Месяц: Июнь 2021

17 июни соли ҷорӣ Вазири меҳнат, муҳоҷират ва шуғли аҳолии Ҷумҳурии Тоҷикистон Ширин Амонзода бо ҳамроҳии Раиси ВМКБ Ёдгор Файзов дар ноҳияи Шуғнон сафари корӣ анҷом доданд. Зимни сафари корӣ дар ноҳияи Шуғнон Вазири меҳнат ва шуғли аҳолии Ҷумҳурии Тоҷикистон ва Раиси вилоят бо ҷараёни корҳои сохтмонӣ дар бинои нави шӯъбаи Агентии меҳнат ва шуғли аҳолии ноҳияи Шуғнон, ки бо маблағузории Вазорат бунёд шуда истодааст, шиносоӣ намуда, ба фармоишгари сохтмон барои бо сифат ва дар мӯҳлати муайяншуда мавриди истифода қарор додани бино супоришҳои мушаххас доданд. Тазаккур бояд дод, ки айни ҳол 95 фисади корҳои сохтмонӣ дар бинои нави шӯъбаи Агентии меҳнат ва шуғли аҳолии ноҳияи Шуғнон ба иҷро расонида шуда, он дар арафаи таҷлили ҷашни З0 солагии Истиқлолияти давлатии Ҷумҳурии Тоҷикистон мавриди истифода қарор дода мешавад. Ҳамзамон, Вазири меҳнат, муҳоҷират ва шуғли аҳолии Ҷумҳурии Тоҷикистон Ширин Амонзода аз фаъолияти Литсейи касбии техникии ноҳия дидан ба амал овард. Зимни шиносоӣ бо фаъолият ва раванди таълим дар Литсейи касбии техникии ноҳияи Шуғнон Вазири меҳнат, муҳоҷират ва шуғли аҳолии Ҷумҳурии Тоҷикистон масъулини муассисаро барои омода намудани мутахассисони соҳаҳои гуногуни хизматрасонӣ даъват намуда, зикр намуданд, ки ҳадафи эълон гардидани солҳои 2019 -2021 ҳамчун “Солҳои рушди деҳот, сайёҳӣ ва ҳунарҳои мардумӣ” ин пеш аз ҳама омода намудан ва мутобиқгардонии бозори меҳнати кишвар ба талаботи замони муосир мебошад. Аз ин лиҳоз, барои омода намудани мутахассисони баландихтисос ва ҷавобгӯ ба талаботи бозори меҳнат Ширин Амонзода ба роҳбарият ва ҳайати омӯзгорони муассиса маслиҳатҳои муфид доданд. Ҳамчунин, Вазири меҳнат, муҳоҷират ва шуғли аҳолии Ҷумҳурии Тоҷикистон аз бинои нотамоми Литсейи касбии техникӣ дидан ба амал оварда, масъулини Вазоратро вазифадор намуданд, ки ҷиҳати дарёфти манбаҳои маблағгузорӣ аз ҳисоби сармояи хориҷӣ ва грантӣ барои аз нав бунёд намудани бинои таълимии Литсей чораҷӯӣ намоянд.

