳистони Бадахшон фаъолияташро дар асоси Конститутсияи Ҷумҳурии Тоҷикистон, Қонуни Ҷумҳурии Тоҷикистон “Дар бораи туризм”, Қарори Ҳукумати Ҷумҳурии Тоҷикистон аз 2апрели соли 2009, №202 “Дар бораи тасдиқи Консепсияи рушди туризм дар Ҷумҳурии Тоҷикистон барои солҳои 2009-2019”, ҷиҳати иҷрои Қарори Ҳукумати Чумҳурии Тоҷикистон аз 1 августи соли 2018, №372 “Дар бораи Стратегияи рушди сайёҳї дар Ҷумҳурии Тоҷикистон барои давраи то соли 2030” бо қарори раиси вилоят аз 17 августи соли 2018,№249, Амру фармонҳо ва Қарори Раиси ВМКБ оид ба иҷрои Амри Президенти Ҷумҳурии Тоҷикистон аз 26.12 2018, №АП-1146 дар бораи Нақша чорабиниҳо оид ба иҷрои вазифаҳое, ки дар Паёми Президенти Ҷумҳурии Тоҷикистон аз 26 уми декабри соли 2019 “Дар бораи самтҳои асосии сиёсати дохилию хориҷии Ҷумҳурии Тоҷикистон” амалӣ менамояд. Вобаста ба амалӣ  намудани вазифаҳои Паёми Президенти Ҷумҳурии Тоҷикистон зикр гардида дар сатҳи мақомоти иҷроияи ҳокимияти давлатии вилоят нақша чорабиниҳо ҷиҳати амалишавии Амри Президенти Ҷумҳурии Тоҷикистон бо Қарори Раиси Вилояти Мухтори Кӯҳистони Бадахшон аз 8 уми апрели соли 2019, №-118 “Дар бораи Нақшаи чорабиниҳо бахшида ба“Соли рушди деҳот сайёҳӣ ва ҳунарҳои мардумӣ” бо 31 банд ба тавсиб расонида шуд. Дар заминаи он қарорҳои дахлдори раисони шаҳри Хоруғ ва ноҳияҳо, раисони ҷамоатҳои деҳот нақшаи чорабиниҳо қабул карда шуданд.

Дар паёми Асосгузори сулҳу Ваҳдати миллӣ- Пешвои миллат,Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, ки 26 декабри соли 2018 ироа гардид, солҳои 2019-2021 “Солҳои рушди деҳот, сайёҳӣ ва ҳунарҳои мардумӣ” эълон намуд,  ки самтҳои асосии барои фаро гирифтани аҳолии қабили меҳнат, баланд бардоштани сатҳи зиндагии мардум, рушди дигар соҳаҳои хизматрасониву истеҳсолӣ, инчунин, муаррифӣ намудани таъриху фарҳанг, табиат ва анъанаҳои миллӣ ба ҳисоб меравад. Барои рушди ин соҳа дар кишвар  соли 2018 ҳамаи заминаҳои зарурии меъёри ҳуқуқӣ фароҳам оварда шуда, илова бар ин, як силсила чораҳои ҳавасмандкунӣ низ татбиқ гардидаанд. Аз ҷумла, воридоти таҷҳизот ва масолеҳи сохтмон барои иншооти сайёҳӣ аз пардохтҳои андозию гумрукӣ ва ширкатҳои сайёҳӣ дар панҷ соли аввали фаъолияташон озод карда шудаанд. Инчунин,бомақсади ҳавасмандгардонии аҳолӣ ҷиҳати истеҳсоли молҳои ниёзи мардумдар хона ва рушди ҳунарҳои мардумӣ аз 1 январи соли 2018 фурӯши чунин молу мавод аз пардохти ҳамаи намудҳои андоз озод карда шуд.

