Дек 30

Хабари маркази матбуоти Прокуратураи ноҳияи Шоҳмансури шаҳри Душанбе

ДУШАНБЕ, 30.12.2021. /АМИТ «Ховар»/. 30 декабри соли 2021 шаҳрванди Ҷумҳурии Тоҷикистон Чоршанбиев Чоршанбе Авазхонович, соли таваллудаш 1995, зодаи шаҳри Хоруғ, муваққатан дар Федератсияи Россия ғайриқонунӣ иқомат дошт, бо қарори Суди ноҳияи Останкинои шаҳри Москва барои қонуншиканиҳои маъмурӣ ва дағалона вайрон намудани қоидаҳои будубош, зери хатар мондани ҳаёт ва саломатии шаҳрвандон ба маблағи калон ҷаримабандӣ гардида, аз ҳудуди Федератсияи Россия хориҷ карда шуд. Дар ин бора ба АМИТ «Ховар» сухангӯи Прокуратураи ноҳияи Шоҳмансури шаҳри Душанбе хабар дод.

Бино ба иттилои манбаъ, дар натиҷаи санҷиш муайян гардид, ки нисбати Чоршанбиев Ч.А. моҳи майи соли 2014 аз тарафи шуъбаи Вазорати корҳои дохилии Ҷумҳурии Тоҷикистон дар шаҳри Хоруғ барои ҷинояти дуздии моликияти шахсии сокини шаҳри Хоруғ Мамадкаримов Абулназар бо моддаи 244 парвандаи ҷиноятӣ оғоз карда шуда, моҳи ноябри соли 2014 Қонуни авф татбиқ гардидааст. Вале номбурда аз ин хулосаи зарурӣ набароварда, мунтазам ба қонуншиканиҳо идома додааст (қонуншиканиҳои Чоршанбиев Чоршанбе Авазхонович дар Федератсияи Россия, нигаред ба сайтҳои шабакаҳои телевизионии «Россия-24», «Россия-1», НТВ).

Ӯ ҳамчун блогер тавассути шабакаҳои иҷтимоии интернетӣ, хусусан саҳифаи шахсиаш «chchorshanbiev_pm» пайваста баромадҳои иғвоангез намуда, ба барангехтани кинаву адовати миллию маҳалгароӣ ва даъват барои ташкил кардани бетартибиҳои оммавӣ машғул шудааст.

Нисбат ба Чоршанбиев Ч.А. дар асоси маводҳои мавҷуда аз ҷониби Прокуратураи ноҳияи Шоҳмансури шаҳри Душанбе бо моддаҳои 189 ва 307-и Кодекси ҷиноятии Ҷумҳурии Тоҷикистон парвандаи ҷиноятӣ оғоз ва номбурда дастгир карда шуд. Тафтишоти пешакӣ идома дорад.

Чоршанбиев Ч.А. аз лаҳзаи дастгиршавӣ тибқи талаботи қонунгузории Ҷумҳурии Тоҷикистон бо вакили дифоъ таъмин шудааст.

Ба хешовандони наздики Чоршанбиев Чоршанбе Авазхонович дар бораи дастгир кардани ӯ ҳамчун гумонбар дар содир кардани ҷиноятҳои мазкур расман хабар дода шуд.

Ноя 25

НОМАИ ТАБРИКОТӢ

Возможно, это изображение (8 человек, люди стоят и текст «2 игаи MED бск TAJ CON лигаи наврасони точикистон "умед лигаи чемпион U 16 умед»)
Возможно, это изображение (1 человек и стоит)

Боиси ифтихор ва сарфарозии ҳамаи мо аст, ки дастаи ҷавонписарони то 16 солаи Вилояти Мухтори Кӯҳистони Бадахшон дар лигаи наврасону ҷавонон дар ҷумҳуриӣ аз намуди футбол ҷойи якумро ишғол намуданд. Ғолибияти Шумо боиси сарбаландии мо мебошад.
Аз номи мақомоти иҷроияи ҳокимияти давлатии Вилояти Мухтори Кӯҳистони Бадахшон ба Шумо барои пирӯз шудан дар мусобиқаҳои минбаъдаи ҷумҳуриявӣ ва байналмилали комёбиҳои беназирро таманно менамоям.
Бо эҳтиром и.в раиси ВМКБ Мирзонабот Алишер Худобердӣ
Ноя 25

