Субҳи имрӯз муовини раиси Маҷлиси миллӣ Маҷлиси Олии Ҷумҳурии Тоҷикистон раиси Вилояти Мухтори Кухистони Бадахшон мӯҳтарам Ёдгор Файзов Директори Барномаи Озуқавории Ҷаҳонӣ (БОҶ) дар Ҷумҳурии Тоҷикистон Алберто Коррея Мендес ва намояндаи барномаи мазкур дар Вилояти Мухтори Кухистони Бадахшон Гулазор Мамадризобековаро ба ҳузур пазируфтанд.
Раиси вилоятро дар мулоқот бо намояндагони Барномаи Озуқавории Ҷаҳонӣ муовини раиси вилоят Носирзода Умедҷон ва Сардори Раёсати маориф ва илми Ҷумҳурии Тоҷикистон дар вилоят Одинашо Мардов ҳамроҳи намуданд.
Зимни суҳбат ҷонибҳо оиди беҳтар намудани ғизои солим барои муассисаҳои таълимии аз ҷумлаи барои синфҳои ибтидоӣ таклифҳоро пешниҳод намуданд. Директори Барномаи Озуқавории Ҷаҳонӣ дар Тоҷикистон Алберто Коррея қайд намуданд, ки бо ду ҳазор муассисаҳои таълимии Ҷумҳурии Тоҷикистон ҳамкорӣ доранд, ки 131 ададашон дар Вилояти Мухтори Кухистони Бадахшон мебошанд. Барои толибилмони макотибҳои вилоят таи чанд сол хуроки гарми ғизонок таъмин карда шуд. Бо шуруъ шудани Барномаи Фонди Сабз ки бо мушкилотҳои ивазшавии иқлим ва таъмини устувори ё мутобиқшавии ҷомеа бо оқибатҳои он сару кор дорад. Аз мохи январи соли оянда як қатор фаъолиятҳои нав ба нақша гирифта хоҳанд шуд. Аз ҷумла сохтмони гармхонаҳо дар назди мактабҳо, усулхои бехтари хушк кардани мева, сохтмони анборхонаҳо барои озуқа ва ғайрахо аз қабили фаъолиятҳои нав мебошанд. Масъалаи қадпасти ва камвазнии кӯдакон ки сабаби асосиаш камчинии ғизои пастсифат мебошад, як масъалаи доғи рӯз мебошад, чунки он ба афзоиши минбаъдаи ҷисмони ва аклонии кӯдак таъсири зиёди манфи мерасонад
Раиси Вилояти Мухтори Кухистони Бадахшон мӯҳтарам Ёдгор Файзов ба намояндагони Барномаи Озуқавории Ҷаҳонӣ дар Тоҷикистон миннатдории самимии худро баҳри кӯмаки чандинсолаашон оиди расонидани кумаки гуманитари дар солҳои ҷанги шахрванди , баъдан таъмини ғизо барои кӯдакон ва садхо барномаҳои инфрасохтор минатдории самими баён намуданд ва қайд карданд, ки Мақомоти иҷроияи ҳокимияти давлатии Вилояти Мухтори Кухистони Бадахшонро баҳри рушд додани ҳамкории минбаъда омода аст.
Субҳи имрӯз раиси Вилояти Мухтори Кухистони Бадахшон мӯҳтарам Ёдгор Файзов Директори Барномаи Озуқавории Ҷаҳонӣ (БОҶ) дар Ҷумҳурии Тоҷикистон Алберто Коррея Мендес ва намояндаи барномаи мазкур дар Вилояти Мухтори Кухистони Бадахшон Гулазор Мамадризобековаро ба ҳузур пазируфтанд.