Шуъбаи рушди сайёҳии мақомоти иҷроияи ҳокимияти давлатии Вилояти Мухтори Кӯҳистони Бадахшон дар заминаи Қарори Раиси вилоят аз 8 апрели соли ҷорӣ нақшаи кории шуъбаи рушди сайёҳӣ  ба тасвиб расид. Тибқи нақшаи кории шуъбаи рушди сайёҳӣ дар 3 моҳи соли 2019 як қатор корҳо ба сомон расонида шуданд. Дар доираи чорабиниҳои “Соли рушди деҳот сайёҳӣ ва ҳунарҳои мардумӣ” эълон гардидани соли 2019 якҷо бо сохторҳои дахлдори самти сайёҳӣ мақомоти иҷроияи ҳокимияти давлатии ВМКБ ва бо иштироки бахшҳои рушди сайёҳии шаҳру ноҳияҳои вилоят ҷиҳати дар сатҳи баланд муаррифӣ намудани имкониятҳои риштаи сайёҳӣ дар минтақаи Бадахшон ҳамоиши расмӣ таҳти унвони “Ташаббуси Пешвои миллат мўҳтарам Эмомалӣ Раҳмон : 2019-2021 солҳои рушди деҳот, сайёҳи ва ҳунарҳои мардумӣ” дар моҳи январи соли 2019 баргузор гардид.

Бо мақсади ҳарчи бештар ҷалб намудани сайёҳон ба ВМКБ ва ҳамзамон муаррифӣ намудани минтақаҳои сайёҳии вилоят насби рекламаи минтақаҳои сайёҳӣ ва ишораҳои сарироҳӣ, аз ҷумла насби харитаи нави сайёҳӣ ва таъмини маводи иттилоотии сайёҳӣ бо се забон,  дар ҳамкорӣ бо АСЭФП ва дигар субеъктони хизматрасони сайёҳӣ дар истгоҳҳои нақлиётӣ ва даромадгоҳҳои шаҳру ноҳияҳои вилоят корҳо рафта истодаанд. Аз тарафи кормандони шуъбаи рушди сайёҳи вилоят бо дастуру супориши сарпарасти соҳаи сайёҳи муовини раиси вилоят сарпарасти соҳа харитаи нави сайёҳӣ таҳия карда мешавад. Дар баробари ин дар қад-қади роҳҳои маркази шаҳру ноҳияҳои вилоят шиору овезаҳо вобаста ба эълон гардидани “Солҳои рушди деҳот, сайёҳи ва ҳунарҳои мардумӣ” насб карда шуда, тавассути васоити ахбори омма, сомонаҳои расмӣ ва шабакаҳои иҷтимоӣ муҳимияти рушди соҳаи  сайёҳӣ тарғибу ташвиқ карда мешаванд.

         Кормандони шуъбаи рушди сайёҳии мақомоти иҷроияи ҳокимияти давлатии Вилояти Мухтори Кӯҳистони Бадахшон дар арафаи Наврӯзи оламафрӯз дар  санаи 21 уми марти 2019 “Наврӯз мероси фарҳангии сайёҳӣ”, ки яке аз идҳои миллӣ ва  таҷасумкунандаи фарҳанги ниёгонамон ба шумор меравад ва диққати сайёҳони ватанию хориҷиро ба худ ҷалб мекунад, дар намоиши дастовардҳои соҳаи рушди сайёҳии шаҳру ноҳияҳои вилоят иштирок намуданд.

18.2 . Корҳои анҷомдода ҷиҳати рушди инфрасохтори сайёҳӣ,зиёд намудани ширкатҳои сайёҳӣ ва шумораи сайёҳон қайд кардан ба маврид аст, ки ба ҳолати имрўза дар ҳудуди вилоят 31 нафар субъектони хизматрасонии сайёҳӣ (ширкатҳои сайёҳӣ) бо иҷозатномаи махсуси Кумитаи рушди сайёҳии назди Ҳукумати Ҷумҳурии Тоҷикистон дар ин самт фаъолият карда истодаанд, ки аз ҷумла дар ноҳияи Дарвоз 1 адад, ноҳияи Ванҷ 1 адад, ноҳияи Рушон 3 адад, ноҳияи Шуғнон 3 адад, ноҳияи Ишкошим 1 адад, ноҳияи Мурғоб 11 адад, шаҳри Хоруғ 11 адад мебошанд.

Ҳамзамон дар шаҳри Хоруғ ва ноҳияҳои вилоят баҳри беҳтар намудани инфросохтори соҳаи туризм аз сектори  хусусӣ чораҳои амалӣ андешида шуда, айни замон дар шаҳри Хоруғ зиёда аз 10 адад, ноҳияи Дарвоз 7 адад, ноҳияи Ванҷ 2 адад, ноҳияи Рушон 3 адад, ноҳияи Шуғнон 14 адад, ноҳияи Роштқалъа 4 адад, ноҳияи Ишкошим 9 адад, ноҳияи Мурғоб 14 адад меҳмонхона барои қабули сайёҳони дохилию хориҷӣ омода мебошанд,ки аксарияти аз ин меҳмонхонаҳо фаъолияти мавсимӣ доранд.