НОҲИЯ МУРҒОБ

Возможно, это изображение (1 человек и стоит)
Возможно, это изображение (дорога, гора и природа)

Ҷиҳати шиносои аз наздик бо вазъияти иҷтимоию иқтисодии ноҳия, дида баромадани омодагиҳо барои зимистони дар пешистода ва мулоқот бо фаъолони ҷомеа иҷрокунандаи вазифаи Раиси Вилояти Мухтори Кўҳистони Бадахшон муҳтарам Мирзонабот Алишер Худобердӣ ба ноҳияи Мурғоб сафар карданд
Ноя 25

Ба ифтихори таҷлили Рӯзи Парчами миллии Ҷумҳурии Тоҷикистон

Возможно, это изображение (автомобиль, на открытом воздухе и текст «тухфай сохибкорони вмкб BA шахри хоруf ба варзишгарони шахри хоруf»)
Возможно, это изображение (3 человека, люди стоят, на открытом воздухе и дерево)

Ба ифтихори таҷлили Рӯзи Парчами миллии Ҷумҳурии Тоҷикистон соҳибкорони бонангу номуси Вилояти Мухтори Кўҳистони Бадахшон ба варзишгарони вилоят ҷиҳати саҳами арзанда гузоштан дар чорабиниҳои ҷумҳуриявӣ ва байналмиллалӣ нақлиёти мусофиркашро тӯҳфа намуданд. Тӯҳфаи мазкур хеле саривақтӣ буда барои варзишгарон ҷиҳати сафар намудан ба дигармусофиркаши кишвар мусоидат хоҳад кард.
Иҷрокунандаи вазифаи Раиси Вилояти Мухтори Кўҳистони Бадахшон муҳтарам Мирзонабот Алишер Худобердӣ миннатдории самимонаи хешро ба соҳибкорони ватандӯсти вилоят изҳор дошта қайд намуд, ки дастгирии варзишгарони вилоят аз тарафи соҳибкорон ин нишони ватандӯст ва дар ҳали мушкилоти варзишгарони вилоят бетараф набудани соҳибкорон мебошад.
Ноя 25

ТАҶЛИЛИ РӮЗИ ПАРЧАМИ ДАВЛАТӢ ДАР ВМКБ

Возможно, это изображение (один или несколько человек и люди стоят)
Возможно, это изображение (6 человек и люди сидят)


Возможно, это изображение (1 человек и стоит)

Бо иштироки иҷрокунандаи вазифаи Раиси Вилояти Мухтори Кўҳистони Бадахшон муҳтарам Мирзонабот Алишер Худобердӣ чорабинии тантанавӣ бахшида ба рӯзи Парчами миллии Ҷумҳурии Тоҷикистон баргузор карда шуд. Дар чорабинӣ муовини якум, муовинон, роҳбари дастгоҳ, мудирони шӯъба ва бахшҳои дастгоҳи раиси вилоят инчунин кормандони мақомоти иҷроияи ҳокимияти давлатии Вилояти Мухтори Кўҳистони Бадахшон иштирок намуданд.
Чорабиниро иҷрокунандаи вазифаи Раиси Вилояти Мухтори Кўҳистони Бадахшон ҳусни оғоз бахшида ҳозиринро бо ин рузи муборак табрику муборакбод намуда қайд доштанд, ки Парчами миллии мо нишона аз таърихи чандинҳазорсолаи халқи тоҷик аст. Тибқи маълумоти сарчашмаҳои таърихӣ қавмҳои ориёӣ ҳанўз аз давраҳои бостон оини парчамсозиву парчамдориро гиромӣ медоштанд.
​ ​ ​ ​ Гузаштагони мо дар парчам рангҳои сурх, зард, бунафш ва кабудро якҷо бо рамзҳои мухталифи оини ҷавонмардиву тавоноӣ истифода менамуданд. Ҳанўз дар ливои Куруши Кабир тасвири уқоб, ки нишонаи қудрату тавоноист, нақш гардида буд​ ва он парчам рамзи як давлати нерўманди замона ба ҳисоб мерафт. Ҳамчунин метавон аз ливои Коваи бузург ёдовар шуд, ки нишонаи равшани меросияти муборизаву ҷоннисориҳои ниёгони мо​ дар​ ​ роҳи​ ҳифзи​ ​ Ватану​ халқи худ мебошад.Рангу аломатҳои парчам ифодагари воқеияти роҳи таърихии халқи бостонии мост.
Аз ин лиҳоз, итминони комил дорам, ки Парчами давлати соҳибистиқлоли Тоҷикистон ҳамчун таҷассуми умеду ормонҳои мо ҳамеша парафшон хоҳад буд ва зери сояи он​ мо дар роҳи ободии диёрамон ба дастовардҳои рўзафзун​ ноил хоҳем гашт.
Дар ин лаҳзаҳои фараҳбахш бори дигар ҷашни Парчами давлатиро ба ҳамаи шумо – ҳамватанони азиз, самимона табрику таҳният гуфта, ба ҳар хонадони ин диёри осмонбўс шодиву сурури​ идона таманно дорам.
Бигзор, Парчами давлатии Ҷумҳурии Тоҷикистони соҳибистиқлоли мо бар сари мо то ҷовидон парафшон бошад ва моро ба сўи ояндаи ободу осуда раҳнамун созад!
Дар чорабинии тантанавӣ инчунин ректори Донишгоҳи давлатии шаҳри Хоруғ Юсуфзода Гузорхон Амиршо, директори мактаби президентӣ дар шаҳри Хоруғ Қонунзода Шодигул, доктори илмҳои филологӣ Абдулназаров Абдулназар ва собиқадори меҳнат Маҳтобшоҳзода Арамбегим Бозор оиди таърих ва моҳияти Парчами миллии баромад намуданд.











и ещё 15


4 157
Охват (люди)
593
Взаимодействия
Продвигать публикацию

4949

Комментарии: 3
Поделились: 13

Нравится



Комментировать


Поделиться


Ноя 25

ҶАЛАСА НАЗДИ МУОВИНИ САРВАЗИРИ ҶУМҲУРИИ ТОҶИКИСТОН

Возможно, это изображение (9 человек и люди стоят)
Возможно, это изображение (9 человек, люди стоят и в помещении)

23-уми ноябри соли равон ҷаласаи онлайнӣ дар ҳузури Муовини Сарвазири Ҷумҳурии Тоҷикистон Усмонзода Усмоналӣ ва роҳбарони вазорату кумитаҳои инчунин бо иштироки иҷрокунанадаи вазифаи раиси Вилояти Мухтори Кӯҳистони Бадахшон Мирзонабот Алишер Худобердӣ, муовини якуми раиси вилоят, муовинон, роҳбари дастгоҳ, раисони шаҳру ноҳияҳои вилоят, роҳбарони идораву муассисаҳои вилоят доир гардид, ки дар он оиди корҳои анҷомдодашуда аз рӯи иҷрои Қарори Ҳукумати Ҷумҳурии Тоҷикистон “Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтаззам ва самарабахш дар давраи тирамову зимистони солҳои 2021-2022 дар ҳудуди Вилояти Мухтори Кӯҳистони Бадахшон” мавриди таҳлилу баррасӣ қарор дода шуд. Дар оғози ҷаласаи онлайнӣ муовини аввали вазири рушди иқтисод ва савдои Ҷумҳурии Тоҷикистон Солеҳзода Ашурбоев оиди иҷрои Қарори Ҳукумати Ҷумҳурии Тоҷикистон “Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтаззам ва самарабахш дар давраи тирамову зимистони солҳои 2021-2022 дар ҳудуди Вилояти Мухтори Кӯҳистони Бадахшон” ахборот дода қайд намуд, ки аз ҷониби Ҳукумати Ҷумҳурии Тоҷикистон ҷиҳати муайян намудани омодагии хоҷагии ВМКБ ба давраи тирамову зимистони солҳои 2021-2022 гуруҳи корӣ ба вилояти Бадахшон сарфарбар гардид. Дар баробари корҳои анҷомдодашуда муовини аввали вазири рушди иқтисод ва савдои Ҷумҳурии Тоҷикистон вобаста ба мушкилоти ҷойдошта дар миқёси ВМКБ бо таҳлилҳои мушаххас маъруза намуд. Қайд гардид, ки масъалаи малағгузорӣ дар ВМКБ тибқи нақша барои харидории маводи асосии сухт ба холати имруза дар соҳаи маориф 93 фоиз тандурусти 71 фисад ва соҳаи фарҳанг 70 фоиз таъмин гардидааст. Таҳлилҳо нишон медиҳанд, ки иҷрои нақшаи маблағгузорӣ дар соҳаи маориф, тандурусти ва соҳаи фарҳанг дар ноҳияҳо хусусан ноҳияи Мурғоб, ки мавсими зимистон дар он зиёдтар тул мекашад, ҳамагӣ 64 фоиз таъмин гардидааст. Дар робита ба захираи маводи асосии ғизоӣ иттилооъ дода шуд, ки ҷиҳати иҷрои талаботи аҳолии шаҳру ноҳияҳои ВМКБ бо маводи асосии ғизоӣ аз қабили орд 55 фисад, равған 46 фоиз, картошка 74 фоиз ва пиёз 95 фисад таъмин мебошад. Захираи маводи зиддилағжиш дар миёси ВМКБ мутобиқи нақша иҷро гардида вобаста ба соҳаҳои алоҳида дар шаҳру навоиии ВМКБ муовини аввали вазири рушди иқтисод ва савдои Ҷумҳурии Тоҷикистон ба иштирокдорон маълумоти муфассал пешниҳод намуд.
