Skip to content
Ноя
19
Дар машварати назоратии назди иҷрокунандаи вазифаи Раиси Вилояти Мухтори Кўҳистони Бадахшон Мирзонабот Алишер Худобердӣ масъалаҳои рафти иҷрои қарори Раиси ВМКБ оиди нақшаи Ҳукумати Ҷумҳурии Тоҷикистон барои амалисозии бистсолаи омузиш ва рушди фаннҳои табиатшиносӣ, дақиқ ва риёзӣ дар соҳаи маориф барои солҳои 2020-2040, рушди ҳунармандӣ дар Ҷумҳурии
Тоҷикистон барои солҳои 2021-2025 ва масъалаи таҷлили арзанда аз Рўзи Парчами давлатии Ҷумҳурии Тоҷикистон мавриди таҳлилу баррасӣ қарор дода шуда, баҳри пешбурди фаъолияти минбаъда дар самтњои мазкур ба масъулин дастуру супоришњои мушаххас дода шуданд.
Иҷрокунандаи вазифаи Раиси ВМКБ Мирзонабот Алишер Худобердӣ ҷиҳати таъсис додани утоқҳои фаннии сикли табии – риёзӣ дар 313 муассисаи ҳудуди вилоят ба масъулини соҳа супориш дод, ки нақшаи муайяни фаъолиятро дар доираи имкониятҳои мавҷуда ва ҷалби соҳибкорону шарикони рушд таъсис дода, корро дар ин самт ҷоннок намоянд.
Дар идомаи машварати назоратӣ барқияи роҳбари Дастгоҳи иҷроияи Президенти Ҷумҳурии Тоҷикистон доир ба таҷлили арзанда аз Рўзи Парчами давлатӣ ба саҳми ҳозирин расонда шуда, Мирзонабот Алишер Худобердӣ иҷрокунандаи вазифаи раиси ВМКБ баён намуд, ки арҷ гузоштан ба Парчами давлатӣ эҳтиром намудани Ватану модари худ буда он пеш аз ҳама муаррифгари нангу номус, шарафу иқбол ва номи бузурги давлату миллат аст, аз ин рў дар сатҳи лозимӣ таҷлил намудани ин санаи фархунда барои ҳамаи муассисаҳову идораҳои давлативу ғайридавлатии ҳудуди вилоят ва насби ин муқаддасоти миллӣ дар бинову иншоотҳо баҳри пос доштани арзишҳои миллӣ заминаи воқеӣ мегузорад.
Ноя
18
Нимаи дуюми рӯзи панҷшанбе иҷрокунандаи вазифаи Раиси Вилояти Мухтори Кўҳистони Бадахшон муҳтарам Мирзонабот Алишер Худобердӣ бо фаълони ноҳияи Роштқалъа мулоқот доир намуд. Зимни мулоқот иҷрокунандаи вазифаи Раиси Вилояти Мухтори Кўҳистони Бадахшон оиди вазъияти иқтисодию иҷтимоии ноҳия сухан карда иҷрокунандаи вазифаи Раиси ноҳияи Роштқалъа ки бо Фармони Асосгузори сулҳу ваҳдати миллӣ – Пешвои миллат Президенти Ҷумҳурии Тоҷикистон мӯҳтарам Эмомалӣ Раҳмон таъин гардид муаррифии намуданд. И.В. Раиси ВМКБ кормандони мақомоти иҷроияи ҳокимияти давлатии ноҳияи Роштқалъа таҳти роҳбарии раиси тозатаъин Шоҳмирзозода Аъзам ҷиҳати содиқона кору фаъолият намудан ва содиқ будан ба сиёсати Пешвои миллат муҳтарам Эмомалӣ Раҳмон даъват намуданд.
Ноя
18
Ҷиҳати шиносои аз наздик бо вазъи иҷтимоию иқтисодии ноҳия, дида баромадани омодагиҳо барои зимистони дар пеш ва муаррифи намудани роҳбарияти тозатаъйини ин диёр барои сокинон иҷрокунандаи вазифаи Раиси Вилояти Мухтори Кўҳистони Бадахшон муҳтарам Мирзонабот Алишер Худобердӣ ба ноҳияи Роштқалъа сафар карданд.
Ноя
18
Омода намудани муассисаҳои таълимӣ барои зимистони дар пешистода яке аз супоришҳои Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон ба роҳбарони мақомотҳои иҷроияи ҳокимияти давлатии шаҳру ноҳияҳо буда ҷиҳати амалӣ намудани он иҷрокунандаи вазифаи Раиси Вилояти Мухтори Кўҳистони Бадахшон аз вазъияти омодаги ба зимистони дар пешистодаи муассисаи таълимии рақами 4 аз наздик шинос гардиданд. Муассисаи таълимӣ мазкур бо тамоми шароитҳо муосир таъмин буда ба зимистони дар пешистода омода аст. И.в Раиси ВМКБ бо хонандагон ошкоро сӯҳбат намуда барои иштирок дар озмунҳои ҷумҳуриявӣ ба онҳо тавсияҳои судманд доданд.