Раиси Вилояти Мухтори Кӯҳистони Бадахшон ва ҳамзамон сардори Минтақаи мудофиаи ҳудудии № 1 мӯҳтарам Ёдгор Файзов зимни ҷаласаи муштарак бо аъзоёни минтақаи мудофиаи ҳудудӣ, ки роҳбарони мақомоти ҳифзи ҳуқуқ, сардорони раёсату кумитаҳо ва идораву муассисаҳо мебошанд, вазъияти минтақа ва ҷаҳонро мавриди баррасӣ қарор дод. Қайд шуд, ки вазъияти ноамн дар кишвари ҳаммарз – Афғонистон моро ҳушдор медиҳад, ки суботи дохилиро таъмин намоем, дар ҳолатҳои эҳтимолии халалдор сохтани марзи давлатӣ баҳри муҳофизати хоки муқаддаси кишвар истодагарӣ намуда, аксуламали ҷавобиро аз худ нишон диҳем. Тибқи маълумотҳои расмӣ айни ҳол вазъият дар вулусволиҳои Бораку Зебок ва Моҳи Майи Ҷумҳурии исломии Афғонистон мураккаб боқӣ монда, гурўҳҳои тундрав аксари минтақаҳои сарҳадиро таҳти тасарруф қарор дода, ба инфрасохтори кишвари ҳамсоя хисороти моливу ҷониро ворид намуданд. Ёдгор Файзов тақвият додани захираи моддиву техникӣ ва инсониро дар шаҳру ноҳияҳои ҳамсарҳади ВМКБ вазифаи муҳими кори аъзоёни минтақаи мудофиаи ҳудудии № 1 ном бурд. Ба далели ин, муайян ва мушаххас намудани ҷойҳои амн, захираи маводи сўзишвориву хўрок ва либосвориву нақлиёти заруриро дар ҳолатҳои эҳтимолии қабули гурезаҳои иҷборӣ аз хоки кишвари ҳаммарз муҳим маънидод намуд. Раиси ВМКБ Ёдгор Файзов оиди ҳамоҳангсозии нақшаи амал бо аҳолӣ ва кўмаку дастгирии сарҳадбонон ибрози назар намуда, қайд дошт, ки ҳамкории сокинони деҳаҳои наздисарҳадӣ бо сарҳадбонон дар сатҳи зарурӣ ба роҳ монда шуда, ин амалро тақвият бояд дод. Ҳамчунин, роҳбари вилоят бобати ҳарчӣ бештар тавсеа ва таҳким додани фаъолияти минтақаи мудофиаи ҳудудӣ ва гузарондани машқҳои муштараки он ибрози назар намуда, афзуд, ки ҷиҳати оне, ки ВМКБ бо Ҷумҳурии исломии Афғонистон марзи тўлонӣ дорад, ба ин далел пурзўр намудани фаъолияти минтақаҳои мудофиаи ҳудудӣ ба таври доимӣ ва дар ҳолати омодабош қарор доштани аъзоёни он зарур аст

Таҳти раёсати муовини раиси вилоят Умедҷон Носирзода ҷаласаи ситоди вилоятии омодагӣ ба зимистонгузаронӣ доир гардид, ки дар он масъалаи сари вақт омода намудани соҳаҳои иқтисодию иҷтимоӣ барои фаъолияти мунтазам ва самарабахш дар давраи тирамоҳу зимистони солҳои 2021-2022 мавриди баррасӣ қарор гирифт.Сардори Раёсати рушди иқтисод ва савдои мақомоти иҷроияи ҳокимияти давлатии вилоят Имомназар Ақназаров оид ба масъала ахборот дода, қайд кард, ки дар ин самт корҳои муайян анҷом дода шудаанд. Нақшаи захиракунии маводи асосии ғизои босифату дастрас, аз ҷумла орд, равған, шакар, биринҷ, пиёз, картошка, меваю сабзавот ва дигар маҳсулоти озуқаворӣ, ҳамчунин сӯзишвории дизелӣ, ангишт ва ҳезум барои таъмини аҳолӣ тасдиқ гардида, барои иҷрои он фаъолият ба роҳ монда шудааст.