День: 05.11.2019

Ноя 05

МАКТАБ ЛИТСЕЙИ ОҒОХОНИ ШАҲРИ ХОРУҒ АЗ ТАЪМИРИ КАПИТАЛӢ БАРОВАРДА ШУД.

Литсейи Оғохони шаҳри Хоруғ яке аз муассисаҳои таълимии пешқадами шаҳри Хоруғ мебошад, ки дар таълиму тарбияи насли наврас саҳми арзанда дорад. Муассисаи таълимии 1998 бо иштироки Асосгузори сулҳу ваҳдати миллӣ Пешвои миллат муҳтарам Эмомалӣ Раҳмон ва Мавлоно Ҳозиримом Пешвои исмоилиёни дунё мавриди истифодабарӣ қарор дода шуд. Имсол бошад бо маблағи 4 миллион сомони аз таъмири капиталӣ бароварда шуд. Дар муассисаи таълими 1080 нафар хонанда ва 72 нафар омузгор таҳсил ва фаъолият карда истодаанд. Соли ҷори 87 нафар хатмкунандагони ин муассиса ба Донишгоҳ ва донишкадаҳо дохил гардиданд, 47 нафари онҳо ба донишгоҳои хориҷи мамлакат дохил гардиданд. Раиси Вилояти Мухтори Кухистони Бадахшон мӯҳтарам Ёдгор Файзов аз таъмири ин боргоҳи маърифат дидан намуданд. Омӯзгорон ва хонандагони мактаб литсейи Оғохонро бо 25 солагии Рӯзи Конститутсияи Ҷумҳурии Тоҷикистон табрик намуда қайд карданд, ки ин муассиса яке аз меваҳои шаҳдбори Ваҳдати милли ва ҳамкории муваффақ миёни Ҳукумати Ҷумҳурии Тоҷикистон ва Фонди Оғохон мебошад. Яке аз супоришҳои Пешвои миллат ба соҳаи маориф ин ба роҳ мондани омузиши забонҳои хориҷи аз ҷумла русӣ ва англисӣ мебошад. Ман гуфта метавонам, ки ин муассисаи таълимӣ ин Амри роҳбарияти олии мамлакатро бо сари баланд иҷро менамояд. Чунки дар ин мактаб забономузи хеле хуб ба роҳ монда шудааст ва барои мо боиси ифтихор ва сарфарози мебошад, ки ҷавонони зиёд аз вилоят дар ташкилотҳои байналмилалӣ, сохторҳои давлатӣ ва давлатҳои Аврупо ва Амрико кору фаъолият карда истодаанд, ки ин хизмати бевоситаи ин муассисаи таълимӣ мебошад. Ҷавобан ба ин дастгириҳо хатмкунандагони ин боргоҳи маърифат бояд баъди хатми мактаб ба халқу ватани худ содиқона хизмат намоянд, изҳор дошт раиси ВМКБ мӯҳтарам Ёдгор Файзов.

Ноя 05

ТАҶЛИЛИ РӮЗИ КОНСТИТУТСИЯИ ҶУМҲУРИИ ТОҶИКИСТОН ДАР ВИЛОЯТИ МУХТОРИ КУХИСТОНИ БАДАХШОН.

Субҳи имрӯз бо иштироки муовини раиси Маҷлиси миллӣ Маҷлиси Олии Ҷумҳурии Тоҷикистон раиси Вилояти Мухтори Кухистони Бадахшон мӯҳтарам Ёдгор Файзов чорабинии идона бахшида ба 25 солагии бахтномаи миллат Конститутсияи Ҷумҳурии Тоҷикистон баргузор карда шуд.
Дар чорабинии мазкур муовини якуми Вазири корҳои дохилӣ Ҷумҳурии Тоҷикистон, Сардори ситоди байниидоравӣ ва таъмини амният дар вилоят Аламшозода Абдураҳмон, муовини якуми раиси вилоят Алишер Мирзонаботов , муовинон, раиси шаҳри Хоруғ, роҳбарони идораву муассисаҳои вилоят иштирок намуданд.
Раиси вилоят мӯҳтарам Ёдгор Файзов ҳамаи иштирокдорони чорабиниро бо ин санади муҳими сиёси табрик намуда қайд карданд, ки таърих гувоҳ аст, ки Конститутсияи имрузаи давлати соҳибихтиёри Тоҷикистон дар вазъияти номутташаниҷи сиёсӣ қабул карда шудааст. Агар ба таърихи Конститутсияи Ҷумҳурии Тоҷикистон назар афканем ба мо маълум мегардад, ки дар Тоҷикистон то ба имруз 5 маротиба Конститутсия қабул карда шудааст. Аммо дар таърихи тоҷикон Конститутсияи имрузамалкунанда Конститутсияе мебошад, ки Тоҷикистонро давлати соҳибихтиёр, демократӣ, ҳуқуқбунёд, дунявӣ, ягона ва иҷтимоӣ эълон кард. Конститутсия ин кафолати озодӣ, шаъну шараф ва ҳуқуқи инсонии ҳар як шаҳрванди Тоҷикистон аст. Давлати мустақил давлатеро меноманд, ки дорои рамзҳои давлатӣ, сарҳад, артиш мебошад. Дар баробари ҳамаи ин ҳар як давлат қонуни асосӣ дорад, ки дар он ҳуқуқ ва вазифаҳои шаҳрвандонаш сабт шудаанд. Дар Ҷумҳурии Тоҷикистон ҳам китобе ҳаст, ки мо онро «Қонуни бахт», «Бахтнома» мегӯем, зеро дар ин китоб, ки Конститутсияи Ҷумҳурии Тоҷикистон ном дорад, тамоми қонуниятҳои зиндагонии сокинони кишвар сабт шудааст. Бояд ҳар як сокини ҷумҳурӣ ин китоби муқаддаси миллатро эҳтиром карда, дар доираи арзишҳои он кору фаъолият намояд.
Баъди суханронии раиси вилоят барномаи консертӣ бахшида ба 25 солагии Конститутсияи Ҷумҳурии Тоҷикистон аз тарафи аҳли фарҳанги шаҳри Хоруғ пешкаши иштирокдорон гардид.