Дар ҳудуди вилоят 4-осоишгоҳ Гарм-Чашма, Авҷ, Биби Фотимаи Зуҳро ва Ҷелондеҳ арзи вуҷуд доранд, ки ба ҳолати ҳозира ба 3 нафар сайёҳони дохилию хориҷӣ хизмат мерасонанд.

Вобаста ба эълон гардидани соли 2019 “Соли рушди дењот, сайёҳӣ ва ҳунарҳои мардумӣ” шумораи сайёҳони хориҷӣ афзоиш ёфта, мутобиқи  ҳисоботи омори Сарраёсати Агентии омори назди Президенти Ҷумхурии Тоҷикистон дар ВМКБ  давоми 3 моҳи соли ҷорӣ ба вилоят 772 нафар сайёҳони хориҷӣ ва 762 сайёҳони дохилӣ дар маҷмуъ 1539 нафар ба қайд гирифта шуда, ворид гардиданд.

18.3. Ташкили ба роҳ мондани муаррифии мавзеъҳои нодири сайёҳӣ, ҳифз, инкишоф ва истифодаи оқилонаи захираҳои табии, ҳайвоноту наботот ва мероси таърихиву фарҳангӣ, фароҳам овардани шароит барои рушди сайёҳии экологӣ, табобатӣ, варзишию шикор

         Бо мақсади ҳарчи бештар ҷалб намудани сайёҳон ба Вилояти Мухтори  Кўҳистони Бадахшон ва ҳамзамон муаррифӣ намудани минтақаҳои сайёҳии вилоят насби рекламаи минтақаҳои сайёҳӣ ва ишораҳои сари роҳӣ,  аз ҷумла насби харитаҳои сайёҳӣ ва таъмини маводи иттилоотии сайёҳӣ бо се забон дар ҳамкорӣ бо Ассотсиатсияи сайёҳии экологии фарҳангии Помир ва дигар субъектони хизматрасонии сайёҳӣ дар даромадгоҳҳои шаҳри Хоруғ ва ноҳияҳо корҳо рафта истода аз тарафи шуъбаи рушди сайёҳии вилоят харитаи сайёҳии вилоят таҳия карда мешавад. Дар баробари ин қад-қади роҳҳои марказии шаҳру ноҳияҳои вилоят шиору овезаҳо вобаста ба эълон гардидани “Солҳои рушди деҳот, сайёҳӣ ва ҳунарҳои мардумӣ” насб карда шуда, тавассути васоити ахбори омма, сомонаҳои расмӣ ва шабакаҳои иҷтимоӣ  муҳимияти рушди сайёҳӣ, тарғибу ташвиқ карда мешаванд.

         Маврид ба зикр аст, ки дар партависиёсати созанда ва “дарҳои кушод”-и Асосгузори сулҳу Ваҳдати миллӣ Пешвои миллат, Президенти Ҷумҳурии Тоҷикистон муњтарам ЭмомалїРањмон гўшаи сайёњии ВМКБ-ро намояндаи соњаисайёњии вилоят Ассотсиатсияи Эко – Фарњангии Помирдар намоишгоҳи бузурги байналмилалии сайёҳӣ ки аз 6 то 10 марти соли 2019 дар шаҳри Берлини Ҷумҳурии Федералии Олмон (ITB Berlin-2019)  баргузор гардид муаррифӣ намуданд. Кўҳҳои сарбафалаки Бадахшони Тоҷикистон ба рўйхати “100 самти беҳтарин пешоҳангони глобалӣ дар ҳифзи фарҳанги миллӣ анъана ва ҷалби мардумон ба соҳаи сайёҳӣ дарсоли 2019” шомил шуда, дар минтақаи Осиё ва Уќёнуси Ором ҷои сеюмро сазоворгардид.