Роҳбарони идораву муассисаҳо оид ба омодагӣ ба давраи тирамоҳу зимистони дар пешистода гузориш доданд. Мушкилоти таъмини барқ яке аз масъалаи асосӣ арзёбӣ гардид. Соли гузашта ҷиҳати нарасидани об дар вилоят 11 мегаватт-соат қувваи барқ истеҳсол нашуд, ки боиси ҷорӣ гардидани реҷа дар шаҳру ноҳияҳо гардид. Ширкати барқии «Помирэнерҷи» имсол барои муътадил нигоҳ доштани қувваи барқ тендер эълон намуда, миқдори муайяни гармкунакҳои каммасрафро дастрас хоҳад кард, онҳо ба камтар сарф намудани қувваи барқ мусоидат менамоянд. Таъмини соҳаҳои маориф, тандурустӣ ва фарҳанг бо маводи сӯзишворӣ ва ангишт мавриди баррасӣ қарор дода шуда, пешниҳод гардид, ки барои маблағгузории ин муассисаҳо беҳтар мешуд, агар онҳо дар сатҳи ноҳияҳо мутамарказ карда шаванд. Инчунин васл гардондани гармкунакҳои каммасраф дар ин муассисаҳо ба коҳиш ёфтани қарздорӣ аз қувваи барқ мусоидат хоҳад кард. Дар ҷаласа ҳамчунин доир ба захираи хӯроки чорво, маводи зиддилағжиш, корҳои соҳилмутаҳкамкунӣ ибрози назар карда шуд. Муовини раиси вилоят Умедҷон Носирзода баҳри беҳтар ба роҳ мондани омодагӣ ба давраи тирамоҳу зимистони дар пешистода ба масъулин супоришҳои мушаххас дод.и ещё 30Охват (люди)4ВзаимодействияПродвижение недоступно

44

Субҳи имрӯз Раиси Вилояти Мухтори Куҳистони Бадахшон муҳтарам Ёдгор Файзов коршиносони соҳаи сайёҳии Ҷумҳурии исломии Покистонро ба ҳузур пазируфт. Меҳмонон аз табиати нотакрори Тоҷикистон ҳарф зада қайд доштанд, ки мақсади сафари мо ба вилоят дар ҳамкорӣ бо Кумитаи рушди сайёҳии назди Ҳукумати Ҷумҳурии Тоҷикистон ин омухтани ёдгориҳои таърихӣ ва урфу одати сокиноне, ки дар “Шоҳроҳи абрешим” зиндагӣ доранд мебошад. Меҳмонон баён доштанд, ки дар Ҷумҳурии исломии Покистон, бахусус дар шимоли ин давлат, солҳои охир ҳазорон ёдгориҳои таърихӣ ва расму русуми қадима, тарзи ҳаёти он мардум омухта гардида, чандин қалъаҳо ва ҷойҳои таърихӣ барқарор гардиданд. Дар натиҷа шимоли Покистон ба макони сайёҳии дохилӣ ва хориҷӣ табдил ёфт. Вилояти Мухтори Куҳистони Бадахшон низ дорои ҷойҳои таърихӣ ва фарҳангии ғанӣ буда таваҷҷӯҳи ҳазорон олим, тадқиқотчӣ ва сайёҳро ба худ ҷалб кардааст. Танҳо як хонаи помирӣ ҳазор ҷанбаи фалсафӣ ва таърихи қадима дорад. Пайвасти бойгарии ду кишвар ва барқарор намудани ҳамкории халқҳо ва давлатҳои “Шоҳроҳи абрешим” имкон медиҳад, ки ҷаҳон бо тамаддуни ин халқ шиносоӣ пайдо намоянд ва сайёҳи ба як соҳаи сердаромади мардум табдил ёбад. Барнома дар якҷоягӣ бо Донишгоҳи Осиёи Марказӣ, Асостсиатсияи сайёҳии экологии фарҳангии “Помир” ва Донишгоҳи Гарварди Британияи Кабир бо маблағгузории давлати Ингилистон амали мегардад.Бояд қайд кард, ки ҳамкориҳои иқтисодии Тоҷикистону Покистон баъд аз сафари Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии исломии Покистон боз як густариши тозаеро касб кард ва ин барнома яке аз натиҷаҳои сафари Пешвои миллат ба ин давлат мебошад.

Агентии содироти назди Ҳукумати Ҷумҳурии Тоҷикистон баҳри рушди содироти кишвар ва равнақ додани роҳҳои густариши гардиши савдои хориҷӣ низоми нави содироткунандагони бақайдгирифташудаи Иттиҳоди Аврупоро қабул намуда, бо мақсади муаррифии низоми нави тиҷорат дар минтақаҳои ҷумҳурӣ машваратҳоро доир менамояд. Дар маркази маъмурии Вилояти Мухтори Кўҳистони Бадахшон- шаҳри Хоруғ мизи мудаввар бо иштироки Раиси вилоят Ёдгор Файзов ва масъулини Агентии содироту соҳибкорони вилоят доир карда шуд. Раиси ВМКБ Ёдгор Файзов барои баргузории мизи мудаввар ва муаррифии низоми нави тиҷоратӣ ба намояндагони Агентии содироти назди Ҳукумати Ҷумҳурии Тоҷикистон изҳори сипос баён намуда бо ёдоварӣ аз суханони Пешвои муаззами миллат муҳтарам Эмомалӣ Раҳмон қайд дошт, ки мавзўи содироту тавлиди маҳсулоти воридотивазкунанда яке аз масъалаҳои мубрами рўз маҳсуб меёбад, зеро давлате, ки дар он содирот мавқеи муайян дорад, иқтисоди он давлат пешрафта аст. Соҳибкорони ватаниро зарур аст, ки бо ин нави тиҷорат шинос гарданд, ки аз манфиат холи нахоҳад буд. Арз дошт, ки ба роҳ мондани чунин низоми тиҷоратӣ дар вилоят ва ҷалби соҳибкорон ба истеҳсоли маҳсулоти ватанӣ барои амалӣ намудани яке аз ҳадафҳои стратегии Ҳукумати ҷумҳурӣ –саноатикунонии босуръат мусоидати хуб намуда ба ин васила фаъолияти соҳибкорӣ дар ҳудуди вилоят боз ҳам рушд хоҳад кардМуовини директори Агентии содироти назди Ҳукумати Ҷумҳурии Тоҷикистон Баҳодур Раҳимзода низоми содироткунандагони бақайдгирифташудаи Иттиҳоди Аврупоро барои иштирокдорон муаррифӣ намуда қайд дошт, ки ҳадаф аз қабул намудани низоми мазкур пеш аз ҳама мусоидат ба рушди босуботи миқдору сифати содироти молу маҳсулот ва хизматрасониҳои истеҳсоли ватанӣ, мусоидат дар баланд бардоштани иқтидори содироти кишвар ва мусоидат ҷиҳати ҷалби харидорони мустақим, миёнравони боэътимод, шабакаҳои фурўши молҳои яклухт ва дигар шарикони тиҷоратӣ дониста мешавад. Мушкилоти асосии самти содирот ин мавҷуд набудани марказҳои лагистикӣ, инфросохтори роҳ, маълумоти кофӣ надоштан дар бораи бозори тиҷорат ва хизматрасониҳои бурунмарзӣ маҳсуб меёбанд. Амалӣ намудани низоми нави тиҷоратӣ дар ҷумҳурӣ барои беҳтар намудани сатҳу сифати маҳсулоти содиротӣ мусоидат намуда Агентӣ бо ҷалби соҳибкорону шарикони рушд метавонад ба муваффақиятҳо ноил гардад.Дар ҷараёни мизи гирд иштирокдорон бобати низоми содироткунандагони бақайдгирифташудаи Иттиҳоди Аврупо суолҳо пешниҳод намуда ҷавобҳои мушаххас гирифтанд.

Дар машварати назоратии назди Раиси Вилояти Мухтори Кӯҳистони Бадахшон Ёдгор Файзов масъалаҳои рафти иҷрои қарорҳои Раиси вилоят “Дар бораи тасдиқи Барномаи мақсадноки давлатии рушди комплекси нақлиёти Ҷумҳурии Тоҷикистон то соли 2025”, “Дар бораи тадбирҳои иловагӣ оид ба иҷрои Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” ва “Дар бораи нақшаи чорабиниҳо оид ба амалисозии Стратегияи рушди сайёҳӣ дар Ҷумҳурии Тоҷикистон барои давраи то соли 2030, барои солҳои 2019-2022”, ки дар асоси Фармони Президенти Ҷумҳурии Тоҷикистон ва қарорҳои Ҳукумати мамлакат қабул гардидаанд, мавриди баррасӣ қарор гирифтанд.Оид ба раванди амалигардонии Барномаи мақсадноки давлатии рушди комплекси нақлиёти Ҷумҳурии Тоҷикистон то соли 2025 сардори муассисаи давлатии “Идораи хоҷагии роҳҳои автомобилгард»-и вилоят Рамазонов Гулаёз гузориш дода, қайд сохт, ки мақсади асосии Барнома ин андешидани маҷмӯи тадбирҳо оиди рушди бомароми комплекси нақлиётӣ ва бунёди шабакаи инфрасохтори нақлиётӣ буда, он ба таъмини талаботи хоҷагии халқ ва беҳбудии сатҳи некӯаҳволии мардум нигаронда шудааст. Дар ин самт соҳаи роҳ ва роҳдорӣ мавқеи муҳим доранд. Маълум гардид, ки айни замон дар ҳудуди вилоят 64 хатсайри мусофиркашонӣ мавҷуд буда, 11 ҷамъият ба фаъолияти мусофиркашонӣ ва ва 1 ҷамъият ба боркашонӣ машғул мебошанд. Дар соли ҷорӣ 187, 7 ҳазор тонна бор кашонида ва ба 2,7 мусофир хизмат расонда шудааст, ки мутаносибан нисбати ҳамин давраи соли гузашта 73,8 ва 16,4 фоиз зиёд мебошад. Бист соҳибкор иҷозатнома барои фаъолият дар соҳаро гирифтаанд.Сохтмон ва таҷдиди роҳу кӯпрукҳо яке аз вазифаҳои афзалиятнок ба шумор рафта, айни ҳол сохтмону таҷдиди роҳу кӯпрукҳо дар мавзеи Шкев-Қалъаихумб ба маблағи 31,3 млн. доллари амрикоӣ идома дошта, дар дигар ноҳияҳо бунёди 18 кӯпрук ба маблағи умумии 20 млн. доллари амрикоӣ оғоз ёфт.Новобаста аз ин ва дигар корҳои анҷомдодашуда вазъи роҳ дар баъзе мавзеъҳо хуб набуда, ба таъмир ниёз дорад. Баланд шудани нархи сӯзишворӣ ва равғанҳои молиданӣ низ ба таъмири саривақтии ҷории роҳҳо монеа эҷод менамояд.Раиси вилоят вобаста ба танзими нарху навои нақлиёт ва барқарор намудани хизмарасонӣ аз тариқи нақлиёти ҳавоӣ ба масъулин супориш дода, вобаста ба раванди иҷрои сифатноки ҳар як банди Барнома аз сардорони идораву муассисаҳои дахлдор талаб намуд, то тадбирҳои судманд андешида, пешниҳодҳои мушаххас манзур намоянд.Сафарқулова Ҳавобегим –мудири бахши ҳуқуқи кӯдаки МИҲД-и вилоят роҷеъ ба ҷараёни иҷрои Фармони Президенти Ҷумҳурии Тоҷикистон “Дар бораи тадбирҳои иловагӣ оид ба иҷрои Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” қайд намуд, ки дар мақомоти иҷроияи ҳокимияти давлатии вилоят, шаҳру навоҳии он ва муассисаҳои таълимӣ комиссияҳо таъсис ёфта, фаъолият намуда истодаанд. Аъзоёни комиссияҳо пайваста бо волидайн вохӯрию мулоқот гузаронда, корҳои фаҳмондадиҳӣ бурда, ба муассисаҳои таълимӣ кӯмак мерасонанд. Натиҷаи фаъолияти дастаҷамъона дар ин самт самаранок буда, сатҳи таълиму тарбия беҳбудӣ ёфта, иштироки толибилмони вилоят дар олимпиадаву озмунҳо муваффақона мебошад. Таъсиси комиссияҳои ҷамъиятӣ, бунёди толору майдончаҳои варзишӣ ва муҳайё сохтани шароити мусоид дар муассисаҳои таълимӣ низ ба раванди самарабахши кор мусоидат намуд.Аммо аз ҷониби баъзе волидайн хунукназарӣ ва саҳлангорӣ дар иҷрои бевоситаи масъулияти худ ба мушоҳида мерасад. Ҷаримабандӣ ва рейдҳои гузаронда нишон доданд, ки баъзе наврасон ба шабгардӣ машғул буда, баъзеи дигар телефонҳои мобилиро дар муассисаи таълимӣ истифода бурда, аз зери назорати волидайн то ҷое берун мемонанд.Ёдгор Файзов таваҷҷӯҳи масъулинро бобати иҷрои самараноки Қонуни мазкур ба он ҷалб намуд, ки бо волидайн бояд бештару беҳтар корҳои фаҳмондадиҳӣ ва таблиғотию ташвиқотиро ба роҳ монд, зеро дар ин росто масъулияти волидайн хеле баланд аст. Волидайнро зарур аст, ки ҳангоми таҳияи ҳаёти оилавӣ афзалияти аввалиндараҷа бояд ба таълиму тарбияи кӯдак дода, дар доираи имконият шароити таълиму тарбияи онҳоро муҳайё ва бо мактаб равобити зичро роҳандозӣ намоянд.Зимни баррасии масъалаи амалигардонии нақшаи чорабиниҳо оид ба амалисозии “Стратегияи рушди сайёҳӣ дар Ҷумҳурии Тоҷикистон барои давраи то соли 2030, барои солҳои 2019-2022” мудири шӯъбаи сайёҳии МИҲД-и вилоят Амонбеков Симбод зикр намуд, ки бо сабаби паҳншавии бемории сироятии COVID-19 ва муташанниҷ будани вазъи минтақа вуруди сайёҳон ба вилоят коста гардид. Бо вуҷуди ин, бо мусоидати мақомоти маҳаллӣ айни замон дар ҳудуди вилоят 4 маркази иттилоотӣ ва 44 ширкати сайёҳӣ фаъолият дошта, омодаанд ба сайёҳони хориҷӣ ва дохилӣ хизмат расонанд. Дар доираи Стратегияи мазкур, бо дастуру ҳидоятҳои Президенти Ҷумҳурии Тоҷикистон, Пешвои миллат, мӯҳтарам Эмомалӣ Раҳмон, дар ҳудуди вилоят, инфрасохтори муҳим бунёд гардида, бобати ба минтақаи сайёҳии ба талабот ҷавобгӯ табдил додани Бадахшон лоиҳаҳо амалӣ шуда истодаанд. Бо дастгирии шарикони рушд ёдгориҳо ва мавзеъҳои таърихии вилоят таҷдиду тармим ва инфрасохтори сайёҳӣ, аз қабили ҳамому ташноб, меҳмонхонаю ошхонаҳои сарироҳӣ ва ғайра сохта шуда истодаанд.Яке аз масъалаҳои муҳими ҷалби сайёҳон ин баланд бардоштани сатҳи хизматрасонӣ дар ҳамаи самтҳо мебошад. Барои ин кор ягон монеаи сунъӣ набояд бошад, зеро аз як ҷиҳат соҳаи мазкур агар манфиати иқтисодӣ дошта бошад, аз ҷониби дигар он муаррифкунандаи фарҳангу арзишҳои миллӣ дар сатҳи ҷаҳонӣ аст. Аз ин рӯ, моро зарур аст, ки дар ин ҷода, бо истифода аз ҳамаи имкониятҳо, талош намоем, -қайд намуд Раиси вилоят, -то сатҳу сифати корро ба талаботи замон мувофиқ ва ҳарчи бештар сайёҳонро ба вилоят ҷалб созем.Вобаста ба масъалаҳои баррасишуда, дар асоси таклифу пешниҳодҳо, ба масъулини раёсату идора ва мақомоти иҷроияи ҳокимияти давлатии шаҳру ноҳияҳои вилоят, бобати тавсеаи корҳо ва бартараф намудани норасоиҳо супоришҳои аниқ дода шуданд.2 101Охват (люди)274ВзаимодействияПродвижение недоступно

4040Комментарии: 3Поделились: 6НравитсяКомментироватьПоделиться

Дар замони ҳозира тамоюли рушди саноату технология, бемаҳдуд ва ғайриоқилона истифода бурдани боигариҳои зеризаминӣ ва дигар омилҳои манфӣ боиси тағйири иқлим дар кулли сайёра гашта истодаанд. Дар натиҷа ҳаво гарм, пиряхҳо об, замин ба коррозия дучор омада, хушксолӣ бисёр минтақаҳоро фаро гирифта истодааст. Муносибати ғайриоқилона ба муҳит, шикори ғайриқонунии ҳайвонот ва истифодаи ғайрисамараноки растаниҳо ба кам гаштан ва дар баъзе мавридҳо ҳатто ба аз байн рафтани намуду навъи нодири онҳо оварда расонд.Аз ин рӯ, айни ҳол, ҳукумату давлатҳо, ташкилоту ашхоси ҷудогонаи дӯстдори табиат саъю талош намуда истодаанд, ки ҷиҳати ҳифзи табиати зебои сайёра ва набототу ҳайвоноту паррандаҳои нодири он, бо истифода аз ҳамаи абзорҳо, на танҳо таваҷҷӯҳи кулли инсониятро ҷалб созанд, балки бо иқдомҳои амалӣ бобати пешгирии ин раванди номатлуб чораҳои амалӣ андешанд.Дар Тоҷикистони биҳиштосои мо низ, дар радифи Ҳукумати мамлакат, созмону ташкилотҳо ва шахсони ватандӯсту соҳибмаърифат дар ин ҷода аз худ ташаббус нишон дода, бо корҳои хайри худ дар ҳифзу зиёд намудани боигариҳои табии Ватан, аз он ҷумла, ҳайвоноту паррандагони нодири он саҳми сазовор мегузоранд. Соҳибкори муваффақ, роҳбари Ҷамъияти дорои масъулияти маҳдуди “Мурғоб” Зафар Бекмуродӣ бо шарикони ҳамкору ҳамақида дар ин самт пайваста кӯшиш намуда, бо пиёда намудани амалҳои нек баҳри баланд бардоштани фарҳанги экологӣ, идроки табиатдӯстдории аҳли ҷомеъа ва ҷалби бештари таваҷҷӯҳи мардум ба масъалаҳои муҳофизати табиат, истифодаи сарфакоронаи захираҳои он, муҳайё сохтани шароити хуби зисту зиёдшавии ҳайвоноту парранда ва наботот саҳми муносиби худро гузошта истодааст.