Субҳи имрӯз назди раиси Вилояти Мухтори Кухистони Бадахшон мӯҳтарам Ёдгор Файзов ситоди навбати оиди пешгири аз паҳншавии бемории сироятии короновирус ё худ covid 19 баргузор карда шуд.
Раиси вилоят бо эломи ин хабар дар кори ситоди вилоятӣ оид ба пешгири ва муолиҷаи бемории илтиҳоби шадиди шуш ва covid – 19 таъкид дошт, ки хушбахтона рузҳои охир теъдоди афроди гирифтори ин беморӣ дар ВМКБ кам ба қайд гирифта шудааст. Тибқи омори расмӣ ба ҳолати 7-июн ҳамагӣ 19 нафар дар муассисаҳои табобатӣ бистари гардиданд, ки ин нишондод дар муқоиса ба як ё ду ҳафтаи пеш, ки шумораи сироятёфтагон аз 50 то 70 нафарро ташкил дода буд, бисёр андак мебошад. Дар давоми ба табобат фаро хондани ибтилоиёни ин бемори 1506 нафар ба таври расмӣ бо касалиҳои гуногуни шуш ба табобат фаро хонад шуданд, ки аз ин шумора 75 дарсадашон ё худ 1132 нафар баъди баркарор шудани вазъи саломати аз муассисаҳои табобатӣ рухсат дода шуда, танхо дар давоми ин муддат 22 нафар ашхоси калонсол ва ё нишонаҳои дигар бемориҳои музмин доштанд фавтиданд, ки 14 нафарашон ба беморхонаи вилояти рост омада, дар ҳудуди вилоят ҳодисаи фавт дар мачмуъ 1,5 фоизро ташкил медиҳад.