Иҷрокунандаи вазифаи раиси ВМКБ Мирзонабот Алишер Худобердӣ оиди иҷрои Қарори Ҳукумати Ҷумҳурии Тоҷикистон “Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтаззам ва самарабахш дар давраи тирамову зимистони солҳои 2021-2022 дар ҳудуди Вилояти Мухтори Кӯҳистони Бадахшон” ва сабаби иҷро нагардидани баъзе бандҳои қарори Ҳукумати Ҷумҳурии Тоҷикистон ахборот дода қайд намуд, ки тибқи нақшаи тасдиқгардида ба ҳолати имруза таъминоти соҳаҳои маориф, тандурусти ва фарҳанг бо маводи асосии ғизоӣ аз ҷумла орд, равган, шакар, картошка, меваю сабзавот, консерваҳо ва дигар махсулоти озукаворӣ ба пуррагӣ таъмин мебошад. Мушкилоти асоси дар ин самт кам будани шумораи сардхонаҳо ва анборҳо барои нигоҳдории маҳсулоти озуқаворӣ маънидод карда шуд.
Тибқи нақшаи тасдиқгардида талаботи аҳолии вилоят, идораву корхонаҳо ба ангишт зиёда аз 14 ҳазор тоннаро ташкил дода то ба имруз 11 ҳазору 532 тонна ё худ 81 фоиз иҷро гардид.
Таъмини соҳаи маориф бо ҳезум ва ангиштсангро иҷрокунандаи вазифаи раиси вилоят мушкилоти асоси унвон намуда қайд намуд, ки бо бунёди муассисаҳои типи нав муасисаи таълимии раками 4 дар ноҳияи Ванҷ, муассисаи таълимии рақами 7 ва 9 дар ноҳияи Рушон ва қасри фарҳанги ноҳияи Ванҷ талабот ба маводи сухт зиёд гардид. Аз ин ру иваз намудани талабот ба итифодаи ангиштсанг бояд аз ҷониби Вазорати рушди иқтисод ва савдои ҶТ дида баромада шавад.. Зеро талаботи муассисаҳои типи нави дар боло зикргардида дар як сол ба ангиштсангу ҳезум наздики 130 тонна мебошад.
Муовини Сарвазири Ҷумҳурии Тоҷикистон дар анҷоми ҷаласаи онлайнӣ ба иҷрокунандаи вазифаи раиси ВМКБ, аъзоёни ситоди вилоятӣ ва роҳбарони шаҳру ноҳияҳои ВМКБ ҷиҳати бомуваффақият паси сар намудани давраи тирамоҳу зимистони солҳои 2021-2022 супоришҳои иловагӣ додан
Ноя 24

ПОЙТАХТИ ДАВЛАТ ВА ИСТИҚЛОЛИ МИЛЛАТ

                                                                                                                                                                                                                                                         МУҚАДДИМА

Соҳиб шудан ба давлати миллӣ – натиҷаи муборизаҳои ҷоннисорона барои истиқлоли миллӣ мебошад. Ва бидуни ташкилоти сиёсии марказонидашуда, устувор мондан, ҳифз кардани абадияти миллат, ҳамчунон нишонаҳои асосии он – забон, фарҳанг, анъана, урфу одат ва рифоҳи миллӣ ғайриимкон аст.