Ин дафъа аз ҷониби соҳибкори муваффақ ва шариконаш, бо ин мақсад, ба маблағи зиёда аз 45 ҳазор сомонӣ, суратҳои рангаи ҳайвоноту паррандаҳои нодири Тоҷикистон харидорӣ гардида, барои мақомотҳои иҷроияи ҳокимияти давлатии вилоят ва шаҳри Хоруғу ноҳияи Ванҷ, муассисаи давлатии Мактаби Президентӣ, МТМУ № 8, Маркази саломатӣ, Литсей ва Маркази тибби Оғохони шаҳри Хоруғ, инчунин ба Театри вилоятӣ тақдим гардиданд. Аз як ҷиҳат ин суратҳо агар диққати мардумро ҷалб созанд, аз ҷониби дигар имконияти беҳтари шиносоӣ бо табиати биҳиштосои диёр пайдо шуда, завқи зебоипарастӣ тавсеа меёбад.1 462Охват (люди)71ВзаимодействияПродвижение недоступно

1717Комментарии: 1Поделились: 3НравитсяКомментироватьПоделиться

Бо ташаббус ва дастгириҳои ҳамаҷонибаи давлату Ҳукумати Ҷумҳурии Тоҷикистон ва шахсан Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар замони соҳибистиқлолии кишвар соҳаи тандурустӣ ба дастовардҳои арзанда ноил гардид. Бо таъмин шудани бемористонҳо бо шифокорони соҳибкасб сифати хизматрасонии муассисаҳои соҳаи тандурустӣ шаҳру ноҳияҳои Вилояти Мухтори Кўҳистони Бадахшон беҳбудӣ ёфта, хизматрасонӣ ба аҳолии вилоят боз ҳам беҳтару хубтар гардид. Бо ҷаҳду талошҳои мақомоти иҷроияи ҳокимияти давлатии вилоят дар ҳамкорӣ бо Бонки аврупоии таҷдид ва рушд , Хадамоти Оғохон оид ба тандурустӣ ва ризокороне, ки дар давлатҳои ҷаҳон таҳсил ва кору фаъолият доранд ба Маркази тиббии Оғохони шаҳри Хоруғ дастгоҳи истеҳсоли оксиген ба маблағи 107 ҳазор евро аз давлати Фаронса харидорӣ ва дар муҳлати кўтоҳи вақт вориди вилоят шуданд. Дар харидории ин таҷҳизоти замонавӣ саҳми мақомоти иҷроияи ҳокимияти давлатии вилоят 30 хазор сомони , Бонки аврупоии таҷдид ва рушд 50 ҳазор евро, Хадамоти Оғохон 38 000 доллар ва ҳиссаи ризокорони гурўҳи «Помир 16 000 ҳазор евроро ташкил медиҳад Дар маросими супоридани дастгоҳи истеҳсоли оксиген Раиси Вилояти Мухтори Кўҳистони Бадахшон Ёдгор Файзов , Директори Бонки аврупоии таҷдид ва рушди хонум Айтен Рустамова ва намояндаи ризококрон Гулру Назирова ширкат намуданд. Бояд қайд намуд, ки аз ҷониби Вазорати тандурустӣ ва ҳифзи иҷтимои аҳолии Ҷумҳурии Тоҷикистон дар доираи дастуру супоришҳои Пешвои муаззами миллат муҳтарам Эмомалӣ Раҳмон аллакай се дона чунин дастгоҳ барои Беморхонаи вилоятии шаҳри Хоруг, беморхонаҳои ноҳияҳои Рушон ва Дарвоз дастрас шуданд ва айни ҳол корҳои васлкунии онҳо идома дорад. Дар накша аст, ки то Ҷашни бузурги миллӣ 30 солагии Истиклолияти давлатии Точикистон боз се адад чунин дастгоҳҳо барои беморхонаҳои ноҳияҳои Ванҷ, Ишкошим ва Рошткалъа аз тарафи Вазорат таъмин карда мешаванд.и ещё 7