Ноя
18
Сарбозон ҳимоятгари марзу буми давлат буда ҷиҳати амалӣ намудани вазифаҳои хизматии худ тамоми кӯшишу ғайрати худро ба харҷ медиҳанд то ки Ватанро ҳифз намоянд. Иҷрокунандаи вазифаи Раиси Вилояти Мухтори Кўҳистони Бадахшон муҳтарам Мирзонабот Алишер Худобердӣ зимни сафари кори ба ноҳияи Ванҷ аз дидбонгоҳи
Қушунҳои хушкигарди Вазорати мудофиаи Ҷумҳурии Тоҷикистон мустақар дар ноҳияи Ванҷ дидан намуданд. И. В Раиси ВМКБ аз шароит ва будубоши сарбозон афсарон аз наздик шинос гардида барои таъмини онҳо бо маҳсулоти ғизоии ва сузишвори барои зимистони дар пешистода ба масъулин супоришҳои мушаххас доданд.
Ноя
18
Зимни сафари кори ба ноҳияи Ванҷ иҷрокунандаи вазифаи Раиси Вилояти Мухтори Кўҳистони Бадахшон муҳтарам Мирзонабот Алишер Худобердӣ аз фаъолияти бозори марказии ноҳияи Ванҷ дидан карданд. Ҳангоми сӯҳбат бо соҳибкорон Раиси вилоят ба масъулини ноҳия ҷиҳати мӯътадил нигоҳ доштани нарху наво ва таъмини бозор бо маҳсулоти сифатнок ба масъулин супоришҳои мушаххас доданд
Ноя
18
Ҷиҳати шиносои аз наздик бо вазъи иҷтимоию иқтисодии ноҳия, дида баромадани омодагиҳо барои зимистони дар пеш ва муаррифи намудани роҳбарияти тозатаъйини ин диёр барои сокинон иҷрокунандаи вазифаи Раиси Вилояти Мухтори Кўҳистони Бадахшон муҳтарам Мирзонабот Алишер Худобердӣ ба ноҳияи Ванҷ сафар карданд
Ноя
18
Мақомоти иҷроияи ҳокимияти давлатии Вилояти Мухтори Кўҳистони Бадахшон бо хушнуди эълон медорад, ки директори Осорхонаи кишваршиносӣ Вилояти Мухтори Кўҳистони Бадахшон Хушомади Алидод дар Озмуни байналмилалии Нашрияи расмии Ҷумҳурии Тоҷикистон “Ҷумҳурият” бо маърӯзаи “Аз ноумедӣ ба сӯйи умед” дар байни иштироккунандагони панҷ давлати дунё дар вилояти Хатлон сазовори ҷойи аввал гардидааст. Ҳамчунин иштироккунандагони фаъоли Озмуни ҷумҳуриявии “Тоҷикистон Ватани азизи ман” аз Вилояти Мухтори Кўҳистони Бадахшон Маҳмадалӣ Партов ва Парвиз Донаёров сазовори ҷойҳои якум, Ҳабиби Саодатқадам, Беҳрӯзи Бахтибек ва Ҷасур Шохуморов сазовори ҷойи дуюм ва 8 нафар намояндагони ВМКБ сазовори ҷойҳои ифтихори гардиданд, ки ҳамаи онҳо бо мукофоти пулӣ қадри гардиданд.
Ба ин хотир мақомоти иҷроияи ҳокимияти давлатии Вилояти Мухтори Кўҳистони Бадахшон шахсан иҷрокунандаи вазифаи Раиси Вилояти Мухтори Кўҳистони Бадахшон муҳтарам Мирзонабот Алишер Худобердӣ ба ҳар кадоми ин шахсиятҳо барои саҳми арзанда гузоштан ва дар сатҳи баланд муаррифии намудани Вилояти Мухтори Кўҳистони Бадахшон ва ишғоли ҷойҳои намоён изҳори сипос ва самимияти қалбиро изҳор медорад.
Шумо намунаи ибрати насли ҷавон ва ифтихори мо ҳастед.
Ноя
18
Иҷрокунандаи вазифаи Раиси Вилояти Мухтори Кўҳистони Бадахшон муҳтарам Мирзонабот Алишер Худобердӣ нимаи дуюми рӯз аз даромадгоҳи шаҳри Хоруғ то маркази шаҳр дидан карда барои амали намудани нақшаҳо ҷиҳати ободонии шаҳри Хоруғ аз ҷумла соҳилмустаҳкамкунии ҳудуди шаҳри Хоруғ, чароғонкунонии кӯчаҳо ва тоза нигоҳ доштани паскӯчаҳои шаҳр ба роҳбарият он супоришҳои мушаххас доданд. Иҷрокунандаи вазифаи Раиси Вилояти Мухтори Кўҳистони Бадахшон қайд доштанд, ки шаҳри Хоруғ ин маркази маъмурии вилоят буда ҳамаи қувваи Мақомоти иҷроияи ҳокимияти давлатии вилоят ва шаҳр ва сокинони онро барои ободонии он бояд равона созем зеро меҳмонон аз ободонии шаҳри Хоруғ дида ба тамоми вилоят баҳо мегузоранд.