Муфассал
Ноя 24

Табрикоти Иҷрокунандаи вазифаи Раиси Вилояти Мухтори Куҳистони Бадахшон Мирзонабот Алишер Худобердӣ ба ифтихори Рӯзи Парчами миллии Ҷумхурии Тоҷикистон

Возможно, это изображение (1 человек, стоит и костюм)

Ҳамдиёрони азиз !
Бисту чоруми ноябр мардуми тамоми манотиқи Тоҷикистон, аз ҷумла Вилояти Мухтори Кӯҳистони Бадахшон солгарди қабули яке аз рамзҳои давлати соҳибистиқлоламон Парчамро дар шароити сулҳу суботи сиёсӣ ва ваҳдати миллӣ истиқбол мегирад.
Ба ин муносибат ҳамаи шуморо ба ифтихори ин рўзи фархунда муборакбод гуфта, ба ҳар кадоматон саломативу хушбахтӣ ва хонаи ободу рўзгори осуда орзумандам.
Парчами миллии мо нишона аз таърихи чандинҳазорсолаи халқи тоҷик аст. Тибқи маълумоти сарчашмаҳои таърихӣ қавмҳои ориёӣ ҳанўз аз давраҳои бостон оини парчамсозиву парчамдориро гиромӣ медоштанд.
Гузаштагони мо дар парчам рангҳои сурх, зард, бунафш ва кабудро якҷо бо рамзҳои мухталифи оини ҷавонмардиву тавоноӣ истифода менамуданд. Ҳанўз дар ливои Куруши Кабир тасвири уқоб, ки нишонаи қудрату тавоноист, нақш гардида буд ва он парчам рамзи як давлати нерўманди замона ба ҳисоб мерафт. Ҳамчунин метавон аз ливои Коваи бузург ёдовар шуд, ки нишонаи равшани меросияти муборизаву ҷоннисориҳои ниёгони мо дар роыи ыифзи Ватану халщи худ мебошад.Рангу аломатҳои парчам ифодагари воқеияти роҳи таърихии халқи бостонии мост.
Ниёгони арҷманди мо ҳазорсолаҳо таҳти парчами хеш саф кашида, ватану миллат, номусу озодӣ, забону фарҳанг ва марзу буми аҷдодиро ҳимоя кардаанд. Яъне парчами давлатӣ баёнгари ҳаққи мавҷудияти миллати соҳибдавлати тоҷик бо тамоми ғановату асолати таърихиву фарҳангӣ ва ҳуқуқии он аст. Дар парчами кишвари мо даъват ба иттиҳоду сарҷамъӣ, нангу номус, ватандўстиву ватанпарастӣ, ҳимояи марзу бум, саъю талош барои эъмори ҷомеаи адолатпарвар ва инсонияту башардўстии миллати мо таҷассум гардидааст.
Дар яке аз суханрониҳои худ Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон қайд менамоянд, ки: “Эҳтиром ва арҷ гузоштан ба муқаддасоти миллӣ, аз ҷумла парчам, арҷ гузоштан ба тамоми арзишҳои дирўзу имрўз ва фардои миллат аст.” Бинобар ин ҳам ҳар фарди банангу номуси ин сарзамини куҳанбунёд, ки ба аҷдоду ватани аҷдодиаш эҳтиром дорад, ба парчами давлати худ, ки баёнгари ному насаб, шуҳрату номуси ҳар фарди ин сарзамин аст, ифтихору эҳтиром дорад.
Аз ин лиҳоз, итминони комил дорам, ки Парчами давлати соҳибистиқлоли Тоҷикистон ҳамчун таҷассуми умеду ормонҳои мо ҳамеша парафшон хоҳад буд ва зери сояи он мо дар роҳи ободии диёрамон ба дастовардҳои рўзафзун ноил хоҳем гашт.
Дар ин лаҳзаҳои фараҳбахш бори дигар ҷашни Парчами давлатиро ба ҳамаи шумо – ҳамватанони азиз, самимона табрику таҳният гуфта, ба ҳар хонадони ин диёри осмонбўс шодиву сурури идона таманно дорам.
Бигзор, Парчами давлатии Ҷумҳурии Тоҷикистони соҳибистиқлоли мо бар сари мо то ҷовидон парафшон бошад ва моро ба сўи ояндаи ободу осуда раҳнамун созад!
Ҳамеша сарбаланду муваффақ бошед, ҳамватанони азиз!