Раиси Вилояти Мухтори Куҳистони Бадахшон муҳтарам Ёдгор Файзов директори Бонки Аврупоии таҷдид ва рушд хонум Айтен Рустамоваро ба ҳузур пазируфтанд. Зимни мулоқот оиди амалишавии як қатор барномаҳо ва лоиҳаҳо маълумот манзур гардонида шуд. Раиси вилоят Ёдгор Файзов зикр намуд, ки ҳануз соли 2013 Бонк барои шаҳри Хоруг 8 млн евроро ( 50 фоиз қарз ва 50 фоиз грант) барои азнавсозии хати об, ташноб ва сохтмони партовгоҳи замонавӣ бо сохтмони як қатор биноҳҳои маъмурӣ ва хариди техника ҷудо намуд, вале Вазорати молия бо назардошти қобилияти пардохтнопазирии шаҳри Хоруғ онро тасдиқ накард. Танҳо бо дахолатии бевоситаи Пешвои миллат, Президенти кишвар, Ҷаноби Олӣ, муҳтарам Эмомалӣ Раҳмон дар соли 2019 масъала ҳалли худро ёфт.Зикри карда шуд, ки дар зарфи 30 соли истиқлолияти давлатии Ҷумҳурии Тоҷикистон баҳри пешбурди корҳои бунёдиву созандагӣ Ҳукумати кишвар дар ҳамдастӣ бо шарикони рушд ба натиҷаҳои назаррас ноил гардид. Дар шаҳри Хоруғ бо тадбиқи чандин лоиҳаҳо, ки бо дастгирии мақомоти иҷроияи ҳокимияти давлатии вилоят ва сармоягузорони хориҷӣ ба роҳ монда шудаанд Рафти корҳои созандагӣ дар ин лоиҳаҳо аён ба назар мерасад. . Имруз корҳои замини ва сохтмони баҳри сохтмони бинои Хоҷагии манзилию комуналии шаҳр, таъмир ва таҷҳизонидани бинои идораи об ва ташноби шаҳр, иваз намудани стансияҳои кашидани оби ташноб(канализация], аз навсозии ҳавзҳои оби ташноб, хатҳои оби нушоки ва ташноб , сохтмони нуқтаҳои партовпартои ва майдони асосии партовгоҳ ва хариди техника барои идораи хоҷагии манзилию коммуналӣ идома дорад. Раиси вилоят аз рафти иҷрои барномаҳои дигар ва мушкилотҳои ҷойдошта бахусус мушкилот зимистони имсола ва камчинии об низ суҳбат кард.Тарафҳо ба мувофиқа расиданд, ки баъди бомуваффақияат ба анҷом расидани ин барнома, мақомоти иҷроияи ҳокимияти давлатии вилоят метавонад боз як лоиҳаи навро ба Бонки мазкур пешниҳод намояд.

Раиси Вилояти Мухтори Куҳистони Бадахшон муҳтарам Ёдгор Файзов намояндагони гуруҳи ташаббускори «Равшандилон» Соро Музофиршоева ва Наргис Раҳматшоеваро ба ҳузур пазируфт. Раиси вилоят меҳмононро ба вилоят хайра мақдам хонда барои ташкил намудани чорабиниҳои фарҳанги изҳори сипос баён намуданд. Зимни суҳбат ҷонибҳо оид ба гузаронидани чорабинии фарҳанги дар шаҳри Хоруғ зери унвони «Гулдухтарон тоҷик», ки ба эҷодиёти санъаткорони маъруфи тоҷик, Майсара Дилдорова, Сафарбегим Тошхуҷаева, Нуқра Раҳматова ва Улфатмоҳ Мамадамбарова бахшида мешавад, суҳбат карданд. Қайд карда шуд, ки чорабинии мазкур баҳри арҷгузори ба муқаддасоти волои миллӣ, ҷашни 30 солагии Истиқлолияти Ҷумҳурии Тоҷикистон-неъмати бебаҳои давлати бахшида мешавад. Ин иқдом аз тарафи роҳбарияти вилоят дастгири гардида пешниҳод карда шуд, ки ҳангоми гузаронидани чорабинии мазкур овозхонони ҷавон низ даъват карда шаванд то ки аз ҳунару истеъдоди собиқадорони соҳаи фарҳанг бархурдор гарданд. Дар фарҷоми мулоқот Раиси вилоят бори дигар ба меҳмонон барои ташкил намудани чорабиниҳои фарҳанги ва ба саҳнаи ҳунар даъват кардани собиқадорони соҳаи фарҳанг, ки ҳанӯз ҳам мухлисони хеле зиёд доранд изҳори сипос ва миннатдорӣ баён намуданд.