ТАҶЛИЛИ РӮЗИ ПРЕЗИДЕНТИ ҶУМҲУРИ ТОҶИКИСТОН ДАР НОҲИЯИ МУРҒОБ
Раиси ноҳия Раҷабзода Ҳусния Ҳукуматшо дар доираи ҷашнгирии “Рӯзи Президенти Ҷумҳурии Тоҷикистон” аз ҷамоати Рангкул дидан намуданд. Дар рафти сафари корӣ майдони муқаддасоти миллӣ ва қаҳрамонон, чоҳи обӣ ва майдончаи варзишӣ ба истифодабарӣ дода шуда, бо сокинон суҳбат ошкоро доир намуданд. Аз вазъи зиндагии маъюбони гурӯҳи 1 ва ятимони кулл дидан намуда, ба онҳо кумаки моддӣ-ғизоӣ дастрас намуданд. Дар чорабинии тантанавӣ бахшида ба “Рӯзи Президент Президенти Ҷумҳурии Тоҷикистон” ва 15 солагии таъсисёбии мактаби санъати Рангкул иштирок намуда, ҳозиринро ба муносибати ин ҷашн табрик карданд. Аз саҳми мактаби санъат дар рушди фарҳанги мардумӣ ва фаъолияти дастпарварони ин мактаб суханрони намуда, фаъолони мактаб бо туҳфаҳои хотиравӣ кадрдонӣ гардиданд. Дар чорабинии мазкур роҳбарияти идораи фарҳанг ва мактаби мусиқии вилоят ширкат ва суханрони намуданд.