Ҳамчунинидигар дар таърихи 15 марти соли 2019 Форуми байналмилалии иқтисодии давлатҳои иштирокчии аъзои Иттиҳоди Давлатҳои Мустақил таҳти унвони “ИДМ иқтисоди рақамӣ платформаи ҳамгироӣ” баргузор гардид, ки дар он мавзўи “Иқтисоди рақамӣ дар сайёҳӣ: ИДМ Ҷаҳон” мавриди баррасӣ қарор дода шуд. Роҳбари АСЭФП дар ин чорабинии муҳими сайёҳӣ иштирок намуд.

18.4. Таъсиси сомонаҳои интернетӣ ва маъмурӣ хизматрасонии сайёҳӣдар вилояту шаҳру ноҳияҳо

Шуъбаи рушди сайёҳии МИМҲД -и Вилояти Мухтори Кӯњистони Бадахшон дар ҳамкорӣ бо бахшҳои рушди сайёҳии ноҳияҳои Дарвоз,Ишкошим, Мурғоб банди дар болозикргардида мавриди баррасӣ қарор дода,  ба  маълумоти Шумо мерасонад, ки вобаста ба иҷрои банди мазкур айни ҳол  аз ҷониби мақомоти иҷроияи ҳокимияти давлатии ноҳияи Дарвоз ҷиҳати кушодани сомонаиинтернетӣ тадбирҳо андешида шуда, бо қарори раиси ноҳия аз 13 марти соли 2018, №138 сомонаи расмии мақомоти иҷроияи ҳокимиятидавлатии ноҳия (darvoz.tj)фаъолият мекунад, ки дар он мавзеъҳоисайёҳӣ, меҳмонхонаву истироҳатгоҳои соҳибкорон ва ҷойҳои таърихӣ ноҳия нишондода шудааст, дар он мавзеъҳои сайёҳӣ, меҳмонхонаву истироҳатгоҳои соҳибкоронва ҷойҳои таърихӣ ноҳия нишон дода шудааст.

Дар ноҳияи Ванҷ вобаста ба иҷрои бандҳои мазкури Нақша чорабиниҳо оид ба таъсиси сомонаҳои интернетии сайёҳии ноҳия ва омода намудани роликҳои таблиғотӣ аз мавзеҳои сайёҳӣ сомонаи (www.Vanj.ok) кушода шуда, дар ҳамкорӣ бо Парки миллӣ манзараҳои пиряхҳои Федченко, Хирсон, Кашолаях, чашмаи Шоҳмастон, дараи Дуобгӣ ва дараи Зинг ба навор гирифта шуда, дар шабакаи иҷтимоӣ ҷой дода шуданд.

Ҳамзамон бо мақсади тарғибу ташвиқи соҳаи сайёҳӣ ва ҳунарҳои мардумӣ тавассути телевизиони  Бадахшон  барномаҳои гуногунмазмун таҳти унвони “Волотар аз кӯҳ фақат кӯҳ метавонад”, “Ёдгориҳои таърихии ноҳияи Ишкошим”, “Сайри таърих”, “Дарвоз розҳояшро мекушояд”, “Муҳофизони роҳи абрешим”, “Сайру гашт аз Яшикул то Бачор”, “Вахон интизори сайёҳон”, “Обҳои шифобахши Помир” ва дигарон намоиш ва ба нашр расиданд.

Бинобар сабаби то кунун пайваст набудани шуъбаи рушди сайёҳии вилоят ва бахшҳои ноҳияҳои зикргардида ба шабакаи ягонаи Интернет, таъсиси маҳзани маркази ягонаи иттилоотии сайёҳӣ бо мақсади ҷамоварии ҳама гуна маълумотҳои зарурӣ вобаста ба соҳаи мазкур ва дар ин замина корњо рафта истодаанд.

Шуъбаи рушди сайёҳии вилоят фаъолияти хешро минбаъд низ бо мақсади татбиқи сифатнок ва пурраи дастуру супоришҳои Ҳукумати Ҷумҳурии Тоҷикистон, Амру фармонҳои Сарвари давлат ва қарори Раиси Вилояти Мухтори Кӯҳистони Бадахшон аз 8 апрели соли 2019, №118 “Нақша чорабиниҳои Мақомоти иҷроияи ҳокимияти давлатии ВМКБ дар робита ба “Соли рушди дењот, сайёҳӣ ва ҳунарҳои мардумӣ” чораҳои зарурӣ андешида, баҳри иҷрои босамари он аз тамоми роҳу воситаҳои афзалиятнок истифода хоҳад намуд.