Аз 3 феврал дар Вилояти Мухтори Кухистони Бадахшон нишастҳои матбуотии идораву муассисаҳои вилоят оид ба ҷамъбасти натиҷаҳои фаъолият дар соли 2020 оғоз мегарданд. Зимни нишастҳои матбуотие, ки ҳар рӯзи корӣ аз ҷониби якчанд идораву муассиса баргузор мешаванд, намояндагони воситаҳои ахбори омма имкон доранд ба саволҳои худ ҷавоб гиранд.Масъулини идораҳо ва ташкилоту муассисаҳое, ки дар ҳудуди шаҳри Хоруғ фаъолият мекунанд, метавонанд вақти баргузории нишастҳои матбуотиро бо дастгоҳи Раиси ВМКБ тавассути телефонҳои 2 49 18, 93 513 81 81 мувофиқа намоянд.Эълонҳо оид ба вақт ва макони баргузории нишастҳои матбуотӣ ҳар рӯзи корӣ дар сомонаи мақомоти иҷроияи ҳокимияти давлатии ВМКБ (www.badakhshon.tj) ба забонҳои тоҷикӣ ва русӣ нашр карда мешаванд.Нишастҳои матбуотӣ тибқи нақшаи Дастгоҳи иҷроияи Президенти Ҷумҳурии Тоҷикистон аз 1 феврал оғоз гардида, 19 феврал ба охир мерасанд.Ёдовар мешавем, ки нишастҳои матбуотӣ мутобиқи Амри Президенти Ҷумҳурии Тоҷикистон аз 15 сентябри соли 2011 доир карда мешаванд.
Аз 3 феврал дар Вилояти Мухтори Кухистони Бадахшон нишастҳои матбуотии идораву муассисаҳои вилоят оид ба ҷамъбасти натиҷаҳои фаъолият дар соли 2020 оғоз мегарданд.
