Истифодаи сангҳои табии Бадахшон дар иншооти сохташавандаи ҳудуди вилоят аз масъалаи меҳварии мулоқоти раиси Вилояти Мухтори Кўҳистони Бадахшон Ёдгор Файзов бо масъулини Ширкатҳои сохтмонии вилоят унвон шуд.
Ба кор бурдани сангҳои табии маҳаллӣ дар сохтмонҳои навбунёди худуди ВМКБ аз вазифаҳои мухими рушди минбаъдаи сохтмонҳои асосӣ ном бурда шуд. Ин масъала зимни мулоқоти раиси ВМКБ Ёдгор Файзов бо масъулини ЧДММ -ҳои ҳудуди вилоят, ки ба тайёр намудани навҳои гуногуни ашёи сохтмонӣ аз санг тайёркарда шуда, сару кор доранд садо дода буд. Роҳбари вилоят бо баёни ин хабар тазакур дод, ки ВМКБ дорои манбаъи захираи бузурги сангҳои гуногуни табии буда, истифодаи ин сангҳо дар сохтмонҳо аз як су агар ба таъсиси ҷойҳои нави корӣ ва афзун намудани буҷҷаи андоз мусоидати хуб дошта бошад аз суи дигар он ба намуди зоҳирии сохтмонҳо ҳамчун манбаъаи ашёи сохтмонии аз ҷиҳати экологи тоза ва муҳлати истифодабарии тӯлони хизмат хоҳад кард. Дар мулокот бо роҳбарони ҶДММ «Помирстон» ва ҶДММ «Суман» ки асосан ин ду ҷамъияти ватанӣ ба тарошидани сангҳои маҳаллӣ сару кор доранд аз омодагии худ ҷиҳати анҷоми фармоишҳои паймонкорон маълумот доданд. Роҳбари вилоят афзуд дар навбати аввал истифода намудани маҳсулоти ин ду ширкати сохтмони барои ороиши театри навбунёди вилояти ва атрофии он истифода хоҳад шуд. Зеро таҷрибаи фаъолияти ин ду ширкат дар бунёди Донишгоҳи Осиёи Марказӣ ва Маркази тиббӣ Оғохон дар шаҳри Хоруғ собит намуд, ки махсулоти тайёрнамудаи онҳо мутобитқ ба меъёрҳои байналмиллалии сохтмони буда, ба тасмими раиси вилоят идома додани ин анъана дар сохтмони муассисаҳои таълимии навбунёд ва аз нав кардани роҳравҳои марказии шаҳр бо мақсади мувофиқ мебошад.
Дар мулоқоти раиси ВМКБ Ёдгор Файзов роҳбари гуруҳи назоратии муассисаи давлатии иншоотҳои Ҳукуматии Дастгоҳи Иҷроияи Президенти Ҷумҳурии Тоҷикистон дар ВМКБ, масъули шуъбаи саноат, энергети ва комуникатсияи ВМКБ ва роҳбарони чамъиятҳои дорои масъулияташон махдуди «Суман» ва «Памирстон» ширкат варзиданд
Хабарҳо:
